ينفورماتسيا اشكەرەلەۋ: mzjubao@cnr.cn

ٴتۇيىندى تۇعىر

شي جينپيڭ گۋاڭدۇڭدا قىزمەت تەكسەرگەندە بىلاي دەپ باسا دارىپتەدى

来源:央广网     |责编:达吾力别克|     发布日期: 2020-10-16 18:31

شي جينپيڭ گۋاڭدۇڭدا قىزمەت تەكسەرگەندە اناعۇرلىم كۇشتى تارتىمدىلىقپەن اناعۇرلىم بيىك باستامادا رەفورما جاساپ، ەسىك اشۋدى ىلگەرىلەتۋ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا بۇكىل ەلدىڭ الدىڭعى لەگىندە ءجۇرىپ، جاڭا شۇعىلالى تابىستار جاراتۋ كەرەك،-دەپ باسا دارىپتەدى

ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا گۋاڭدۇڭدا قىزمەت تەكسەرگەندە مىنانى باسا دارىپتەدى: پارتيا ورتالىق كوميتەتىنىڭ ستراتەگيالىق ورنالاستىرۋىن باتىل دايەكتەندىرۋ؛ جاڭا دامۋ تانىمىنا، جوعارى ساپالى دامۋعا تاباندى بولۋ؛ يدەيانى ونان ارى ازات ەتۋ؛ باتىلدىقپەن جاڭالىق جاراتۋ؛ شىنايى يگەرىپ، ناقتى ىستەۋ؛ قايراتتانا العا ۇمتىلۋ؛ رەفورما جاساپ، ەسىك اشۋدى اناعۇرلىم زور تەبىنمەن، اناعۇرلىم بيىك باستامادا ىلگەرىلەتۋ؛ گۋاڭدۇڭ-شياڭگاڭ-اۋمىن ۇلكەن شىعاناق رايونى قۇرىلىسىن ىلگەرىلەتۋ، اناعۇرلىم جوعارى دەڭگەيدە سىرتقا ەسىك اشۋدى، وسىزاماندانعان ەكونوميكالىق جۇيە قالىپتاستىرۋدى ىلگەرىلەتۋ، رۋحاني وركەنيەت قۇرىلىسىن كۇشەيتۋ، ەكولوگيالىق وركەنيەت قۇرىلىسىن ويداعىداي يگەرۋ، حالىق تۇرمىسىن قامتاماسىز ەتۋ جانە جاقسارتۋ قاتارلى جاقتاردا تىڭ دا اناعۇرلىم زور ناتيجە جاراتۋ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا بۇكىل ەلدىڭ الدىڭعى لەگىندە جۇرۋگە، جاڭا شۇعىلالى تابىستار جاراتۋعا قۇلشىنۋ كەرەك. 

 

التىن كۇز ارايىنا شومعان وڭتۇستىك گۋاڭدۇڭ بايتاق دالاسىندا ومىرشەڭدىك وتى لاۋلايدى. 10-ايدىڭ 12-، 13-كۇندەرى، شي جينپيڭ ج ك پ ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى لي شي مەن ولكە باستىعى ما شيڭرۇيدىڭ سەرىك بولۋىندا ىلگەرىندى-كەيىندى چاۋجوۋ، شانتوۋ قاتارلى جەرلەرگە بارىپ، مادەني مۇرا رەتىندە قورعالاتىن ورىنداردى، تاريحي مادەنيەت كوشە رايوندارىن، كاسىپورىنداردى ىشكەرىلەي ارالاپ، ىندەتتەن ۇنەمىلىك ساقتانۋ-تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس ىلگەرىلەتۋ، رەفورمانى، ەسىك اشۋدى ىشكەرىلەتۋ، «14-بەسجىلدىق» جوبا كەزىندەگى ەكونوميكالىق، قوعامدىق دامۋدى جوسپارلاۋ قاتارلىلار جونىندە تەكسەرۋ-زەرتتەۋ جۇرگىزدى. 

