ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ يندونەزيانىڭ پرەزيدەنتى زوكومەن تەلەفوندا سويلەستى

来源:جۇڭگو قازاق راديو تورابى     |责编:达吾力别克 |     发布日期: 2020-02-12 11:32

ءوز حابارىمىز. مەملەكەت ءتوراعاسى شي جينپيڭ 2 ـ ايدىڭ 11 ـ كۇنى كەشتە ۋادە بويىنشا يندونەزيانىڭ پرەزيدەنتى زوكومەن تەلەفوندا سويلەستى.


شي جينپيڭ مىنالاردى انىق ايتتى: قازىر جۇڭگو جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋدىڭ ماڭىزدى كەزەڭىندە تۇر، پرەزيدەنت مىرزانىڭ مەنىمەن تەلەفوندا سويلەسۋى يندونەزيانىڭ جالپى بەتتىك ستراتەگيالىق سەرىك رەتىندە جۇڭگوعا دەگەن دوس كوڭىلى مەن قولداۋىن بەينەلەيدى، يندونەزيالىق دوستاردىڭ جۇڭگوعا سەنىم ارتقاندىعىنا جانە جۇڭگونى تۇسىنگەندىگىنە العىس ايتامىن. جۇڭگو مەن يندونەزيا دامۋ جولىنداعى ءىرى ەلدەر، قول ۇستاسا ءىرى ەلدەر جاۋاپكەرشىلىگىن ارقالاپ، اناعۇرلىم كوپ ناتيجەلەر جاراتۋ كەرەك. جۇڭگو يندونەزيامەن بىرلىكتە « ءبىر بەلدەۋ، ءبىر جولدى » ورتاق قۇرۋ ءتۇيىندى نىساندارىن ويداعىداي اتقارىپ، ەكى ەل حالقىنا ءتىپتى دە كوپ باقىت جاراتۋدى قالايدى.


شي جينپيڭ مىنالاردى باسا دارىپتەدى : جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە تىزگىندەۋ جۇڭگو ۇكىمەتىنىڭ قازىرگى ماڭداي الدى ءىرى ءىسى. ءبىز تۇزىمدىك باسىمدىلىقتى ساۋلەلەندىرىپ، جۇقپالى اۋرۋدان ساقتانۋ جانە ونى تىزگىندەۋ حالىقتىق شايقاسىن ورىستەتىپ، ەڭ قاتاڭ، ەڭ ءۇزىلدى - كەسىلدى ساقتانۋ شارالارىن قولدانىپ، بەلسەندى ناتيجەلەرگە قول جەتكىزدىك. جۇڭحۋا ۇلتى تاۋقىمەتتى تاريحتى باستان وتكەرگەن قاجىماس ۇلت، قيىنشىلىق پەن سىن ـ سايىس نەعۇرلىم زور بولعان سايىن، ۇيىستىرۋ قۋاتى مەن جاۋىنگەرلىك قۋاتى سولعۇرلىم كۇشتى حالىق. ءبىزدىڭ قابىلەتىمىز جەتكىلىكتى، سەنىمىمىز كامىل، بەكىمىمىز بەرىك، اتاپ ايتقاندا،، جۇقپالى اۋرۋ تارالۋ جاعدايىن تۇبەگەيلى جويا الامىز ءارى ەكونوميكالىق، قوعامدىق دامۋ نىسانا مىندەتتەرىن ورىنداي الامىز. جۇڭگونىڭ وسى رەتكى جۇقپالى اۋرۋ شايقاسىندا جەڭگەننەن كەيىن، اناعۇرلىم گۇلدەنىپ - كوركەيەتىنىنە سەنەمىن.


شي جينپيڭ مىنالاردى انىق ايتتى : ءبىز ادامزاتتىڭ تاعدىرلاس ورتاق تۇلعاسى تانىمىن ۇستانىپ، ءوز ەل حالقىمىزدىڭ باس اماندىعى مەن دەنساۋلىعىنا جاۋاپتى بولۋمەن بىرگە، دۇنيە ءجۇزىنىڭ الەۋمەتتىك دەنساۋلىق ساقتاۋ ىستەرىنە بولعان جاۋاپكەرشىلىكتى ادا ەتەمىز. جۇڭگو اشىق ۇستالعان، جاريا پوزيتسيادا بولا وتىرىپ، يندونەزيانى قامتىعان ءار ەلمەن ساقتانۋ ـ تىزگىندەۋ سەلبەستىگىن ۇزدىكسىز كۇشەيتىپ، وڭىرلىك جانە الەمدىك الەۋمەتتىك دەنساۋلىق ساقتاۋ حاۋىپسىزدىگىن قورعايدى. ءبىز ءوز ەل ازاماتتارىمىزعا مامىلە جاساعانداي يندونەزيانىڭ جانە باسقا ەلدەردىڭ جۇڭگوداعى ادامدارىنا ويداعىداي قامقورلىق جاسايمىز.


