ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ لاوستىڭ زۇڭليى تۇڭلۇنمەن كەزدەستى

来源:جۇڭگو قازاق راديو تورابى     |责编:古丽美热|     发布日期: 2020-01-07 15:15

ءوز حابارىمىز. مەملەكەت ٴتوراعاسى شي جينپيڭ 1 ـ ايدىڭ 6 ـ كۇنى حالىق سارايىندا لاوستىڭ زۇڭليى تۇڭلۇنمەن كەزدەستى.


شي جينپيڭ تۇڭلۇن ارقىلى باس شۋجي، مەملەكەت ٴتوراعاسى بىنياڭعا جاڭا جىل قۇتتى بولسىن ايتتى. شي جينپيڭ مىنالاردى انىق ايتتى: جۇڭگو مەن لاوس تاتۋ كورشى، جاقسى دوس، جاقسى جولداس، جاقسى سەرىك بولۋمەن بىرگە، ونان دا ماڭىزدىسى، تاعدىرلاس ورتاق تۇلعاسانالادى. كوممۋنيستىك پارتيانىڭ باسشىلىعى مەن سوتسياليستىك ٴتۇزىم ٴبىزدىڭ ساياسي قاسيەتىمىز، ەكى جاق ٴبىر جاعادان باس، ٴبىر جەڭنەن قول شىعارىپ، قول ۇستاسا سەلبەسىپ، جوعارى جىكتەگىلەردىڭ قارىم ـ قاتىناس جاساۋ ٴداستۇرىن ساقتاپ، ەل باسقارۋ، بيلىك جۇرگىزۋ جاعىنداعى اۋىس-كۇيىستى كۇشەيتىپ، بيلىك جۇرگىزۋ قابىلەتىن جانەباسقارۋ قابىلەتىن ورتاق جوعارىلاتىپ، وزدەرىنىڭ ساياسي حاۋىپسىزدىگىن، ەكى ەلدىڭ جانە قالىڭ وركەندەپ كەلە جاتقان ەلدەردىڭ ورتاق مۇددەسىن قورعاۋى كەرەك. جۇڭگو لاوستىڭ مەملەكەتتىڭ يەلىك ۇقىعى مەن بەدەلىن قورعاۋىن ۇزدىكسىز باتىل قولدايدى.


شي جينپيڭ مىنالاردى باسا دارىپتەدى: كەلەر جىلى جۇڭگو مەن لاوستىڭ ديپلوماتيالىق قاتىناس ورناتقاندىعىنا 60 جىل بولادى، ەكى ەل قاتىناسى بۇرىنعىعا مۇراگەر، كەيىنگىگە بۇيداگەر بولۋدىڭ شەشۋشى كەزەڭىنە ٴوتتى. ٴبىز لاوس جاقپەن بىرلىكتە قۇلشىنىپ، جۇڭگو مەن لاوستىڭ تاعدىرلاس ورتاق تۇلعا قۇرىلىسىن ىلگەرىلەتىپ، دامۋ ستراتەگياسىن ۇشتاستىرۋدى جەبەپ، جۇڭگو مەن لاوستىڭ ەكونوميكالىق ٴدالىزى قۇرىلىسىن جەدەلدەتىپ، تەمىر جول، ەكونوميكالىق باقشا رايونى قاتارلى ٴىرى نىساندار سەلبەستىگىن تىڭعىلىقتى ىلگەرىلەتىپ، گۋمانيتارلىق اۋىس ـ كۇيىستى جەبەپ، حالىقارالىق جانە وڭىرلىك ىستەردەگى تۇسىنىستىك مەن سايكەسۋدى كۇشەيتىپ، جۇڭگو مەن لاوستىڭ جان ـ جاقتى ستراتەگيالىق سەلبەستىك سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايمىز.


تۇڭلۇن باس شۋجي، مەملەكەت ٴتوراعاسى بىنياڭنىڭ ٴتوراعا شي جينپيڭگە جولداعان ىقىلاستى سالەمىن جەتكىزىپ، جۇڭحۋا حالىق رەسپۋبليكاسى قۇرىلعان 70 جىلدان بەرى قول جەتكىزگەن ۇلى تاريحي تابىستاردى تاعى ٴبىر رەت قۇتتىقتادى، ول: مەن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭگو حالقىنىڭ، ٴسوز جوق، ۋاعىندا جالپى بەتتىك دوڭگەلەك داۋلەتتى قوعام قۇرىپ، «ٴبىرىنشى 100 جىلدىق» كۇرەس نىساناسىن جۇزەگە اسىراتىندىعىنا سەنەمىن، دەدى. تۇڭلۇن ج ك پ 19 - كەزەكتى ورتالىق كوميتەتى ٴتورتىنشى جالپى ٴماجىلىسىنىڭ ٴساتتى اشىلعاندىعىن قۇتتىقتادى، ول بىلاي دەدى : جۇڭگو جۇڭگوشا سوتسياليزمگە تاباندى بولىپ جانە ونى كەمەلدەندىرىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتتى، بۇل لاوستىڭ ۇيرەنۋى مەن ۇلگى الۋىنا تاتيدى، لاوستىڭ سوتسياليزم جولىمەن تاباندىلىقپەن جۇرۋىنە شابىت بەرەدى. ٴتوراعا شي جينپيڭ مەن باس شۋجي بىنياڭ كەلىسكەن لاوس-جۇڭگو تاعدىرلاس ورتاق تۇلعاسىنىڭ ارەكەت جوسپارى لاوس-جۇڭگو قاتىناسىنا بولاشاق جوبا جاساپ، باعدار كورسەتىپ بەردى، لاوس مۇنى ٴبىر-بىرلەپ تياناقتاندىرۋدا. لاوس لاوس-جۇڭگو تەمىر جولى سياقتى «ٴبىر بەلدەۋ، ٴبىر جولدى» ورتاق قۇرۋداعى ماڭىزدى نىسانداردىڭ ۋاعىندا اياقتالۋىن بەلسەنە ىلگەرىلەتىپ، لاۋوس ەكونوميكاسىنىڭ دامۋى مەن حالىق تۇرمىسىن جاقسارتۋدا ماڭىزدى رول اتقارادى.


ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.

 

 


اۋدارعان: قاناتبەك جۇماباي ۇلى

中央广播电视总台 央广网 版权所有

شي جينپيڭ لاوستىڭ زۇڭليى تۇڭلۇنمەن كەزدەستى

مەملەكەت ٴتوراعاسى شي جينپيڭ 1 ـ ايدىڭ 6 ـ كۇنى حالىق سارايىندا لاوستىڭ زۇڭليى تۇڭلۇنمەن كەزدەستى.