ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ باعدار سىلتەۋ جۇيەسىنىڭ قۇرىلۋ جانە اشىلۋ سالتىنا قاتىناستى

来源:جۇڭگو قازاق راديو تورابى     |责编:达吾力别克 |     发布日期: 2020-08-01 17:39

شي جينپيڭ جەتى قاراقشى 3 ـ ءنومىرلى جەرشارى جاساندى سەرىك باعدار سىلتەۋ جۇيەسىنىڭ قۇرىلۋ جانە اشىلۋ سالتىنا قاتىناستى، لي كىچياڭ، حان جىڭ قاتارلىلاردا سالتقا قاتىناستى


ءوز حابارىمىز. جەتى قاراقشى 3 ـ ءنومىرلى جەر شارى جاساندى سەرىك باعدار سىلتەۋ جۇيەسىنىڭ قۇرىلۋ جانە اشىلۋ سالتى 7-ايدىڭ 31-كۇنى تۇستەن بۇرىن بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سالتقا قاتىناسىپ، جەتى قاراقشى 3 ـ ءنومىرلى جاساندى سەرىك باعدار سىلتەۋ جۇيەسىنىڭ رەسمي ىسكە قوسىلعاندىعىن جاريالادى ءارى جەتى قاراقشى جۇيەسى قۇرىلىسىنىڭ دامۋ جەتىستىكتەرى كورمەسىن ەكسكۋرسيالاپ، پارتيا ورتالىق كوميتەتى اتىنان جۇيەنى زەرتتەپ جاساۋعا قاتىناسقان بارلىق قىزمەتكەرگە شىن جۇرەكتەن العىس ايتتى ءارى شىنايى سالەم جولدادى.


ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ سالتقا قاتىناستى.


حالىق سارايى ايبىندى دا سالتاناتتى تۇسكە ەنىپ، شىعىس زالدىڭ ىشىندەگى شامدار سامالاداي جارقىراپ، دۋماندى بەينەگە شومدى. ساعات 10 نان 30 مينۋت وتكەندە، دۋ قول شاپالاق ءۇنى جاڭعىرىپ، شي جينپيڭ قاتارلىلار سالت ناق مايدانىنا كىردى.


ليۋ حى سالتتى باسقاردى. سالتتا جەتى قاراقشى 3 ـ ءنومىرلى جەرشارى جاساندى سەرىك باعدار سىلتەۋ جۇيەسى قۇرىلىسىنىڭ دامۋ جاعدايى باياندالعان قىسقا تەلە فيلم قويىلدى. جاڭ يوۋشيا ج ك پ ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ قۇتتىقتاۋ تەلەگرامماسىن وقىدى.


ساعات 10 نان 48 مينۋت وتكەندە، شي جينپيڭ ءتوراعالار مىنبەسىنە شىعىپ: «جەتى قاراقشى 3-ءنومىرلى جەرشارى جاساندى سەرىك باعدار سىلتەۋ جۇيەسى رەسمي ىسكە قوسىلدى!»،-دەگەن كەزدە ناق مايداندا شاتىرلاعان قول شاپالاق ءۇنى نەداۋىر ۋاقىتقا دەيىن جالعاستى.


سالت اياقتاعاننان كەيىن، شي جينپيڭ قاتارلىلار حالىق سارايىنىڭ حىبەي زالىنا كىرىپ، جەتى قاراقشى جۇيەسى قۇرىلىسىنىڭ دامۋ جەتىستىكتەرى كورمەسىن ەكسكۋرسيالاپ، ينجەنەريا قۇرىلىسى، اينالىم قىزمەت وتەۋى، قولدانىلىم جالپىلاستىرۋ، حالىقارالىق سەلبەستىك جانە دامۋ بولاشاعىنا نازار جايلى تانىستىرۋلاردى تىڭدادى. جەتى قاراقشى جۇيەسىنىڭ دەربەس جاڭالىق جاراتۋ، دەربەس مەڭگەرۋدەي ماڭىزدى ناتيجەلەرىن جانە كولەمدەندىرۋدى، بازارلاندىرۋدى، كاسىپ سالالاندىرۋدى قولدانۋ، سونداي - اق حالىقارالانۋ اياق الىسىنىڭ كورگىزبە تاقتاسى مەن كورمە بۇيىمدارى شي جينپيڭنىڭ نازارىن اۋداردى، ولقاتىستى جاعدايلاردى ەگجەي ـ تەگجەيلى سۇراستىردى.


شي جينپيڭ جەتى قاراقشى جۇيەسىنىڭ، اسىرەسە، جەتى قاراقشى 3 ـ ءنومىرلى جەرشارى جاساندى سەرىك باعدار سىلتەۋ جۇيەسى قۇرىلىسىندا قولعا كەلگەن تابىستاردى تولىق تۇراقتاندىرا كەلىپ مىنالاردى اتاپ كورسەتتى: جەتى قاراقشى 3 - ءنومىرلى جەر شارى جاساندى سەرىك باعدار سىلتەۋ جۇيەسىنىڭ قۇرىلۋى مەن ىسكە قوسىلۋى ەلىمىز سوتسياليستىك ءتۇزىمىنىڭ كۇشتى شوعىرلاندىرا وتىرىپ ءىرى ىستەر تىندىراتىن ساياسي ابزالدىلىعىن تولىق ايگىلەدى. ەلىمىزدىڭ جالپىلىق قۋاتىن جوعارىلاتۋدا، جۇقپالى اۋرۋدان ساقتانۋدى-تىزگىندەۋدى ۇدايىلاندىرۋ شارت - جاعدايىندا ەلىمىزدىڭ ەكونوميكاسىن دامىتۋ مەن حالىق تۇرمىسىن جاقسارتۋدا، حالىقارانىڭ قازىرگى ەكونوميكالىق جاعدايىندا ەلىمىزدىڭ سىرتقا ەسىكتى اشىق ۇستاۋىن ىلگەرىلەتۋدە، ۇلت سەنىمىن ونان ارى بەكەمدەپ، « قوس 100 جىلدىق» كۇرەس نىساناسىن قۇلشىنا جۇزەگە اسىرۋدا اسا كەلەلى مانگە يە. 26 جىلدان بەرى، جەتى قاراقشى جۇيەسىن زەرتتەۋگە-قۇرۋعا قاتىناسقان قىزمەتكەرلەر قيىنشىلىققا قارسى ۇدىرە العا تارتىپ، جاپا-ماشاقاتتان قورىقپاي، كۇش جالعاپ العا ۇمتىلىپ، «ەكى بومبى ، ءبىر جاساندى سەرىك» رۋحىن ساۋلەلەندىرىپ، جاڭا داۋىردەگى جەتى قاراقشى رۋحىن جەتىلدىردى، ءبىز بۇعان ويداعىداي مۇراگەرلىك ەتۋىمىز، ايتارلىقتاي ساۋلەلەندىرۋىمىز كەرەك. جەتى قاراقشى جۇيەسىنىڭ قولدانىلۋىن جالپىلاستىرىپ، جۇيەنىڭ ورنىقتى اينالىمىنا كەپىلدىك ەتۋدەي سوڭعى قىزمەتتەردى تىندىرىمدى ىستەپ، ەلىمىز ەكونوميكاسى مەن قوعامىنىڭ دامۋىن ىلگەرىلەتۋگە، ادامزاتتىڭ تاعدىرلاس ورتاق تۇلعاسىن قۇرۋدى جەبەۋگە تىڭ دا اناعۇرلىم زور ۇلەس قوسۋىمىز قاجەت.


ديڭ شۋەشياڭ ، شۇي چيلياڭ ، شياۋ جيە ، حى ليفىڭ ، لي زوچىڭ جوعارىداعى قيمىلدارعا قاتىناستى.


ورتالىق پەن مەملەكەت ورگاندارىنىڭ قاتىستى تاراۋلارىنداعى ، ارميانىڭ قاتىستى ورىندارىنداعى جاۋاپتى جولداستار، جەتى قاراقشى جۇيەسىن زەرتتەۋگە، قۇرۋعا اتسالىسقان قىزمەتكەرلەردىڭ ۋاكىلدەرى قاتارلىلار سالتقا قاتىناستى.


جەتى قاراقشى جۇيەسى − پارتيا ورتالىق كوميتەتىنىڭ شەشىمىمەن اتقارىلعان مەملەكەتتىڭ كەلەلى عىلىم - تەحنيكا ينجەنەرياسى. ينجەنەريا 1994 - جىلى باستالىپ، 2000 - جىلى جەتى قاراقشى 1 - ءنومىرلى جۇيە قۇرىلىسى، 2012 - جىلى جەتى قاراقشى 2-ءنومىرلى جۇيەسى قۇرىلىسى ورىندالدى. جەتى قاراقشى 3 - ءنومىرلى جەرشارى جاساندى سەرىك باعدار سىلتەۋ جۇيەسىنىڭ جالپى بەتتىك قۇرىلىپ، قىزمەت وتەي باستاۋى وسى ينجەنەريانى «ءۇش قاداممەن ىلگەرىلەتۋدەي» دامىتۋ ستراتەگياسىندا شەشۋشى جەڭىستىڭ قولعا كەلىپ، ەلىمىزدىڭ دۇنيە جۇزىندەگى جەرشارى جاساندى سەرىك باعدار سىلتەۋ جۇيەسىنە 3 ـ بولىپ دەربەس قول جەتكىزگەن ەلگە اينالعاندىعىنان دەرەك بەرەدى. قازىر دۇنيە جۇزىندەگى 120 نەشە ەل مەن رايون جەتى قاراقشى جۇيەسىنەن پايدالانۋدا.


اۋدارعان: امانتاي مۇسايىپ ۇلى

中央广播电视总台 央广网 版权所有

شي جينپيڭ باعدار سىلتەۋ جۇيەسىنىڭ قۇرىلۋ جانە اشىلۋ سالتىنا قاتىناستى

شي جينپيڭ جەتى قاراقشى 3 ـ ءنومىرلى جەرشارى جاساندى سەرىك باعدار سىلتەۋ جۇيەسىنىڭ قۇرىلۋ جانە اشىلۋ سالتىنا قاتىناستى، لي كىچياڭ، حان جىڭ قاتارلىلاردا سالتقا قاتىناستى