ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

2020-جىلى دوڭگەلەك داۋلەتتى قوعامدى جالپى بەتتىك قۇرىپ شىعۋعا كەپىلدىك ەتۋ – ورتالىقتىڭ ەكونوميكالىق قىزمەت ماجىلىسىنەن كەلەر جىلعى ەكونوميكانىڭ جاڭا بەتالىسىنا نازار سالعاندا

来源:جۇڭگو قازاق راديو تورابى     |责编:古丽美热|     发布日期: 2019-12-13 16:52


شينحۋا اگەنتتىگىنىڭ حابارى. 2020-جىل-دوڭگەلەك داۋلەتتى قوعامدى جالپى بەتتىك قۇراتىن جانە « 13 ـ بەسجىلدىق » جوبا اياقتالاتىن جىل. «قوس 100 جىلدىق» كۇرەس نىساناسىنىڭ تاريحي توعىسۋ تۇيلىسىندە، ەل ٴىشى ـ سىرتىنداعى اناعۇرلىم كۇردەلى ورتاعا كەز كەلىپ وتىرعان جاعدايدا كەلەر جىلعى جۇڭگو ەكونوميكاسىنىڭ بەتالىسى جۇرت نازارىن اۋدارىپ وتىر.


قايتكەندە سوڭعى قامال الۋ جىلىن ٴساتتى اياقتاتىپ، جاڭا كەزەڭگە، جاڭا ساپارعا تاماشا نەگىز قالاۋعا بولادى ؟ ورتالىقتىڭ ەكونوميكالىق قىزمەت ٴماجىلىسى 12-ايدىڭ 10-كۇنىنەن 12-كۇنىنە دەيىن بەيجيڭدە وتكىزىلىپ جۇڭگو ەكونوميكاسى دامۋىنىڭ جاڭا بەتالىسىن اڭىس ەتتى. ماجىلىستە 2019 ـ جىلعى ەكونوميكالىق قىزمەت ناتيجەسى تولىق تۇراقتاندىرىلۋمەن قاتار حاۋىپ ـ قاتەر، سىن ـ سايىستارعا سەرگەكتىكپەن قاراۋ كەرەكتىگى اتاپ كورسەتىلدى. ماجىلىستە مىنالار باسا دارىپتەلدى: ەلىمىز ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى بەتالىسى وزگەرگەن جوق. كەلەر جىلعى مەجەلى نىسانانى جۇزەگە اسىرۋدا ورنىقتىلىقتى باستى ورىنعا قويۋعا تاباندى بولىپ، ەكونوميكانىڭ ۇيلەسىمدى ارتۋى مەن ساپاسىنىڭ ورنىقتى جوعارىلاۋىنا كەپىلدىك ەتۋ كەرەك.


مەملەكەتتىك كەڭەس دامۋدى زەرتتەۋ ورتالىعى ماكرولىق ەكونوميكانى زەرتتەۋ ٴبولىمىنىڭ تەتە اعا زەرتتەرمەنى لي چىڭجيان بىلاي دەدى: ۇيلەسىمدى بولۋدا مولشەر باسا دارىپتەلەدى، ەكونوميكالىق اينالىمنىڭ ۇيلەسىمدى ارالىقتا بولۋى، ارتۋ قارقىنىنىڭ قازىرگى دامۋ كەزەڭىنە ۇيلەسۋى، وبيەكتيۆ، ۇيلەسىمدى ارتۋ مەجەسىن ساقتاۋى كەرەك؛ ورنىقتىلىق بارىسىندا ساپانى كوزدە ۇستاۋ دارىپتەلەدى، ورنىقتى نەگىزدە قۇرىلىمدى ساپالاندىرىپ، جاڭا قوزعاۋشى كۇشتەردى جەتىلدىرىپ كونە قوزعاۋشى كۇشتەردى وزگەرتىپ، ەكونوميكالىق ساپا مەن ونىمدىلىكتى جوعارىلاتۋ كەرەك. مۇنىڭ ٴوزى ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنىڭ بەينەلەنۋى بولىپ تابىلادى.
يدەيا- ارەكەتتىڭ جەتەكشىسى. ماجىلىستە ورنالاستىرىلعان كەلەر جىلعى ٴتۇيىندى قىزمەتتەردە جاڭا دامۋ تانىمىن تاباندىلىقپەن دايەكتىلەندىرۋ ماڭداي الدى ورىنعا قويىلدى.


