ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ما جاۋشۇي ٴتوراعا شي جينپيڭنىڭ 20 ەل توبى باسشىلارىنىڭ جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا توتەپ بەرۋ جونىندەگى ەرەكشە ماجىلىسىنە قاتىناساتىندىعى جونىندە سۇحبات قابىلدادى

来源:جۇڭگو قازاق راديو تورابى     |责编:古丽美热|     发布日期: 2020-03-25 17:16

 

وز حابارىمىز. مەملەكەت ٴتوراعاسى شي جينپيڭ 3-ايدىڭ 26-كۇنى 20 ەل توبىنا مۇشە ەلدەر باسشىلارىنىڭ جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا توتەپ بەرۋ جونىندەگى ەرەكشە ماجىلىسىنە قاتىناسادى. 3-ايدىڭ 25-كۇنى سىرتقى ىستەر مينيسترىنىڭ ورىنباسارى ما جاۋشۇي حالىق گازەتى مەكەمەسىنىڭ، شينحۋا اگەنتتىگىنىڭ، ورتالىق تەلەۋيزياسىنىڭ جانە جۇڭگو گازەتى مەكەمەسىنىڭ تىلشىلىگىن قابىلداپ، باسشىلار ءماجىلىسىنىڭ اشىلۋ جاعدايىنىڭ استارىن جانە جۇڭگونىڭ ماجىلىستەن نەلەردى ٴۇمىت ەتەتىندىگىن تانىستىردى.

ما جاۋشۇي مىنالاردى ايتتى: 20 ەل توبى باسشىلارىنىڭ جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا توتەپ بەرۋ جونىندەگى ەرەكشە ٴماجىلىسى 3-ايدىڭ 26-كۇنى وتكىزىلەدى، ٴتوراعا شي جينپيڭ باسشىلار ماجىلىسىنە قاتىناسادى. 20 ەل توبىنا مۇشە ەلدەر، سيلى قوناق ەلدەر جانە قاتىستى حالىقارالىق ۇيىمداردىڭ جاۋاپتىلارى ماجىلىسكە قاتىناسادى. بۇل ءماجىلىس 20 ەل توبى تاريحىندا باسشىلار ءماجىلىسىنىڭ تۇڭعىش رەت بەينە ەكران فورماسىندا وتكىزىلۋى ءارى جۇقپالى اۋرۋ تارالۋ جاعدايى تۋىلعاننان بەرى ءتوراعا شي جينپيڭ قاتىناسقان تۇڭعىش رەتكى ماڭىزدى، كوپ جاقتى قيمىل سانالادى.

ما جاۋشۇي بىلاي دەدى: قازىر جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى دۇنيە ءجۇزى بويىنشا كوپتەگەن ەلدەردە شۇعىل تارالىپ، اۋىر ساياسي، ەكونوميكالىق، قوعامدىق ىقپال تۋدىردى. حالىقارالىق قوعام سەلبەستىكتى كۇشەيتىپ، جۇقپالى اۋرۋعا ورتاق قارسى تۇرۋدى شۇعىل كۇتىپ وتىر. 20 ەل توبى ياعني 20G  ۇيىمى جەر شارىندىق داعدارىسقا توتەپ بەرۋدەگى جانە ەكونوميكانى وڭاپ باسقارۋداعى ماڭىزدى تەكشە، وعان باستى دامىعان ەكونوميكالىق تۇلعالار مەن جاڭادان گۇلدەنگەن بازار شارۋاشىلىق تۇلعالارى شوعىرلانعان، بۇل ۇيىم 2008 جىلعى حالىقارالىق فينانس داعدارىسىنا توتەپ بەرۋ بارىسىندا ماڭىزدى رول اتقاردى. قازىرگىدەي شەشۋشى ساتتە، 20G - نىڭ جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا توتەپ بەرۋ جونىندەگى ارناۋلى باس قوسۋ ماجىلىسى وتكىزىلۋى جۇقپالى اۋرۋدىڭ ورشۋىنە توتەپ بەرۋ، دۇنيە ٴجۇزى ەكونوميكاسىن ورنىقتىرۋ جاعىندا تۇسىنىستىك مەن سايكەستىك ورناتۋ جونىنەن كەلەلى ماڭىزعا يە.

ما جاۋشۇي بىلاي دەدى: ٴتوراعا شي جينپيڭنىڭ تىكەلەي قولباسشىلىق ەتۋىندە، تىكەلەي ورنالاستىرۋىندا، ەلىمىزدىڭ جۇقپالى اۋرۋدان ساقتانۋ جانە ونى تىزگىندەۋىندە كورنەكتى ونىمدىلىككە قول جەتىپ، حالىقارالىق قوعامنىڭ وسكەلەڭ القاۋىنا يە بولدى. ٴتوراعا شي جينپيڭنىڭ باسشىلار ەرەكشە ماجىلىسىنە قاتىناسۋى جۇڭگونىڭ حالىقارالىق قوعاممەن تىزە قوسا وتىرىپ جۇقپالى اۋرۋعا قارسى تۇرۋ بەرىك بەكىمىن، جۇڭگونىڭ جۇقپالى اۋرۋعا قارسى تۇرۋدا حالىقارالىق سەلبەستىكتى جەبەۋ سىندى ٴىرى ەلدىك جاۋاپكەرلىك باتىلدىعىن، جۇڭگونىڭ 20G  ـ نىڭ سايكەستىك-سەلبەستىكتى كۇشەيتىپ، دۇنيە ٴجۇزى ەكونوميكاسىن ورنىقتىرۋىن قولدايتىن بەلسەندى پوزيتسياسىن ايگىلەدى. ٴبىز وسى رەتكى ەرەكشە ماجىلىستەن مىناداي ٴۇمىت كۇتەمىز:

