ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

كەدەيلىكتەن قۇتىلدىرۋدان قامال الۋدىڭ شەشۋشى شايقاسى ـ كەدەيلەردى سۇيەمەلدەۋدى اقىل ـ پاراسات جاعىنان سۇيەمەلدەۋمەن، سەنىم ـ قايرات جاعىنان سۇيەمەلدەۋمەن ۇشتاستىرۋ كەرەك

来源:جۇڭگو قازاق راديو تورابى     |责编:古丽美热|     发布日期: 2020-01-13 09:50

 

بيىل جالپى بەتتىك دوڭگەلەك داۋلەتتى قوعام قۇرۋ نىساناسى جۇزەگە اساتىن جىل ٴارى كەدەيلىكتەن قۇتىلدىرۋدان قامال الۋدىڭ سىرگە جيار جىلى. باس شۋجي شي جينپيڭ كەزىندە بىلاي دەپ انىق ايتقان بولاتىن: كەدەيلىكتەن قۇتىلدىرۋدان قامال الۋ نەعۇرلىم شەشۋشى كەزەڭگە جەتكەن سايىن، سولعۇرلىم بەرىك سەنىم ورناتۋىمىز، سولعۇرلىم جىگەرلى بەكىممەن شايقاسقا اتتانىپ، قيىندىقتان تايسالماي العا ۇمتىلىپ، شىنايى يگەرىپ، ناقتى ىستەپ، دالمە ـ ٴدال شارا قولدانىپ، كەدەيلىكتەن قۇتىلدىرۋدان قامال الۋ مىندەتىنىڭ دەر كەزىندە ورىندالۋىنا كەپىلدىك ەتۋىمىز كەرەك. ستانسيامىز ەرەكشە دايىنداعان «كەدەيلىكتەن قۇتىلدىرۋدان قامال الۋ شايقاسى» اتتى جەلىلەس حابارىمىزدىڭ بۇگىنگى كەزەگىندە «كەدەيلەردى سۇيەمەلدەۋدى اقىل ـ پاراسات جانە سەنىم ـ قايرات جاعىنان سۇيەمەلدەۋمەن ۇشتاستىرۋ» كەرەك دەگەن ءبولىمىن ۇسىنامىز.


2015 -جىلى 11-ايدا اشىلعان ورتالىقتىڭ كەدەيلەردى سۇيەمەلدەۋ، كوركەيتۋ قىزمەتى ماجىلىسىندە باس شۋجي شي جينپيڭ بىلاي دەپ باسا دارىپتەدى: ىشكى قوزعاۋشى كۇشتى تاسقىنداتىپ، كەدەي وڭىرلەر مەن كەدەيلەردىڭ بەلسەندىلىگىن جۇمىلدىرۋ كەرەك. سەنىم بولعاندا عانا تارتىمدى تابىسقا جەتۋگە بولادى. ادام زاتتىق جاقتان كەدەي بولعانىمەن رۋحاني سەنىم قايرات جاقتان كەدەي بولماۋى كەرەك، كەدەيلەردى سۇيەمەلدەۋدە، ٴسوز جوق، الدىمەن سەنىم ـ قايرات جاعىنان سۇيەمەلدەۋ كەرەك. ادام اسا المايتىن اسۋ، باسا المايتىن جول جوق. كەدەي وڭىرلەردەگى كادرلار مەن بۇقارانى ۇگىتتەۋ، تاربيەلەۋ، باۋلۋ، ۇيىمداستىرۋ قىزمەتىن ويداعىداي ىستەۋ، ولاردى جالىندى جىگەر، ىستىق ىنتامەن ارەكەتتەندىرۋ، «قاجىرلىلىقپەن ىستەۋ، جاپا-ماشاقاتقا شىداۋ»كوزقاراسىن ورناتۋعا، ٴوز كۇشىنە سۇيەنىپ ٴومىر سۇرۋگە، قاجىرلىلىقپەن كۇرەس جۇرگىزۋگە، قاجىرلى ەڭبەك ارقىلى كەدەيلىك بەت ـ بەينەنى وزگەرتۋگە جەتەلەۋ كەرەك.


