ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ سۋرينامنىڭ پرەزيدەنتى بۋتەرسەمەن كەڭەس وتكىزدى

来源:جۇڭگو قازاق راديو تورابى     |责编:古丽美热|     发布日期: 2019-11-28 10:27

 

وز حابارىمىز. مەملەكەت ٴتوراعاسى شي جينپيڭ 11 ـ ايدىڭ 27 - كۇنى حالىق سارايىندا سۋرينامنىڭ پرەزيدەنتى بۋتەرسەمەن كەڭەس وتكىزدى. ەكى ەل باسشىلارى جۇڭگو مەن سۋرينامنىڭ ستراتەگيالىق سەلبەستىك سەرىكتەستىك قاتىناس ورناتقاندىعىن بىرگە جاريالادى .

كەڭەستەن بۇرىن شي جينپيڭ حالىق سارايىنىڭ سولتۇستىك زالىندا سالت وتكىزىپ، سۋرينام رەسپۋبليكاسىنىڭ پرەزيدەنتى دەسي دەلانو بۋتەرسەنىڭ ەلىمىزگە مەملەكەتتىك ساپارلاي كەلگەندىگىن قارسى الدى . تيان - انمىن الاڭىندا 21 رەت ساليۋت اتىلدى. اسكەري وركەستر سۋرينام مەن جۇڭگونىڭ مەملەكەت گيمنىن ورىندادى. بۋتەرسە شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى. ٴتوراعا شي جينپيڭنىڭ حانىمى پىڭ لييۋان، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەت كوميتەتى كەڭسەسىنىڭ مەڭگەرۋشىسى ياڭ جيەچى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسار شىن يۋەيۋە، مەملەكەتتىك كەڭەستىڭ مۇشەسى ۋاڭ ي، مەملەكەتتىك ساياسي كەڭەس ٴتوراعاسىنىڭ ورىنباسار حى ليفىڭ، شاۋ حۇڭ قاتارلىلار قارسى الۋ سالتىنا قاتىناستى. بۋتەرسەمەن بىرگە جۇڭگوعا ساپارلاي كەلگەندەردەن پرەزيدەنت حانىمى، سىرتقى ىستەر مينيسترى، قازىنا مينيسترى، ساۋدا، ونەركاسىپ جانە ساياحات مينيسترى قاتارلىلار بار . بۋتەرسە شي جينپيڭنىڭ ۇسىنىسىمەن ەلىمىزگە مەملەكەتتىك ساپارلاي كەلدى .

 قارسى الۋ سالتىنان كەيىن، ٴتوراعا شي جينپيڭ بەيجيڭدەگى حالىق سارايىندا پرەزيدەنت بۋتەرسەمەن كەڭەستى. ەكى ەل باسشىلارى جۇڭگو مەن سۋرينامنىڭ ستراتەگيالىق سەلبەستىك سەرىكتەستىك قاتىناس ورناتقاندىعىن بىرلىكتە جاريالادى . شي جينپيڭ مىنالاردى انىق ايتتى : سۋرينام ـ جاڭا جۇڭگومەن تۇڭعىش توپتا ديپلوماتيالىق قاتىناس ورناتقان كارايب مەملەكەتى . ەكى ەل ديپلوماتيالىق قاتىناس ورناتقان 43 جىلدان بەرى، باستان ـ اياق ٴبىرىن ـ ٴبىرى قولداپ، ٴبىرىن ـ ٴبىرى ٴتۇسىنىپ، ٴبىر ـ بىرىنە سەنىپ كەلەدى، جۇڭگو مەن سۋرينامنىڭ قاتىناسى ۇزاق ۋاقىتتان بەرى جۇڭگو مەن كارايب ەلدەرىنىڭ قارىم ـ قاتىناسىنىڭ الدىڭعى لەگىندە بولدى، مۇنى ۇلكەن ـ كىشى ەلدەردىڭ تاتۋ ـ ٴتاتتى ٴوتۋىنىڭ، تەڭ دارەجەلى مامىلە جاساۋىنىڭ ۇلگىسى دەۋگە بولادى . جۇڭگو ـ سۋرينام قاتىناسىنىڭ دامۋى ماڭىزدى تاريحي كەزەڭدە تۇر، جۇڭگو سۋريناممەن بىرلىكتە قۇلشىنىپ،« ٴبىر بەلدەۋ، ٴبىر جولدى » ورتاق قۇرۋدى وراي ەتىپ، جۇڭگو ـ سۋرينام قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋدى قالايدى .

