ينفورماتسيا اشكەرەلەۋ: mzjubao@cnr.cn

اۋىل اۋانى

اقساي اۋدانى اۋىل ـ قالاشىق ورتاسىن جالپىلىق وڭاپ، تۇرارجاي ورتاسىن جاقسارتىپ، بۇقارانىڭ باقىتتىلىق سەزىمىن تاسقىنداتتى

来源:جۇڭگو قازاق راديو تورابى     |责编:达吾力别克 |     发布日期: 2020-11-20 10:37

اقساي قازاق اۆتونوميالى اۋداندىق توعىسپالى مەديا ورتالىعىنان شيۋ يان، گۇلدەن قابدوللا قىزى حابارلايدى. جۋىقتاعى جىلداردان بەرى، اقساي اۋدانى بۇكىل مەملەكەتتىك تازا اۋدان قالاشىعى اتاعىن بەكەمدەپ، بۇكىل وڭىردە قوقىر – قوقسىق بولماۋدى ارناۋلى وڭاۋ قيمىلى مەن اۋىل –قالاشىق ورتاسىن جالپىلىق وڭاۋ قيمىلىن ءوزارا ۇشتاستىرىپ، بەلسەندىلىكپەن ىسكە كىرىسىپ، جان - جاقتىلى ورنالاستىرۋ جاساپ، اۋىل -قالاشىق ورتاسىنىڭ بەت ـ بەينەسىن شىت جاڭا تۇسكە بولەپ، اۋىل-قالاشىق ورتاسىن وڭاۋ قىزمەتىندە كورنەكتى ناتيجەگە قول جەتكىزدى.


جۋىقتا، اقساي اۋدانىنىڭ ۇلتتىق جاڭا قىستاق الەۋمەتتىك اۋماعىندا، كوپتەگەن تاراۋلار جاڭا كەزەكتەگى ورتانى وڭاۋ قيمىلىن بىرگە قانات جايدىردى. ءار قايسى اۋىل-قالاشىقتار مەن قالا-قالاشىقتاندىرۋ تاراۋلارى شاعىن رايوندار ىشىندەگى كونە قۇرىلىستاردى اقتاپ جانە قايتالاي جوندەپ، الەۋمەتتىك رايون مەن تۇرعىندار رايونى ىشىنە الباتى سالىنعان ءار ءتۇرلى ەرەجەگە قايشى قۇرىلىستاردى شوعىرلى جونگە سالىپ، ەگىنشى ـ مالشىلاردىڭ قىزۋ القاۋىنا يە بولدى.


بۇل جونىندە اقساي اۋدانىنداعى ۇلتتىق جاڭا قىستاق الەۋمەتتىك اۋماعىنىڭ تۇرعىنى چي حۇيلان تىلشىگە كوممۋنيستىك پارتيانىڭ ساياساتى جاقسى، ۇكىمەت كونە قۇرىلىستاردى ءبىر تۇتاس اقتاپ جاڭالاپ بەردى. قازىر ۇلتتىق جاڭا قىستاقتىڭ ورتاسى جاقسارىپ، ورتا تازالىعى كورنەكتى تازاردى،- دەدى.


قازىر ۇلتتىق جاڭا قىستاقتاعى ەكى قاباتتىق شاعىن ساياجايدىڭ ورتاسى تازا، رەتتى، كوركەم دە جانعا -جايلى بولدى. اۋىل – قىستاق بەت-بەينەسىنىڭ كورنەكتى تۇردە جاڭالانۋى قىستاق تۇرعىندارىنىڭ مادەنيەتتى، اقاۋسىز بولۋىنداي تۇرمىس ءتاسىلىن اناعۇرلىم جەبەپ، تۇرعىنداردىڭ تاماشا تۇرمىس ادەتىن قالىپتاستىرۋىن ءونىمدى ىلگەرلەتىپ، بۇكىل اۋدانداعى ءار ۇلت بۇقاراسىنىڭ تابىستىلىق سەزىمى مەن باقىتتىلىق سەزىمىن جوعارىلاتىپ، مەملەكەتتىك تازا قالا اتاعى داڭقىن جالعاستى ساقتادى.


دۋباگۋ قىستاعى اقساي اۋدانىنداعى نەگىزگى ەگىنشىلىك قىستاعى بولىپ، ساياحاتشىلاردىڭ توراڭعى اڭعارى كورىنىس وڭىرىنە كىرۋدە ءسوزسىز باسىپ وتەتىن جەرىنىڭ ءبىرى. سوڭعى جىلداردان بەرى، قىستاق تۇرعىندار كىرىسىنىڭ ۇزدىكسىز ارتۋى مەن تۇرمىس ساپاسىنىڭ جوعارىلاۋىنا ىلەسە، دوباگۋ قىستاعىنداعى شارۋالار قونىستانۋ ورتاسىنا بولعان سۇرانىسى جوعارلاي ءتۇستى. قازىرگى كەزدە كەدەيلىكتەن قۇتىلدىرۋدان قامال الۋ شەشۋشى شايقاسىنىڭ جەڭىسىنە قول جەتكىزۋدىڭ جەبەۋىندە، دوباگۋ قىستاعىنىڭ اۋىل ـ قىستاق تۇرعىن ءۇي ورتاسىن وڭاۋ قىزمەتىندە كورنەكتى ونىمدىلىككە قول جەتكىزدى. قاتەرلى ۇيلەردى بۇزۋ قىزمەتى قاربالاس ءجۇرىلىپ، ” كورىكتى توراڭعى وتباسى“ اۋلاسى ەگىنشىلەردىڭ جاڭا تۇراعىنا اينالىپ، بۇرىنعى توزىڭقى بەت-بەينەنىڭ ورنىن كوركى كوز سۇرىندىرەتىن جاڭاشا بەت-بەينە باستى.