بىلتىر 9 ـ ايدا باس شۋجي شي جينپيڭ حى نان ولكەسى گۋاڭشان اۋدانىندا قىزمەت تەكسەرگەندە كەدەيلەردى سۇيەمەلدەۋدى اقىل ـ پاراسات جانە سەنىم ـ قايرات جاعىنان سۇيەمەلدەۋمەن ۇشتاستىرۋ كەرەكتىگىن تاعى دا قايتالاي باسا دارىپتەدى. ول بىلاي دەدى: مەن كەدەيلەردى سۇيەمەلدەۋدە اقىل ـ پاراسات جانە سەنىم ـ قايرات جاعىنان سۇيەمەلدەۋدى باستان ـ اياق دارىپتەپ كەلەمىن، مۇندا ٴبىر جاعىنان، اقىل ـ پاراساتتىق سۇيەمەل، ەندى ٴبىر جاعىنان، سەنىم ـ قايراتتىق سۇيەمەل بولۋ كەرەك. تەك قان قۇيا بەرۋمەن عانا شەكتەلمەۋ، قان جاسايتىن مەحانيزم ورناتۋ كەرەك. كەدەيلىكتەن قۇتىلعاننان كەيىن دە كۇنجىتتىڭ گۇل اشقان سايىن كۇلتەلەنەتىنى سەكىلدى، تۇرمىستى بارعان سايىن شالقىتا ءتۇسۋ كەرەك. سىزدەر ٴوز كۇشتەرىڭىزگە سۇيەنىپ ٴومىر ٴسۇرىپ، تالىقپاي تالپىنۋلارىڭىز، وزدەرىڭىز كەدەيلىكتەن قۇتىلىپ قانا قالماي، كەدەيلىكتەن قۇتىلىپ اۋقاتتانۋدىڭ باستاماشىلارى بولۋلارىڭىز كەرەك. پارتيانىڭ ساياساتى تاماشا، ونى سوندا دا كوپشىلىكتىڭ تياناقتاندىرۋىنا سۇيەنۋگە تۋرا كەلەدى. نەگىزگى ساتى پارتيا ۇيىمدارىن ويداعىداي قۇرىپ، پارمەندى جاۋىنگەر قامالعا اينالدىرىپ، بۇقارانى، ماڭگى پارتياعا ىلەسۋگە ىنتىماقتاستىرىپ جانە باستاپ، پارتيا ورتالىعى العا قويعان كەلەلى مىندەتتەردى نەگىزگى ساتىنىڭ ناقتى قىزمەتىنە اينالدىرۋ، مىقتى يگەرۋ، ناقتى يگەرۋ، ناتيجە شىعارۋ كەرەك.


كەدەيلەردى سۇيەمەلدەۋدە الدىمەن سەنىم-قايرات جاعىنان سۇيەمەلدەۋ كەرەك. باس شۋجي شي جينپيڭ «كەدەيلەردى دالمە ـ ٴدال سۇيەمەلدەۋ» تانىمىن العا قويعان حۋنان ولكەسى شياڭشي تۋجيا ـ مياۋزۋ اۆتونوميالى وبىلىسىنىڭ شىبادوڭ قىستاعىندا 6 جىلدان استام ۋاقىتتان بەرى، بۇقارانىڭ يدەيا-ٴمورال ورەسىن جۇلدىز دارەجەسى بويىنشا باعالاپ باسقارۋ ءتاسىلى جاڭالىق جاراتا جولعا قويىلىپ جانە ىلگەرىلەتىپ، ٴمورال ساباقحاناسى، ٴان-ٴبي كۇرجەكتەرى، مياۋزۋ ۇلتى بارابانى سياقتى باي مازمۇندى مادەنيەت قيمىلدار ورىستەتىلدى، شىبادۇڭ قىستاعىنىڭ وتكەندەگىدەي كەدەيلىكتەن قۇتىلدىرۋ بارىسىنداعى «كۇتىپ وتىرۋ، يەك سۇيەۋ، الاقان جايۋ» يدەيالىق كوزقاراسىندا وزگەرىس تۋىلدى. ايتالىق، «جەردى اينالىمعا سالىپ ەكونوميكانى دامىتۋ» فورماسى ارقىلى 1000 مۋ شاپتول باعىنداعى ساپالى شاپتول ونىمدەرى شياڭگاڭ مەن اۋمىنعا تىكە وتكىزىلدى. شىبادۇڭ قىستاعىنىڭ ٴبىرىنشى شۋجيى سۇن جۇڭيۋان بىلاي دەدى: اۋقاتتانۋ ءادىس ـ امالدارىمىز كوبەيىپ، سەنىم - قايراتىمىز تاسقىنداپ، يدەيالىق كوزقاراسىمىز وزگەردى، قازىر بۇقارانىڭ كەدەيلىكتەن قۇتىلىپ، اۋقاتتانۋ سەنىمى زور، تىلەگى كۇشتى، قايراتى مىعىم بولا تۇسۋدە.


