ينفورماتسيا اشكەرەلەۋ: mzjubao@cnr.cn

حالىقارالىق حابارلار

ا ق ش قاۋىم پالاتاسى ۇكىمەت تاراۋلارىنان ترامپ جونىندەگى تەرگەۋگە سايكەسۋدى تالاپ ەتتى

来源:جۇڭگو قازاق راديو تورابى     |责编:阿依娜古丽|     发布日期: 2019-10-09 10:15


    ٴوز حابارىمىز: ا ق ش پارلامەنتىنىڭ قاۋىم پالاتاسى 10-ايدىڭ 7-كۇنى مەملەكەت قورعانىس مينيسترلىگىنە، اكىمشىلىك باسقارۋ جانە مەجە ەسەپ مەكەمەسىنە جەكە-جەكە شاقىرۋ قاعازىن جولداپ، ولاردان پرەزيدەنت ترامپتىڭ «تەلەفون» وقيعاسىنا قاتىستى قۇجاتتاردى تاپسىرىپ، قاۋىم پالاتاسىنىڭ ترامپقا قاراتىلعان تەرگەۋىنە سايكەسۋىن تالاپ ەتتى.


    بۇدان بۇرىن اق ساراي، ا ق ش مەملەكەتتىك كەڭەسى، ترامپتىڭ جەكەلىك ادۆوكاتى جۋلي انني قاۋىم پالاتاسى جولداعان شاقىرتۋدى جەكە-جەكە تاپسىرىپ العان بولاتىن، ورىنباسار پرەزيدەنت پەنستەن دە قاتىستى قۇجاتتاردى تاپسىرۋ تالاپ ەتىلدى.ٴبىراق ا ق ش مەملەكەتتىك كەڭەسى شاقىرتۋ قاعازىنداعى قاتىستى تالاپ بويىنشا قۇجاتتاردى تاپسىرۋدىڭ سوڭعى مەرزىم شەگىن وتكىزىپ الدى.


    بيىل 8-ايدا ا ق ش-نىڭ اقپار توپتاۋ سالاسىنداعى ٴبىر قايراتكەر ترامپتىڭ بيىل 7-ايدا ۋكراينانىڭ پرەزيدەنتى زەلەنسكيمەن تەلەفوندا سويلەسكەندە، قارسى جاقتان ٴوزىنىڭ ساياسي قارسىلاسىن، ا ق ش-نىڭ بۇرىنعى ورىنباسار پرەزيدەنتى بايدەندى جانە ونىڭ ۇلىن تەكسەرۋدى تالاپ ەتكەندىگىن اتى-ٴجونىن جاسىرىپ اشكەرەلەدى. وسى ۋاقيعانىڭ ىقپالىندا، پارلامەنت قاۋىم پالاتاسىنىڭ باستىعى نانسي پەروسي 9-ايدىڭ 24-كۇنى ترامپقا تەرگۋ جۇرگىزەتىندىگىن، ترامپتىڭ ارەكەتى ا ق ش-نىڭ سايلام ادىلدىگىنە زيان جەتكىزىپ، مەملەكەت حاۋىپسىزدىگىنە حاۋىپ توندىرەتىندىگىن جاريالادى. ٴبىراق بۇل ٴىستى قاۋىم پالاتاسىندا جالپى بەتتىك داۋىسقا سالعان جوق.
ترامپ ۋكراينادان بايدەن جانە ونىڭ ۇلىنىڭ ساياسيمەن قاتىسسىز ەكەنىن، تەك شىرىكتەسۋگە قارسى تۇرۋ ٴجايتىن عانا تەكسەرۋدى تالاپ ەتكەندىگىن ايتتى. ول تەرگەپ، تەكسەرۋدى وزىنە باعىتتالعان ساياسي زيانكەستىك،-دەپ سىندادى.

اۋدارعان: گۇلنۇر قابىلقاق قىزى

中央广播电视总台 央广网 版权所有