ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

«حالىق قاھارمانى» چىن ۋي

来源:جۇڭگو قازاق راديو تورابى     |责编:达吾力别克 |     发布日期: 2020-09-15 10:19

ءوز حابارىمىز. جۇڭگو ينجەنەريا اكادەمياسىنىڭ اكادەميگى، اسكەري ىستەر عىلىم اكادەمياسى اسكەري مەديتسينا زەرتتەۋ ورنىنىڭ اعا زەرتتەۋشىسى چىن ۋي حانىم، مەملەكەتتىڭ بيولوگيالىق حاۋىپسىزدىگىنە ىقپال جاساۋى مۇمكىن بولعان كومەسكى قاتەرلەردى باستان-اياق قالت جىبەرمەي قاداعالاپ، ۋحاندا ىندەتپەن شايقاسقان 4 ايدا، ۇيىرمە باستاپ زەرتتەپ جاساعان جاڭا تيپتى ايدارشا ۆيرۋس ۆاكسيناسى دۇنيە جۇزىنە « جۇڭگو قارقىنىن » تاعى ءبىر رەت ايگىلەدى.


جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە توتەپ بەرۋدىڭ مەملەكەتتىك ماداقتاۋ جينالىسىنا قاتىناسقاننان كەيىن، اكادەميك چىن ۋي زەرتتەۋ ورنىنا قايتىپ بارىپ، عىلمي زەرتتەۋ نىساندارىنىڭ جاۋاپتىلارىن دەرەۋ شاقىرىپ، كەلەسى قادامداعى عىلمي زەرتتەۋدە قامال الۋ مىندەتىن تۇراقتاندىردى. قايتادان قۇراستىرىلعان جاڭا تيپتى ايدارشا ۆيرۋس ۆاكسيناسى قازىر رەسەي مەن پاكيستاندا 3-كەزەڭدىك كلينيكالىق سىناققا سالىنۋ بەكىتۋىنە يە بولدى ءارى 10 مىڭنان استام ادامعا سىناق رەتىندە ەگىلەدى.


جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتى اياق استىنان تارالعاننان كەيىن، ارميادان ۇيىمداستىرىلعان اسكەري مەديتسينا ماماندارى شاعاننىڭ 2-كۇنى ۋحانعا شۇعىل جينالدى، چىن ۋي باستاعان توپتاعىلار بەيجيڭ ارتقى شەپ عىلمي زەرتتەۋ بازاسىمەن سەلبەسىپ شايقاسقا قاتىناسىپ، كۇشتى شوعىرلاندىرا وتىرىپ ۆاكسينا زەرتتەپ جاساۋ عىلمي زەرتتەۋىندە شۇعىل قامال الۋعا كىرىستى. 2020-جىلى 3-ايدىڭ 16-كۇنى، قايتا قۇراستىرىلعان جاڭا تيپتى ايدارشا ۆيرۋس ۆاكسيناسى ۋحاندا 1-كەزەڭدەگى كلينيكالىق سىناققا سالىندى، بۇل دۇنيە ءءجۇزى بويىنشا تۇڭعىش رەت كلينيكالىق زەرتتەۋ ساتىسىنا وتكەن جاڭا تيپتى ايدارشا ۆيرۋستىڭ پايدالانۋدا تاڭدالاتىن ۆاكسيناسى. 4-ايدا وسى ۆاكسينانىڭ Ⅱ كەزەڭدەگى كلينيكالىق سىناعى باستالدى. Ⅰ جانە Ⅱ كەزەڭدەگى كلينيكالىق سىناق ساندى مالىمەتى «قانداۋىر» جۋرنالىندا جاريالاندى. 8-ايدىڭ 11-كۇنى جاڭادان قۇراستىرىلعان جاڭا تيپتى ايدارشا ۆيرۋس ۆاكسيناسى كلينيكالىق سىناققا سالىنىپ پاتەنت ۇقىعىنا يە بولعان تۇڭعىش جاڭا تيپتى ايدارشا ۆيرۋس ۆاكسيناسى بولدى.


اۋدارعان: امانتاي مۇسايىپ ۇلى

中央广播电视总台 央广网 版权所有

«حالىق قاھارمانى» چىن ۋي

جۇڭگو ينجەنەريا اكادەمياسىنىڭ اكادەميگى، اسكەري ىستەر عىلىم اكادەمياسى اسكەري مەديتسينا زەرتتەۋ ورنىنىڭ اعا زەرتتەۋشىسى چىن ۋي حانىم، مەملەكەتتىڭ بيولوگيالىق حاۋىپسىزدىگىنە ىقپال جاساۋى مۇمكىن بولعان كومەسكى قاتەرلەردى باستان-اياق قالت جىبەرمەي قاداعالاپ،