سىچۋان ولكەسىندە ٴبىر قىدىرۋ شارالار قولدانۋ ارقىلى كەدەي بۇقارالار «ٴوز كۇشىنە سۇيەنىپ ٴومىر ٴسۇرۋ، ەڭبەكشىلدىكپەن اۋقاتتانۋ» ىرىقتىلىق تانىمىن ورناتۋعا بەلسەنە جەتەكتەلدى. قازىر بۇكىل ولكەدەگى3 ميلليون 30 مىڭ كەدەي جان سانى كاسىپ سالاسى بويىنشا سۇيەمەلدەۋ جانە جەرلىك ورىندا كاسىپ سالاسى بويىنشا جۇمىستاندىرىپ سۇيەمەلدەۋ ارقىلى كەدەيلىكتەن قۇتىلدى. بۇل ولكەدە بۇدان تىس تاعى دا كەدەي قىستاقتاردا شارۋاشىلىق قۇرىپ اۋقاتتانۋ ۇلگىلەرىن باۋلىپ جەتىلدىرۋ قىزمەتى كۇشەيتىلىپ،«كەدەيلىكتەن قۇتىلدىرۋدان قامال الۋ ونەگەلەر تىزىمدىك تاقتاسى» جاسالىپ، كومەكتەسۋ ـ سۇيەمەلدەۋ ساياسات ـ شارالارى كەدەي بۇقارانىڭ ٴىس جۇزىندىك ەڭبەك جاعدايىمەن بايلانىستىرىلىپ، كەدەيلىكتەن قۇتىلدىرۋ ىشكى قوزعاۋشى كۇشى ٴونىمدى تۇردە جانداندىرىلدى. سىچۋان ولكەلىك كەدەيلىكتەن قۇتىلدىرۋدان قامال الۋ كەڭسەسىنىڭ مەڭگەرۋشىسى جياڭ چۋ بىلاي دەدى : سوڭعى جىلدارى ٴبىز ىشكى قوزعاۋشى كۇشتى ارتتىرۋعا قىرۋار ىزدەنىس جاساپ، وسى جاعىندا ءونىمدى قىزمەتتەر ورىستەتتىك. مىسالى، «قىستاق تۇرعىندارىنىڭ جيناق ٴنومىر بويىنشا باسقارۋ»، «ەڭبەك كىرىسىنە قاراي سيلاۋ جوسپارى» قاتارلى تىڭ شارالاردى قولداندىق، بۇدان تىس تاعى دا «كەدەيلىكتەن قۇتىلدىرۋدان قامال الۋ سيلىعىن»، «كەدەيلىكتەن قۇتىلۋ ونەگەسىن» باعالاپ سيلاۋ ارقىلى ولاردىڭ زاتتىق كەدەيلىكتەن «قۇتىلىپ» قانا قويماي، رۋحاني كەدەيلىكتەن «ەڭسە كوتەرۋىنە»مۇمكىندىك جاسادىق.


چوڭچىڭ قالاسى شيۋشان اۋدانى ىرۇڭ قالاشىعى لۇڭتاڭچۇڭ قىستاعىندا قىستاقتا تۇراتىن ٴبىرىنشى شۋجي ۋىن داۋچىڭ قىستاق تۇرعىندارىن باستاپ، «تاپسىرىس بۇيىرتىلاتىن اۋىل شارۋاشىلىعى»ۇلگىسىن قولدانىپ، قىزىل بۇرىش شارۋاشىلىعىن دامىتىپ، جىلىنا 2 ميلليون جىڭنان استام قىزىل بۇرىش ٴوندىرىپ، ٴبىر ميلليون 600 مىڭ يۋاننان استام كىرىس كىرگىزدى. ۋىنداۋچىڭ بىلاي دەدى: ەڭبەك ارقىلى اۋقاتتانىپ كەدەيلىكتەن قۇتىلۋ، كاسىپ سالاسىن دامىتۋ تانىمىن كەدەيلىكتەن قۇتىلدىرۋدان قامال الۋ بارىسىنا ٴسىڭىرۋ كەرەك. ەڭبەك ارقىلى اۋقاتتانۋ، ٴوز قابىلەتى ارقىلى كەدەيلىكتەن قۇتىلۋعا جەتەكتەۋ جاعىندا، ءبىز زور كۇشپەن ۇگىتتەپ، ۇلگىلەردى ٴوز قىستاعىندا سيلاۋدى جولعا قويىپ، ولاردىڭ ۇلگىلى ىستەرىن جالپىعا اشىق جاريالاپ، پىكىر اۋىستىرىپ ٴسوز سويلەتتىك. جالقاۋلىق ىستەيتىن، «كۇتۋدى عانا بىلەتىن، يەك سۇيەپ، الاقان جاياتىن» ادامدارعا قاراتا ء بىز ولارعا ۇزدىكسىز تاربيە جۇرگىزدىك، ولارعا: «ء وز ەڭبەگىمەن اۋقاتتانۋ»كوزقاراسىن بەرىك ورناتقاندا عانا كەدەيلىك قامىتىن تاستاۋعا، قانشالىق زور كەدەيلىك بولسا دا ودان تۇبەگەيلى قۇتىلۋعا ابدەن بولاتىندىعىن ۇعىندىردىق.


