ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ەلىمىزدە ٴۇش جوعارى قارقىندى تەمىر جولدا قاتىناۋ باستالىپ، «سەگىز بويلىق، سەگىز ەندىك » جوعارى قارقىندى تەمىر جول تورابى تىعىزداستىرىلدى

来源:جۇڭگو قازاق راديو تورابى     |责编:古丽美热|     发布日期: 2019-12-02 16:56

 

ورتالىق تەلەۆيزياسىنىڭ حابارى. حىنان، انحۇي، حۋبەي ولكەلەرىن ەندەي وتەتىن جىڭجوۋ - چۇڭچيڭ جوعارى قارقىندى تەمىر جولىنىڭ جىڭجوۋ ـ شياڭياڭ بولەگىندە، جىڭجوۋ ـ فۋياڭ بولەگىندە، بەيجيڭ ـ شياڭگاڭ بولەگىندە 12 ـ ايدىڭ 1 ـ كۇنى قاتىناۋ باستالىپ، جاڭادان قوسىلعان ۇستەمەلەنگەن جوعارى قارقىندى تەمىر جول ۇزىندىعى 1000 كيلومەتردەن اسىپ، ەلىمىزدىڭ «سەگىز بويلىق، سەگىز ەندىك » جوعارى قارقىندى تەمىرجول تورابى ونان ارى تىعىزداستىرىلدى.


تاڭەرتەڭگى ساعات 7 دە جىڭجۋ - چۇڭچيڭ جوعارى قارقىندى تەمىرجولىنىڭ جىڭجوۋ-شياڭياڭ بولەگىنەن تۇڭعىش جونەلتىلگەن پويەز جىڭجوۋ شىعىس بەكەتىنەن جولعا شىعىپ، حۋبەي ولكەسىنىڭ شياڭياڭ قالاسىنا جەتتى، جاڭا جەلىنىڭ ىسكە قوسىلۋى ارقىلى حىناننىڭ توعىسپالى جوعارى قارقىندى تەمىر جول تورابىنا بۇرىنعى نەگىزدە تاعى دا ۇستەمە جەلى قوسىلدى، نانياڭ، پيڭديڭشان قاتارلى جەرلەردە جوعارى قارقىندى تەمىرجول قاتىناماۋ تاريحى اياقتادى.


ساعات 7 دەن 26 مينۋت وتكەندە جىڭجۋ - فۋياڭ جوعارى قارقىندى تەمىرجولىندا جونەلتىلگەن پويەز جىڭجوۋ شىعىس ۆوكزالىنان جولعا شىقتى . جىڭجۋ ـ فۋياڭ جوعارى قارقىندى تەمىرجولى جىڭجوۋدان باستالىپ، شىعىس وڭتۇستىك باعىتقا قاراي كايفىڭ، شۇيچاڭ، جوۋكوۋ قالالارىن باسىپ ءوتىپ، انحۇي ولكەسىنىڭ فۋياڭ قالاسىنا دەيىن بارادى.


بەيجيڭ - شياڭگاڭ جوعارى قارقىندى تەمىرجولىنىڭ ساۋدا شاڭچيۋ ـ حىفي بولەگىندە دە 12 ـ ايدىڭ 1 ـ كۇنى رەسمي قاتىناۋ باستالدى . بۇل جەلى سىرتقا شىعىپ جۇمىس ىستەيتىن جولاۋشىلار اعىلىمى شوعىرلانعان انحۇي ولكەسىنىڭ فۋياڭ قالاسى مەن جىڭجۋـ فۋياڭ جوعارى قارقىندى تەمىرجولىن ءتۇيىلىستىرىپ، جاڭا جوعارى قارقىندى تەمىرجول تورابىن قالىپتاستىرىپ، الداعى كوكتەم مەرەكەسى كەزىندەگى تاسىمالداۋعا كۇشتى تىرەك بولادى . وسى وڭىردەن باتىسقا قاراي جىڭجوۋعا بەتتەپ بەيجيڭ - گۋاڭجوۋ جوعارى قارقىندى تەمىر جولىن، سولتۇستىككە قاراي بەتتەپ شاڭچيۋ قالاسىن شۇيجوۋ ـ لانجوۋ جوعارى قارقىندى تەمىرجولىمەن تۇتاستىرادى، شىعىس وڭتۇستىك باعىتتا حىفي ارقىلى بەيجيڭ - شاڭحاي جوعارى قارقىندى تەمىر جولىن تۇتاستىرىپ، ورتا جازىق وڭىرىندە چاڭجياڭ - حۋايحى جوعارى قارقىندى تەمىرجولىن جانە چاڭجياڭ ءۇشبۇرىش ءوڭىرىن تۇتاستىراتىن تاعى ٴبىر جەدەل قاتىناۋ جولىن قالىپتاستىرىپ، ەلىمىزدىڭ «سەگىز بويلىق، سەگىز ەندىك» جوعارى قارقىندى تەمىرجول تورابىن ونان ارى تىعىزداستىرا تۇسەدى.

 

 


اۋدارعان: قاناتبەك جۇماباي ۇلى
جۇڭگو قازاق راديو تورابى

中央广播电视总台 央广网 版权所有

ەلىمىزدە ٴۇش جوعارى قارقىندى تەمىر جولدا قاتىناۋ باستالىپ، «سەگىز بويلىق، سەگىز ەندىك » جوعارى قارقىندى تەمىر جول تورابى تىعىزداستىرىلدى

ەلىمىزدە ٴۇش جوعارى قارقىندى تەمىر جولدا قاتىناۋ باستالىپ، «سەگىز بويلىق، سەگىز ەندىك » جوعارى قارقىندى تەمىر جول تورابى تىعىزداستىرىلدى