ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ورتالىق اسكەري ىستەر كوميتەتى بەيجيڭدە تۇراتىن اسكەري بولىمدەردەگى ساقا كادرلاردان حال سۇراپ كوكتەم مەرەكەسىن قارسى الۋ كونسەرتىن وتكىزدى

来源:جۇڭگو قازاق راديو تورابى     |责编:古丽美热|     发布日期: 2020-01-14 09:44

 

ٴوز حابارىمىز. ورتالىق اسكەري ىستەر كوميتەتىنىڭ بەيجيڭدە تۇراتىن اسكەري بولىمدەردەگى ساقا كادرلاردان حال سۇراۋ كوكتەم مەرەكەسىن قارسى الۋ ادەبيەت ـ كوركەمونەر كونسەرتى 1 - ايدىڭ 13 - كۇنى بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ كونسەرتتى تاماشالاعان ارمياداعى ساقا جولداستارعا جانە بۇكىل ارميادان دەمالىسقا، پەنسياعا شىققان ساقا كادرلارعا مەرەكەلىك سالەم جولدادى جانە كوكتەم مەرەكەسىنە قۇتتى بولسىن ايتتى.


جۇڭحۋا ۇلتىنىڭ ٴداستۇرلى مەرەكەسى كوكتەم مەرەكەسى قارساڭىندا، جاڭا جۇڭگونى قۇرۋ، قورعاۋ، گۇلدەندىرۋ، مەملەكەت قورعانىسى جانە ارميا قۇرىلىسىنا كورنەكتى ۇلەس قوسقان بەيجيڭدە تۇراتىن اسكەري بولىمدەردەگى ساقا كادرلار ٴبىر اراعا باس قوسىپ، كوكتەم مەرەكەسىن شات مەرەيمەن قارسى الدى.


تۇستەن كەيىن ساعات 4 مولشەرىندە شي جينپيڭ ساقا جولداستاردىڭ اراسىنا باردى، زالدا دۋ قول شاپالاق ۇنى كوتەرىلدى. شي جينپيڭ كوپشىلىكپەن ىقىلاسپەن قول الىسىپ، ولاردىڭ دەنساۋلىق جانە تۇرمىس جاعدايىن دەن قويا ۇعىسىپ، وتكەن ٴبىر جىلداعى پارتيا، مەملەكەت، ارميا ىستەرىندە قول جەتكەن جەتىستىكتەردى بىرگە ەسكە الدى. ساقا جولداستار ٴبىر اۋىزدان بىلاي دەدى : شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ ارميانى قۇدىرەتتەندىرۋ يدەياسىن، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، ارميانى ساياسي جاقتان قۇرۋعا، ارميانى رەفورما، عىلىم ـ تەحنيكا جانە دارىندىلار ارقىلى قۇدىرەتتەندىرۋگە، ارميانى زاڭمەن باسقارۋعا تاباندى بولىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، كورەگەندىكپەن العا باسىپ، ٴورىس اشا جاڭالىق جاراتىپ، مەملەكەت قورعانىسى مەن ارميا قۇرىلىسىنىڭ 2020 ـ جىلعى نىسانالىق مىندەتتەرىن جۇزەگە اسىرۋعا، جاپپاي دوڭگەلەك داۋلەتتى قوعام قۇرۋدىڭ ۇلى جەڭىسىنە قول جەتكىزۋگە تىڭ ۇلەس قوسۋىمىز كەرەك.


