ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

ج ك پ ورتالىق كوميتەتىنىڭ ساياسي بيۋروسى ءماجىلىس اشىپ، 2020 ـ جىلعى ەكونوميكالىق قىزمەتكە تالداۋ جاساپ، زەرتتەۋ جۇرگىزىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ قىزمەتىن زەرتتەپ ورنالاستىردى

来源:جۇڭگو قازاق راديو تورابى     |责编:达吾力别克 |     发布日期: 2019-12-07 15:09

ج ك پ ورتالىق كوميتەتىنىڭ ساياسي بيۋروسى ءماجىلىس اشىپ، 2020 ـ جىلعى ەكونوميكالىق قىزمەتكە تالداۋ جاساپ، زەرتتەۋ جۇرگىزىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ قىزمەتىن زەرتتەپ ورنالاستىردى، ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى


ءوز حابارىمىز. ج ك پ ورتالىق كوميتەتىنىڭ ساياسي بيۋروسى 12 ـ ايدىڭ 6 - كۇنى ءماجىلىس اشىپ، 2020 ـ جىلعى ەكونوميكالىق قىزمەتكە تالداۋ جاساپ، زەرتتەۋ جۇرگىزدى ؛ ورتالىق ءتارتىپ تەكسەرۋ كوميتەتىنىڭ قىزمەت مالىمەتىن تىڭداپ، 2020 - جىلعى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن زەرتتەپ ورنالاستىردى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.


ماجىلىستە بىلاي دەپ قارالدى: بيىل جىل باسىنان بەرى ەل ءىشى ـ سىرتىنداعى حاۋىپ ـ قاتەر، سىن ـ سايىستار كورنەكتى كۇشەيگەن كۇردەلى جاعدايدا، بۇكىل پارتيا، بۇكىل ەل پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتەندىرىپ، ورنىقتىلىق بارىسىندا ىلگەرىلەۋ قىزمەت نەگىزگى ىرعاعىنان كوز جازباي، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، جوعارى ساپالى دامۋدى ىلگەرىلەتىپ، « التىنى ورنىقتىرۋ » قىزمەتىن جاقسى ىستەپ، ەكونوميكانىڭ، قوعامنىڭ باياندى، اقاۋسىز دامۋىن ساقتاپ، 3 ۇلكەن قامال الۋ شايقاسىندا شەشۋشى ىلگەرىلەۋشىلىككە قول جەتكىزدى. رەفورما جاساپ، ەسىك اشۋدا ماڭىزدى قادام تاستالدى، قامداۋ جاعىنداعى قۇرىلىمدىق رەفورما ۇزدىكسىز تەرەڭدەدى، عىلىم - تەحنيكادا جاڭالىق جاراتۋدا تىڭ تابىستارعا قول جەتتى، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كۇشەيدى، « 13 - بەسجىلدىق » جوسپاردىڭ باستى كورسەتكىشتەرىنىڭ اياق الىسى مەجەگە ۇيلەسىمدى بولدى، جالپى بەتتىك دوڭگەلەك داۋلەتتى قوعام قۇرۋدا تىڭ دا كەلەلى ىلگەرىلەۋشىلىككە قول جەتتى.


