ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

شي جينپيڭ ءماجىلىستى باسقاردى ءارى ماڭىزدى ءسوز سويلەدى، لي كىچياڭ قاتىستى جاعدايلاردى حابارلاندىردى، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى

来源:     |责编:努丽霞提|     发布日期: 2020-07-31 17:05

 

ٴوز حابارىمىز: ج ك پ ورتالىق كوميتەتى 7-ايدىڭ 28-كۇنى جۇڭنانحايدا پارتيا سىرتىنداعى قايراتكەرلەر اڭگىمە ٴماجىلىسىن اشىپ، كەزەكتەگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ونەركاسىپ-ساۋداگەرلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ پىكىر - ۇسىنىستارىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ اڭگىمە ٴماجىلىستى باسقاردى ٴارى ماڭىزدى ٴسوز سويلەدى. ول مىنالاردى باسا دارىپتەدى: كەزەكتەگى ەكونوميكالىق جاعدايدى دۇرىس تانىپ، ىشكەرىلەي تەكسەرىپ - زەرتتەۋ جۇرگىزۋ، رەفورمانى جاپپاي تەرەڭدەتۋدى اناعۇرلىم زور تەبىنمەن ىلگەرىلەتىپ، دامۋدا ٴدوپ كەلگەن ٴتۇرلى قيىن ماسەلەلەردى بەلسەنە شەشىپ، ٴار جاقتان كەلەتىن حاۋىپ ـ قاتەرلەردى، سىن ـ سايىستاردى جانە وراسان زور قىسىمداردى باسەڭدەتىپ، رەفورمانى، دامۋدى ىلگەرىلەتۋگە، ٴتۇرلى حاۋىپ ـ قاتەرلەر مەن سىن ـ سايىستاردى جەڭۋگە كەڭ كولەمدى ورتاق تانىم ۇيىستىرىپ، قۇدىرەتتى كۇش توپتاۋ كەرەك. سايىستارعا توتەپ بەرۋدە بىزدە بەرىك سەنىم مەن جىگەر، مىعىم مەملەكەت قۋاتى بار، ءار ءتۇرلى حاۋىپ - قاتەرلەر مەن سىنداردى جەڭىپ شىعۋعا سەنىمىمىز بەكەم، قابىلەت قارىمىمىز جەتكىلىكتى، ءارقانداي ەل نەمەسە جەكە ادام جۇڭحۋا ۇلتتارىنىڭ ۇلى گۇلدەنۋىن جۇزەگە اسىرۋ تاريحي اياق الىسىنا توسالعى بولا المايدى.

 

ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، ۋاڭ حۋنيڭ، حان جىڭ اڭگىمە ماجىلىسكە قاتىناستى. لي كىچياڭ الدىڭعى جارتى جىلداعى ەكونوميكالىق قىزمەتكە قاتىستى جاعدايلاردى حابارلاندىرىپ، ج ك پ ورتالىق كوميتەتىنىڭ سوڭعى جارتى جىلداعى ەكونوميكالىق قىزمەتتى ويداعىداي ىستەۋ جونىندەگى جوباسىن تانىستىردى.
اڭگىمە ماجىلىستە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ى - شياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيالىق ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇمىسشى - ديقان پارتياسى ورتالىق كوميتەتىنىڭ ءتوراعاسى چىن جۋ، ادىلەت پارتياسى ورتالىق كوميتەتىنىڭ ء توراعاسى ۋان گاڭ، 3 - قىركۇيەك عىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ونەركاسىپ ساۋدا بىرلەستىگىنىڭ ءتوراعاسى گاۋ يۇنلۇڭ، پارتيادا ، توپتا جوق قايراتكەرلەردىڭ ۋاكىلى لي ۋي ىلگەرىندى - كەيىندى سوزگە شىقتى. ولار ج ك پ ورتالىق كوميتەتىنىڭ ەلىمىزدىڭ كەزەكتەگى ەكونوميكالىق جاعدايى جونىندەگى تالداۋىن جانە سوڭعى جارىم جىلداعى ەكونوميكالىق قىزمەت جونىندەگى ويلارىن قۇپتادى. شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ پارمەندى باسشىلىعىندا ەلىمىزدىڭ جۇقپالى اۋرۋدان ساقتانۋ جانە ونى تىزگىندەۋ قىزمەتى مەن ەكونوميكانى قالپىنا كەلتىرۋدە قول جەتكىزگەن كورنەكتى تابىستارىن جوعارى باعالادى. ٴارى ەل ٴىشى جانە حالىقارا قوس اينالىم ارقىلى ٴبىرىن - ٴبىرى جەبەيتىن جاڭا دامۋ جاعدايىن جاراتۋ، ماكرولىق تىزگىندەۋدىڭ ستراتەگيالىق تۇراقتىلىعىن ساقتاپ، بولجامپازدىق ساياسات زاپاسىن ويداعىداي ىستەپ، التىنى ورنىقتىرۋ قىزمەتىن جاقسى ىستەپ، التىنى قامتاماسىز ەتۋ مىندەتىن تياناقتاندىرۋ، كوپ ٴتۇرلى شارانى قاتار قولدانىپ، ەلىمىزدىڭ كاسىپ تىزبەگى جانە قامداۋ تىزبەگىنىڭ حاۋىپسىزدىگىنە كەپىلدىك ەتۋ، ۇنەمىلىك ىندەتتەن ساقتانۋ جانە ونى تىزگىندەۋدى ٴبىر تۇتاس جوسپارلاپ ىلگەرىلەتىپ، دەنساۋلىق ساقتاۋ، سالاماتتىق ىستەرىن دامىتۋدىڭ عىلىم ـ تەحنيكالىق تىرەگىن كۇشەيتۋ، جۇمىس ورىندارىن اشىپ، ىرىقتىلىق ۇقىقتى مىقتى يگەرۋ، كاسىپورىنداردىڭ جاڭا ەكولوگياسىن قالىپتاستىرىپ، شاعىن، ۇساق كاسىپورىنداردىڭ دامۋىن ىلگەرىلەتىپ، قارجى قوسۋدى باسقارۋدى كۇشەيتىپ، قارجى قوسۋ ونىمدىلىگىن جوعارىلاتۋ، ٴبىر بەلدەۋ، ٴبىر جولدى بىرگە قۇرىپ، تاماشا حالىقارالىق ورتا جاراتۋدى ورنىقتى قاداممەن ىلگەرىلەتۋ سىياقتى جاقتاردان ۇسىنىس-پىكىر قويدى.

 

كوپشىلىكتىڭ ٴسوزىن مۇقيات تىڭداعاننان كەيىن، شي جينپيڭ ماڭىزدى ٴسوز سويلەپ، مىنالاردى ٴبىلدىردى: كوپشىلىك سوزىندە الدىڭعى جارتى جىلداعى ەكونوميكالىق قىزمەتتە قول جەتكەن ناتيجەلەردى تولىق تۇراقتاندىردى ٴارى كەزەكتەگى ەكونوميكالىق جاعدايدى دۇرىس تانۋ، سوڭعى جارتى جىلداعى ەكونوميكالىق قىزمەتتى ويداعىداي ىستەۋ جونىندە باعىتتامالىلىعى كۇشتى پىكىرلەردى ورتاعا قويدى. ٴبىز مۇقيات زەرتتەپ، بەلسەنە قابىلدايمىز.

 

