ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جۇڭگوشا سوتسياليزم − ٴتىپتى دە جاقسى قوعامدىق ٴتۇزىم جونىندە ىزدەنىس جاساۋدىڭ جۇڭگو جوباسى سانالادى

来源:جۇڭگو قازاق راديو تورابى     |责编:古丽美热|     发布日期: 2019-12-02 16:26

 

« 100 ماماننىڭ جۇڭگو ٴتۇزىمى جونىندەگى بايانداۋى » اتتى جەلىلەس حاباردىڭ بۇگىنگى بەرىلىمىندە « جۇڭگوشا سوتسياليزم − ٴتىپتى دە جاقسى قوعامدىق ٴتۇزىم جونىندە ىزدەنىس جاساۋدىڭ جۇڭگو جوباسى سانالادى » دەگەن مازمۇندى ۇسىنامىز


پارتيا 19 - كەزەكتى ورتالىق كوميتەتىنىڭ ٴتورتىنشى جالپى ٴماجىلىسى ەلىمىزدىڭ مەملەكەت ٴتۇزىمى مەن مەملەكەتتى باسقارۋ جۇيەسىنىڭ 13 جاقتاعى كورنەكتى ابزالدىلىعىن جۇيەلى قورىتىندىلاپ، ەلىمىزدىڭ مەملەكەت ٴتۇزىمى مەن مەملەكەتتى باسقارۋ جۇيەسىندە «نەنى جالعاستىرۋ مەن نەنى بەكەمدەۋ، نەنى كەمەلدەندىرۋ مەن نەنى دامىتۋ » سىندى كەلەلى ساياسي ماسەلەلەرگە جان - جاقتىلى جاۋاپ بەردى . باس شۋجي شي جينپيڭ بىلاي دەپ باسا دارىپتەدى: ٴبىزدىڭ ٴتۇزىم جونىندەگى سەنىمدى بەكەمدەۋ دەگەنىمىز- توقىراپ قالۋ ەمەس، قايتا ٴتۇزىلىس مەحانيزمىندەگى كىناراتتاردى ۇزدىكسىز الاستاپ، ٴتۇزىمىمىزدىڭ تولىسىپ، باياندى بولۋىنا مۇمكىندىك جاساۋ دەگەندىك.

جۇڭگوشا سوتسياليستىك ٴتۇزىمنىڭ ابزالدىعى ٴسىرا قايدا ؟ تۇسىنىك جاساۋشى مامان: تۇڭجي ۋنيۆەرسيتەتى قازىنا ەكونوميكا زەرتتەۋ ورنىنىڭ باستىعى شى جيانشۇن.


ٴتۇزىم ابزالدىعى ٴبىر مەملەكەت جونىنەن ەڭ ۇلكەن ابزالدىق. جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگىن باتىستىڭ ساياسي پارتيا تۇزىمىمەن قالاي سالىستىرۋ كەرەك ؟ بۇل جايلى شى جيانشۇن بىلاي دەپ اتاپ كورسەتتى : پارتيانىڭ باسشىلىعى نەگىز، سونىمەن بىرگە ٴبىز كوپ پارتيا سەلبەستىگىن قولدانىپ وتىرمىز، وسىلاي بولعاندا، ٴبىر پارتيانىڭ ۇزاق ۋاقىت بيلىك جۇرگىزۋدەگى سالعىرىتتانۋىنان ساقتانۋعا بولادى. باتىستىڭ ساياسي پارتيالارى تاققا شىعۋ ٴۇشىن قىسقا مەرزىمدىك ارەكەت جاساپ جاتقان كەزدە، جۇڭگو كوممۋنيستىك پارتياسىنىڭ باسشىلارى بۇكىل ەل حالقىن باستاپ، 5 جىلدىق جوسپار ، 10 جىلدىق جوسپار جاساپ، 30 نەشە جىلدىق وسىزاماندانعان قۇدىرەتتى ەل قۇرۋ جوباسىن جاسادى. حالىقتىڭ كوز الداعى مۇددەسىن قاناعاتتاندىرۋمەن بىرگە، ۇزاق بولاشاقتىق مۇددەنى دە ويلاستىرۋ كەرەك، مىنە بۇل ٴبىزدىڭ كورنەكتى باسىمدىلىعىمىز.

 
پارتيانىڭ باسشىلىعى، حالىقتىڭ قوجايىندىق تۋى، مەملەكەتتى زاڭمەن باسقارۋ سىندى ۇشەۋىنىڭ وسكەلەڭ بىرلىگى نەلىكتەن ٴبىزدىڭ تۇزىمدىك باسىمدىلىعىمىز بولا الادى ؟ بۇل جايلى شى جيانشۇن بىلاي دەدى : حالىقتىڭ تىلەگى پارتيانىڭ باسشىلىعىندا بەينەلەنەدى، پارتيا حالىققا ۋاكىلدىك ەتەدى، سونىمەن بىرگە، پارتيانىڭ نەگىزگى زاڭ مەن زاڭدار جۇلگەسىندە مەملەكەتتى باسقارۋ جانە وعان باسشىلىق ەتۋى سىندى وسى ٴۇش جاقتاعى وسكەلەڭ بىرلىك، حالىقتىڭ تىلەگى مەن حالىقتىڭ اقىل-پاراساتىن شوعىرلاندىرادى، ٴارى قالىڭ حالىق بۇقاراسىنىڭ بەلسەندىلىگىن تولىق جۇمىلدىرادى، سونىمەن بىرگە زاڭ ٴتارتىپ بويىنشا مەملەكەتتى وڭايدى جانە باسقارادى، سوندىقتان مۇنداي وسكەلەڭ بىرلىك بۇكىل دۇنيە جۇزىندە دە بولعان ەمەس.


