ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

ٴتوراعا شي جينپيڭنىڭ 2 ـ كەزەكتى يمپورت كورمەسىنىڭ اشىلۋ سالتىندا سويلەگەن ارقاۋ ٴسوزى كۇشتى اڭىس قوزعادى

来源:جۇڭگو قازاق راديو تورابى     |责编:阿依娜古丽|     发布日期: 2019-11-06 15:57

 

ءوز حابارىمىز: ٴتوراعا شي جينپيڭنىڭ 2-كەزەكتى يمپورت كورمەسىنىڭ اشىلۋ سالتىندا سويلەگەن ارقاۋ سوزىندە اشىق ۇستاپ سەلبەستىك جاساۋعا نازار شوعىرلاندىرىلدى، سونداي-اق جۇڭگونىڭ جاڭا شارالار قولدانىپ، اناعۇرلىم جوعارى دەڭگەيدەگى سىرتقا ەسىك اشۋدى ىلگەرىلەتەتىندىگى جاريالاندى. ارقاۋ ٴسوز ماجىلىسكە قاتىناسقان جۇڭگولىق، شەتەلدىك سيلى قوناقتار اراسىندا كۇشتى اڭىس قوزعادى، كوپشىلىك بىلاي دەستى: ٴتوراعا شي جينپيڭنىڭ لەكسياسى جۇرتتى جەلپىندىردى، ٴتۇرلى ساياساتتىق شارالار ٴار ەل كاسىپورىندارىنىڭ ەكونوميكالىق سەلبەستىگىنە، دۇنيە ەكونوميكاسىنىڭ قالپىنا كەلۋىنە، دامۋىنا جاڭا وراي جاراتتى.


    ٴتوراعا شي جينپيڭنىڭ ارقاۋ سوزىندە اشىق ۇستاپ سەلبەستىك جاسايتىن، اشىق ۇستاپ جاڭالىق جاراتاتىن، اشىق ۇستاپ ورتاق يگىلىكتەنەتىن دۇنيە ەكونوميكاسىن ورتاق قۇرۋ دارىپتەلدى. گاۋتۇڭ سەرىكتىگى دۇنيە بويىنشا قول تەلەفون چيپتەرىن جاسايتىن ەڭ ۇلكەن ساۋداگەر. اشىلۋ سالتىندا وسى سەرىكتىكتىڭ جۇڭگو رايونىنىڭ باس القاسى مىڭ پۋ بىلاي دەدى: ٴتوراعا شي جينپيڭنىڭ لەكسياسىندا اشىق ۇستاۋعا نازار شوعىرلاندى، جۇڭگونىڭ تاياۋ جىلداردان بەرگى ەكونوميكالىق دامۋى ەسىك اشۋدان ايرىلا المايدى، ا ق ش كاسىپورنى رەتىندە، گاۋ تۇڭ سەرىكتىگىنىڭ جۇڭگوداعى دامۋشىلىقتارى دا جۇڭگونىڭ بازاردى اشىق ۇستاۋىنان ايىرىلا المايدى. مىڭ پۋ بىلاي دەدى: گاۋ تۇڭ سەرىكتىگى جۇڭگونىڭ رەفورما جاساۋ، ەسىك اشۋ اياق الىسىمەن بۇكىلدەي توعىستى، سونداي-اق جۇڭگونىڭ بازاردى اشىق ۇستاۋدىڭ جەمىسىنەن يگىلىكتەندى. ٴبىز كورمە اشىلعان تاريحي ورايدان، جۇڭگونىڭ رەفورما جاساپ، ەسىك اشۋ ورايىنان ۇزدىكسىز پايدالانىپ، جۇڭگوداعى سەلبەستىك سەرىكتەرمەن سەلبەستىكتى كۇشەيتەمىز.


