ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 11 ـ رەتكى ءماجىلىسىن باسقارىپ اشتى

来源:جۇڭگو قازاق راديو تورابى     |责编:达吾力别克 |     发布日期: 2019-11-27 09:57

شي جينپيڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 11 ـ رەتكى ءماجىلىسىن باسقارىپ اشىپ، پارتيا 19 ـ كەزەكتى ورتالىق كوميتەتى ءتورتىنشى جالپى ءماجىلىسىنىڭ ماڭىزدى شارالارىن تياناقتاندىرىپ، رەفورمانى ۇزدىكسىز جاپپاي تەرەڭدەتىپ، رەفورما شارالارىنىڭ ورگانيكالى ۇشتاسۋى مەن توعىسپالى دايەكتەندىرىلۋىن جۇزەگە اسىرۋدى باسا دارىپتەدى، لي كچياڭ، ۋاڭ حۋنيڭ، حانجىڭ قاتارلىلار ماجىلىسكە قاتىناستى


ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىقتىڭ رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 11-ايدىڭ 26-كۇنى تۇستەن كەيىن ورتالىقتىڭ رەفورمانى جاپپاي تەرەڭدەتۋ كوميتەتىنىڭ 11 ـ رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى باسا دارىپتەدى: پارتيا 19 ـ كەزەكتى ورتالىق كوميتەتىنىڭ ءتورتىنشى جالپى ءماجىلىسى مەن پارتيا 18 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ تاريحي لوگيكاسى تامىرلاس، نازاريالىق لوگيكاسى ءوزارا تىرەك بولىپ، امالياتتىق لوگيكاسى، نىسانالارىءبىر ـ بىرىمەن قابىسىپ، كەلەلى ورنالاستىرۋلاردى ۇزدىكسىز ىلگەرىلەتتى. پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى رەفورمانى جاپپاي تەرەڭدەتۋدىڭ نازاريالىق جەتىستىكتەرىن، تۇزىمدىك جەتىستىكتەرىن، امالياتتىق جەتىستىكتەرىن جۇيەلى جيناقتاۋمەن بىرگە، جاڭا داۋىردەگى رەفورمانى جاپپاي تەرەڭدەتۋگە اناعۇرلىم ايقىن جوعارى دەڭگەيلى جوبا جاسادى. جۇڭگوشا سوتسياليستىك تۇزىمگە تاباندى بولۋدى جانە ونى كەمەلدەندىرۋدى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدى وزەك ەتىپ، رەفورما ارقىلى مەملەكەت ءتۇزىمى مەن مەملەكەتتى باسقارۋ جۇيەسى قۇرىلىسىن ىلگەرىلەتۋ سانالىلىعىن كۇشەيتىپ، ءتۇزىم قۇرىلىسى سىندى وسى نەگىزگى جەلىنى كورنەكتىلەندىرىپ، رەفورمانى ۇزدىكسىز جاپپاي تەرەڭدەتۋ، ءتۇرلى رەفورما مىندەتتەرىن ورىنداۋ جاعدايىن تەكسەرىپ، رەتكە سالۋ كەرەك. ورتالىق كوميتەتتىڭ ءتورتىنشى جالپى ماجىلىسىندە ورنالاستىرىلعان ماڭىزدى شارالاردى قىزمەت كۇن تارتىبىنە دەر كەزىندە ەنگىزىپ، پارتيا ورتالىق كوميتەتى بەلگىلەگەن مەملەكەتتى باسقارۋعا شۇعىل قاجەتتى ءتۇزىم، حالىقتىڭ تاماشا تۇرمىسقا دەگەن تىڭ ءۇمىتىن قاناعاتتاندىرۋعا قاجەتتى ءتۇزىم جونىندە زەرتتەۋ جۇرگىزىپ جانە ورنالاستىرۋ جاساپ، رەفورما شارالارىنىڭ ورگانيكالى ۇشتاسۋىن، توعىسۋىن جۇزەگە اسىرىپ، تىڭعىلىقتى ونىمدىلىككە قول جەتكىزۋگە كەپىلدىك ەتۋ كەرەك.


ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ، حان جىڭ قاتارلىلار ماجىلىسكە قاتىناستى.