قىرعي قاباق سوعىس ەندى عانا اياقتاعان سول ساتتە، ا ق ش نىڭ وقىمىستىسى فرانسيس فۋشان «تاريحتىڭ سوڭعى قورتىندىسى » دەگەن ماقالاسىن جاريالاپ، سوۆەت وداعىنىڭ ىدىراۋى، شىعىس ەۆروپاداعى شۇعىل وزگەرىس كوممۋنيزم قوزعالىسىنىڭ اياقتاعانىن ايگىلەدى، بارلىق ەلدەردىڭ تاريحي دامۋىندا جۇرۋگە بولاتىن ٴبىر عانا جول بار، اتاپ ايتقاندا، ول باتىستىڭ بازار شارۋاشىلىعى مەن دەموكراتيالىق ساياسيى دەپ قارايتىندىعىن ايتتى . تاياۋ جىلداردان بەرى، جۇڭگونىڭ تەز قارقىنمەن ەڭسە كوتەرۋىنە جانە جۇڭگوشا سوتسياليستىكٴتۇزىمنىڭ ومىرشەڭدىك كۇشكە يە بولۋىنا بايلانىستى، فرانسيس فۋشان ٴوزىنىڭ كوزقاراسىنا وزگەرىس ەنگىزدى، ول بىلاي دەدى: باتىستىڭ ەركىن دەموكراتياسى ادامزات تاريحىنىڭ بىرتىندەپ دامۋىنىڭ سوڭعى ٴتۇيىنى ەمەس، ادامزاتتىڭ يدەيالىق بايلىعى جۇڭگو داستۇرىنە وزىندىك ورىن قالدىرعان سەكىلدى.


جۇڭگوشا سوتسياليستىك ٴتۇزىمنىڭ كورنەكتى ابزالدىلىعى دەموكراتيالىق ورتالىقتاندىرۋ تۇزىمىندە، ٴبىزدىڭ دەموكراتيالىق ورتالىقتاندىرۋ ٴتۇزىمىمىز بەن باتىس ۇلگىسىندەگى دەموكراتيا اراسىندا قانداي پارىق بار ؟ بۇل جايلى شى جيانشۇن بىلاي دەدى : باتىسپەن سالىستىرعاندا، ٴبىزدىڭ دەموكراتيالىق ورتالىقتاندىرۋىمىز تۇتاس بارىستىق دەموكراتيا، دەموكراتيا دا، ورتالىقتاندىرۋ دا تەڭ ساقتالعان مۇنداي تۇزىمدى اتقارۋ بارىسىندا، ٴبىر ادامنىڭ داۋىس بەرمەگەندىگىنەن، كوپتەگەن ىستەرگە شەشىم جاسالمايتىن جاعداي تۋىلمايدى، قاراپايىم تۇردەگى كوپ ساندىلار سەبەبىنەن دە شەشىم جاسالماي قالمايدى، انگليانىڭ ەۆروپادان شەگىنۋىن مىسالعا الساق، % 51 داۋىس قۇپتاپ، % 49 داۋىس قۇپتامادى، وندا % 49 ادامنىڭ ۇقىق - مۇددەسى قورعالمادى جانە قامتاماسىزداندىرىلمادى، الايدا ٴبىزدىڭ دەموكراتيا مەن ورتالىقتاندىرۋ ٴتۇزىمىمىز حالىق تىلەگىن ەڭ زور دارەجەدە بەينەلەيتىن تۇزىم . مۇنداي بىرلىككە كەلۋ- تەز ارادا شەشىم جاساۋ ماسەلەسىن شەشىپ قانا قالماستان ونىڭ عىلميلىعىنا دا كەپىلدىك ەتۋگە بولادى.

 



اۋدارعان: نازار ٴارىپ ۇلى
جۇڭگو قازاق راديو تورابى

中央广播电视总台 央广网 版权所有

جۇڭگوشا سوتسياليزم − ٴتىپتى دە جاقسى قوعامدىق ٴتۇزىم جونىندە ىزدەنىس جاساۋدىڭ جۇڭگو جوباسى سانالادى

جۇڭگوشا سوتسياليزم − ٴتىپتى دە جاقسى قوعامدىق ٴتۇزىم جونىندە ىزدەنىس جاساۋدىڭ جۇڭگو جوباسى سانالادى