    مەملەكەت مەنشىگىندەگى ەرەكشە ٴىرى كاسىپورىن رەتىندە، جۇڭگو مۇناي حيميا ونەركاسىبى ەل ىشىندەگى ەڭ ٴىرى وڭدەلگەن مۇنايمەن قامداۋشى كاسىپورىن بولىپ قانا قالماستان، دۇنيەدەگى ەڭ ٴىرى مۇناي ايىرۋ كاسىپورنى بولىپ، بولىمشەلەرى شەتەلدەگى كوپتەگەن ەلدەرگە تارالعان. جۇڭگو مۇناي-حيميا توبىنىڭ اقپارات مالىمدەمەشىسى لۇي داپىڭ بىلاي دەدى: ٴتوراعا شي جينپيڭنىڭ ارقاۋ ٴسوزى مۇناي-حيميا كاسىبى مەن كاسىپورىننىڭ اشىق ۇستاپ سەلبەستىك جاساۋىنا ايقىن باعدار كورسەتتى. لۇي داپىڭ بىلاي دەدى: ٴبىز، ٴسوز جوق، ٴتوراعا شي جينپيڭنىڭ تالابى بويىنشا، ەنەرگيا، حيميا ونەركاسىبىندەگى اشىق ۇستاپ سەلبەستىك جاساۋ كولەمىن ونان ارى كەڭەيتىپ، دۇنيەدەگى ٴار ەلدىڭ كاسىپتەستەرىمەن بىرلىكتە قۇلشىنىپ ادامزاتتىڭ تاعدىرلاس ورتاق تۇلعاسىن قۇرىپ، ٴار ەل حالقىن تاماشا تۇرمىسقا كەنەلتۋگە ەسە قوسۋ ءۇشىن ايانباي كۇرەس جاسايمىز.


    يزرايليانىڭ W a t e r g e n سەرىكتىگى-اۋىز سۋ تازارتۋدا جاڭالىق جاراتۋمەن شۇعىلداناتىن كاسىپورىن. تۇڭعىش كەزەكتى يمپورت كورمەسىنىڭ وراسان زور ىقپالىندا بۇل كاسىپورىن وسى كەزەكتى يمپورت كورمەسىنە تاعى دا قاتىناستى. كاسىپورىننىڭ جۇڭگو رايونىنىڭ باس ۋاكىلى يي-ۋان جاتتىق حانزۋ تىلىندە بىلاي دەدى: ٴتوراعا شي جينپيڭنىڭ لەكسياسى ماعان تەرەڭ اسەر قالدىردى، ەمپورت كورمە تەكشەسىنەن پايدالانىپ، جۇڭگو بازارىن اشۋدى ٴۇمىت ەتەمىن.


    جۇڭگو شاڭ في توپ سەرىكتىگىنىڭ باس شتابى شاڭحايدا. وسى كەزەكتى يمپورت كورمەسىندە جۇڭگو مەملەكەتتىك كورمە سارايىندا C 919 تۇرپاتتى ايروپلان مودەلى جانە ۇقساتپالى كابينكەسى جالپىعا جاريا كورسەتىلدى. كورمەنىڭ اشىلۋ سالتىندا جۇڭگو شاڭفي شاڭحاي ايروپلان جولاۋشىلارعا قىزمەت وتەۋ شەكتى سەرىكتىگىنىڭ جاۋاپتىسى لۋ جىڭ بىلاي دەدى: ٴتوراعا شي جينپيڭنىڭ لەكسياسى ەرەكشە جان جەلپىندىرەرلىك بولدى. ويتكەنى، اشىق ۇستاۋدا ٴبىز ەكسپورت ەتىپ قانا قويماي، يمپورت ەتىپ، ٴوزارا بايلانىستى كۇشەيتۋىمىز كەرەك. وسى نەگىزدە، ٴبىز بۇكىل دۇنيە ٴجۇزىنىڭ ەكونوميكالىق سەلبەستىگىنە ٴوز ۇلەسىمىزدى قوسۋىمىز، بۇكىل دۇنيە ٴجۇزى ەكونوميكاسىنىڭ دامۋىنا جۇڭگو ۇلەسىن قوسۋىمىز كەرەك.


اۋدارعان: قاناتبەك جۇماباي ۇلى

中央广播电视总台 央广网 版权所有