ماجىلىستە مىنالاردى انىق ايتىلدى: 2020 ـ جىل ـ جالپى بەتتىك دوڭگەلەك داۋلەتتى قوعام قۇرۋ جانە « 13 ـ بەسجىلدىق » جوسپاردى ورىنداۋداعى سىرگە جياتىن جىل، ءبىز ءبىرىنشى 100 جىلدىق كۇرەس نىساناسىن جۇزەگە اسىرۋىمىز كەرەك. كەلەر جىلعى ەكونوميكالىق قىزمەتتى جاقسى ىستەۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 ـ قۇرىلتايىنىڭ جانە پارتيا 19 ـ كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جالپى بەتتىك دايەكتەندىرىپ، جالپى بەتتىك دوڭگەلەك داۋلەتتى قوعام قۇرىپ شىعۋدىڭ نىسانالىق مىندەتتەرىن تىعىز توڭىرەكتەپ، ورنىقتىلىق بارىسىندا ىلگەرىلەۋ قىزمەت نەگىزگى باعىتىنان كوزجازباي، جاڭا دامۋ تانىمىندا تاباندى بولۋ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولۋ كەرەك. رەفورما جاساپ، ەسىك اشۋدى قوزعاۋشى كۇش ەتۋگە تاباندى بولۋ ؛ جوعارى ساپالى دامۋدى ىلگەرىلەتۋ ؛ وسىزاماندانعان ەكونوميكالىق جۇيە قۇرۋدى جەدەلدەتۋ ؛ 3 ۇلكەن قامال الۋ شايقاسىنىڭ جەڭىسىنە باتىل قول جەتكىزۋ ؛ « التىنى ورنىقتىرۋ » قىزمەتىن جالپى بەتتىك ويداعىداي ىستەۋ ؛ ارتۋدى ورنىقتىرۋ ؛ رەفورمانى جەبەۋ ؛ قۇرىلىمدى رەتتەۋ ؛ حالىق تۇرمىسىنا تيىمدىلىك جاساۋ ؛ حاۋىپ ـ قاتەردەن ساقتانۋ ؛ ورنىقتىلىقتى ساقتاۋ ؛ ەكونوميكالىق اينالىمدى ۇيلەسىمدى ارالىقتق ساقتاۋ ؛ جالپى بەتتىك دوڭگەلەك داۋلەتتى قوعام قۇرۋعا جانە « 13 ـ بەسجىلدىق » جوسپاردىڭ ءساتتى ورىندالۋىنا كەپىلدىك ەتۋ كەرەك.


ماجىلىستە مىنالاردى باسا دارىپتەلدى: كەزەكتە جانە بۇدان بىلايعى ءبىر مەزگىلدە، ەلىمىز ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ سىندى نەگىزگى بەتالىسى وزگەرگەن جوق جانە وزگەرمەيدى. ءبىز جاعدايدىڭ دامۋ وزگەرىسىنە ديالەكتيكالىق تۇرعىدان قاراۋعا تاباندى بولىپ، ءسوزسىز جەڭىسكە جەتۋ سەنىمىن كۇشەيتۋىمىز ؛ سىرتقى قىسىمدى رەفورمانى تەرەڭدەتۋدىڭ، ەسىكتى ايقارا اشۋدىڭ قۇدىرەتتى قوزعاۋشى كۇشىنە اينالدىرۋعا شەبەر بولۋىمىز ؛ ءوز ءىسىمىزدى زەيىن ـ زەردەمىزدى شوعىرلاندىرا وتىرىپ ويداعىداي ىستەۋىمىز كەرەك. ماكرولىق ساياسات ورنىقتى بولۋ، ميكرولىق ساياسات جاندى بولۋ، قوعامدىق ساياسات تياناقتى بولۋ سىندى ساياسات جۇلگەسىنە تاباندى بولىپ، ماسەلەنى نىشان ەتۋدەن، نىسانانى نىشان ەتۋدەن، ناتيجەنى نىشان ەتۋدەن كوزجازباي، ماكرولىق تىزگىندەۋدىڭ بولجامدىلىعىن، باعىتتامالىلىعىن، ونىمدىلىگىن جوعارىلاتىپ، كەرى اينالىم مەگىلىندەگى رەتتەۋ قۇرالدارىنان ويداعىداي پايدالانۋ كەرەك. كەلەر جىلى 3 ۇلكەن قامال الۋ شايقاسىن باتىل ويداعىداي جۇرگىزىپ، كەدەيلىكتەن قۇتىلدىرۋدان قامال الۋ نىساناسى مەن مىندەتىن جۇزەگە اسىرۋعا ؛ لاستانۋدان ساقتانۋ جانە ونى وڭاۋدان قامال الۋ شايقاسىنىڭ كەزەڭدىك نىساناسىن جۇزەگە اسىرۋعا جۇيەلىك فينانس حاۋىپ ـ قاتەرى تۋىلماۋعا كەپىلدىك ەتۋ كەرەك. وسىزاماندانعان ەكونوميكالىق جۇيە قۇرىلىسىن جەدەلدەتۋ ؛ اۋىل شارۋاشىلىعىنىڭ، جاساۋ كاسىبىنىڭ، قىزمەت وتەۋ كاسىبىنىڭ جوعارى ساپالى دامۋىن ىلگەرىلەتۋ ؛ نەگىزدىك قۇرىلعىلار قۇرىلىسىن كۇشەيتىپ، جوعارى ساپالى دامۋعا ءبىرىن ـ ءبىرى تولىقتايتىن وڭىرلىك ەكونوميكالىق ورنالاستىرۋدى قالىپتاستىرۋدى ىلگەرىلەتۋ ؛ عىلىم ـ تەحنيكا قۋاتى مەن جاڭالىق جاراتۋ قابىلەتىن جوعارىلاتۋ؛ ەكونوميكالىق ءتۇزىلىس رەفورماسىن تەرەڭدەتۋ؛ اناعۇرلىم جوعارى دەڭگەيدەگى اشىق ۇستالعان ەكونوميكالىق جاڭا ءتۇزىلىس ورناتۋ كەرەك.


