ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ رەسەي فەدەراتسيالىق حاۋىپسىزدىك كەڭەسىنىڭ حاتشىسىمەن كەزدەستى

来源:جۇڭگو قازاق راديو تورابى     |责编:古丽美热|     发布日期: 2019-12-03 09:57

 

ءوز حابارىمىز. مەملەكەت ٴتوراعاسى شي جينپيڭ 12 ـ ايدىڭ 2 ـ كۇنى حالىق سارايىندا جۇڭگو مەن رەسەيدىڭ زاڭ اتقارۋ حاۋىپسىزدىك سەلبەستىك مەحانيزمى ماجىلىسىنە جانە جۇڭگو مەن رەسەيدىڭ ستراتەگيالىق حاۋىپسىزدىك ماجىلىسىنە قاتىناسۋعا كەلگەن رەسەي فەدەراتسيالىق حاۋىپسىزدىك كەڭەسىنىڭ حاتشىسى پاترۋشەۆپەن كەزدەستى.

 
شي جينپيڭ بىلاي دەپ انىق ايتتى : بيىل جۇڭگو مەن رەسەي ديپلوماتيالىق قاتىناس ورناتقاندىعىنىڭ 70 جىلدىعىن قۇتتىقتاۋ قيمىلىن ٴساتتى وتكىزىپ، ەكى ەل قاتىناسىنىڭ دامۋى جاڭا داۋىرگە ٴوتتى . كۇردەلى دە قۇبىلمالى حالىقارالىق جاعدايدا ، جۇڭگو مەن رەسەي ٴتىپتى دە تىعىز سەلبەسىپ، باستان ـ اياق ادال دا سەنىمدى ستراتەگيالىق سەرىك بولىپ، ٴبىر ـ بىرىنە مىزعىماس ءارى پارمەندى ستراتەگيالىق قولداۋ كورسەتۋ كەرەك. 

 
شي جينپيڭ مىنالاردى باسا دارىپتەدى : بيىل جىل باسىنان بەرى ، ا ق ش قاتارلى باتىس ەلدەرى جۇڭگو مەن رەسەيدىڭ ىشكى ىستەرىنە كيلىگۋدى كۇشەيتىپ، ەكى ەلدىڭ يەلىك ۇقىعىنىڭ حاۋىپسىزدىگىنە قاتەر ٴتوندىرىپ، ەكى ەلدىڭ ەكونوميكالىق، قوعامدىق دامۋىنا كەدەرگىلىك جاسادى. پۋتين پرەزيدەنت بۇل جونىندە : مۇنداي ىستەۋ ورەسكەل قاتە ، وزىنە دە وزگەلەرگە دە زياندى دەپ كەسىپ ايتتى ، جۇڭگو مۇنى بۇكىلدەي قۇپتايدى . مەن جۇڭگو حالقى مەن جۇڭحۋا ۇلتىنىڭ العا باسۋ قادامىن ەشقانداي كۇش توسا المايتىندىعىنا كامىل سەنەمىن ، رەسەي حالقى دا سىرتقى كيلىگۋدىڭ ىقپالىنا ۇشىرامايدى، ٴوزىنىڭ دامۋ جولىمەن ۇزدىكسىز جۇرە بەرەدى. جۇڭگو مەن رەسەي ستراتەگيالىق حاۋىپسىزدىك كەڭەسى مەن زاڭ اتقارۋ حاۋىپسىزدىگى سەلبەستىگى سىندى ەكى تەكشەدەن ۇزدىكسىز ويداعىداي پايدالانىپ، ستراتەگيالىق حاۋىپسىزدىك بايلانىسىن كۇشەيتىپ، ستراتەگيالىق ٴوزارا سەنىمدىلىكتى ارتتىرىپ ، وزدەرىنىڭ وزەكتى مۇددەسى مەن ەكى ەلدىڭ ورتاق حاۋىپسىزدىگىن ، وڭىرلىك جانە دۇنيە ٴجۇزىنىڭ بەيبىتشىلىگى مەن ورنىقتىلىعىن قورعاۋى كەرەك.


پاترۋشەۆ بىلاي دەدى : رەسەي مەن جۇڭگو ستراتەگيالىق مانگە يە جالپى بەتتىك ستراتەگيالىق سەلبەستىك سەرىكتەر . قازىر ەكى ەلدىڭ ٴار سالاداعى سەلبەستىگى بۇرىن بولماعان جوعارى ورەگە جەتتى . رەسەي ـ جۇڭگو قاتىناسى بەرىك . قازىر ا ق ش اتقارىپ وتىرعان ٴبىرقىدىرۋ ساياساتتار رەسەي مەن جۇڭگونىڭ مۇددەسىنە زيان جەتكىزىپ قانا قويماي ، تۇتاس حالىقارالىق جۇيە مەن تارتىپكە كەرەناۋ ىقپال جاساپ وتىر . رەسەي مەن جۇڭگونىڭ كوپتەگەن كەلەلى حالىقارالىق ماسەلەلەردەگى مايدانى ۇقساس نەمەسە قارايلاس ، ەكى جاق ۇزدىكسىز تىعىز سايكەسىپ ، رەسەي مەن جۇڭگونىڭ يەلىك ۇقىعى مەن حاۋىپسىزدىگىن، حالىقارالىق ستراتەگيالىق ورنىقتىلىقتى، كوپ ۇيەكتەنۋدى جانە حالىقارالىق قاتىناستىڭ دەموكراتيالانۋىن جەبەپ، حالىقارالىق زاڭ مەن ٴادىل حالىقارالىق ٴتارتىپتى قورعاۋى كەرەك.

 
ياڭ جيەچى ، گو شىڭكۇن ، ۋاڭ ي قاتارلىلار كەزدەسۋدە بىرگە بولدى.

 



اۋدارعان: قاناتبەك جۇماباي ۇلى
جۇڭگو قازاق راديو تورابى

中央广播电视总台 央广网 版权所有

شي جينپيڭ رەسەي فەدەراتسيالىق حاۋىپسىزدىك كەڭەسىنىڭ حاتشىسىمەن كەزدەستى

شي جينپيڭ رەسەي فەدەراتسيالىق حاۋىپسىزدىك كەڭەسىنىڭ حاتشىسىمەن كەزدەستى