شي جينپيڭ بىلاي دەپ اتاپ كورسەتتى: بيىل جىل باسىنان بەرى ٴبىز توسىن سىناققا ٴدوپ كەلدىك. بۇل رەتكى جاڭا ٴتيپتى ايدارشا ۆيرۋسىمەن جۇعىمدالعان وكپە قابىنۋ ىندەتى، جاڭا جۇڭگو قۇرىلعاننان بەرى ەلىمىزدىڭ ءدوپ كەلگەن تارالۋ قارقىنى ەڭ تەز، جۇعىمدالۋ كولەمى ەڭ كەڭ، الدىن الۋ، تىزگىندەۋ قيىندىعى ەڭ زور ءبىر رەتكى توسىن تۋىلعان الەۋمەتتىك دەنساۋلىق ساقتاۋ وقيعاسى بولىپ، ەلىمىزدىڭ ەكونوميكالىق، قوعامدىق دامۋىنا بۇرىن بولىپ كورىلمەگەن سوققى بولدى. بۇل قاتاڭ كۇرەستە، دەموكراتيالىق پارتيا - توپتار ونەركاسىپ ساۋدا بىرلەستىگى جانە پارتيا - توپتا جوق قايراتكەرلەر ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتى تياناقتاندىرىپ، قالىڭ مۇشەلەردى ەمدەۋ - قۇتقارۋ، عىلمي زەرتتەۋدە قامال الۋ، اقشالاي، زاتتاي جىلۋ اتاۋ، جۇمىستى قالپىنا كەلتىرۋ، ٴوندىرىستى قالپىنا كەلتىرۋ قىزمەتتەرىنە بەلسەنە ات سالىسۋعا جەتەكتەدى. جۇقپالى اۋرۋدان ساقتانۋ جانە ونى تىزگىندەۋ حالىقتىق شايقاسىندا، جالپى تۇلعالىق شايقاستا، توسقاۋىل شايقاسىندا جەڭىسكە جەتۋگە ماڭىزدى ۇلەس قوستى. كوپشىلىك ەكونوميكانىڭ، قوعامنىڭ دامۋىنا نازار اۋدارىپ، رەفورمانى، جاڭالىق جاراتۋدى بەلسەنە ىلگەرىلەتۋ، ەكونوميكالىق دامۋدىڭ جاڭا قوزعاۋشى كۇشىن ارتتىرۋ، «جونگە سالۋ ونىمدىلىگىن جوعارىلاتۋ، حالىق تۇرمىسىن قامتاماسىز ەتۋ، جاقسارتۋ» سياقتى جاقتاردا جەرگىلىكتى ورىندارعا مىندەتتەۋ، ينفورماتسيالانۋ تاسىلىنەن پايدالانۋ سياقتى تاسىلدەر ارقىلى تەكسەرۋ ـ زەرتتەۋ جۇرگىزىپ، جاعدايدى انىقتاپ، ماسەلەلەردى ٴدال تاۋىپ، شارالاردى شىنايى تياناقتاندىرۋعا كۇش سالدى. اسىرەسە، ىندەت جاعدايىنىڭ كەدەيلىكتەن ارىلتۋدان قامال الۋعا اكەلگەن سىن سايىستارىنا توتەپ بەرۋ جاعىندا دەموكراتيالىق پارتيا - توپتارداعى نەگىزگى جاۋاپتى جولداستار ٴتۇرلى تاسىلدەر جانە جولدار ارقىلى ٴبىرىنشى قول ماتەريالداردى يگەرىپ، ٴبىرىنشى شەپتىڭ ٴۇنىن تىڭداپ، كەدەيلىكتەن ارىلتۋدان قامال الۋدىڭ دەموكراتيالىق باقىلاۋىن مۇقيات ورىستەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە بەلسەندى ۇلەس قوستى.

 

شي جينپيڭ بىلاي دەپ باسا دارىپتەدى : قازىر جۇقپالى اۋرۋدان ساقتانۋ- تىزگىندەۋ جاعدايى ورنىعىپ، ەكونوميكالىق اينالىم نەگىزىنەن قالپىنا كەلدى، 3-،4-توقسانداردا وسى جاقسى ارىندى جالعاستى ساقتاپ، اۋرۋدان ساقتانۋ-تىزگىندەۋ مەن ەكونوميكانى قالپىنا كەلتىرۋ تابىستارىن بەكەمدەپ جانە ارتتىرىپ، ۇستەگى جارىم جىلداعى زياندى قۇلشىنا تولىقتاۋ ٴتيىس. ورنىقتىلىق بارىسىندا ىلگەرىلەۋدەي قىزمەت نەگىزگى ىرعاعىنان، جاڭا دامۋ ۇستانىمىنان جازباۋ كەرەك. جۇقپالى اۋرۋدان ساقتانۋ-تىزگىندەۋ جانە ەكونوميكا مەن قوعامدى دامىتۋ قىزمەتتەرىن اناعۇرلىم ويداعىداي ٴبىر تۇتاس جوسپارلاپ، قامداۋ قۇرىلىمدىق رەفورماسىن نەگىزگى جەلى ەتۋگە تاباندى بولىپ، ىشكى سۇرانىمدى ارتتىرۋداي ستراتەگيالىق نەگىزگى ٴتۇيىندى مىقتى يگەرىپ، بازار تۇلعالارىنىڭ ومىرشەڭدىك كۇشىن بارىنشا قورعاپ جانە جانداندىرىپ، « التىنى ورنىقتىرۋ » قىزمەتىن تىڭعىلىقتى ىستەپ، ” التىنى قامتاماسىزداندىرۋ “ مىندەتىن جاپپاي تياناقتاندىرىپ، ماكرولىق شارۋاشىلىق ساياساتىنىڭ تياناقتانۋىنا كەپىلدىك ەتۋ كەرەك. كاسىپ تىزبەگى مەن قامداۋ تىزبەگىنىڭ ورنىقتىلىعىن-باسەكەلىك قۋاتىن جوعارىلاتىپ، رەفورما جاساپ، ەسىك اشۋدى اناعۇرلىم زور تەبىنمەن ىلگەرىلەتىپ، ەكونوميكانىڭ جوعارى ساپالى دامۋىن جەبەپ، حالىق تۇرمىسىن قامتاماسىزداندىرۋ جانە تاسقىننان ساقتانۋ، قۇتقارۋ قىزمەتتەرىن تىندىرىمدى ىستەپ، قوعام ورنىقتىلىعى جالپى جاعدايىن ساقتاپ، تۇتاس جىلدا ەكونوميكا مەن قوعامدى دامىتۋدىڭ نىسانالىق مىندەتتەرىن قۇلشىنا تامامداۋ كەرەك.