ماجىلىستە مىنالار تالاپ ەتىلدى: پارتيا 19 ـ كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي دايەكتەندىرۋ؛ پارتيانىڭ ەكونوميكالىق قىزمەتكە باسشىلىق ەتۋدەگى تۇزىمدىك ابزالدىلىعىن شىنايى باسقارۋ ونىمدىلىگىنە اينالدىرۋ؛ رەفورما، دامۋ، ورنىقتىلىق قىزمەتتەرىن جالپى بەتتىك جاقسى ىستەۋ ؛ ەكونوميكالىق قىزمەتكە باسشىلىق ەتۋ ءادىس ـ امالدارىن جاقسارتۋ؛ جاۋاپكەرلىك ارقالاپ، ناتيجە جاراتۋعا ىنتالاندىرۋ مەحانيزمىن كەمەلدەندىرۋ كەرەك. قيىنشىلىعى بار بۇقارانىڭ نەگىزگى تۇرمىسىنىڭ ءونىمدى قامتاماسىزداندىرىلۋىنا جانە جاقسارۋىنا كەپىلدىك ەتۋ كەرەك. جىل سوڭىنداعى ءتۇرلى قىزمەتتەردى ويداعىداي ىستەپ، ءوندىرىس حاۋىپسىزدىگى جاۋاپكەرشىلىك ءتۇزىمىن تياناقتاندىرىپ، قوعامدىق جالپى جاعدايدىڭ جاراسىمدىلىعى مەن ورنىقتىلىعىنا كەپىلدىك ەتۋ كەرەك.


ماجىلىس مىنالار انىق ايتىلدى: پارتيا ورتالىق كوميتەتىنىڭ پارمەندى باسشىلىعىندا، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى جانە جەرلىك ءار دارەجەلى ءتارتىپ تەكسەرۋ كوميتەتتەرى، باقىلاۋ ـ تەكسەرۋ كوميتەتتەرى پارتيا ۋستاۆىندا جانە نەگىزگى زاڭدا بەلگىلەنگەن مىندەتتى ادالدىقپەن اتقارىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتەندىرىپ، پارتيالى كادرلاردى « ەكىنى قورعاۋدى » سانالى تۇردە ورىنداۋعا قۋزاپ، پارتيانى جالپى بەتتىك قاتاڭ باسقارۋ باعىتى مەن تالابىن دايەكتى تياناقتاندىرىپ، ورنىقتىلىق بارىسىندا ىلگەرىلەۋگە، شىندىقتى ءىس جۇزىنەن ىزدەۋگە، ەرەجە ـ ءتارتىپ بويىنشا، زاڭ بويىنشا اتقارۋعا تاباندى بولىپ، ءتارتىپ تەكسەرۋ، باقىلاۋ ـ تەكسەرۋ قىزمەتىن باتىل، ورنىقتى، تىڭعىلىقتى، ءونىمدى ورىنداپ، جوعارى ساپالى دامۋدا تىڭ تابىستارعا قول جەتكىزدى. باقىلاۋ مىندەتىن كۇشەيتىپ، ساياسي باقىلاۋدى تەرەڭدەتىپ، ورتالىقتىڭ « 8 ءتۇرلى بەلگىلەمەسىنىڭ » رۋحىن تياناقتاندىرىپ، فورماشىلدىق، تورەشىلدىك ماسەلەلەرىن شوعىرلى وڭاپ، ساياسي شارلاۋ مەن شارلاۋ، وڭاۋ ـ تۇزەتۋدى مىقتى يگەرىپ، « 4 ءتۇرلى فورماتسيادان » پايدالانىپ، ءتارتىپتى، زاڭدى قاتاڭ اتقارىپ، جاۋاپكەرشىلىكتى دالمە ـ ءدال، پارمەندى قۋزاستىردى. بۇقارا ورتاسىنداعى ءىرىپ - ءشىرۋدى جانە ستيل ماسەلەسىن وڭاۋدى تەرەڭدەتىپ جانە كەڭەيتىپ، ءىرىپ - شىرۋگە قارسى كۇرەستىڭ تۇبەگەيلى جەڭىسىن بەكەمدەدى جانە دامىتتتى. ءتارتىپ تەكسەرۋ، باقىلاۋ ـ تەكسەرۋ ءتۇزىلىسى رەفورماسىن ءبىر تۇتاس ىلگەرىلەتىپ، ارناعا ءتۇسىرۋ، زاڭمەن باسقارۋ دەڭگەيىن جوعارىلاتىپ، ادال، كىرشىكسىز، جاۋاپكەرشىلىك ارقالايتىن ءتارتىپ تەكسەرۋ، باقىلاۋ ـ تەكسەرۋ قۇرىش قوسىنىن قۇردى.