ماجىلىستە «اناعۇرلىم كەمەلدى فاكتورلاردى بازارلاندىرىپ ورنالاستىرۋ ءتۇزىلىس مەحانيزمىن ورناتۋ جونىندەگى پىكىر»، «اۋىل شارۋاشىلىعىن قولداۋ، قورعاۋ ءتۇزىمىن كەمەلدەندىرۋ جونىندەگى پىكىر»، « ەلىمىزدىڭ ەمدەۋدى قامتاماسىزداندىرۋ ءتۇزىمى رەفورماسىن تەرەڭدەتۋ جونىندەگى پىكىر»، «جاڭا داۋىردەگى جوعارى، ورتا، باستاۋىش مەكتەپتەردىڭ ەڭبەك تاربيەسىن جاپپاي كۇشەيتۋ جونىندەگى پىكىر»، « وسىزامانعى ورتانى جونگە سالۋ جۇيەسىن قۇرۋ جونىندەگى جەتەكشى پىكىر»، «جاڭا داۋىردەگى وقۋ ـ اعارتۋدى باقىلاۋ ـ جەتەكشىلىك ەتۋ ءتۇزىلىس ـ مەحانيزمى رەفورماسىن تەرەڭدەتۋ جونىندەگى پىكىر»، «اۋىل شارۋاشىلىعى عىلىم ـ تەحنيكاسىنىڭ قوعامدانۋىنا قىزمەت وتەۋ جۇيەسى قۇرىلىسىن كۇشەيتۋ جونىندەگى پىكىر»، «ورتالىقتىڭ قاتىستى تاراۋلارىنىڭ پارتيا 19 ـ كەزەكتى ورتالىق كوميتەتىنىڭ ءتورتىنشى جالپى ءماجىلىسىنىڭ قاۋلىسىن دايەكتىلەندىرۋ، تياناقتاندىرۋ جونىندەگى جوباسى»، «پارتيانىڭ 18-كەزەكتى 3-جالپى ماجىلىسىنەن بەرگى رەفورمانى جاپپاي تەرەڭدەتۋ احۋالىن باعالاۋ جونىندەگى بايانداما» قاراپ ماقۇلداندى.


ماجىلىستە مىنالار اتاپ كورسەتىلدى: اناعۇرلىم كەمەلدەنگەن فاكتورلاردى بازارلاندىرىپ ورنالاستىرۋ ءتۇزىلىس مەحانيزمىن ورناتۋدا قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە، بازارلاندىرۋ رەفورماسىن تەرەڭدەتۋگە، جوعارى دەڭگەيدەگى ەسىك اشۋدى كەڭەيتۋگە تاباندى بولىپ، فاكتورلاردىڭ ەركىن اۋىسۋىنا كەدەرگى بولاتىن تۇزىلىستىك، مەحانيزمدىك كەدەرگىلەردى الاستاپ، ماڭىزدى فاكتورلاردى بازارلاندىرىپ ورنالاستىرۋ كولەمىن كەڭەيتىپ، ماڭىزدى فاكتورلار بازارى جۇيەسىن اقاۋسىزداندىرىپ، ماڭىزدى فاكتورلار بازارى ءتۇزىمى قۇرىلىسىن ىلگەرىلەتىپ، ماڭىزدى فاكتورلار باعا بازارى ۇيعارىمىن جانە جىلجىمالى باعانى دەربەس، ءتارتىپتى بولۋدى، جوعارى ءونىمدى ءادىل ورنالاستىرۋدى جۇزەگە اسىرىپ، جوعارى ساپالى دامۋدى ىلگەرىلەتۋگە، وسىزاماندانعان ەكونوميكالىق جۇيە قۇرۋعا بەرىك تۇزىمدىك نەگىز قالاۋ كەرەك.


ماجىلىستە مىنالار باسا دارىپتەلدى: اۋىل شارۋاشىلىعىن قولداۋ، قورعاۋ ءتۇزىمىن ورناتۋ جانە كەمەلدەندىرۋ ءۇشىن، اۋىل شارۋاشىلىعىن، اۋىل ـ قىستاقتى الدىمەن دامىتۋعا تاباندى بولىپ، اۋىل ـ قىستاقتى گۇلدەندىرۋ ستراتەگياسىن اتقارۋدى مىقتى يگەرىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسى، اۋىل شارۋاشىلىعىنىڭ باياندى دامۋى، اۋىل شارۋاشىلىعىنا قوسىلىمدى قامتاماسىز ەتۋ، اۋىل شارۋاشىلىعىنا قوسىمشا قاراجات بەرۋ، اۋىل شارۋاشىلىعىن دامىتۋعا بەرىلەتىن كومەك قارجىنى قالاي جۇمساۋدى باسقارۋ سياقتى جاقتاردا رەفورمانى تەرەڭدەتىپ، مەملەكەت جاعدايىنا ۇيلەسەتىن ، قامتىلىمى جان ـ جاقتى، بەتالىسى ايقىن، ءتۇيىنى كورنەكتى، شارالارى كەمەلدى، باسقارۋى قاراپايىم بولعان اۋىل شارۋاشىلىعىن قولداۋ، قورعاۋ ءتۇزىمىن بىرتىندەپ ورناتىپ، اۋىل شارۋاشىلىعىنا تيىمدىلىك جاساۋ، شارۋالاردى اۋقاتتاندىرۋ ساياساتىنىڭ دالدىگىن، ورنىقتىلىعىن، ونىمدىلىگىن ۇزدىكسىز كۇشەيتۋ كەرەك.