جۇڭگو حالىقارالىق ەكونوميكالىق اۋىس ـ كۇيىس ورتالىعى عىلمي كوميتەتىنىڭ مۇشەسى ۋاڭ جيۇن بىلاي دەدى: بۇل كەلەر جىلعى جانە الداعى ٴبىر مەزگىلدەگى دامۋدىڭ قولباسشىلىق تۇيىنى جانە ماڭىزدى بەتالىسى. دوڭگەلەك داۋلەتتى قوعامدى جالپى بەتتىك قۇرۋ اياقتالىپ، «14-بەسجىلدىق» جوبا باستالۋ الدىندا تۇر، بولاشاق دامۋدا جاڭا دامۋ تانىمىنا جانە جوعارى ساپالى دامۋعا تاباندى بولۋ اناعۇرلىم دارىپتەلەدى، ىشكى ٴوندىرىس جالپى ٴونىم قۇنىمەن عانا ەسەپتەسەتىن كونە سۇردەكپەن جۇرمەۋ كەرەك.


ماجىلىستە مىنالار العا قويىلدى: ەرەكشە كولەمدى بازار ابزالدىلىعىن تولىق اشىپ، تۇتىنۋدىڭ نەگىزدىك رولى مەن قارجى قوسۋدىڭ شەشۋشى رولىن ساۋلەلەندىرۋ كەرەك.


مەملەكەتتىك ساياسي كەڭەس ەكونوميكا كوميتەتىنىڭ ورىنباسار مەڭگەرۋشىسى ليۋ شىجين بىلاي دەدى: تۇتىنۋدىڭ نەگىزدىك رولىن ساۋلەلەندىرۋدە تۇتىنۋعا قىزمەت وتەۋدىڭ جاڭا ارتۋ تۇيىندەرىن اشۋعا ٴمان بەرۋ كەرەك. ەل ىشىندەگى تۇتىنۋدان قاراعاندا، ناقتى زات تۇتىنۋىنىڭ ورنىقتىلىققا بەت الۋىنا، ارتۋ قارقىنىنىڭ تومەندەۋىنە بايلانىستى، ەمدەۋ، وقۋ-اعارتۋ، مادەنيەت، ساۋىق-سايران، دەنە تاربيە، ساياحات قاتارلى قىزمەت وتەۋ تۇتىنۋىنىڭ جوعارىلاۋى بوستىقتى تولتىردى.


ورنالاستىرۋعا ساي، بەلسەندى قازىنا ساياساتىندا ساپانى جوعارىلاتىپ، ونىمدىلىكتى ارتتىرىپ، قۇرىلىمدى رەتتەۋگە اناعۇرلىم ٴمان بەرىپ، ادەتتەگى شىعىستى باتىل ازايتىپ، ٴتۇيىندى سالالاردى قامتاماسىزداندىرۋدى ويداعىداي ىستەپ، نەگىزگى ساتىنىڭ ەڭبەكاقىسىن، اينالىمىن، نەگىزگى حالىق تۇرمىسىن قامتاماسىز ەتۋىن قولداۋ كەرەك.


جۇڭگو قوعامدىق عىلىم اكادەمياسى قازىنا ـ ەكونوميكا ستراتەگياسىن زەرتتەۋ ورنىنىڭ ورىنباسار باستىعى ياڭ جىيۇڭ بىلاي دەدى: باجىنى ازايتۋ، اقىنى تومەندەتۋ ساياساتىنىڭ ونىمدىلىگى كەلەر جىلى ۇزدىكسىز كورىلىپ، كاسىپورىنداردىڭ اۋىرتپالىعىن جەڭىلدەتىپ، ەكونوميكاعا ومىرشەڭدىك كۇش قوسادى ؛ سونىمەن بىرگە حالىق تۇرمىسى قاتارلى ٴتۇيىندى سالالاردىڭ قازىنالىق شىعىسىنا كەپىلدىك ەتىلەدى. كىرىس-شىعىس قىسىلتاياڭ بولعان جاعدايدا، ۇكىمەت ۇنەمشىلدىكپەن تۇرمىس كەشىرۋدى شىنايى ىسكە كىرىسىپ، قاجەتسىز شىعىستى ازايتىپ، اقشا جۇمساۋ ونىمدىلىگىن جوعارىلاتىپ، باجىنى ازايتۋ، اقىنى تومەندەتۋ جانە حالىق تۇرمىسىنا بولعان سۇرانىسقا كەپىلدىك ەتۋ كەرەك.