 شي جينپيڭ مىنالاردى باسا دارىپتەدى : جۇڭگو مەن سۋرينام بەيبىت قاتار تۇرۋ بەس پرينسيبىنە تاباندى بولىپ جانە ونى ساۋلەلەندىرىپ، ٴبىر ـ ٴبىرىنىڭ وزەكتى مۇددەسىنە ساياتىن جانە نازار اۋدارىپ وتىرعان كەلەلى ماسەلەلەردە ۇزدىكسىز ٴبىرىن ـ ٴبىرى ٴتۇسىنۋى جانە قولداۋى كەرەك. جۇڭگو ۇكىمەتى مەن جۇڭگو حالقىنىڭ مەملەكەتتىڭ يەلىك ۇقىعىن، حاۋىپسىزدىگىن قورعاۋ، مەملەكەتتىڭ تۇتاستىعىن جۇزەگە اسىرۋ بەكىمى مىزعىمايدى، سۋرينامنىڭ بۇل جاعىنداعى پارمەندى قولداۋىنا العىس ايتادى. جۇڭگو سۋرينامنىڭ مەملەكەتتىڭ يەلىك ۇقىعىن قورعاۋ، ەكونوميكالىق، قوعامدىق دامۋدى جەدەلدەتۋ جولىنداعى قۇلشىنىستارىن بۇرىنعىداي قولدايدى . ەكى جاق نەگىزدىك قۇرىلعى قۇرىلىسى، ەگىن، ورمان، بالىق شارۋاشىلىعى، حابارلاسۋ، ەنەرگيا قاتارلى ٴداستۇرلى سالالارداعى سەلبەستىكتى تەرەڭدەتۋ؛ جاڭا ەنەرگيا، سيفرلى ەكونوميكا، ساياحات، جاسىل ەكونوميكا قاتارلى جاڭا سالالارداعى سەلبەستىكتى كەڭەيتۋى كەرەك . جۇڭگو اناعۇرلىم قۋاتتى جۇڭگو قارجىلى كاسىپورىنداردى سۋرينامعا بارىپ قارجى قوسىپ، شارۋاشىلىقتى گۇلدەندىرۋگە شابىتتاندىرادى . سۋرينام ـ كارايب رايونىنداعى جۇڭگولىق مۇھاجىرلار مەن جۇڭگولىقتار ەڭ كوپ ەلدەردىڭ ٴبىرى. گۋمانيتارلىق اۋىس - كۇيىستى جەبەۋ ؛ ادامداردىڭ بارىس - كەلىسىنە قولايلىق جاراتۋ ؛ وقۋ - اعارتۋ، زاڭ اتقارۋ قاتارلى سالالارداعى سەلبەستىكتى كۇشەيتۋ كەرەك . جۇڭگو سۋرينامعا ەمدەۋ ماماندارى گرۋپپاسىن جىبەرەدى. ەكى جاق جەر شارىندىق ماسەلەلەر جونىندە سۇحپاتتاسۋدى، سايكەسۋدى ساقتاۋ؛كوپ جاقتىلىقتى امالياتتا ايگىلەۋ؛ اشىق ۇستالعان دۇنيە ەكونوميكاسىن قۇرۋ؛ ەكى ەلدىڭ جانە دامۋ جولىنداعى ەلدەردىڭ ورتاق مۇددەسىن قورعاۋ كەرەك. جۇڭگو كوپ جاقتى ورىنداردا سۋرينام ءۇشىن ادىلەتتى ايانباي قولداپ، سۋرينامدى قامتىعان حالىقارالىق قوعاممەن قول ۇستاسا سەلبەسىپ، جەرشارى كليماتىن وڭاۋ جاعىنداعى كوپ جاقتى قۇلشىنىستار بارىسىنا سىندارلى ات سالىسۋدى قالايدى.


شي جينپيڭ مىنالاردى انىق ايتتى : جۇڭگو جانە لاتىن امەريكا ەلدەرى، سونداي ـ اق كارايب ەلدەرى تۇگەلدەي دامۋ جولىنداعى ەلدەر ءارى حالىقاراداعى جاڭا كۇشتەردىڭ ماڭىزدى قۇرامداس بولەگى . جۇڭگو لاتىن امەريكا حالقىنىڭ دامۋ جولىن دەربەس تاڭداۋ ۇقىعىنا ەجەلدەن قۇرمەت ەتىپ كەلەدى، لاتىن امەريكانىڭ ٴبىر تۇلعالانۋ اياق الىسىن قولدايدى جانە وڭىرلىك ماسەلەلەردى سۇحپاتتاسۋ، كەڭەسۋ ارقىلى شەشۋدى قۋاتتايدى. جۇڭگو ـ لاتىن امەريكا قارىم ـ قاتىناسىنىڭ تاياۋ جىلداردان بەرى ارشىندى قاداممەن دامۋى ەكى جاققا ناقتى پايدا جەتكىزدى، سونداي ـ اق ٴوڭىردىڭ گۇلدەنۋى مەن ورنىقتىلىعىن جەبەۋگە دە كومەگىن تيگىزدى. جۇڭگو لاتىن امەريكامەن بىرگە «ٴبىر بەلدەۋ، ٴبىر جولدى » ورتاق قۇرۋدى ىلگەرىلەتىپ، تەڭ تۇرعىدا مامىلە جاساۋ، ٴوزارا پايدا جەتكىزە ورتاق يگىلىكتەنۋ پرينسيبى بويىنشا، جۇڭگو-لاتىن امەريكا سەلبەستىگىنىڭ تەرەڭدەۋىن، ناقتىلانۋىن ىلگەرىلەتۋدى قالايدى .