 

شي جينپيڭ دەموكراتيالىق پارتيا ـ توپتارعا، ساۋدا ـ ونەركاسىپشىلەر بىرلەستىگىنە جانە پارتيادا ، توپتا جوق قايراتكەرلەرگە مىناداي 3 ٴتۇرلى ٴۇمىت ارتتى: ء ٴبىرىنشى، ەكونوميكانى دامىتۋ بارىسىندا كەزىككەن قيىنشىلىقتار مەن سىن-سايىستارعا جان - جاقتىلى، ديالەكتيكالىق، دامۋ تۇرعىسىنان قاراپ، قالىڭ مۇشەلەردى سەنىم مەن بەكىمدى بەكەمدەپ، ەكونوميكانىڭ باياندى، اقاۋسىز دامۋىنا تىڭ ۇلەس قوسۋعا جەتەكتەۋ كەرەك. ەكىنشى ، نازاردى نىسانا - مىندەتتەرگە، ج ك پ ورتالىق كوميتەتى نازار اۋدارىپ وتىرعان ٴتۇيىندى ماسەلەلەرگە، مەملەكەتتىڭ ەكونوميكا مەن قوعامدى دامىتۋىنداعى شەشۋشى ماسەلەلەرگە شوعىرلاندىرىپ، ٴارقايسىسىنىڭ ەرەكشەلىكتەرى مەن ارتىقشىلىقتارىن ساۋلەلەندىرىپ، ٴار دارەجەلى ۇيىمدار مەن ٴار جاقتاعى دارىندىلاردىڭ بەلسەندىلىگىن-جاسامپازدىعىن ساۋلەلەندىرۋ، ءتۇرلى دارىندىلار بايلىعى مەن كاسىپتىك اقىل - پاراسات قامباسىن ء بىر تۇتاس جوسپارلاپ، ويداعىداي پايدالانىپ، تارتىمدى، قۇندى پىكىرلەر مەن ۇسىنىستاردى ورتاعا قويىپ ، جوعارى ساپالى دامۋدى ىلگەرىلەتۋگە اقىل - كەڭەس بەرۋ ٴتيىس. ٴۇشىنشى، يدەيالىق جەتەكشىلىكتى كۇشەيتىپ، قالىڭ مۇشەلەردى رەفورمانى تەرەڭدەتۋ، دامۋ بارىسىندا بەلەڭ بەرگەن قايشىلىقتار مەن ماسەلەلەرگە، سونداي-اق ەل ٴىشى ـ سىرتىنان تونگەن ٴتۇرلى حاۋىپ ـ قاتەرلەر مەن سىن ـ سايىستارعا دۇرىس مامىلە جاساۋعا جەتەكتەپ، كۇدىك - كۇماننان ارىلتۋ، كوڭىل- كۇيدى ورنىقتىرۋ، قايشىلىقتاردى شەشۋ قىزمەتىن ويداعىداي ىستەۋ كەرەك.

 

ديڭ شۋەشياڭ، حۋ چۇنحۋا ، يوۋ چۋەن ، ۋاڭ يۇڭ ، شياۋ جيە ، حى ليفىڭ ، ج ك پ ورتالىق كوميتەتى مەن مەملەكەتتىك كەڭەس قاتىستى تاراۋلارىنىڭ جاۋاپتىلارى اڭگىمە ماجىلىسكە قاتىناستى.



中央广播电视总台 央广网 版权所有

شي جينپيڭ ءماجىلىستى باسقاردى ءارى ماڭىزدى ءسوز سويلەدى، لي كىچياڭ قاتىستى جاعدايلاردى حابارلاندىردى، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى

كەزەكتەگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە ج ك پ ورتالىق كوميتەتى اڭگىمە ٴماجىلىسىن وتكىزدى