ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

يمپورت كورمەسىندەگى ونىمدەر الارمان قولىنا جەتەدى

来源:央广网     |责编:达吾力别克|     发布日期: 2019-11-09 16:42

كوپ ۇزاماي سىزدە يمپورت كورمەسىنە قويىلعان شەتەل ونىمدەرىن ساتىپ الاتىن بولاسىز

 

 

 

سالەمەتسىزدەر! 

يمپورت كورمەسىندە «دۇنيە ءجۇزى بويىنشا تۇڭعىش رەت جاريالانعان»، «جۇڭگودا تۇڭعىش رەت كورمەگە قويىلعان» جاڭا تەحنيكالى ونىمدەر ەرەكشە كوپ بولدى، كورمە اياقتاعاننان كەيىن، وسى «جۇلدىز ونىمدەر» قايدا اپارىلادى؟ بۇل ونىمدەر ءبىزدىڭ تۇرمىسىمىزبەن قانداي قاتىسى بار؟ وسى سۇراقتارعا بۇگىن ءبىز سىزدەرمەن بىرگە كورمە سارايلارىن ارالاي ءجۇرىپ جاۋاپ ىزدەيتىن بولامىز.

ەسىڭىزدە بولار، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ سالتىنىڭ بۇقارالىق ءجۇرىس بولىمىندەگى لياۋنيڭ ولكەسىنىڭ اشەكەيلى اۆتوكولىكىندە ءبىر روبوت پەن كىشكەنتاي ەكى بالانىڭ بىرلىكتە پيانينودا«مەن جانە مەنىڭ وتانىم» اتتى ءاننىڭ اۋەنىن بىرلىكتە ورىنداعان. ەلىمىزدە وندىرىلگەن «دوكا» دەپ اتالاتىن وسى روبوتتىڭ وزەكتى تەحنيكالىق بولشەگى تۇڭعىش كەزەكتى يمپورت كورمەسىنە قاتىناسقان «جۇلدىز ءونىم» گەرمانيانىڭ SCHUNK سەرىكتىگى وندىرگەن ۇقساتىلمالى بەس ساۋساقتى مەحانيكا تەحنيكاسى بولاتىن. ال بيىلعى يمپورت كورمەسىندە، «قىزمەت وتەۋ تيپىندەگى روبوتتىڭ SVH بەس ساۋساعى» دەپ اتالاتىن دارەجەسى جوعارىلاتىلعان نۇسقاسى ەپتى ساۋساقتارىمەن كولا قۇمىراسىن ۇستاي الاتىن، ماشينا رولىن مەڭگەرە الاتىن، ءتىپتى، ينەگە ءجىپ ساباقتاي الاتىن قابىلەتى جۇرت نازارىن اۋداردى. 

 

 بۇدان سىرت، وسى رەتكى يمپورت كورمەسىندە ۇستىنە تەك 4 تە 5 سەكۋند وتىرساڭىز بولعانى، دەنساۋلىق جاعدايىڭىزدىڭ ءتۇرلى كورسەتكىشتەرىن سول ساتتە تەكسەرىپ انىقتاپ شىعاتىن دارەت شەلەگى؛ گەرمانيا كاسىپورىندارى جۇڭگو بازارىنا باعىتتاي وندىرگەن، ەۆروپادا جالپى بەتتىك قارسى الۋعا بولەنگەن زەيىندەسكەن شاي جاساۋ ماشيناسى ؛ 10 مينۋت ىسىتساڭىز بولعانى جەۋگە بولاتىن سينگاپوردىڭ ـ قىزىل بۇرىشتى شايانى سىندى ءتۇرلى جاڭا ونىمدەر، جاڭا تەحىنيكالار كورمەگە قاتىناسقان ءار ەل ساۋداگەرلەرىن ەرەكشە تاڭ قالدىردى. ال، وسى ونىمدەردىڭ ىشىندە قايسى ونىمدەر بيىلعى يمپورت كورمەسىندە قارسى الۋعا بولەنەتىن، الارمانى كوپ ءونىم بولاتىندىعى قازىرگە دەيىن بەيمالىم.