بۋتەرسە جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتادى، ٴتوراعا شي جينپيڭنىڭ باسشىلىعىندا، جاڭا داۋىردەگى جۇڭگوشا سوتسياليزمنىڭ، ٴسوز جوق، تابىسقا جەتەتىنىنە، جۇڭگو حالقى مەن بۇكىل دۇنيە حالقىنا باقىت جاراتاتىنىنا سەنەتىندىگىن ايتتى . ول بىلاي دەدى : مەنىڭ وسى رەتكى جۇڭگوعا ساپارلاي كەلۋىم ماڭىزدى تاريحي جانە ساياسي مانگە يە. سۋرينام مەن جۇڭگونىڭ دوستىعى ارىدان باستاۋ الادى، سۋرينام ٴبىر جۇڭگو ساياساتىن باتىل اتقارادى، جۇڭگونىڭ مەملەكەتتى بىرلىككە كەلتىرۋ ۇلى ٴىسىن جۇزەگە اسىرۋىن قولدايدى. شياڭگاڭ ىستەرى بۇكىلدەي جۇڭگونىڭ ىشكى ىسىنە جاتادى، سۋرينام جۇڭگونىڭ ىشكى ىسىنە كيلىگەتىن ٴارقانداي ارەكەتتەرگە باتىل قارسى تۇرادى. جۇڭگو ۇكىمەتى تەرورلىققا قارسى تۇرۋ شارالارىن قولدانىپ، مەملەكەتتىڭ اسىرەسە شينجياڭ رايونىنىڭ حاۋىپسىزدىگى مەن ورنىقتىلىعىن قورعاۋعا ۇقىقتى. سۋرينام جۇڭگونىڭ سۋرينامنىڭ ەكونوميكالىق، قوعامدىق دامۋىنا كورسەتكەن كومەگىنە العىس ايتادى، جۇڭگومەن ٴار دارەجەلى بارىس ـ كەلىستى ۇزدىكسىز كۇشەيتىپ، ساياسي سەنىمدىلىكتى ارتتىرىپ، ەكونوميكا ـ ساۋدا سەلبەستىگىن كەڭەيتىپ، گۋمانيتارلىق اۋىس ـ كۇيىستى تەرەڭدەتىپ، « ٴبىر بەلدەۋ، ٴبىر جولدى » ورتاق قۇرۋدى وراي ەتىپ، ەكى ەل قاتىناسىنىڭ ستراتەگيالىق دەڭگەيىن جوعارىلاتۋدى قالايدى . سىڭار جاقتىلىق مەملەكەتتىڭ يەلىك ۇقىق تەڭدىگىن ٴبۇلدىرەدى، لاتىن امەريكا سياقتى رايوندار مەن حالىقارالىق جاعدايعا اۋىر زارداپ اكەلەدى، سۋرينام جۇڭگومەن بىرلىكتە قۇلشىنىپ كوپ جاقتىلى، حالىقارالىق زاڭ مەن حالىقارالىق قاتىناستىڭ نەگىزگى ولشەمىن قورعاۋعا تاباندى بولۋدى قالايدى . سۋرينام لاتىن امەريكا مەن جۇڭگونىڭ قاتىناسىن دامىتۋدا بەلسەندى رول اتقارادى.

 
كەڭەستەن كەيىن، ەكى ەل باسشىلارى جۇڭگو مەن سۋرينامنىڭ « ٴبىر بەلدەۋ، ٴبىر جول » قۇرىلىسىن بىرگە ىلگەرىلەتۋ جونىندەگى سەلبەستىك جوباسىنا، ەكى ەل ارا شەكارادان ۆيزاسىز ٴءوتۋدى جالپى بەتتىك اتقارۋ قاتارلى كوپ ٴتۇرلى سەلبەستىك حۇجاتتارىنا قول قويۋعا بىرلىكتە كۋا بولدى. ەكى ەل «جۇڭحۋا حالىق رەسپۋبليكاسى مەن سۋرينام رەسپۋبليكاسىنىڭ بىرلەسكەن اقپارات مازمۇنداماسىن » بىرگە جاريالادى.

 


اۋدارعان: قاناتبەك جۇماباي ۇلى
جۇڭگو قازاق راديو تورابى

中央广播电视总台 央广网 版权所有

شي جينپيڭ سۋرينامنىڭ پرەزيدەنتى بۋتەرسەمەن كەڭەس وتكىزدى

ەكى ەل باسشىلارى جۇڭگو مەن سۋرينامنىڭ ستراتەگيالىق سەلبەستىك سەرىكتەستىك قاتىناس ورناتقاندىعىن بىرگە جاريالادى