ماجىلىستە مىنالار اتاپ كورسەتىلدى : ەمدەۋ قامتاماسىزداندىرۋ ءتۇزىمى _ _ حالىق تۇرمىسىن قامتاماسىز ەتۋ ءتۇزىمىنىڭ ماڭىزدى قۇرامداس بولەگى، نەگىزگى قامتاماسىز ەتۋ، ادىلدىكتى جەبەۋ، ورنىقتى، باياندى بولۋ پرينسيبىنە تاباندى بولىپ، ءادىل، ۇيلەسىمدى مامىلەنى قامتاماسىز ەتۋ مەحانيزمىن كەمەلدەندىرىپ، ورنىقتى، باياندى قارجى توپتاۋ مەحانيزمىن اقاۋسىزداندىرىپ، ۇتىمدى، ءونىمدى ەمدەۋ قامسىزداندىرۋى بويىنشا تولەۋ مەحانيزمىن ورناتىپ، قوردى باقىلاۋ ـ باسقارۋ مەحانيزمىن اقاۋسىزداندىرىپ، ەمدەۋ مەن ءدارى ـ دارمەككە قىزمەت كورسەتۋدىڭ قامداۋ جاعىنداعى رەفورماسىن سايكەستى ىلگەرىلەتىپ، ەمدەۋ قامتاماسىزداندىرۋىنداعى الەۋمەتتىك باسقارۋعا قىزمەت كورسەتۋدى ساپالاندىرىپ، جالپى حالىقتى قامتىعان، قالا مەن اۋىل ءبىر تۇتاس جوسپارلانعان، ۇقىق پەن جاۋاپكەرشىلىك ايقىن، ۇيلەسىمدى قامتاماسىز ەتىلەتىن، باياندى كوپ ساتىلى ەمدەۋ قامتاماسىز ەتۋ جۇيەسىن جەدەل ورناتۋ كەرەك.


ماجىلىستە مىنالار باسا دارىپتەلدى: ەڭبەك تاربيەسى _ _ جۇڭگوشا سوتسياليستىك وقۋ ـ اعارتۋ ءتۇزىمىنىڭ ماڭىزدى مازمۇنى. پارتيانىڭ وقۋ ـ اعارتۋ باعىتىن جاپپاي دايەكتىلەندىرىپ، ءمورال ارقىلى ادام تاربيەلەۋگە تاباندى بولىپ، ەڭبەك تاربيەسىن دارىندىلاردى جەتىلدىرۋدىڭ تۇتاس بارىسىنا ەنگىزىپ، جوعارى، ورتا، باستاۋىش مەكتەپتەرمەن ساباقتاستىرىپ، وتباسى، مەكتەپ، قوعامنىڭ ءار جاعىنا دەيىن ءسىڭىرىپ، تاربيەلەۋ بەتالىسىن يگەرىپ، وقۋ ـ اعارتۋ زاڭدىلىعىنا بويسۇنىپ، ءتۇزىلىس ـ مەحانيزمدە جاڭالىق اشىپ، وقۋ ـ اعارتۋدىڭ ناقتى ونىمدىلىگىنە ءمان بەرىپ، ءبىلىم مەن ءامالياتتى ۇشتاستىرىپ، وقۋشىلاردىڭ دۇنيەگە، ومىرگە، قۇنعا دۇرىس كوزقاراس قالىپتاستىرۋىن جەبەۋ كەرەك.


