ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ 2020-جىلعى +5G ونەركاسىپ ينتەرنەت جينالىسىنا قۇتتىقتاۋ حاتىن جولدادى

来源:جۇڭگو قازاق راديو تورابى     |责编:达吾力别克 |     发布日期: 2020-11-21 18:03

ءوز حابارىمىز. 2020-جىلى جۇڭگو +5G ونەركاسىپ ينتەرنەت جينالىسى 11-ايدىڭ 20-كۇنى حۋبەي ولكەسىنىڭ ۋحان قالاسىندا اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حات جولداپ، ءماجىلىستىڭ اشىلعاندىعىن قىزۋ قۇتتىقتادى.


شي جينپيڭ مىنالاردى اتاپ كورسەتتى: كەزەكتە، دۇنيە جۇزىندە جاڭا كەزەكتى عىلىم-تەحنيكا توڭكەرىسى مەن كاسىپ وزگەرىسى ىشكەرىلەي ىلگەرىلەپ، ينفورماتسيا تەحنيكاسى كۇننەن كۇنگە جاڭالانۋدا. +5G مەن ونەركاسىپ ينتەرنەتىنىڭ توعىسۋى سيفرلى جۇڭگو، زەردەلى قوعام قۇرىلىسىن جەبەپ، جۇڭگونىڭ جاڭاشا ونەركاسىپتەندىرۋ اياق الىسىن جەدەلدەتىپ، جۇڭگو ەكونوميكاسىنىڭ دامۋىنا جاڭا قوزعاۋشى كۇش ۇستەپ، ىندەت القىمداعان الەم ەكونوميكاسىنا جاڭا دامۋ ورايىن جاراتادى. جيىنالىسقا قاتىناسقان ۋاكىلدەردىڭ «اقىل – پاراسات ارقىلى كۇش بىرىكتىرىپ، بولاشاق جاراتۋ » نەگىزگى تاقىرىبىن ارقاۋ ەتىپ، ىشكەرىلەي اۋىس-كۇيىس جاساپ، ورتاق تانىم ۇيىستىرىپ، سەلبەستىكتى كۇشەيتىپ، ناقتى تۇلعانى اناعۇرلىم ويداعىداي جەتىلدىرىپ، قوعامعا ويداعىداي قىزمەت وتەپ، حالىققا باقىت جاراتۋىن ءۇمىت ەتەمىن.


شي جينپيڭ بىلاي دەپ باسا دارىپتەدى: بۇل رەتكى جينالىستىڭ حۋبەيدىڭ ۋحان قالاسىندا وتكىزىلۋى ايىرىقشا ءمان الادى. حۋبەي ولكەسى مەن ۋحان قالاسىنىڭ وسى رەتكى جينالىستىڭ اشىلۋىن وراي ەتىپ، ىندەتكە قارسى تۇرۋ ۇلى رۋحىن ساۋلەلەندىرىپ، سيفرلى ەكونوميكانىڭ دامۋىن زور كۇشپەن ىلگەرىلەتىپ، ەكونوميكانىڭ جوعارى ساپالى دامۋىن جەبەۋگە، جاڭا دامۋ جاعدايىن ورناتۋعا قىزمەت وتەۋگە ۇلەس قوسۋىن ءۇمىت ەتەمىن.


اشىلۋ سالتىندا ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ حى بەينە ەكران ارقىلى شي جينپيڭنىڭ قۇتتىقتاۋ حاتىن وقىدى ءارى ارناۋ ءسوز سويلەدى. ول بىلاي دەدى: باس شۋجي شي جينپيڭنىڭ قۇتتىقتاۋ حاتى پارتيا ورتالىق كوميتەتىنىڭ +5G ونەركاسىپ ينتەرنەتى كاسىبىنىڭ دامۋىنا وسكەلەڭ ءمان بەرەتىندىگىن تولىق ايگىلەدى، مۇنى مۇقيات ۇيرەنۋ، تەرەڭ ءتۇسىنۋ، باتىل دايەكتى تياناقتاندىرۋ كەرەك. «14- بەسجىلدىق» جوسپار ۇسىنىستا ەل ىشىندەگى زور اينالىمدى نەگىزگى تۇلعا ەتكەن، ەل ىشىندەگى جانە حالىقاراداعى قوس اينالىم ءبىرىن-ءبىرى جەبەيتىن جاڭا دامۋ جۇيەسىن ورناتۋ ءارى عىلىم-تەحنيكادا جاڭالىق اشۋدى ماڭداي الدى مىندەت رەتىندە مىقتى يگەرۋ ورتاعا قويىلدى. حۋبي ولكەسى جاقىنعى جىلداردان بەرى وزىق جاساۋ كاسىبى، سيفرلى ەكونوميكا قاتارلى سالالاردا ويداعىداي دامىدى. ءتيىمدى ورايدى ۇزدىكسىز مىقتى ۇستاپ، وزىندىك سالىستىرمالى ابىزالدىقتى ساۋلەلەندىرىپ، قوس اينالىمداعى ورىنىن ءدال تاۋىپ، +5G ونەركاسىپ ينتەرنەتى كاسىبىنىڭ دامۋىن جەدەلدەتىپ، كاسىپ تىزبەگىنىڭ وسىزاماندانۋ دەڭگەيىن جوعارىلاتىپ، جاڭا دامۋ جاعدايىن قالىپتاستىرۋدى ىلگەرىلەتۋىن ءۇمىت ەتەمىن.


حالىقارالىق تەلەگراف سەلبەستىك وداعىنىڭ باس حاتشىسى جاۋ حوۋلين ماجىلىستە بەينە ەكران ارقىلى ءسوز سويلەدى.


2020 -جىلعى جۇڭگو +5G ونەركاسىپ ينتەرنەت جينالىسى تۇڭعىش رەت اشىلدى. اتالعان قيمىلدى ونەركاسىپ جانە ينفورماتسيالاندىرۋ مينيسترلىگى، حۋبەي ولكەلىك حالىق ۇكىمەتى باس بولىپ ۇيىمداستىرعان. جينالىستىڭ ماقساتى: حۋبەيدىڭ ىندەتتەن كەيىنگى قايتا سەرپىلۋىنە جانە ەكونوميكانىڭ قالپىنا كەلۋىنە، دامۋىنا دەم بەرۋ.


اۋدارعان: شالقار قازەز ۇلى

中央广播电视总台 央广网 版权所有

شي جينپيڭ 2020-جىلعى +5G ونەركاسىپ ينتەرنەت جينالىسىنا قۇتتىقتاۋ حاتىن جولدادى

2020-جىلى جۇڭگو +5G ونەركاسىپ ينتەرنەت جينالىسى 11-ايدىڭ 20-كۇنى حۋبەي ولكەسىنىڭ ۋحان قالاسىندا اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حات جولداپ، ءماجىلىستىڭ اشىلعاندىعىن قىزۋ قۇتتىقتادى.