ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

دا ۋان قىستاعىنىڭ كوركەيۋ جولى

来源:جۇڭگو قازاق راديو تورابى     |责编:古丽美热|     发布日期: 2020-01-13 10:21

 

«كوكتەم مەرەكەسىندە نەگىزگى ساتىعا بارۋ» ارناۋلى باعدارلاماسى بويىنشا تىلشىلەر دابيە شان تاۋىنىڭ قويناۋىنا ورنالاسقان انحۋي ولكەسى جين جاي اۋدانىنىڭ دا ۋان قىستاعىنا قادام تاستادى. دابيەشان تاۋىنداعى شوعىرلى ەرەكشە كەدەي تاۋلى قىستاقتاردىڭ ٴبىرى رەتىندە، دا ۋان قىستاعى اۋىل ـ قىستاق ساياحاتىنا سۇيەنە وتىرىپ، 2018 ـ جىلى تۇبەگەيلى كەدەيلىكتەن ارىلدى.


يۇي جيڭ-دا ۋان قىستاعى پارتيا ياچەيكاسىنىڭ ٴبىرىنشى شۋجيى، قىستاققا ورنالاسقان كەدەيلەردى سۇيەمەلدەۋ قىزمەتىنىڭ باستىعى. كوكتەم مەرەكەسى تاياپ كەلە جاتقاندا ونىڭ ەڭ الاڭدايتىنى- قىستاقتىڭ ديقاندار ساياجايلارى، ٴتىلشى ليۋ ٴجۇن وعان ىلەسىپ مەملەكەت دارەجەلى جاراتىلىستىق قورىق رايون بولعان ما يۇڭليڭ تاۋىنىڭ ەتەگىندەگى حالىقتىق تۇسەلحانا تيجاراتشىسى ۋاڭ يۇيجيەنىڭ ۇيىنە باردى.


ۋاڭ يۇيجيە تىلشىگە بىلاي دەدى: قازىر، قار جاۋعان، جاۋماعاندىعىن سۇراپ تەلەفون ۇرعان ادام كوپ، قار جاۋسا قار-مۇز ساياحاتى جاندانادى. «شينجيە حالىقتىق تۇسەلحاناسى» دەگەن قىزىل ماڭدايشالىق اسىلعان ٴتورت قاباتتى ٴۇيىن نۇسقاپ تۇرىپ تانىستىرۋ جاساعان ۋاڭ يۇيجيەنىڭ ماقتانىشى سوزدەرىنەن مەنمۇندالاپ تۇر. ەرتەرەكتە ونىڭ ەكى اۋىز ٴشوپ كۇركەسى عانا بار بولاتىن، كۇن كورىس ٴۇشىن امالسىزدان ٴۇيىنىڭ ەسىگىن قۇلىپتاپ، قالاعا بارىپ ۇساق - تۇيەك جۇمىستارمەن شۇعىلدانعان.


دا ۋان قىستاعى 2017 ـ جىلى «تاۋعا شاي ەگىپ، قوناقتاردى ۇيگە باستاۋ» ۇرانىن شىعارىپ، اۋىل ـ قىستاق ساياحاتىن اشتى. ۋاڭ يۇيجيە بىلاي دەدى: ”باس شۋجي 2016-جىلى كەلگەننەن كەيىن، بۇل جەر ىرىستى مەكەنگە اينالدى، قادام تاستاعان ساياحاتشىلار كوبەيدى، ونىڭ ۇستىنە مەكەنىمىزدىڭ كورىنىسى شىنىندا كوز سۇرىندىرەدى، وسى ارقىلى اۋىزدان اۋىزعا تارالىپ، قايتالاي اياق باسقان ساياحاتشىلار دا كوبەيۋدە.

2018 ـ جىلى، ۋاڭ يۇيجيەنىڭ ساياجايى بوي كوتەردى، جاعراپيالىق ورنى جاقسى، اس-سۋلارى ٴدامدى بولعاندىقتان، كوپ وتپەي ساۋداسى جانداندى.


ۋاڭ يۇيجيە بىلتىر ساياجاي كولەمىن ىرىقتىلىقپەن كەڭەيتىپ، دارەجەسىن جوعارىلاتتى. ول بىلاي دەدى: قازىر قىستاقتا ساياحاتپەن كوركەيتۋ سەرىكتىگى قۇرىلدى، جەل تولتىرىلعان قايىقپەن وزەندە قۇلديلاۋ، ماۋ ديڭشان سارقىراماسى سياقتى ساياحات نىساندارى سومدالىپ بولۋعا تاياپ، دامۋ باسىمدىعى بارعان سايىن كورنەكتىلەنۋدە. قازىر مۇلدە قورىقپايتىن بولدىق، تۇراقتى كىرىسىمىز بار، جالپى پايداسى 300 مىڭ يۋاننان اسادى.


قىستاق تۇرعىندارىنىڭ كوڭىلى ورنىعىپ، تۇرمىستارى جاقساردى، جىل سوڭى مەن جىل باسىندا، يۇي جيڭ ىشتەي قىستاقتىڭ جاڭا دامۋ جوسپارىن دا ەسەپتەي باستادى. ول بىلاي دەيدى : ٴبىز كەدەي قىستاق جونىنەن الىپ ايتقاندا، اۋقاتتانىپ كەدەيلىك تىزىمدىكتەن شىعارىلعاننان كەيىن، قىستاقتىڭ كوللەكتيۆ شارۋاشىلىق كىرىسىن قالاي ارتتىرۋىمىز كەرەك، مۇندا 1-دەن، كاسىپ سالاسىن دامىتۋ، 2-دەن، كەدەيلىكتەن ارىلتۋ ونىمدىلىگىن قالاي ورنىقتىرۋ كەرەكتىگى باستى ورىندا تۇرادى. مەن وسى جەل تولتىرىلعان قايىقپەن وزەندە قۇلديلاۋ نىسانىنىڭ ىسكە قوسىلۋىن جانە تيجاراتقا ٴتۇسۋىن كۇتەمىن، قىستاعىمىزدىڭ كوللەكتيۆ شارۋاشىلىعى 2020 ـ جىلعا بارعاندا ٴبىر ميلليوننان يۋاننان اسۋىن ٴۇمىت ەتەمىن، بۇل جوسپار ٴسوزسىز ىسكە اسادى.

 

 


اۋدارعان: امانتاي مۇسايىپ ۇلى 

中央广播电视总台 央广网 版权所有

دا ۋان قىستاعىنىڭ كوركەيۋ جولى

2018 ـ جىلى، ۋاڭ يۇيجيەنىڭ ساياجايى بوي كوتەردى، جاعراپيالىق ورنى جاقسى، اس-سۋلارى ٴدامدى بولعاندىقتان، كوپ وتپەي ساۋداسى جانداندى