ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ ەۆروپا القالار كەڭەسىنىڭ ٴتوراعاسى ميشەلمەن تەلەفوندا سويلەستى

来源:جۇڭگو قازاق راديو تورابى     |责编:古丽美热|     发布日期: 2019-12-10 10:21


ءوز حابارىمىز. مەملەكەت ٴتوراعاسى شي جينپيڭ 12 ـ ايدىڭ 9 ـ كۇنى كەشتە ۇسىنىس بويىنشا ەۆروپا القالار كەڭەسىنىڭ ٴتوراعاسى ميشەلمەن تەلەفوندا سويلەستى. شي جينپيڭ ميشەلدىڭ جاڭا كەزەكتى ەۆروپا القالار كەڭەسىنىڭ ٴتوراعاسى بولىپ سايلانعانىن ٴارى مىندەتكە تاعايىندالعانىن قۇتتىقتادى. شي جينپيڭ مىنالاردى انىق ايتتى : جۇڭگو مەن ەۆروپا ەلدەرى كوپ جاقتىلىقتى، ەركىن ساۋدانى دارىپتەيدى، دۇنيە ساۋدا ۇيىمىن ۇيتقى ەتكەن كوپ جاقتى ساۋدا ٴتۇزىلىسىن باتىل قورعايدى، ٴار ەلدىڭ ەرەجە بويىنشا ٴىس جۇرگىزۋىن دارىپتەيدى. قازىرگى جاعدايدا جۇڭگو مەن ەۆروپانىڭ قارىم ـ قاتىناستى، سايكەسۋدى، سەلبەستىكتى كۇشەيتۋى، جۇڭگو مەن ەۆروپانىڭ جالپى بەتتىك ستراتەگيالىق سەرىكتەستىك قاتىناسىنىڭ ورنىقتى دامۋىنا كەپىلدىك ەتۋى ەكى جاقتىڭ ورتاق مۇددەسىنە ۇيلەسىپ قالماستان، دۇنيە جۇزىنە ٴتىپتى دە كوپ ورنىقتىلىق، تۇراقتىلىق، وڭ ەنەرگيا قوسادى. جۇڭگو ەۆروپا وداعىمەن قاتىناسىنا ستراتەگيالىق جانە ۇزاق بولاشاقتىق تۇرعىدان مامىلە جاسايدى، جۇڭگو مەن ەۆروپا مۇلدە جاراسپاۋ جانە باسەكەلەستىك پوزەتسيادا بولمايدى، ٴوزارا پايدا جەتكىزەتىن سەلبەستىك سەرىكتەر بولادى. جۇڭگونىڭ دامۋى ەۆروپا وداعى ٴۇشىن سايىس ەمەس، وراي. جۇڭگو-ەۆروپا قاتىناسىنىڭ دامۋ بولاشاعى زور. جۇڭگو ەۆروپا وداعىنا قاراتقان ساياساتتىڭ ۇلاسپالىعى مەن ورنىقتىلىعىن ساقتايدى، ەۆروپا وداعىنىڭ دامۋىن بۇرىنعىداي قولدايدى، ەۆروپا وداعىنىڭ حالىقارادا بەلسەندى جانە ماڭىزدى رول اتقارۋىن قۋاتتايدى. جاڭا كەزەكتى ەۆروپا وداعى قۇرىلىمىنىڭ جۇڭگوعا قاراتقان ساياساتىندا ۇلاسپالىلىقتى جانە كورەگەندىكتى ساقتاپ، جۇڭگومەن بولعان قاتىناستى بەلسەندى، سىندارلى دامىتىپ، جۇڭگو مەن ەۆروپانىڭ بەيبىتشىلىك، ارتۋ، رەفورما، وركەنيەت سىندى 4 ٴىرى سەرىكتەستىك قاتىناسىنىڭ بەلسەندى، اقاۋسىز دامۋىن ورتاق جەبەپ، جۇڭگو مەن ەۆروپا سەلبەستىگىنىڭ قوماقتى تابىستارعا قول جەتكىزەتىندىگىنە سەنەمىن. شي جينپيڭ مىنالاردى باسا دارىپتەدى : جۇڭگو ەۆروپا وداعىمەن ورتاق قۇلشىنىپ، كەلەر جىلى جۇڭگو مەن ەۆروپانىڭ ٴبىر قىدىرۋ ماڭىزدى بارىس ـ كەلىسىنىڭ جانە كۇن ٴتارتىبىنىڭ تابىستى بولۋىنا كەپىلدىك ەتىپ، «ٴبىر بەلدەۋ، ٴبىر جولدى» ورتاق قۇرۋ دارىپتەمەسىنىڭ ەۆروپا وداعى، ەۋروـ ازيا ٴوزارا بايلانىس ورناتۋ ستراتەگياسىمەن ۇشتاسۋىن جەبەپ، جۇڭگو ـ ەۆروپا قارجى قوسۋ كەلىسىمىنە ەرتەرەك قول قويۋعا كۇش سالىپ، كليمات وزگەرىسىنە توتەپ بەرۋ «پاريج كەلىسىمىن» جالپى بەتتىك، ٴونىمدى تياناقتاندىرىپ، دۇنيە ساۋدا ۇيىمى رەفورماسىنىڭ ٴار جاققا ٴتيىمدى دۇرىس باعىتقا قاراي دامۋىن ىلگەرىلەتۋدى قالايدى.