ٴبىرىنشى، ىنتىماقتى كۇشەيتۋ. ۆيرۋستا مەملەكەت شەكاراسى بولمايدى. ۆيرۋس تارالعان جاعدايدا ەشقانداي مەملەكەتتىڭ ءوز قامىن عانا كۇيىتتەۋىنە بولمايدى، تەك تىلەكتەس ـ بىلەكتەس بولا بىرلىكتە شايقاس جاساعاندا عانا جۇقپالى اۋرۋدى جەڭۋگە، ەكونوميكانى ورنىقتىرۋعا، ء تارتىپتى قالپىنا كەلتىرۋگە بولادى. 20G  ۇيىمىنىڭ مۇشەلەرى ىنتىماقتى كۇشەيتىپ، سايىسقا ورتاق توتەپ بەرەتىن پارمەندى اڭىس تاراتىپ، حالىقارالىق قوعامنىڭ سەنىمىن نىعايتۋ كەرەك. ەكىنشى، سەلبەستىكتى كۇشەيتۋ. دۇنيە جۇزىندە جۇقپالى اۋرۋ تەز تارالعان جاعدايدا، حالىقارالىق سەلبەستىك توتەنشە ماڭىزدى بولا تۇسۋدە. جۇڭگو ەل ىشىندەگى ساقتانۋ-تىزگىندەۋدى بار كۇشپەن ويداعىداي ىستەۋمەن بىرگە، قيىنشىلىعى بار ەلدەرگە دەر كەزىندە شاماسىنىڭ كەلىسىنشە كومەك بەرۋدە. ٴبىز ٴار قايسى جاقتارمەن بىرلىكتە، تاجىريبەدەن يگىلىكتەنىپ، قابىلەت قۇرىلىسىن ورتاق كۇشەيتىپ، شۇعىل قاجەتتى ەمدەۋ ماتەريالدارىمەن قامدايمىز جانە ٴار ەلدىڭ جۇڭگوعا كەلىپ ساتىپ الۋىنا قولايلىلىق تۋدىرامىز. 20G ۇيىمىنىڭ مۇشەلەرىنىڭ ٴوزارا كومەكتەسىپ، تىعىز سايكەسىپ، حالىقارالىق الەۋمەتتىك دەنساۋلىق ساقتاۋ حاۋىپسىزدىگىن ورتاق قورعاۋىن ٴۇمىت ەتەمىز. ٴۇشىنشى، سايكەستىرۋدى كۇشەيتۋ. جۇقپالى اۋرۋ تارالۋ جاعدايى بۇكىل جەر شارى ەكونوميكاسىنا اۋىر سوققى بولدى. ساقتانۋ ـ تىزگىندەۋدى ويداعىداي جاقسى ىستەۋدى كەپىلدەندىرۋ العى شارتىندا، ەلىمىزدە جۇمىستى، ءوندىرىستى قالپىنا كەلتىرۋ تارتىپپەن جۇرگىزىلۋدە، مۇنىڭ ءوزى دۇنيە ءجۇزىنىڭ كاسىپ تىزبەگىن، قامداۋ تىزبەگىن ورنىقتىرۋدا ماڭىزدى رول اتقارادى. ٴبىز ٴارقايسى جاقتاردىڭ ماكرولىق ەكونوميكالىق ساياساتتاردى سايكەستىرۋدى كۇشەيتۋىن، قاجەتتى بولعان قازىنا، اقشا جانە قۇرىلىمدىق ساياساتتاردى قولدانۋىن، بازاردى اشىق ۇستاۋدى ىلگەرىلەتۋىن، جەر شارىندىق قامداۋ تىزبەگىنىڭ اشىق ۇستالۋىنا، ورنىقتى بولۋىنا، حاۋىپسىزدىگىنە جانە ىركىلىسسىز اينالىمىنا كەپىلدىك ەتىپ، بازار سەنىمىن ارتتىرۋدا سىندارلى رول اتقارۋىن ٴۇمىت ەتەمىز.

جيناقتاپ ايتقاندا، جۇڭگو  20G ۇيىمىنا مۇشە ەلدەرمەن ورتاق قۇلشىنىپ، وسى رەتكى ەرەكشە باس قوسۋ ماجىلىسىندە بەلسەندى ناتيجەگە قول جەتكىزۋدى جەبەۋدى قالايدى.


اۋدارعان: قاناتبەك جۇماباي ۇلى

中央广播电视总台 央广网 版权所有

ما جاۋشۇي ٴتوراعا شي جينپيڭنىڭ 20 ەل توبى باسشىلارىنىڭ جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا توتەپ بەرۋ جونىندەگى ەرەكشە ماجىلىسىنە قاتىناساتىندىعى جونىندە سۇحبات قابىلدادى

جۇڭگو 20G ۇيىمىنا مۇشە ەلدەرمەن ورتاق قۇلشىنىپ، وسى رەتكى ەرەكشە باس قوسۋ ماجىلىسىندە بەلسەندى ناتيجەگە قول جەتكىزۋدى جەبەۋدى قالايدى