 

 يمپورت كورمەسىندەگى وسى جاڭا ونىمدەر كەزەكتە بۇكىل الەم نازارىن اۋدارۋدا، كورمە اياقتاعاننان كەيىن وسى ونىمدەر قايدا جونەلتىلدى؟ ءبىز تۇڭعىش كەزەكتى كورمەدەگى «جۇلدىز ءونىم» دەگەن داڭققا يە بولعان ونىمدەردىڭ قازىرگى قايدا بارعانىنا نازار اۋدارىپ كورەلىك.

 

ا ق ش - نىڭ ەمدەۋ عىلىم - تەحنيكا سەرىكتىگى وندىرگەن تەڭگەدەي عانا ۇلكەندىكتەگى ەلەكتر سىمسىز جۇرەك سوقتىرعىش اسپابى بيىل 6 - ايدا ەلىمىزدە بەكىتۋدەن ءوتىپ بازارعا شىعارىلدى، الدىدا بۇل جاڭا ءونىم وسى تۇردەگى ناۋقاسقا شالدىققان ادامدارعا شيپا بولاتىن مەديتسينا اسپابىنا اينالاتىن بولادى. وتكەن جىلى قارسى الۋعا بولەنگەن مالايزيانىڭ اۋىل شارۋاشىلىق ونىمدەرى كەزەكتە ەلىمىزدەگى كوپتەگەن ەرەن بازارلاردا ساتىلا باستادى. ۋكراينانىڭ شەكىلدەۋىك مايى ەل اراسىندا ىستەتىلە باستادى. جاڭا زەرلانديانىڭ سيىر ءسۇتىنىڭ ايلىق ساتىلىم مولشەرى كەزەكتە جۇڭگو بازارىندا 1 -كەزەك يمپورت كورمەسىنەن بۇرىنعى ساتىلىم مولشەرىنەن 36 ەسە ارتتى.

 

قازىر يمپورت كورمەسىنە قويىلعان تاۋارلار ەلىمىزدىڭ جەر - جەرىندەگى دۇكەندەرگە جەتكىزىلىپ قالماستان، تيانماۋ، سۋنيڭ قاتارلى ساۋدا تەكشەلەرىندە ساتىلا باستادى. بۇگىنگى تاڭدا يمپورت كورمەسىنە قويىلعان شەتەل ونىمدەرى قاسىمىزدان تابىلاتىن بولدى، بۇل ونىمدەر جۇڭگو تۇتىنۋشىلارىنا ءتىپتى دە كوپ تاڭداۋ ورايىن جاراتىپ قالماستان وتە قولايلى جاعداي تۋدىردى. كوپ ۇزاماي سىزدە يمپورت كورمەسىنە قويىلعان وسى شەتەل ونىمدەرىن ساتىپ الاتىن بولاسىز! 

 

     

中央广播电视总台 央广网 版权所有

يمپورت كورمەسىندەگى ونىمدەر الارمان قولىنا جەتەدى

يمپورت كورمەسىندە «دۇنيە ءجۇزى بويىنشا تۇڭعىش رەت جاريالانعان»، «جۇڭگودا تۇڭعىش رەت كورمەگە قويىلعان» جاڭا تەحنيكالى ونىمدەر ەرەكشە كوپ بولدى، كورمە اياقتاعاننان كەيىن، وسى «جۇلدىز ونىمدەر» قايدا اپارىلادى؟ بۇل ونىمدەر ءبىزدىڭ تۇرمىسىمىزبەن قانداي قاتىسى بار؟ وسى سۇراقتارعا بۇگىن ءبىز سىزدەرمەن بىرگە كورمە سارايلارىن ارالاي ءجۇرىپ جاۋاپ ىزدەيتىن بولامىز.