كونسەرتتە «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپ ەتىلىپ، بەت اشار، اياقتاۋ كونسەرتى جانە «ارميا رۋحىن ماڭگى سومداۋ»، «حالىقتى ەستەن شىعارماۋ»، «سۇيەم جەردى قالدان شىعارماۋ»، «سوعىستا باتىل بولىپ ٴسوز جوق جەڭىسكە جەتۋ»، «ايبىندى ۋادە»، «ۇلتتىڭ گۇلدەنۋى» سىندى 7 بولەك نومىردەن قۇرالعان بولىپ، ۋنيۆەرسالٴان-ٴبي، فيلم كەسكىنى قاتارلى الۋان ٴتۇرلى كوركەمونەر تاسىلدەرى ارقىلى پارتيانىڭ، ارميانىڭ جاڭا داۋىردەگى داڭىقتى ٴداستۇرى مەن ارميانى قۇدىرەتتەندىرۋ كەلبەتىن ايگىلەۋ بارىسى ورگانيكالى ۇشتاستىرىلدى. كونسەرت «شاعان شىلايىق- مەن جانە مەنىڭ وتانىم» اتتى كولەمدى بيمەن باستالدى. «حالىق ارمياسى پارتياعا ادال»، «ٴبىز گۋتياننان تاعى دا اتتانايىق» اتتى اندەر حالىق ارمياسىنىڭ پارتياعا مۇلدە ادال بولۋ، پارتيانىڭ قولباسشىلىعىنا باتىل بويسىنۋ بەرىك سەنىمىن بەينەلەدى. كلاسسيكالىق بايىرعى ٴان «قىزىل ارميا جاۋىنگەرى جولىڭىز بولسىن» جانە جاڭا ٴان «وزىندىك قاسيەت» حالىق ارمياسى مەن حالىق بۇقاراسىنىڭ ٴولىم مەن ءومىر شايقاسىنداعى ەتەنە باۋىرمالدىعى مەن ۇزدىك قاھارمان ۇلگىلەردىڭ توڭكەرىستىك قاسيەتىن ماڭگى ساقتاۋ رۋحىن بەينەلەدى. «وتان تەڭىز ايدىنىندا» جانە «مەن سەنى جانىمداي قورعايمىن» اتتى اندەر قۇرلىق، تەڭىز جانە اۋە سىندى ٴۇش ارميا ساردارلارى مەن ساربازدارىنىڭ سۇيەمدەي جەردى قولدان جىبەرمەيتىن ايبىندى سەرتىن ايگىلەدى. «اۋەلگى ماقساتتى ۇمىتپاۋ»، «قۇرىشتاي بەرىك بولىمشە اسكەري قوسىن قاھارماندارى» ٴانى تاڭداۋلى ٴداستۇردى ساۋلەلەندىرىپ، نەگىزگى ماقساتتى ماڭگى ەستە ساقتاۋ قاسيەتىن ساۋلەلەندىرەتىن جاڭا ستيل، جاڭا بەينەنى ايگىلەدى. «مەنىڭ مولدىر وزەن جانە جاسىل تاۋىم»، «ايبىندى ۋادە» قاتارلى اندەر جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ، كەدەيلىكتەن قۇتىلدىرۋدان قامال الۋدىڭ شەشۋشى شايقاسىنىڭ جاندى كارتيناسى بولدى. «جاڭا كەڭىستىك»، «بەيبىتشىلىك جالىنى» اتتى اندەر جانە «كوزدەن كەشىرىڭىز» اتتى حور، ارميا مەن حالىقتىڭ ٴبىر نيەت، ٴبىر تىلەكپەن جۇڭگو ارمانىن بىرلىكتە جۇزەگە اسىرۋىنىڭ ايبىندى كەلبەتىن ايگىلەدى. كونسەرت «جۇڭگو جولى» اتتى حوردىڭ اۋەنىندە سوڭعى مارەسىنە جەتىپ، بۇكىل پارتيانىڭ، بۇكىل ارميانىڭ، بۇكىل ەلدەگى ٴار ۇلت حالقىنىڭ جۇڭگوشا سوتسياليزم جولىمەن ەرلىكپەن العا باسقان اسقاق جىگەرىن بەينەلەدى.


شۇي چيلياڭ، جاڭ يوۋشيا، ۋي فىڭحى، لي زوچىڭ، مياۋ حۋا، جاڭ شىڭمين قاتارلىلار كونسەرتتى بىرگە تاماشالادى.


اسكەري ىستەر كوميتەتى ورگانىنىڭ ٴارقايسى تاراۋلارى، بەيجيڭدە تۇراتىن ءىرى ورىنداردىڭ باسشىلارى جانە بەيجيڭدە تۇراتىن اسكەري بولىمدەردىڭ كوماندير-جاۋىنگەرلەرىنىڭ ۋاكىلدەرى كونسەرتتى بىرگە تاماشالادى.

 

 

اۋدارعان: نازار ٴارىپ ۇلى

中央广播电视总台 央广网 版权所有

ورتالىق اسكەري ىستەر كوميتەتى بەيجيڭدە تۇراتىن اسكەري بولىمدەردەگى ساقا كادرلاردان حال سۇراپ كوكتەم مەرەكەسىن قارسى الۋ كونسەرتىن وتكىزدى

شي جينپيڭ بۇكىل ارمياداعى ساقا جولداستارعا كوكتەم مەرەكەسى قۇتتى بولسىن ايتتى