ناچار ئۇچۇرلارنى پاش قىلىش: mzjubao@cnr.cn

ەل ٴىشى حابارلارى

لي كىچياڭ 2019-جىلعى بەيجيڭ دۇنيە باۋ-باقشا كورمەسىنىڭ جابىلۋ سالتىنا قاتىناسادى ٴارى ٴسوز سويلەيدى

来源:جۇڭگو قازاق راديو تورابى     |责编:阿依娜古丽|     发布日期: 2019-10-09 10:10

 

ٴوز حابارىمىز: 10-ايدىڭ 8-كۇنى مەملەكەتتىك كەڭەستىڭ اقپارات كەڭسەسى وتكىزگەن 2019-جىلعى بەيجيڭ دۇنيە باۋ-باقشا كورمەسىنىڭ جابىلۋ سالتىنا قاتىستى ورنالاستىرۋ جانە دايىندىق قىزمەتى جونىندەگى اقپارات جاريالاۋ ماجىلىسىندە جۇڭگو ساۋدانى ىلگەرىلەتۋ قوعامىنىڭ باستىعى، بەيجيڭ دۇنيە باۋ-باقشا كورمەسىن ۇيىمداستىرۋ كوميسسياسىنىڭ ورىنباسار مەڭگەرۋشى مۇشەسى، بەيجيڭ دۇنيە باۋ-باقشا كورمەسىنىڭ اتقارۋشى مەڭگەرۋشىسى گاۋ يان مەملەكەتتىك كەڭەستىڭ زۇڭليى لي كىچياڭنىڭ 10-ايدىڭ 9-كۇنى كەشتە 2019 ـ جىلعى بەيجيڭ دۇنيە باۋ-باقشا كورمەسىنىڭ جابىلۋ سالتىنا قاتىناساتىندىعىن ٴارى ٴسوز سويلەيتىندىگىن جاريالادى.


    پاكيستان، سولومون توپ ارالى، كامبودجا، قىرعىزستان، ازەربايجان قاتارلى ەلدەردىڭ باسشىلارى مەن ساياسي قايراتكەرلەرى، حالىقارالىق كورمە مەكەمەسى مەن حالىقارالىق باعباندار قوعامىنىڭ جاۋاپتىلارى جابىلۋ سالتىنا قاتىناسادى. حالىقارالىق كورمەگە قاتىسۋشى تاراپتاردان، الەمدىك ونەركاسىپ-ساۋدا سالاسىنداعى قايراتكەرلەردەن، باۋ-باقشا سالاسىنداعى ايگىلى مامانداردان، ەل ٴىشى-سىرتىنداعى اقپارات قۇرالدارىنىڭ تىلشىلەرىنەن، سونداي-اق ەل ىشىندەگى مينيسترلىكتەر مەن كوميتەتتەردەن، جەر-جەردەن 900 دەي ۋاكىل جابىلۋ سالتىنا قاتىناسادى. جابىلۋ سالتىنان بۇرىن لي كىچياڭ قاتىستى ەلدەردىڭ باسشىلارىمەن بىرگە جۇڭگو سارايىن ەكسكۋرسيالايدى.

 

اۋدارعان: گۇلنۇر قابىلقاق قىزى

中央广播电视总台 央广网 版权所有