شي جينپيڭ مىنالاردى باسا دارىپتەدى : ناعىز دوستار قيىن ـ قىستاۋ ساتتە تابىلادى. جۇقپالى اۋرۋ تارالۋ جاعدايى تۋىلعاننان بەرى، يندونەزيانى قامتىعان توڭىرەكتەگى ەلدەر بىزگە جان ـ جاقتى قىمباتتى قولداۋ كورسەتىپ، كورشىلەر اراسىنداعى جاپا ـ ماشاقاتتا بىرگە بولىپ، تار جول، تايعاق كەشۋلەردەن بىرگە ءوتىپ، ءبىر ـ بىرىنە قارايلاسىمدى بولۋ رۋحىن ايگىلەدى. بۇلاي ىستەۋ ەكى جاقتىڭ جانە ءار ەلدىڭ ورتاق مۇددەسىنە ۇيلەسەدى.


زوكو يندونەزيا ۇكىمەتى مەن حالقى اتىنان جۇڭگو ۇكىمەتى مەن حالقىنان جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى تارالعاندىعى جونىندە حال سۇرادى. زوكو بىلاي دەدى : جۇڭگودا جۇقپالى اۋرۋ تارالعان وسى قيىن قىستاۋ ساتتە يندونەزيا جۇڭگونىڭ ادال سەرىگى رەتىندە باستان ـ اياق جۇڭگو حالقىمەن بىرگە بولىپ، جۇڭگو حالقىمەن بىرلىكتە قۇلشىنىپ، جۇقپالى اۋرۋدى تەز ارادا جەڭۋگە ورتاق قۇلشىنادى. يندونەزيا جۇڭگونى ءبىر توپ ەمدەۋ قورعانۋ بۇيىمدارىمەن قامدادى، ەگەر جۇڭگو جاق قاجەت ەتسە، يندونەزيا جۇڭگوعا ۇزدىكسىز قاجەتتى كومەك بەرۋگە دايىندالىپ وتىر. يندونەزيا جۇڭگومەن بىرلىكتە قۇلشىنىپ، « ءبىر بەلدەۋ، ءبىر جولدى » ورتاق قۇرۋدى ۇزدىكسىز ىلگەرىلەتۋدى قالايدى. وسى رەتكى جۇقپالى اۋرۋ تارالۋ سىنىنان ءوتۋ ارقىلى يندونەزيانىڭ جۇڭگومەن بولعان دوستىعىنىڭ ونان ارى تەرەڭدەيتىندىگىنە، ەكى ەل قاتىناسىنىڭ اناعۇرلىم جوعارى ساتىعا كوتەرىلەتىندىگىنە سەنەمىن.

 

قاناتبەك جۇماباي ۇلىنىڭ اۋدارماسى

中央广播电视总台 央广网 版权所有

شي جينپيڭ يندونەزيانىڭ پرەزيدەنتى زوكومەن تەلەفوندا سويلەستى

شي جينپيڭ مىنالاردى انىق ايتتى: قازىر جۇڭگو جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنان ساقتانۋ جانە ونى تىزگىندەۋدىڭ ماڭىزدى كەزەڭىندە تۇر، پرەزيدەنت مىرزانىڭ مەنىمەن تەلەفوندا سويلەسۋى يندونەزيانىڭ جالپى بەتتىك ستراتەگيالىق سەرىك رەتىندە جۇڭگوعا دەگەن دوس كوڭىلى مەن قولداۋىن بەينەلەيدى، يندونەزيالىق دوستاردىڭ جۇڭگوعا سەنىم ارتقاندىعىنا جانە جۇڭگونى تۇسىنگەندىگىنە العىس ايتامىن.