ميشەل بىلاي دەدى : مەن ٴتوراعا شي جينپيڭنىڭ جۇڭگو ـ ەۆروپا قاتىناسىنىڭ دامۋى جونىندە ورتاعا قويعان كوزقاراسى مەن ۇسىنىسىن تولىق قۇپتايمىن. ەۆروپا مەن جۇڭگو حالىقارالىق ەرەجەلەردى، كوپ جاقتىلىقتى، دۇنيە ٴجۇزىنىڭ بەيبىتشىلىگى مەن ورنىقتىلىعىن قورعاۋ جاعىندا ماڭىزدى ورتاق تانىمعا يە. ەۆروپا مەن جۇڭگونىڭ سەلبەستىگىن كۇشەيتۋ ەكى جاقتىڭ جانە دۇنيە ٴجۇزىنىڭ ورتاق مۇددەسىنە ۇيلەسەدى. كەلەر جىل ـ ەۆروپا مەن جۇڭگو ٴبىر قىدىرۋ ماڭىزدى جوعارى جىكتەگىلەردىڭ بارىس - كەلىسى مەن سەلبەستىك ٴتۇيىنى بولادى. ەۆروپا جۇڭگومەن ورتاق قۇلشىنىپ، قاتىستى قيمىلدار مەن سەلبەستىكتە بەلسەندى جەتىستىكتەرگە قول جەتكىزۋگە كەپىلدىك ەتىپ، ەكى جاقتىڭ ەكونوميكا ـ ساۋدا سەلبەستىك دەڭگەيىن جوعارىلاتۋدى، سونداي ـ اق دۇنيە ساۋدا ۇيىمىنىڭ رەفورماسى، كليمات وزگەرىسىنە توتەپ بەرۋ قاتارلى جاقتاردا سۇحپاتتاسۋدى، سايكەسۋدى كۇشەيتۋدى قالايدى. مەن ٴتوراعا شي جينپيڭمەن تاماشا، قويۋ قارىم ـ قاتىناستى ساقتاپ، ەۆروپا مەن جۇڭگونىڭ سەلبەستىگىن جەبەۋدە بەلسەندى، سىندارلى رول اتقارۋدى قالايمىن.

 


اۋدارعان: قاناتبەك جۇماباي ۇلى
جۇڭگو قازاق راديو تورابى

中央广播电视总台 央广网 版权所有

شي جينپيڭ ەۆروپا القالار كەڭەسىنىڭ ٴتوراعاسى ميشەلمەن تەلەفوندا سويلەستى

شي جينپيڭ ەۆروپا القالار كەڭەسىنىڭ ٴتوراعاسى ميشەلمەن تەلەفوندا سويلەستى