ماجىلىستە مىنالار باسا دارىپتەلدى: پارتيا 19 ـ كەزەكتى ورتالىق كوميتەتىنىڭ ءتورتىنشى جالپى ءماجىلىسى جۇڭگوشا سوتسياليستىك تۇزىمگە تاباندى بولۋ جانە ونى كەمەلدەندىرۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ جونىندە ستراتەگيالىق ورنالاستىرۋ جاساپ، پارتيانى جالپى بەتتىك قاتاڭ باسقارۋدىڭ ىشكەرىلەي دامۋىن ىلگەرىلەتۋگە تىڭ تالاپتار قويدى. ءتارتىپ تەكسەرۋ، باقىلاۋ قىزمەتىندە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 ـ قۇرىلتايىنىڭ جانە پارتيا 19 ـ كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتەندىرۋ ؛ «ءتورت تانىمدى » كۇشەيتىپ، «ءتورت سەنىمدى » بەكەمدەپ، « ەكىنى قورعاۋدى » ويداعىداي ورىنداۋ ؛ پارتكومنىڭ پارتيانى جالپى بەتتىك قاتاڭ باسقارۋدى تەرەڭدەتۋىنە كومەكتەسىپ، پارتيا مەن مەملەكەتتىڭ باقىلاۋ جۇيەسىنە تاباندى بولىپ جانە ونى كەمەلدەندىرىپ، ۇقىق جۇرگىزۋدى تەجەۋ مەن باقىلاۋدى كۇشەيتىپ، شىرىكتەسۋگە باتىلدىق ەتپەۋ، شىرىكتەسە الماۋ، شىرىكتەسۋدى ويلاماۋدى ءبىر تۇتاس ىلگەرىلەتىپ، جوعارى ساپالى، ماماندانعان ءتارتىپ تەكسەرۋ، باقىلاۋ ـ تەكسەرۋ كادرلار قوسىنىن قۇرىپ، ءبىرىنشى 100 جىلدىق كۇرەس نىساناسىن جۇزەگە اسىرۋعا پارمەندى كەپىلدىك ازىرلەۋ كەرەك.


ماجىلىستەن بۇرىن باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ورتالىق ءتارتىپ تەكسەرۋ كوميتەتىنىڭ 2019 ـ جىلدىق قىزمەت جاعدايى مەن پارتيا 19 ـ كەزەكتى ورتالىق ءتارتىپ تەكسەرۋ كوميتەتى ءتورتىنشى جالپى ءماجىلىسىنىڭ دايىندىق جاعدايى جونىندەگى مالىمەتتى تىڭدادى. ماجىلىستە 19 ـ كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسىن كەلەر جىلى 1ـ ايدىڭ 13 ـ كۇنىنەن 15 ـ كۇنىنە دەيىن اشۋ ماقۇلداندى.

قاناتبەك جۇماباي ۇلىنىڭ اۋدارماسى



中央广播电视总台 央广网 版权所有

ج ك پ ورتالىق كوميتەتىنىڭ ساياسي بيۋروسى ءماجىلىس اشىپ، 2020 ـ جىلعى ەكونوميكالىق قىزمەتكە تالداۋ جاساپ، زەرتتەۋ جۇرگىزىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ قىزمەتىن زەرتتەپ ورنالاستىردى

ج ك پ ورتالىق كوميتەتىنىڭ ساياسي بيۋروسى ءماجىلىس اشىپ، 2020 ـ جىلعى ەكونوميكالىق قىزمەتكە تالداۋ جاساپ، زەرتتەۋ جۇرگىزىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ قىزمەتىن زەرتتەپ ورنالاستىردى، ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى