ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ ورتالىق كوميتەت ساياسي بيۋروسىنىڭ 22 ـ رەتكى كوللەكتيۆ ۇيرەنۋىندە

来源:جۇڭگو قازاق رايو تورابى     |责编:达吾力别克 |     发布日期: 2020-08-01 17:51

شي جينپيڭ ورتالىق كوميتەت ساياسي بيۋروسىنىڭ 22 ـ رەتكى كوللەكتيۆ ۇيرەنۋىندە: يدەيانى بىرلىككە كەلتىرىپ، سەنىمدى بەكەمدەپ، قايراتتى تاسقىنداتىپ، قىزمەتتى مىقتى يگەرىپ، مەملەكەت قورعانىسى مەن ارميانى وسىزامانداندىرۋ قۇرىلىسىن كۇش سالا ىلگەرىلەتۋدى باسا دارىپتەدى


ءوز حابارىمىز. ج ك پ ورتالىق كوميتەتىنىڭ ساياسي بيۋروسى 7-ايدىڭ 30-كۇنى تۇستەن كەيىن مەملەكەت قورعانىسى مەن ارميانى وسىزامانداندىرۋ قۇرىلىسىن كۇشەيتۋ جونىندە 22-رەتكى كوللەكتيۆ ۇيرەنۋ وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: مەملەكەتتى قۇدىرەتتەندىرۋ ءۇشىن، ءسوز جوق، ارميانى قۇدىرەتتەندىرۋ كەرەك، ارميا قۇدىرەتتەنگەندە عانا مەملەكەت ورنىقتى بولادى. جۇڭگوشا سوتسياليزمگە تاباندى بولىپ جانە ونى دامىتىپ، جۇڭحۋا ۇلتتارىنىڭ ۇلى گۇلدەنۋىن جۇزەگە اسىرۋدا دامۋ مەن حاۋىپسىزدىكتى، مەملەكەتتى بايىتۋ مەن ارميانى قۇدىرەتتەندىرۋدى ءبىرتۇتاس جوسپارلاپ، مەملەكەت قورعانىسى مەن ارميانىڭ وسىزاماندانۋ اياق الىسىنىڭ مەملەكەتتىڭ وسىزاماندانۋ اياق الىسىمەن سايكەسۋىنە شىنايى كەپىلدىك ەتۋ، اسكەري قۋاتتى مەملەكەتتىڭ ستراتەگيالىق قاجەتىنە ۇيلەستىرۋ كەرەك. قازىر جانە بۇدان بىلايعى ءبىر مەزگىل مەملەكەت قورعانىسى مەن ارميانى وسىزامانداندىرۋ قۇرىلىسىنىڭ شەشۋشى مەزگىلى. يدەيانى بىرلىككە كەلتىرىپ، سەنىمدى بەكەمدەپ، قايراتتى تاسقىنداتىپ، قىزمەتتى مىقتى يگەرىپ، مەملەكەت قورعانىسى مەن ارميانى وسىزامانداندىرۋ قۇرىلىسىن كۇش سالا ىلگەرىلەتۋ كەرەك.


اسكەري ىستەر عىلىم اكادەمياسىنىڭ زەرتتەۋشىسى چىن رۇڭدي جولداس بۇل ماسەلە جونىندە تۇسىنىك جاسادى. ءارى پىكىر جانە ۇسىنىس ايتتى. ورتالىق كوميتەت ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى تالقى جۇرگىزدى.


شي جينپيڭ ۇيرەنۋدى باسقارعاندا مىنالاردى اتاپ كورسەتتى: بەرىك مەملەكەت قورعانىسى مەن قۇدىرەتتى ارميا قۇرۋ _ _ پارتيامىزدىڭ بەرىك نىساناسى. ۇزاق ۋاقىتتىق اماليات بارىسىندا، پارتيامىز مەملەكەت قورعانىسى مەن ارميانى وسىزامانداندىرۋ قۇرىلىسىن پارتيا مەن مەملەكەت ىستەرىنىڭ جالپى جاعدايىنداعى ماڭىزدى ورىنعا قويۋعا تاباندى بولىپ، قاجىرلىلىقپەن قۇلشىنىس جاسادى جانە كەسەك تابىستارعا قول جەتكىزدى. پارتيا 18 ـ قۇرىلتايىنان بەرى، ءبىز جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى كوزدە ۇستاي وتىرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋدى وزەك ەتىپ، ءبىرقىدىرۋ كەلەلى باعىت، پرينسيپتەردى العا قويدىق. ءبىرقىدىرۋ كەلەلى شەشىمدەر مەن ورنالاستىرۋلار جاساپ، ءبىرقىدىرۋ كەلەلى قىزمەتتەردى ىلگەرىلەتىپ، ارميانى قۇدىرەتتەندىرۋ ىستەرىندە جاڭا جاعداي جاراتىلدى. بيىل ءبىز مەملەكەت قورعانىسى مەن ارميا قۇرىلىسىنىڭ 2020 ـ جىلعى نىسانالىق مىندەتىن جۇزەگە اسىرامىز، ءارى اۋقىمعا قاراي ىلگەرىلەپ، مەملەكەت قورعانىسى مەن ارميانى وسىزامانداندىرۋدى نەگىزىنەن جۇزەگە اسىرۋدىڭ، سول ارقىلى ارميامىزدى دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋدىڭ جاڭا جورىعىن باستايمىز.


شي جينپيڭ مىنالاردى باسا دارىپتەدى: پارتيا 19 ـ قۇرىلتايىنان بەرى، پارتيا ورتالىق كوميتەتى مەن ورتالىق اسكەري ىستەر كوميتەتى مەملەكەت قورعانىسى مەن ارميانى وسىزامانداندىرۋ جونىندە جاڭا ستراتەگيالىق جوبا جانە ورنالاستىرۋ جاسادى. ارميانى ساياسي جولمەن قۇرۋعا، ارميانى رەفورما ارقىلى قۇدىرەتتەندىرۋگە، عىلىم-تەحنيكا ارقىلى قۇدىرەتتەندىرۋگە، دارىندىلار ارقىلى قۇدىرەتتەندىرۋگە، زاڭمەن جونگە سالۋعا تاباندى بولۋ كەرەك. اسكەري ىستەر نازارياسىنىڭ، ارميانىڭ ۇيىمدىق فورماسىنىڭ، اسكەري قىزمەتكەرلەردىڭ، قارۋ-جاراقتىڭ وسىزاماندانۋىن جاپپاي ىلگەرىلەتۋ كەرەك. مەحانيكالاندىرۋدى، ينفورماتسيالاندىرۋدى، زەيندەستىرۋدى توعىستىرا دامىتۋدى جەدەلدەتىپ، اسكەري جاتتىعۋدى جاپپاي كۇشەيتىپ، مەملەكەت قورعانىسى مەن ارميانى وسىزامانداندىرۋ نىساناسى جانە مىندەتىن جۇزەگە اسىرۋعا شىنايى كەپىلدىك ەتۋ كەرەك.


شي جينپيڭ مىنالاردى اتاپ كورسەتتى: قازىر، دۇنيە جۇزىندە ءجۇز جىلدا بولماعان زور وزگەرىس بولىپ، جاڭا ءتيپتى ايدارشا ۆيرۋسىمەن جۇعىمدالعان وكپە قابىنۋ ىندەتى حالىقارالىق جاعدايعا تەرەڭ ىقپال جاسادى. ەلىمىزدىڭ حاۋىپسىزدىك جاعدايىندا تۇراقسىزدىق، ورنىقسىزدىق فاكتورلار مولايدى. دۇنيە جۇزىندە جاڭا اسكەري ىستەر توڭكەرىسىنىڭ قارىشتاپ دامۋى، بىزگە تاپتىرماس وراي جاراتتى، سونىمەن بىرگە اۋىر سىندارعا دا ۇشىراتتى. بورىشتىلىق سەزىم مەن كوكەي تەستىلىك سەزىمدى كۇشەيتىپ، ارميامىزدىڭ وسىزاماندانۋ قۇرىلىسىنىڭ سەكىرمەلى دامۋىن قۇلشىنا جۇزەگە اسىرۋ كەرەك.


شي جينپيڭ مىنالاردى باسا دارىپتەدى: مەملەكەتتىڭ دامۋ ورنالاستىرۋىمەن سايكەستىرە وتىرىپ، جاڭا داۋىردەگى اسكەري ستراتەگيالىق باعىتتى دايەكتىلەندىرىپ، ارميامىزدىڭ وسىزاماندانعان دامۋ ستراتەگياسىن دايەكتىلەندىرىپ، ارميامىز قۇرىلىسىنىڭ «14 – بەسجىلدىق» پلانىن ويداعىداي جاساپ، عىلمي جول كارتاسىن، قۇرىلىس سالۋ كارتاسىن قالىپتاستىرۋ كەرەك. باعىتتى وزگەرتپەۋگە، جولدان اۋىتقىماۋعا، تەبىندى السىرەتپەۋگە تاباندى بولۋ كەرەك. اسكەري ساياسات ـ ءتۇزىم رەفورماسى سىندى وسى ءتۇيىندى كورنەكتىلەندىرىپ، ءتۇرلى رەفورما قىزمەتتەرىن ءبىر تۇتاس جوسپارلاپ ىلگەرىلەتىپ، جاۋىنگەرلىك قۋاتتى ۇزدىكسىز ازات ەتىپ جانە دامىتىپ، ارميانىڭ ومىرشەڭدىك كۇشىن ازات ەتۋ جانە كۇشەيتۋ كەرەك. دەربەس جاڭالىق جاراتۋ ستراتەگياسى تۇيىنىنەن جازباي، نەگىزدىك زەرتتەۋ جانە باستاپقى جاڭالىق جاراتۋدى كۇشەيتۋ كەرەك. شەشۋشى تۇيىندەردەن قامال الۋدى جەدەلدەتىپ، ستراتەگيالىق، الدىڭعى لەكتىك، توڭكەرىستىك تەحنيكالاردى جەدەل دامىتۋ كەرەك. قورعانىستىق عىلىم-تەحنيكا مەن قارۋ-جاراق كەلەلى ستراتەگيالىق ينجەنەرياسىن جەدەل اتقارىپ، ارميامىزدىڭ عىلىم-تەحنيكالىق قۇرامىن ۇزدىكسىز جوعارىلاتۋ كەرەك. جاڭا داۋىردەگى اسكەري ىستەردى دايەكتىلەندىرىپ، ءۇش ءبىر تۇلعالانعان اسكەري ىستەر دارىندىلارىن تاربيەلەۋ جۇيەسىن كەمەلدەندىرۋ كەرەك. اسكەري ىستەر ادام كۇشى بايلىعىن باسقارۋدا جاڭالىق جاراتىپ، جوعارى ساپالى، ماماندانعان جاڭا تيپتەگى اسكەري دارىندىلاردى جەتىلدىرۋ كەرەك. ءار جاقتىڭ ارميانى قۇدىرەتتەندىرۋ ىستەرىنە ات سالىسۋىن ىلگەرلەتىپ، باسقارۋ تانىمىن جاڭالاپ، ستراتەگيالىق ساپانى جوعارىلاتىپ، ءتۇزىم، مەحانيزىمدەردى كەمەلدەندىرۋ كەرەك. ستراتەگيالىق باسقارۋ جەلىسىن ىركىلىسسىزدەندىرىپ، اسكەري باسقارۋ توڭكەرىسىن ماندىك تۇردە ىلگەرىلەتىپ، اسكەري ىستەر جۇيەسىنىڭ اينالىم ونىمدىلىگى مەن مەملەكەت قورعانىسى بايلىعىن پايدالانۋ ونىمدىلىگىن جوعارىلاتۋ كەرەك.


شي جينپيڭ مىنالاردى باسا دارىپتەدى: بۇكىل پارتيانىڭ، بۇكىل ەلدىڭ ءبىر تۇتاستىعىنا تاباندى بولىپ، ارميا مەن جەرگىلىكتى ورىن مەملەكەت قورعانىسى مەن ارميانى وسىزامانداندىرۋدى كۇش بىرىكتىرە ىلگەرىلەتۋ كەرەك. ورتالىق جانە مەملەكەت ورگاندارى، جەرلىك ءار دارەجەلى پارتكومدار جانە ۇكىمەتتەر مەملەكەت قورعانىس تانىمىن كۇشەيتۋى كەرەك. قاتىستى قىزمەتتەردى مۇقيات تياناقتاندىرىپ، مەملەكەت قورعانىسى عىلىم-تەحنيكاسىندا جاڭالىق جاراتۋ، مەملەكەت قورعانىسى ينجەنەريا قۇرىلىسى، مەملەكەت قورعانىسى جانە ارميا رەفورماسى سياقتى جاقتاردا زور كۇشپەن قولداۋ كورسەتۋ، اسكەريلەردىڭ سەمياسىنداعىلاردىڭ ارميامەن بىرگە جۇمىستانۋى، پەرزەنتتەرىنىڭ وقۋعا ءتۇسۋى، اماناتتاۋ، قامقورلىق جاساۋ ساياساتىن تياناقتاندىرۋ جانە اسكەردەن بوساعان اسكەريلەردى قامتاماسىزداندىرۋ سياقتى جاقتاردا ولاردى ۋايىمنان بەلسەنە ارىلتۋ كەرەك. ارميا ورتالىق پەن مەملەكەت ورگاندارىمەن پىكىرلەسۋدى، سايكەسۋدى جاقسى ىستەپ، مەملەكەت قورعانىسى مەن ارميا قۇرىلىسىن بىرگە العا ىلگەرىلەتۋ كەرەك.


اۋدارعان: شالقار قازەز ۇلى

中央广播电视总台 央广网 版权所有

شي جينپيڭ ورتالىق كوميتەت ساياسي بيۋروسىنىڭ 22 ـ رەتكى كوللەكتيۆ ۇيرەنۋىندە

شي جينپيڭ ورتالىق كوميتەت ساياسي بيۋروسىنىڭ 22 ـ رەتكى كوللەكتيۆ ۇيرەنۋىندە: يدەيانى بىرلىككە كەلتىرىپ، سەنىمدى بەكەمدەپ، قايراتتى تاسقىنداتىپ، قىزمەتتى مىقتى يگەرىپ، مەملەكەت قورعانىسى مەن ارميانى وسىزامانداندىرۋ قۇرىلىسىن كۇش سالا ىلگەرىلەتۋدى باسا دارىپتەدى