ينفورماتسيا اشكەرەلەۋ: mzjubao@cnr.cn

اۋىل اۋانى

نىلقى اۋدانى ەرەكشە باعىمشىلىق ارقىلى، حالىقتى اۋقاتتاندىرۋدىڭ جاڭا كاسىبىن بەلسەنە دامىتتى

来源:جۇڭگو قازاق راديو تورابى     |责编:阿依娜古丽|     发布日期: 2019-11-08 15:28

سۋرەتتە: باعىمشىلىق بازاسىنداعى تۇيە قۇس


    ەركىنبەك وكەن ۇلى حابارلايدى. سوڭعى جىلدارى، نىلقى اۋدانى كاسىپ قۇرىلىمىن رەتتەۋدى بەلسەنە ىلگەرلەتىپ، ەرەكشە باعىمشىلىق كاسىبىن كۇش سالا دامىتۋعا بارىنشا ءمان بەرۋىندە ەرەكشە باعىمشىلىق تۇرلەرى جىل سايىن كوبەيىپ، كولەمى دە بارعان سايىن كەڭەيە تۇستى. وزىندىك ەرەكشەلىككە يە قۇس، مال ونىمدەرى اۋداننىڭ بازار قاجەتىن قاناعاتتاندىرىپ قالماستان، باسقا اۋدان-قالالارعا دا ساتىلىپ، باعىمشىلىقپەن شۇعىلداناتىن وتباسىلارىنىڭ كىرىستى ارتتىرۋ ارناسى كەڭەيىپ، بۇقارانىڭ اۋقاتتانۋ جولىنا تۇسۋىنە تىڭ جول اشىلدى.


    تۇيە قۇس افريكادا تىرشىلىك ەتەدى. ٴنىلقى اۋدانى مىس قالاشىعى مىس قىستاعىنىڭ تۇرعىنى جاۋ يۇن تۇيە قۇستى جەرلىك ورىننىڭ كىليماتىنا ۇيلەستىرىپ، تۇيە قۇس باعىمشىلىعىمەن شۇعىلدانىپ، وتباسى كىرىسىن ارتتىرىپ، اۋقاتتانۋىنا جولىنا تۇستى. ءبىز جاۋ يۇندى ءوزىنىڭ جۇڭشين باعىمشىلىق سەلبەستىك كوپەراتيۆىندە قاربالاس جۇرگەن جەرىنەن كەزدەستىردىك. ونىڭ تانستىرۋىنا قاراعاندا، بىلتىر 8-ايدا تۇيە قۇس بالاپانىن اكەلگەننەن قازىرگە دەيىن، زەر سالا باعۋىندا جەرلىك ورىننىڭ كليماتىنا ۇيلەسىپ، تەز جەتىلگەن.


    نىلقى اۋدانى مىس قالاشىعى مىس قىستاعىنىڭ باعىمشىلىق وتباسى جاۋ يۇن: «وتكەن جىلى 8 ـ ايدىڭ باسىندا اكەلگەن تۇيە قۇس بالاپانى ءبىر جىلدىق ىجداعاتتىقپەن باعۋ ارقىلى 135 ى قاتارعا قوسىلىپ، قاتارعا قوسىلۋ مولشەرى نەگىزىنەن %80 تەن جوعارى بولدى»،-دەدى.


    تۇيە قۇس باعىمشىلىعىنىڭ وزىندىك قۇنى تومەن، ەكونوميكالىق قۇنى جوعارى، ونىڭ ۇستىنە ٴءوسۋى تەز، باعۋعا قولايلى، اۋرۋعا قارسىلىق قۋاتى كۇشتى، تۇلا بويى تولعان اسىل. بازاردا ساتۋ تالابىنا جەتكەننەن كەيىن، جاۋ يۇن شينجياڭ كولەمىندەگى كوپتەگەن ەرەن بازار، دۇكەندەرمەن جانە ىشكى ولكەلەردەگى تەرى بۇيىمدارىن مانەرلەۋ زاۆودتارىمەن قامداۋ-ساتۋ كەلىسىمىن جاساسىپ، وتباسى كىرىسىن ارتتىردى.


    بۇل جونىندە جاۋ يۇن: «ٴۇرىمجى، قۇلجا، نىلقى اۋداندارىنداعى تاعامجايلارمەن توقتامداسىپ، قازىرگە دەيىن 8 تۇيە قۇس ساتتىم. ءبىر تۇيە قۇستان كىرەتىن كىرىس 7500 يۋاننىڭ ۇستىندە بولادى»،-دەدى.