بۇل جونىندە اقساي اۋدانى اقشي اۋىلدىق پارتكومنىڭ شۋجيى قايرات قابدوللا ۇلى تىلشىگە بيىل جىل باسىنان بەرى، اۋداندىق پارتكوم مەن ۇكىمەت اۋىل – قىستاقتاعى تۇرعىن ءۇي ورتاسىن جاقسارتۋ قىزمەتىنە باسا ءمان بەرىپ، ەسكى ءۇيدى جاڭا ۇيگە اۋىستىرۋ، وزگەرتىپ سالۋ، بۇزۋ سياقتى تاسىلدەر ارقىلى دوباگوۋ قىستاعىنىڭ بۇرىنعى بوس تۇرعان توزىعى جەتكەن ۇيلەرى مەن قوقىر - قوقسىق قالدىقتارىن جاپپاي جونگە سالعاندىعىن، كەزەكتە قىستاق ورتا تازالىعىن جالپى بەتتىك وڭاۋ قىزمەتىن جالعاستى تىڭعىلىقتى ىستەپ، دوباگۋ قىستاعىنىڭ لاس، بىلىققان جاعدايىن تۇبەگەيلى وزگەرتىپ، بۇقاراعا ەكولوگيالى، جانعا جايلى، تازا وسىزاماندانعان جاڭاشا اۋىل - قىستاق قۇرىپ بەرۋگە قۇلشىنىس جاسايتىندىقتارىن ايتتى.


ەكولوگيالىق ورتانى جان - جاقتىلى وڭاۋ قىزمەتى بۇقارانىڭ قونىستانۋ ورتاسىن جاقسارتۋمەن بىرگە، اقساي وبرازىن اسىرىپ، قىستاق تۇرعىندارىنىڭ تۇرمىس ساپاسىن زور دارەجەدە جوعارىلاتتى.دوباگۋ قىستاعىنىڭ تۇرعىنى شۇي فۋگۇي بيىل ” توراڭعى وتباسى “ اۋلاسىنا كوشىپ كەلگەن بولاتىن. ول تابيعي گاز بەن قۇبىر سۋى ءبىر تۇتاس جابدىقتانعان كەڭ ءارى جارىق اشەكەيلى جاڭا ۇيگە كىرگەندە جۇزىنەن قۋانىشتىڭ لەبى ەستى.


دوباگۋ قىستاعىنىڭ تۇرعىنى شۇ فۋگۇي كونە ۇيلەردى بۇزىپ، وزگەرتىپ سالۋ قىزمەتى بۇقاراعا ناقتىلى تيىمدىلىك اكەلىپ، جاڭا ۇيگە كوشىپ كىرگەندىكتەرىن، بۇل پارتيانىڭ ءتيىمدى ساياساتىنىڭ بىزگە جەتكىزگەن يگىلىگى ەكەندىگىن ايتتى.


جۋىق جىلداردان بەرى، اقساي اۋدانى اۋىل-قىستاق ۇيلەرىن وزگەرتىپ سالۋ قىزمەتىن وراي ەتىپ، اۋىل-قىستاق بەت-بەينەسىن جاڭالاپ، قالا كوركى مەن قالا كەلبەتىن وڭاۋدى سۇيەنىش ەتىپ، قالاعا قونىستانۋعا، كاسىپكە ورنالاسۋعا، ساياحاتتاۋدى جۇزەگە اسىرىپ، نەگىزدىك قۇرىلعىلار قۇرىلىسىن دانەكەر ەتىپ،فۋنكىتسياسىن يقۋاتتاندىرۋدى قامتاماسىز ەتىپ، رۋحاني وركەنيەت قۇرىلىسىن كۇشەيتۋدى تۇتقا ەتىپ، قالا - اۋىل تۇرعىندارىنىڭ ساپاسىن كورنەكتى جوعارىلاتىپ، مەيلى قالادا، الدە اۋىل - قىستاقتا بولسىن جولى اسپاليتتانعان، كوشەسى تازا، قاتىناسى قولايلى، ورتاسى رەتتى بولۋ تاماشا بەينەسىن جاراتىپ، بۇقارانىڭ اتا-مەكەنىن كورىكتەندىرىپ، باقىتتىلىق سەزىمىن جوعارىلاتتى.

中央广播电视总台 央广网 版权所有

اقساي اۋدانى اۋىل ـ قالاشىق ورتاسىن جالپىلىق وڭاپ، تۇرارجاي ورتاسىن جاقسارتىپ، بۇقارانىڭ باقىتتىلىق سەزىمىن تاسقىنداتتى

جۋىقتاعى جىلداردان بەرى، اقساي اۋدانى بۇكىل مەملەكەتتىك تازا اۋدان قالاشىعى اتاعىن بەكەمدەپ، بۇكىل وڭىردە قوقىر – قوقسىق بولماۋدى ارناۋلى وڭاۋ قيمىلى مەن اۋىل –قالاشىق ورتاسىن جالپىلىق وڭاۋ قيمىلىن ءوزارا ۇشتاستىرىپ، بەلسەندىلىكپەن ىسكە كىرىسىپ، جان - جاقتىلى ورنالاستىرۋ جاساپ، اۋىل -قالاشىق ورتاسىنىڭ بەت ـ بەينەسىن شىت جاڭا تۇسكە بولەپ، اۋىل-قالاشىق ورتاسىن وڭاۋ قىزمەتىندە كورنەكتى ناتيجەگە قول جەتكىزدى.