2020 ـ جىلعى قىزمەتتەردى ورنالاستىرعاندا، ماجىلىستە جاڭالىق اشۋ ارقىلى قوزعاۋشىلىق ەتۋ مەن رەفورما جاساپ، ەسىك اشۋدى تۇيىن ەتىپ، ەكونوميكانىڭ جالپى تۇلعالىق باسەكەلىك قۋاتىن جاپپاي جوعارىلاتۋ باسا دارىپتەلدى.
جۇڭگو ماكرولىق ەكونوميكا زەرتتەۋ ورنىنىڭ زەرتتەرمەنى ما شياۋحى بىلاي دەدى: جۇڭگو ەكونوميكاسى جوعارى ساپالى دامۋدىڭ جاڭا كەزەڭىنە قادام تاستادى، بۇل تەحنيكادا جاڭالىق جاراتۋ، باسقارۋدا جاڭالىق جاراتۋ ارقىلى جاڭا قوزعاۋشى كۇشتى جەتىلدىرۋدى شۇعىل قاجەت ەتەدى. جاڭالىق جاراتۋدا، ٴسوز جوق، جاڭا ٴتۇزىلىس تىرەك بولۋى كەرەك، ال، جاڭا ٴتۇزىلىس رەفورما جاساپ، ەسىك اشۋدى جۇزەگە اسىرۋعا، ىشكى جاقتا جاڭالىق جاراتۋ ورتاسىن ۇزدىكسىز ساپالاندىرۋعا، سىرتقا ەسىك اشۋدى كەڭەيتۋدىڭ دەڭگەيى مەن سالاسىنا سۇيەنەدى.


ورتالىق پارتيا مەكتەبى (مەملەكەتتىك اكىمشىلىك ينستيتۋتى) ماركسيزم ينستيتۋتىنىڭ باستىعى جاڭ جانبين بىلاي دەدى: جاڭالىق جاراتۋ جۇيەلى ينجەنەريا، جاڭالىق جاراتۋ جەلىسى، كاسىپ جەلىسى، قارجى جەلىسى، ساياسات جەلىسى ٴوزارا توعىسىپالى،ٴبىر-بىرىنە تىرەك بولادى. رەفورمادا ٴسوز جوق، جالپى بەتتىك ورنالاستىرىپ، ٴبىر تۇتاس ىلگەرىلەتىپ، تۇزىمدىك جاڭالىقتىڭ عىلىم ـ تەحنيكا جاڭالىعىن اناعۇرلىم زور ومىرشەڭدىك كۇشكە يە ەتۋىنە مۇمكىندىك جاساۋ كەرەك. ماجىلىستە جاڭالىق جاراتۋ ارقىلى قوزعاۋشىلىق ەتۋ جانە رەفورما جاساپ، ەسىك اشۋ جونىندەگى ٴبىرسىپىرا ورنالاستىرۋ توڭىرەكتەلىپ، ەكونوميكانىڭ جوعارى ساپالى دامۋىن ىلگەرىلەتۋ، وسىزاماندانعان ەكونوميكالىق جۇيە قۇرۋ تۇيىن ەتىلدى، بۇل ەلىمىزدىڭ العا باسۋ جولىنداعى ٴتۇرلى حاۋىپ-قاتەرلەر مەن سىندارعا توتەپ بەرۋىنىڭ نەگىزى جانە قوزعاۋشى كۇشى سانالادى.


مەملەكەتتىك فينانس جانە دامۋ تاجىريبەحاناسىنىڭ ورىنباسار مەڭگەرۋشىسى زىڭ گاڭ بىلاي دەپ قارادى: جۇڭگو ەكونوميكاسىنىڭ سەرپىمدىلىگى كۇشتى، ماڭىزدى فينانس قۇرىلىمدارىنىڭ اينالىمى ورنىقتى، ماكرولىق ساياسات قۇرالى جەتكىلىكتى، حاۋىپ ـ قاتەردەن ساقتانۋ جانە ونى شەشۋ تاجىريبەسى مول، قامال الۋ شايقاسىندا بەلگىلەنگەن مىندەتتى ورىنداۋعا تولىق قۋاتى،بەرىك سەنىمى بار.

 



اۋدارعان: كۇلان ىرىسباي ۇلى

中央广播电视总台 央广网 版权所有

2020-جىلى دوڭگەلەك داۋلەتتى قوعامدى جالپى بەتتىك قۇرىپ شىعۋعا كەپىلدىك ەتۋ – ورتالىقتىڭ ەكونوميكالىق قىزمەت ماجىلىسىنەن كەلەر جىلعى ەكونوميكانىڭ جاڭا بەتالىسىنا نازار سالعاندا

جۇڭگو ەكونوميكاسىنىڭ سەرپىمدىلىگى كۇشتى، ماڭىزدى فينانس قۇرىلىمدارىنىڭ اينالىمى ورنىقتى.