ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

كۇزگى استىقتىڭ جارىمىنان استامى ساتىپ الىندى، كوكتەم مەرەكەسىندە استىق-ازىقتىق مايلار جەتكىلىكتى قامدالاتىن بولادى

来源:جۇڭگو قازاق راديو تورابى     |责编:阿依娜古丽|     发布日期: 2021-01-13 09:54

 

ٴوز حابارىمىز. مەملەكەتتىك استىق جانە زات زاپاسى مەكەمەسى 1-ايدىڭ 12-كۇنى مىنانى جاريالادى: 2020-، 2021-جىلدارداعى كۇزگى استىقتىڭ جارىمىنان استامى ساتىپ الىندى. قازىرگە دەيىن، جيىنى 110 ميلليون توننا استىق ساتىپ الىنىپ، ۇقساس مەزگىلدەگىدەن 5 ميلليون توننا ارتىپ، ساتىپ الۋ قارقىنى الدىنعى جىلداعىدان كورنەكتى تەزدەدى. ساتىپ الۋ جاعدايىنان قاراعاندا، بازارلاندىرىپ ساتىپ الۋ سالىستىرماسى %98 كە جەتىپ، الدىنعى جىلداعىدان 8 پايز جوعارىلاعان. بيىل استىقتىڭ قامدالۋىن قامتاماسىزداندىرۋ، بازاردى ورنىقتىرۋ قىزمەتتەرى جالعاستى جاقسى ىستەلەدى.


    مەملەكەتتىك استىق جانە زات زاپاسى مەكەمەسىنە قاراستى استىق زاپاسى مەكەمەسىنىڭ باستىعى چين يۇييۇن بىلاي دەدى: كەزەكتە، ەلىمىزدىڭ قامباداعى استىق مولشەرى ٴبىرشاما جوعارى ورەدە بولىپ، كاسىپورىنداردىڭ قامباداعى ازىقتىق توۆارلارى دا كورنەكتى ارتتى. ٴبيداي، كۇرىش سياقتى استىق تۇرلەرى ٴبىر جىلدىق تۇتىنۋ قاجەتىن قاناعاتتاندىرا الادى، ٴىرى-ورتا قالالارداعى استىق پەن ازىقتىق مايدىڭ قامباداعى مولشەرى دە 20 نەشە كۇندىك تۇتىنۋعا جەتەدى. كاسىپورىنداردىڭ قامباداعى ازىقتىق توۆارلارى دا 15 جىلدان بەرگى ەڭ جوعارى ورەگە جەتتى، ەلىمىزدىڭ شىعىس سولتۇستىك وڭىرىندە جۇگەرىنىڭ قامباداعى مولشەرى الدىنعى جىلعى ۇقساس مەزگىلدەگىنىڭ 3 ەسەسىنە جەتتى.


    مەملەكەتتىك استىق جانە زات زاپاسى مەكەمەسىنىڭ كەڭسە مەڭگەرۋشىسى فاڭ جين بىلاي دەدى: 2021-جىلى استىقتى ٴوندىرۋ، ساتىپ الۋ، قامبالاۋ جانە ساتۋ ٴوزارا ۇشتاستىرىلعان سايكەستى قامتاماسىزداندىرۋ شاراسى كۇشەيتىلىپ، قامدالۋى قامتاماسىزداندىرىلىپ، بازار ورنىقتىرىلادى، جيناۋ، قامبالاۋ، تەڭشەۋ، مەڭگەرۋ قۋاتى ارتتىرىلادى.


    چين يۇييۇن بىلاي دەدى: مەملەكەتتىك دامۋ-رەفورمالاۋ كوميتەتى مەن مەملەكەتتىك استىق جانە زات زاپاسى مەكەمەسى كوكتەم مەرەكەسىنىڭ دەمالىس كۇندەرىندە استىق ساۋداسىنىڭ كۇسەت بولاتىن احۋالىنا قاراي دايىندىق جوبانى ايتارلىقتاي جاساپ، استىق-ازىقتىق ماي ونىمدەرىن جەتكىلىكتى قامداۋدا.

اۋدارعان: امانتاي مۇسايىپ ۇلى

中央广播电视总台 央广网 版权所有

كۇزگى استىقتىڭ جارىمىنان استامى ساتىپ الىندى، كوكتەم مەرەكەسىندە استىق-ازىقتىق مايلار جەتكىلىكتى قامدالاتىن بولادى

مەملەكەتتىك استىق جانە زات زاپاسى مەكەمەسى 1-ايدىڭ 12-كۇنى مىنانى جاريالادى: 2020-، 2021-جىلدارداعى كۇزگى استىقتىڭ جارىمىنان استامى ساتىپ الىندى.