ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ بانگلادەشتىڭ زۇڭليىمەن تەلەفوندا سويلەستى

来源:جۇڭگو قازاق راديو تورابى     |责编:阿依娜古丽|     发布日期: 2020-05-21 09:54

 

ءوز حابارىمىز: ٴتوراعاسى شي جينپيڭ 5 ـ ايدىڭ 20 ـ كۇنى كەشتە بانگلادەشتىڭ زۇڭليى حاسينامەن تەلەفوندا سويلەستى.


    شي جينپيڭ بىلاي دەپ انىق ايتتى: جۇڭگودا جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋى تارالعان كەزدە بانگلادەشتىڭ قوعام ٴار سالاسى تۇرلىشە تاسىلدەر ارقىلى جۇڭگونى قولداپ، بانگلادەش حالقىنىڭ جۇڭگو حالقىنا دەگەن تەرەڭ سۇيىسپەنشىلىگىن ايگىلەدى. قازىر وڭتۇستىك ازيادا جۇقپالى اۋرۋ ورشۋدە، جۇقپالى اۋرۋدان ساقتانۋ-تىزگىندەۋ مىندەتى ٴالى دە جاپالى. جۇڭگو بانگلادەشتىڭ قاجەتىنە نەگىزدەلىپ، بانگلادەشتىڭ جۇقپالى اۋرۋعا قارسى تۇرۋىنا باتىل قولداۋ جانە كومەك كورسەتەدى، تاياۋدا بانگلادەشكە ەمدەۋ ماماندارى گرۋپپاسىن جىبەرەدى. مەن ٴسىزدىڭ باسشىلىعىڭىزدا، بانگلادەش حالقىنىڭ جۇقپالى اۋرۋدى، ٴسوز جوق، ەرتەرەك جەڭەتىندىگىنە سەنەمىن . بانگلادەش ۇكىمەتىنىڭ بەنگالداعى جۇڭگو ازاماتتارىنا كومەكتەسكەنىنە العىس ايتامىن، جۇڭگو بانگلادەشتىڭ جۇڭگوداعى ازاماتتارىنىڭ باس اماندىعى مەن دەنساۋلىعىن ۇزدىكسىز قامتاماسىز ەتەدى.


    شي جينپيڭ مىنالاردى باسا دارىپتەدى: جۇڭگو جۇقپالى اۋرۋعا قارسى تۇرۋ حالىقارالىق سەلبەستىگىنە كەدەرگىلىك جاسايتىن، دۇنيە ء جۇزىنىڭ، اسىرەسە، دامۋ ۇستىندەگى ەلدەردىڭ جۇقپالى اۋرۋعا قارسى تۇرۋ قۇلشىنىسىنا نۇقسان جەتكىزەتىن ارەكەتتەرگە قارسى تۇرادى. جۇڭگو بانگلادەشتى قامتىعان حالىقارا قوعاممەن جالعاستى بىرگە بولۋدى، دۇنيە جۇزىلىك دەنساۋلىق ساقتاۋ ۇيىمىنىڭ باسشىلىق رولىن ساۋلەلەندىرۋىن قولداپ، حالىقارالىق بىرلەسىپ قورعانۋ، بىرلەسىپ مەڭگەرۋ سەلبەستىگىن ىلگەرىلەتۋدى، الەمدىك الەۋمەتتىك دەنساۋلىق ساقتاۋ حاۋىپسىزدىگىن قورعاۋدى قالايدى.


    شي جينپيڭ مىنالاردى باسا دارىپتەدى: جۇڭگو مەن بانگلادەش ٴداستۇرلى دوس كورشى ەلدەر، ەكى جاق ماڭىزدى دامۋ سەرىگى. ەكى جاق جۇڭگو مەن بانگلادەشتىڭ ستراتەگيالىق سەلبەستىك سەرىكتەستىك قاتىناسىن بەكەمدەپ، «ٴبىر بەلدەۋ، ٴبىر جولدى» ورتاق قۇرۋدى ىشكەرىلەتۋ كەرەك. جۇڭگو بانگلادەشپەن جۇقپالى اۋرۋدان ساقتانۋ-تىزگىندەۋ العى شارتىندا، بىرتىندەپ ٴتيىمدى شارت-جاعداي جاراتىپ، ٴتۇيىندى سەلبەستىك نىساندارىن اتقارۋدى قالپىنا كەلتىرىپ، كاسىپ تىزبەگىنىڭ، قامداۋ تىزبەگىنىڭ ورنىقتىلىعىن ساقتاپ، ەكى جاقتىڭ ٴار سالاداعى سەلبەستىگىن كەڭەيتۋىنە تاماشا نەگىز قالاۋعا پەيىل.


    حاسينا بىلاي دەدى: بانگلادەش پەن جۇڭگونىڭ دوستىعى تەرەڭ، ٴتوراعا شي جينپيڭ 2016-جىلى بەنگالدا اسا تابىستى مەملەكەتتىك ساپاردا بولىپ، ەكى ەل قاتىناسى تىڭ دەڭگەيگە كوتەرىلدى. بانگلادەشتىڭ جۇقپالى اۋرۋ تارالعان قيىن-قىستاۋ كەزىندە، جۇڭگو بەرگەن قىمباتتى قولداۋلار جانە كومەكتەر بانگلادەشتىڭ ساقتانۋ-تىزگىندەۋ قابىلەتىن كۇشەيتتى، بانگلادەشتىڭ قيىنشىلىقتى جەڭۋ سەنىمىن نىعايتتى. بانگلادەش بۇعان ەرەكشە العىس ايتادى. جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋى دۇنيە جۇزىلىك سايىس، بۇعان ءار ەل ورتاق توتەپ بەرۋى كەرەك. جۇڭگونىڭ بانگلادەشتىڭ جۇڭگوداعى ازاماتتارىنا، اسىرەسە ۋحانداعى بانگلادەشتىك وقۋشىلارعا قامقورلىق جاساعاندىعىنا العىس ايتامىن. بانگلادەشتەگى جۇڭگو ازاماتتارىن تۇرمىسىن ويداعىداي قامتاماسىزداندىرامىز. بانگلادەش جۇڭگومەن « ٴبىر بەلدەۋ، ٴبىر جولدى» ورتاق قۇرىپ، بەنگال-جۇڭگو ستراتەگيالىق سەلبەستىك سەرىكتەستىك قاتىناسىنىڭ ۇزدىكسىز دامۋىن ىلگەرىلەتۋدى قالايدى.


اۋدارعان: قاناتبەك جۇماباي ۇلى

中央广播电视总台 央广网 版权所有

شي جينپيڭ بانگلادەشتىڭ زۇڭليىمەن تەلەفوندا سويلەستى

ٴتوراعاسى شي جينپيڭ 5 ـ ايدىڭ 20 ـ كۇنى كەشتە بانگلادەشتىڭ زۇڭليى حاسينامەن تەلەفوندا سويلەستى.