    قازىر جاۋ يۇننىڭ تۇيە قۇس باعىمشىلىق الاڭى قىستاقتىڭ كوركەم كورىنىسىنە اينالدى، جايشىلىقتا كوپتەگەن قىستاق تۇرعىندارى تۇيە قۇستى تاماشالايدى. سونىمەن بىرگە، سەلبەستىك كووپەراتيۆى قۇرىلعان العاشقى كەزدەن باستاپ، جاۋ يۇن «كاسىپتىك سەلبەستىك كووپەراتيۆى + كاسىپ بازاسى + شارۋا وتباسى» سىندى جۇمىس جۇرگىزۋ ٴءتاسىلىن قولدانىپ، توڭىرەگىندەگى باعىمشىلىقپەن شۇعىلدانۋ ويى بار قىستاق تۇرعىندارىن تۇيە قۇس باعىمشىلىعىمەن شۇعىلدانىپ، وتباسى كىرىسىن ارتتىرىپ، اۋقاتتانۋ جولىنا تۇسۋىنە جەتەكشىلىك ەتتى.


    سوڭعى جىلدارى، نىلقى اۋدانى وسى زامانعى ەگىن، مال شارۋاشىلىعىنىڭ دامۋ اياق الىسىن ۇزدىكسىز جەدەلدەتىپ، ەرەكشە كاسىپ سالاسىنا قاراي ويىسۋعا كۇش سالىپ، ەرەكشە ەگىمشىلىك، باعىمشىلىق كاسىبىن دامىتۋعا بەلسەنە جەتەكشىلىك ەتىپ، شارۋالاردىڭ كىرىسىن ارتتىرۋ ارناسىن ونان ارى كەڭەيتتى. «ءٴبىر اۋىلدا ٴءبىر ٴءونىم»، «ٴءبىر قىستاقتا، ٴءبىر كاسىپتى» دامىتۋ ارقىلى تۇيە قۇس، كەپتەر، ٴسان ۋىن بالىعى سياقتى سيرەك كەزدەسەتىن ەرەكشە باعىمشىلىعىن جولعا قويىپ، تۇتاس اۋداننىڭ ەرەكشە ەگىن-مال شارۋاشىلىعىنا تىڭ ومىرشەڭدىك كۇش باعىشتاپ، كاسىپ سالاسىنىڭ دامۋىنا سۇيەنىش بولاتىن، بۇقارانىڭ اۋقاتتانۋ جولىنا تۇسۋىنە، وتباسى كىرىسىن ارتتىرۋىنا ساياتىن ءبىر توپ ەرەكشە باعىمشىلىق، ەگىمشىلىك تۇرلەرىن ءٴونىمدى تۇردە جۇزەگە اسىردى.


    نىلقى اۋدانى مىس قالاشىعىنىڭ ورىنباسار قالاشىق باستىعى قايرات تولەۋباي ۇلى: «جاقىنعى جىلداردان بەرى، مىس قالاشىعى قازىرگى جاعدايدى تياناق ەتىپ، ۇزاق بولاشاقتى كوزدە ۇستاپ، جەرگىلىكتى جاعدايعا قاراي ىستەپ، ەرەكشە باعىمشىلىق كاسىبىنىڭ ورنىن ٴءدال تاۋىپ، تۇيە، تۇيە قۇس، قىرعاۋىل، تاۋىس سياقتى ەرەكشە باعىمشىلىق كولەمىن ۇزدىكسىز كەڭەيتتى. قازىر 280 تۇيە، 150 تۇيە قۇس، 200 قىرعاۋىل بار. سونىمەن بىرگە، 218- مەملەكەت تاسجولى بويىنداعى «ءتاڭىرتاۋ قىزعالداعى» بايلىق ابزالدىلىعىنا سۇيەنىپ، سەيىل ـ سەرۋەن اۋىل شارۋاشىلىعىن بار كۇشپەن دامىتىپ، سەيىل ـ سەرۋەن مال فەرماسى، اتقا ٴءمىنىپ ساياحاتتاۋ سياقتى مال شارۋاشىلىعى ساياحاتىن بەلسەنە ىلگەرلەتىپ، ەگىن-مال شارۋاشىلىعىنىڭ ونىمدىلىگىن بارىنشا ارتتىرىپ، ەگىنشى-مالشىلاردىڭ كىرىسىن ارتتىرۋعا مىعىم نەگىز قالادىق»،-دەدى.

 

نىلقى اۋدانى مىس قالاشىق پارتكوم ۇگىت كەڭسەسى

中央广播电视总台 央广网 版权所有