ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ورتالىق حالىق ۇكىمەتىنىڭ شياڭگاڭ ەرەكشە اكىمشىلىك رايونىنداعى بايلانىس كەڭسەسى قاندىقولدىڭ شياڭگاڭ زاڭ شىعارۋ كەڭەسىنىڭ مۇشەسى حى جۇنياۋعا ىستەگەن تاعىلىعىن قاتاڭ ايىپتادى

来源:جۇڭگو قازاق راديو تورابى     |责编:阿依娜古丽|     发布日期: 2019-11-08 16:58

 

ٴوز حابارىمىز: ورتالىق حالىق ۇكىمەتىنىڭ شياڭگاڭ ەرەكشە اكىمشىلىك رايونىنداعى بايلانىس كەڭسەسىنىڭ جاۋاپتىسى 11-ايدىڭ 8-كۇنى مالىمدەمە جاريالاپ، قاندىقولدىڭ شياڭگاڭ زاڭ شىعارۋ كەڭەسىنىڭ مۇشەسى حى جۇنياۋعا كۇندىزدە پىشاق سىلتەگەن قانقۇيلىلىعىن قاتاڭ ايىپتادى.


    وسى جاۋاپتى ادام بىلاي دەدى: 11-ايدىڭ 6-كۇنى تۇستەن بۇرىن، شياڭگاڭ زاڭ شىعارۋ كەڭەسىنىڭ مۇشەسى، رايوندىق پارلامەنت ٴتۇزىمىن-لىسۇي سايلام رايونىنىڭ كانديداتى حى جۇنياۋ رايوندىق سايلام جونىندە ۇگىت جۇرگىزىپ جاتقان كەزىندە، قولىنا پىشاق ۇستاعان ماقسات-جوسپارى بار جەندەت حى جۇنياۋ مەن وعان ەرىكتى قىزمەت وتەپ جۇرگەن 3 ادامدى جارالادى. وسى جاۋاپتى ادام پارلامەنت مۇشەسى حى جۇنياۋ مەن وعان ەرىكتى قىزمەت وتەگەن 3 ادامنان شىنايى حال سۇراپ، ولاردىڭ ەرتەرەك ساۋىعۋىن تىلەدى، جەندەتتىڭ كۇندىزدىڭ وزىندە الەۋمەتتىك ورتادا پىشاق سىلتەگەن قانقۇيلى ارەكەتىنەن قاتتى كەكتەندى جانە قاتاڭ جازعىردى.


    وسى جاۋاپتى ادام بىلاي دەپ اتاپ كورسەتتى: جەندەت جاقىن ماڭنان حى جۇنياۋدىڭ جۇرەك تۇسىنا پىشاق سىلتەپ، ونى جازىم ەتپەك بولدى، ماقساتى ايقىن. كانديداتتارعا تىكە باعىتتالعان مۇنداي ۇشقارى زورلىقتى كۇش قىلمىستىق ارەكەت زاڭعا قايشى، ادامدىقتان بەزگەندىك بولىپ، رايوندىق پارلامەنت سايلام ورتاسىنىڭ ادىلدىگى مەن حاۋىپسىزدىگىنە اۋىر زيان جەتكىزدى. ٴبىز ەرەكشە رايونداعى قاتىستى جاقتاردىڭ بۇل ۋاقيعانى تۇبەگەيلى تەكسەرىپ، قانپەزەرلەردى قاتاڭ جازالاۋىن باتىل قولدايمىز.

اۋدارعان: امانتاي مۇسايىپ ۇلى

中央广播电视总台 央广网 版权所有