وقۋ ـ اعارتۋ-كەدەيلىكتىڭ ۇرپاقتان ـ ۇرپاققا جالعاسۋىنىڭ ءتۇپ تامىرىنا بالتا شابۋدىڭ ءتۇبىرلى امالى ەسەپتەلەدى. باس شۋجي شي جينپيڭ بىلاي دەپ باسا دارىپتەدى: كەدەيلىكتەن قۇتىلۋدا ەڭ الدىمەن ناداندىقتى جويۋ، كەدەيلەردى سۇيەمەلدەۋدە الدىمەن اقىل ـ پاراسات جاعىنان سۇيەمەلدەۋ كەرەك؛ كەدەي وڭىرلەردىڭ وقۋ-اعارتۋ ىستەرىن ۇزاق بولاشاقتى كوزدەپ جۇرگىزۋ، ونى، ٴسوز جوق، زور كۇشپەن ويداعىداي يگەرۋ كەرەك؛ ەگەر كەدەي وت باسىنداعى ٴبىر بالا وقۋ وقىپ كاسىپتىك ٴبىلىم السا، ٴبىر ونەردى يگەرىپ، جۇمىسقا ورنالاسسا، وسى وتباسىنىڭ كەدەيلىكتەن قۇتىلۋىنان ٴۇمىت كۇتۋگە بولادى. مەملەكەتتىڭ وقۋ-اعارتۋ قاراجاتىن كەدەي وڭىرلەرگە، كاسىپتىك وقۋ ـ اعارتۋعا ۇزدىكسىز بەيىمدەۋ، ەرەكشە قىزمەت ورنى جوسپارىندا، مەملەكەتتىك تاربيەلەۋ جوسپارىندا كەدەي وڭىرلەردىڭ نەگىزگى ساتىلارىنا بەيىمدەلۋ كەرەك.


گۋاڭشي جۋاڭزۋ اۆتونوميالى رايونى رۇڭشۇي مياۋزۋ اۆتونوميالى اۋدانىنان كەلگەن لو لياڭ دو ۋىن ارحيۆ تۇرعىزىلىپ كارتچكا بەرىلگەن كەدەي وتباسىنىڭ وقۋشىسى، ول قازىر ۇلتتىق ورتا مەكتەپتەگى از ۇلت قىز بالالار كلاسىندا وقيدى. لو لياڭ دو ۋىن بىلاي دەدى: مەنىڭ ارمانىم ـ اعىلشىن ٴتىلى وقىتۋشىسى بولۋ، اۋىلىنا قايتىپ بارىپ ٴتىپتى دە كوپتەگەن وقۋشىلاردى تاۋ قويناۋىنان باستاپ شىعۋ. مەكتەپتە كۇندەلىكتى قاراجات، وقۋ قاراجاتى، تۇرمىس قاراجاتى، اسحانانىڭ تاماق قاراجاتى قاتارلىلاردىڭ بارلىعىن مەكتەپ كوتەرەدى، ٴبىز نەگىزىنەن اقشا تاپسىرمايمىز دەسەك تە بولادى، مەن فۋدان ۋنيۆەرسيتەتىنە ەمتيحان بەرىپ، اعىلشىن ٴتىلى كاسىبىن ۇيرەنىپ، اۋىلىمدا ٴتىپتى دە كوپ وقۋشىنى تاربيەلەپ، ولاردىڭ تاۋ قويناۋىنان شىعىپ قوعامدىق قىزمەتكە ارالاسۋىنا مۇمكىندىك جاساسام دەيمىن.


