ينفورماتسيا اشكەرەلەۋ: mzjubao@cnr.cn

حالىقارالىق حابارلار

كوپتەگەن شەتەل قايراتكەرلەرى: جۇڭگو شياڭگاڭعا ساياتىن مەملەكەت حاۋىپسىزدىك زاڭىن شىعارۋعا ۇقىقتى، باسقا ەلدەر كيلىگۋگە ۇقىقسىز،-دەدى

来源:جۇڭگو قازاق راديو تورابى     |责编:古丽美热|     发布日期: 2020-06-29 10:12

 

    ءوز حابارىمىز. كوپتەگەن شەتەل قايراتكەرلەرى بىلاي دەدى: جۇڭگونىڭ شياڭگاڭعا يەلىك ۇقىعى بار، جۇڭگو شياڭگاڭعا ساياتىن مەملەكەت حاۋىپسىزدىك زاڭىن شىعارۋعا ۇقىقتى، بۇل ـ جۇڭگونىڭ ىشكى ءىسى، باسقا ەلدەردىڭ كيلىگۋ ۇقىعى جوق. 

    انگليا وقىمىستىسى مارك. حوسگين بىلاي دەدى:شياڭگاڭ، باسقا مەملەكەتتەردىكى ەمەس، جۇڭگونىڭ شياڭگاڭى، سوندىقتان، شياڭگاڭدا بولشەكتەۋ سيپاتىنداعى ارەكەتتەردى قامتىعان مەملەكەت حاۋىپسىزدىگىنە قاتەر جەتكىزەتىن ءار قانداي ارەكەتتەردىڭ، دەپلوماتيالىق كيلىگۋلەردىڭ بارلىعى جۇڭگونىڭ يەلىك ۇقىعىنا سۇعاناقتىق جاساعاندىققا جاتادى. 

    ەگيپەتتىڭ احپارات باس مەكەمەسىنىڭ باستىعى احمەت سالام بىلاي دەدى: ۇيلەسىمدى زاڭ جاساۋ ارقىلى مەملەكەتتىڭ حاۋىپسىزدىگىن قورعاۋ ـ ءار ءبىر مەملەكەتتىڭ ۇقىعى، باسقا ەلدەردىڭ كيلىگۋ ۇقىعى جوق. جۇڭگونىڭ مەملەكەتتىك حالىق قۇرىلتايىنىڭ شياڭگاڭعا ساياتىن مەملەكەت حاۋىپسىزدىك زاڭىن شىعارۋى زاڭدىق ساڭلاۋلاردى بىتەپ، شياڭگاڭدا ورنىقتىلىقتى تەزىرەك قالپىنا كەلتىرۋ ءۇشىن ىستەلىپ وتىر. 

    پاكيستاننىڭ جوعارى دارەجەلى اكىمشلىك ىستەر اعىمدىق شولۋشىسى فياز. جەنيا بىلاي دەدى:ا ق ش كەڭەس پالاتاسىنىڭ ايتىلمىس «شياڭگاڭنىڭ اۆتونوميا زاڭ جوباسىن» ماقۇلداۋىن جانە جازا قولدانامىز دەپ ايبار شەگۋىن حالىقارالىق قاتىناستىڭ نەگىزگى ولشەمىنە جانە حالىقارالىق زاڭعا قايشىلىق جاساعان تيپتىك ارەكەت دەپ قارايمىن. 

    قازاقستان ءبىلىم قامباسىنىڭ جۇڭگونى زەرتتەۋ ورتالىعى مىناداي دەپ شولۋ جاريالادى: باتىس ەلدەرىنىڭ شياڭگاڭ ماسەلەسىندە تىنىمسىز قيعىلىق سالۋداعى جانە جاۋلاسۋ جاعدايىن تۋدىرۋعا ۇرىنۋداعى تۇپكىلىكتى ماقساتى ـ جۇڭگونىڭ دامۋىن شاۋجايلاۋ بولىپ تابىلادى. كەيبىر مەملەكەتتەر شياڭگاڭدا «دەموكراتيا» دەگەن تاقىرىپتا جادىگويلىككە باسىپ، جۇڭگونىڭ ىشكى ىسىنە كيلىگۋگە ۇرىنۋدا، سونىمەن بىرگە، وسى ورايدان پايدالانىپ ءوز مەملەكەتىندەگى جۇرت نازارىن باسقاعا بۇرماقشى بولىپ وتىر.


اۋدارعان: قاناتبەك جۇماباي ۇلى 

中央广播电视总台 央广网 版权所有

كوپتەگەن شەتەل قايراتكەرلەرى: جۇڭگو شياڭگاڭعا ساياتىن مەملەكەت حاۋىپسىزدىك زاڭىن شىعارۋعا ۇقىقتى، باسقا ەلدەر كيلىگۋگە ۇقىقسىز،-دەدى

ۇيلەسىمدى زاڭ جاساۋ ارقىلى مەملەكەتتىڭ حاۋىپسىزدىگىن قورعاۋ ـ ءار ءبىر مەملەكەتتىڭ ۇقىعى، باسقا ەلدەردىڭ كيلىگۋ ۇقىعى جوق