ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جەر - جەرلەر نانجيڭ زور قىرعىنشىلىعىندا قازا بولعانداردى 2019 - جىلعى مەملەكەتتىك تاساتتىق كۇنى ەسكە ءتۇسىرۋ قيمىلىن وتكىزدى

来源:جۇڭگو قازاق راديو تورابى     |责编:达吾力别克 |     发布日期: 2019-12-14 10:33

ءوز حابارىمىز. 12 ـ ايدىڭ 13 ـ كۇنى جەر - جەرلەر ءتۇرلى تاسىلدەر ارقىلى مەملەكەتتىك تاساتتىق كۇنى ەسكە ءتۇسىرۋ قيمىلىن وتكىزىپ، تاريحتى ەستە بەرىك ساقتاپ، بەيبىتشىلىككە تىلەك تىلەدى.


تۇستەن بۇرىن ساعات 10 دا شىن ياڭداعى «18 - قىركۇيەك» تاريحي مۇراجايىندا تاساتتىق سالتى اسا ايبىندى وتكىزىلدى، قوعامداعى ءار سالادان كەلگەن 200 دەن استام ۋاكىل ءۇنسىز ازا بىلدىرە باستارىن ەڭكەيتىپ قايعىرىپ، قاندى قىرعىندا قازا بولعان باۋىرلاستارعا ءۇنسىز ازا ءبىلدىردى. ازا ءبىلدىرۋ اياقتاعاننان كەيىن جۋجياڭ كوشەسى 5 - باستاۋىش مەكتەبىنىڭ وقۋشىلار ۋاكىلدەرى كوللەكتيۆ تۇردە “ نانجيڭ زور قىرعىنشىلىعىندا قازا بولعاندارعا ارنالعان مەملەكەتتىك ازا ءبىلدىرۋ ءسوزىن ” وقىدى. بالالاردىڭ بار ىنتالارىمەن بەرىلە وقىعان ءسابي داۋىستارى ادامداردىڭ تاريحتى ەستە بەرىك ساقتاپ، بەيبىتشىلىكتى قاستەرلەۋ تىلەگىن تەبىرەنتتى.


تۇستەن بۇرىن ساعات 9 دان 20 مينۋت وتكەندە حاربين قالاسىنداعى جۇڭگوعا شاپقىنشىلىق جاساعان جاپونيا ارمياسىنىڭ 731 - اسكەري ءبولىمىنىڭ كونە جۇرتىندا قار قاپالاقتاي جاۋپ تۇردى، حاربين قالاسىنىڭ ءار سالاسىنداعى مىڭعا جۋىق قالا تۇرعىنى ۋاكىلدەرى بىرلىكتە نانجيڭ زور قىرعىنشىلىعىندا قازا بولعان باۋىرلاستارعا گۇل شەڭبەر قويىپ، ازا ءبىلدىردى. ازا ءبىلدىرۋ قيمىلى اياقتاعاننان كەيىن، 731 ـ اسكەري ءبولىمنىڭ جاڭادان بايقالعان، جاريالانباعان تاريحي ماتەريالدار كورمەسى » جۇرتشىلىققا اشىق ۇستالدى. كورمە سارايىنىڭ باستىعى جين چىڭمين بىلاي دەپ تانىستىردى: تاياۋدا كورمەگە قويىلعان تاريحي ماتەريالدار مەن جۇڭگوعا شاپقىنشىلىق جاساعان جاپونيا ارمياسىنىڭ 731 ـ اسكەري ءبولىمىنىڭ قىلمىس دالەلدەرى كورمە سارايىندا كورمەگە نەگىزىنەن تولىق قويىلىپ، 731 ـ اسكەري ءبولىمنىڭ قىلمىسىن اناعۇرلىم شىنايى، تولىق اشكەرەلەدى.


زۇن - ي قالالىق 19 - ورتا مەكتەپتىڭ 8 - جىلدىق ساباقحاناسىندا مۇعالىم وقۋشىلارعا نانجيڭ زور قىرعىنشىلىعى مەن جاپونعا قارسى سوعىستىڭ تاريحىن تانىستىردى. وقۋشى چىن ييلان بىلاي دەدى: بۇل تاريح ءبىزدىڭ جۇڭگو ءۇشىن توتەنشە قورلاۋ تاريحى سانالادى. ءبىر ۇرپاق وقۋشى رەتىندە، ءبىز ءوزىمىزدىڭ قۇلشىنىسىمىز ارقىلى مەملەكەتىمىزدى ونان ارى قۇدىرەتتەندىرۋىمىز كەرەك، وتان قورلانعان وسىنداي نامىستى تاريح ەندى مۇلدە قايتالانبايدى.


قاناتبەك جۇماباي ۇلىنىڭ اۋدارماسى

جاۋاپتى رەداكتور: داۋىل قادىلبەك ۇلى

中央广播电视总台 央广网 版权所有

جەر - جەرلەر نانجيڭ زور قىرعىنشىلىعىندا قازا بولعانداردى 2019 - جىلعى مەملەكەتتىك تاساتتىق كۇنى ەسكە ءتۇسىرۋ قيمىلىن وتكىزدى

ءوز حابارىمىز. 12 ـ ايدىڭ 13 ـ كۇنى جەر - جەرلەر ءتۇرلى تاسىلدەر ارقىلى مەملەكەتتىك تاساتتىق كۇنى ەسكە ءتۇسىرۋ قيمىلىن وتكىزىپ، تاريحتى ەستە بەرىك ساقتاپ، بەيبىتشىلىككە تىلەك تىلەدى.