ماجىلىستە مىنالار اتاپ كورسەتىلدى: قورشاعان ورتانى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدى نىسانا ەتىپ، باسشىلىق جاۋاپكەرشىلىك جۇيەسىن، كاسىپورىنداردىڭ جاۋاپكەرشىلىك جۇيەسىن، جالپى حالىقتىڭ ارەكەت جۇيەسىن، باقىلاۋ ـ باسقارۋ جۇيەسىن، بازار جۇيەسىن، سەنىمدىلىك جۇيەسىن، زاڭ ـ ساياسات جۇيەسىن ورناتىپ جانە اقاۋسىزداندىرىپ، ءتۇرلى تۇلعالىق جاۋاپكەرشىلىكتى تياناقتاندىرىپ، بازار تۇلعالارىنىڭ جانە بۇقارانىڭ ات سالىسۋ بەلسەندىلىگىن جوعارىلاتىپ، بەتالىسى ايقىن، شەشىمى عىلمي، اتقارۋى پارمەندى، شابىتتاندىرۋى ءونىمدى، كوپ نەگىزدى، ءوزارا ءتيىمدى ورتانى جونگە سالۋ جۇيەسىن قالىپتاستىرىپ، ەكولوگيالىق ورتانىڭ تۇبىرىنەن جاقسارۋىن ىلگەرىلەتىپ، كورىكتى جۇڭگو قۇرۋدى پارمەندى تۇزىمدىك كەپىلمەن قامداۋ كەرەك.


ماجىلىستە مىنالار باسا دارىپتەلدى: جاڭا داۋىردەگى وقۋ ـ اعارتۋدى باقىلاۋ ـ جەتەكشىلىك ەتۋ ءتۇزىلىس ـ مەحانيزمى رەفورماسىن تەرەڭدەتۋدە وقۋ ـ اعارتۋدى الدىمەن دامىتۋعا كەپىلدىك ەتۋدى، ءمورال ارقىلى ۇرپاق تاربيەلەۋ ءتۇبىرلى مىندەتىن تياناقتاندىرۋدى مىقتاپ ارقاۋ ەتىپ، باسقارۋ ءتۇزىلىسىن ساپالاندىرۋدى، اينالىم مەحانيزمىن كەمەلدەندىرۋدى، ناتيجەنى قولدانۋدى كۇشەيتۋدى قامال الۋ ءتۇيىنى ەتىپ، وقۋ ـ اعارتۋعا جەتەكشىلىك ەتۋ ساپاسى مەن دەڭگەيىن ۇزدىكسىز جوعارىلاتىپ، ءتۇرلى ناقتى تۇلعالاردىڭ وقۋ ـ اعارتۋ مىندەتىن شىنايى اتقارۋىن ىلگەرىلەتۋ كەرەك.


ماجىلىستە مىنالار اتاپ كورسەتىلدى: اۋىل شارۋاشىلىق عىلىم ـ تەحنيكاسىنىڭ قوعامدانعان قىزمەت وتەۋ جۇيەسى قۇرىلىسىن كۇشەيتۋدە، اۋىل شارۋاشىلىعىنا عىلىم ـ تەحنيكالىق قىزمەت وتەۋدىڭ ءونىمدى قامداۋىن ارتتىرۋدى، قامداۋ مەن قاجەتسىنۋدى ۇشتاستىرۋدى كۇشەيتۋدى كۇش سالۋ ءتۇيىنى، اۋىل شارۋاشىلىعىنا عىلىم ـ تەحنيكالىق قىزمەت وتەۋدىڭ ونىمدىلىگىن جوعارىلاتۋدى نىسانا ەتىپ، اۋىل شارۋاشىلىق تەحنيكاسىن جالپىلاستىرۋ قۇرىلىمدارىنىڭ قىزمەت وتەۋ جاعىندا جاڭالىق اشۋىن ىلگەرىلەتىپ، جوعارى مەكتەپتەر مەن عىلمي زەرتتەۋ ورىندارىنىڭ قىزمەت وتەۋ فۋنكتسياسىن كۇشەيتىپ، بازارلانعان، قوعامدانعان قىزمەت وتەۋ قۋاتىن زورايتىپ، اۋىل شارۋاشىلىق عىلىم ـ تەحنيكاسىنىڭ قوعامدانعان قىزمەت وتەۋ جۇيەسىن قۇرۋدى جەدەلدەتۋ كەرەك.