شىعىس، باتىس بولەكتەگى تۇرلىشە ولكەلەر كەدەيلەردى سۇيەمەلدەۋ سەلبەستىگى جانە سالالار بويىنشا كومەكتەسۋ قاتارلى تاسىلدەر ارقىلى كەدەي رايونداردىڭ كاسىپتىك وقۋ-اعارتۋ، وقىتۋشى تاربيەلەۋ قاتارلى جاقتارداعى جالپى تۇلعالىق ورەسىن جوعارىلاتتى. گانسۋ ولكەسىنىڭ گاننان ورتا دارەجەلى كاسىپتىك تەحنيكالىق تاربيە مەكتەبىندە وقۋشىلار شىت جاڭا اۆتوموبيل رەمونتتاۋ، پراكتيكا جاساۋ سەحىندا ساباق تىڭداۋدا، مۇندا 4 ماتور وقۋشىلاردىڭ بۇزىپ شەشىپ زەرتتەۋ جۇرگىزۋىنە بەرىلگەن، بۇدان تىس تاعى دا ەڭ جاڭا تۇرپاتتى اسپالى جوندەۋ جابدىقتارى ساندىعى دايىنداپ بەرىلگەن. كاسىپتىك ساباق بەرەتىن زاڭزۋ مۇعالىم دۇڭجى بىلاي دەدى: بۇرىن ساباق وتكەندە وتكەن عاسىردىڭ 80 ـ جىلدارىنداعى موتور تاجىريبە كورسەتپە قۇرالعا ىستەتىلەتىن، قازىر جاڭا ەنەرگيالى موتور ىستەتىلەدى. اۋىل - قىستاقتان كەلگەن بۇل بالالار وزىق تەحنيكالار ۇيرەنىپ، كاسىپ جۇرگىزۋ قابىلەتتەرىن ۇشتايدى، وقۋ تاۋىسقاننان كەيىن تىكەلەي زاۆودقا بارىپ كاسىپتەنۋگە بولادى.


گاننان ورتا تەحنيكۋم مەكتەبى ــ 2019-جىلى 3- ايدا بىرىكتىرۋ ارقىلى جاڭادان قۇرىلعان كاسىپتىك مەكتەپ. جەرلىك ورىندا اۋىر دارەجەدە كەدەيلەسكەن وت باسىلار كوپ، كاسىپتىك وقۋ - اعارتۋ بايلىعى ء السىز بولاتىن. تيانجين قالاسىنىڭ كومەگىندە، بۇل مەكتەپ وسى زامانعى ولشەمدەندىرىلگەن تاجىريبە ساباقحانالارىن جاڭادان اشىپ قالماستان، تاعى دا كوپ ٴتۇرلى كاسىپتىك ساباقتاردى تىڭنان اشتى. مەكتەپ باستىعىنىڭ ورىنباسارى ديڭ حىڭجيە بىلاي دەدى: تيانجين وسىزامانعى تەحنيكالىق كاسىپتىك ينىيستيتۇتى كاسىپتىك قۇرىلىس پەن ساباق قۇرىلىسىنا وتە جاقسى جەتەكشىلىك ەتتى. ء بىز دارىندىلاردى تاربيەلەۋ جوباسىن جاساپ، جاڭادان 7 كاسىپ ءتۇرىن كوبەيتتىك. ايتالىق، قارتتارعا قىزمەت وتەۋ جانە باسقارۋ، ەرتە مەرزىمدىك وقۋ - اعارتۋ، بۇعالتىرلىق، اسپازدىق، تاڭكا سىزۋ قاتارلىلار. قازىر ورتا دارەجەلى كاسىپتىك وقۋ ـ اعارتۋدا جەر مەن كوكتەي پارىقتى وزگەرىس تۋىلدى، وقۋ ـ اعارتۋدى دامىتۋ ارقىلى كەدەيلىكتىڭ ۇرپاقتان ۇرپاققا حالعاسۋىنىڭ ءتۇپ تامىرىنا بالتا شابۋعا بولادى.

 



اۋدارعان: قاناتبەك جۇماباي ۇلى

中央广播电视总台 央广网 版权所有

كەدەيلىكتەن قۇتىلدىرۋدان قامال الۋدىڭ شەشۋشى شايقاسى ـ كەدەيلەردى سۇيەمەلدەۋدى اقىل ـ پاراسات جاعىنان سۇيەمەلدەۋمەن، سەنىم ـ قايرات جاعىنان سۇيەمەلدەۋمەن ۇشتاستىرۋ كەرەك

بيىل جالپى بەتتىك دوڭگەلەك داۋلەتتى قوعام قۇرۋ نىساناسى جۇزەگە اساتىن جىل ٴارى كەدەيلىكتەن قۇتىلدىرۋدان قامال الۋدىڭ سىرگە جيار جىلى