ماجىلىستە مىنالار باسا دارىپتەلدى: پارتيا 19 ـ كەزەكتى ورتالىق كوميتەتى ءتورتىنشى جالپى ءماجىلىسىنىڭ قاۋلىسى- رەفورمانى جاپپاي تەرەڭدەتۋدىڭ جۇيەلى شوعىرلانۋىنا، سايكەستى، جوعارى ءونىمدى بولۋىنا ءتۇبىرلى ولشەم ازىرلەدى. ءبىزدىڭ قازىر ىستەۋگە ءتيىستى ىستەرىمىز مىنالار: ءتۇرلى رەفورمالاردىڭ تۇزىمگە قاراي اناعۇرلىم پىسىپ - جەتىلۋىن، اناعۇرلىم توعىسۋىن ىلگەرىلەتىپ، ءتۇرلى رەفورمالاردىڭ بىرىنە - ءبىرى ساي كەلۋىنە، قۋاتتى كۇشكە اينالۋىنا مۇمكىندىك جاساۋىمىز؛ جۇڭگوشا سوتسياليزمنىڭ ءتۇبىرلى تۇزىمىمەن، نەگىزگى تۇزىمىمەن، ماڭىزدى تۇزىمىمەن سالىستىرىپ، قىزمەت وي جەلىسى مەن قىزمەت تۇتقاسىن ايقىنداپ، ءتورتىنشى جالپى ءماجىلىس ورنالاستىرعان ءتۇرلى رەفورما مىندەتتەرىمەن ۇشتاستىرىپ، ءبىر تۇتاس ىلگەرىلەتىپ، ءبىر تۇتاس تياناقتاندىرۋىمىز؛ رەفورما جاساۋدا ءتۇزىم سۇلباسى قالىپتاسقاندارىن ءتورتىنشى جالپى ءماجىلىستىڭ رۋحىمەن سالىستىرا وتىرىپ ۇزدىكسىز بەكەمدەپ، كەمەلدەندىرىپ، باياندى مەحانيزم ورناتۋىمىز؛ ىزدەنىس جاساۋ ۇستىندەگىلەرىن قىيىنشىلىقتاردى جەڭۋدەن قامال الىپ، ناتيجە جاراتىپ، قورىتىندىلاۋ ، سۇرىپتاۋ ، ءتۇزىم بويىنشا ويداعىداي ورنالاستىرۋىمىز؛ جوبالاۋ جوسپارلاۋ ساتىسىندا جۇرەكتىلىكپەن رەفورما جاساپ، جاڭالىق اشىپ، دەر كەزىندە جوبا جاساۋىمىز ؛ دالمە ـ ءدال جوسپارلاۋعا، دالمە ـ ءدال اتقارۋعا كۇش سالىپ، رەفورما ارقىلى قانداي ماسەلەنى شەشۋ، قاي كەزدە العا قويۋ، ءتۇزىم قۇرىلىسىندا قانداي رول اتقارسا دا كوڭىلدە سان بولۋ؛ تۇرلىشە رەفورمانىڭ ەرەكشەلىگى مەن سيپاتىن يگەرىپ، جوبا جاساۋعا، مەحانيزمدى كەمەلدەندىرۋگە، تياناقتاندىرۋدى بىرگە يگەرۋگە تاباندى بولۋىمىز؛ رەفورما جوباسىن تياناقتاندىرۋدا جەرگىلىكتى جاعدايعا قاراي ىستەۋ، نىسانالى ىستەۋ، ءبىر سىدىرعىلىقتان ، ءبارىن ءبىر شىبىقپەن ايداۋدان اۋلاق بولۋ؛ ءتۇزىمنىڭ ءونىمدى جۇمىس جۇرگىزۋ ـ جۇرگىزبەۋىنە نازار اۋدارىپ، باقىلاۋ ـ تەكسەرۋدى ورىستەتىپ، رەفورمانىڭ نىسانانى، ساياساتتى، ونىمدىلىكتى شوعىرلاندىرا العان ـ الماعاندىعىنا قاراۋ؛ ءتورتىنشى جالپى ءماجىلىستىڭ ماڭىزدى شارالارىن اتقارۋ جوباسىن جاساۋدى مىقتى يگەرىپ، ۋاقىت كەستەسىن، جول كارتاسىن، تابىس فورماسىن ايقىنداۋ كەرەك.


ورتالىقتىڭ رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.


شالقار قازەز ۇلىنىڭ اۋدارماسى


جاۋاپتى رەداكتور: داۋىل قادىلبەك ۇلى

中央广播电视总台 央广网 版权所有

شي جينپيڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 11 ـ رەتكى ءماجىلىسىن باسقارىپ اشتى

ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىقتىڭ رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 11-ايدىڭ 26-كۇنى تۇستەن كەيىن ورتالىقتىڭ رەفورمانى جاپپاي تەرەڭدەتۋ كوميتەتىنىڭ 11 ـ رەتكى ءماجىلىسىن باسقارىپ اشتى ءارى ماڭىزدى ءسوز سويلەدى.