 

 10ـ ايدىڭ 12-كۇنى تۇستەن كەيىن شي جينپيڭ چاۋجوۋ قالاسىنا بارىپ قىزمەت تەكسەردى. چاۋجوۋ كونە قالاسىنىڭ شىعىسىنداعى گۋاڭجي كوپىرى وڭتۇستىك سۇڭ پاتشالىعى داۋىرىندە سالىنعان. حانجياڭ وزەنىنىڭ ەكى جاعالاۋىن ەندەي سالىنعان، دارا ىستىلدە جاسالعان، كوپ دىڭگەكتەر ورناتىلعان، قالقىما كوپىر، دوعاشا كوپىر سىندى كوپتەگەن كوپىر سالۋ ەرەكشەلىكتەرى ءبىر تۇلعالانعان بۇل «كوپىر دۇنيە بويىنشا ەڭ ەرتە سالىنعان اشىلىپ-جابىلاتىن كوپىر» دەپ اسپەتتەلەدى. شي جينپيڭ كوپىردى بويلاي ءجۇرىپ، كوپىر سامالدىعىن، قالقىما كوپىردى كوردى، حانجياڭ وزەنىنىڭ ەكى جاعالاۋىنا كوز جىبەرىپ، كوپىردىڭ تاريحي مادەنيەت ەرەكشەلىگىن ۇعىسىپ، گۋاڭجي كوپىرىن قالپىنا كەلتىرۋ، قورعاۋ جاعدايى جونىندەگى تانىستىرۋدى تىڭدادى. شي جينپيڭ مىنالاردى باسا دارىپتەدى: گۋاڭجي كوپىرى تاريحتا نەشە رەت قايتا سالىنۋ جانە جوندەلۋ ارقىلى تۇرلىشە داۋىردەگى ەڭبەكشى حالىقتىڭ شەبەرلىگى مەن اقىل-پاراساتىن شوعىرلاندىرىپ، ماڭىزدى تاريحي، عىلمي، كوركەمونەرلىك قۇنعا يە كوپىرگە اينالدى، ول چاۋجوۋدىڭ تاريحي مادەنيەتىنىڭ ماڭىزدى بەلگىسى. وسى باعالى تاريحي مادەنيەت مۇرانى قاستەرلەۋ جانە قورعاۋ، شەكتەن اسىرا رەمونتتاپ اۋەلگى قالپىنان ايرىلتۋعا، جاڭا قالا قۇرامىز دەپ كونە قالانى جوعالتپاۋ، تاريحي بەينەسىن مۇمكىندىكتىڭ بارىنشا ساقتاۋعا تىرىسۋ كەرەك. حانجياڭ وزەنى الابىن جان-جاقتى وڭاۋدى ويداعىداي يگەرۋ، حانجياڭ وزەنىنىڭ سۋى تۇنىق، كورىنىس كوركەم بولۋىنا مۇمكىندىك جاساۋ كەرەك. 

 

 وسىدان كەيىن شي جينپيڭ گۋاڭجي كوپىرىنىڭ جاعاسىنداعى گۋاڭجي قاقپاسىنان ءوتىپ، تاس باسپالداقتى بويلاپ گۋاڭجي سامالدىعىنا شىقتى. سامالدىق كورمە زالىندا، شي جينپيڭ چاۋجوۋ بەيزاتتىق مادەنيەت تۋىندىلارىن كوزدەن كەشىرىپ، بەيزاتتىق مادەني مۇراعاتتاردى جالعاستىرۋشىلار ۋاكىلدەرىنىڭ ناق مايداندا بەيزاتتىق مۇرالار جاساعانىن كوردى ءارى ولارمەن ىقىلاسپەن اڭگىمەلەسىپ، چاۋجوۋدىڭ ءداستۇرلى مادەنيەتكە مۇراگەرلىك ەتۋ جاعدايىن ۇعىستى. شي جينپيڭ بىلاي دەپ انىق ايتتى: چاۋجوۋ مادەنيەتى ايقىن وڭىرلىك ەرەكشەلىككە يە، ليڭنان مادەنيەتىنىڭ ماڭىزدى قۇرامداس بولەگى، جۇڭحۋا مادەنيەتىنىڭ ماڭىزدى تارماعى. چاۋجوۋ جىبەگى، چاۋجوۋ فارفورى، چاۋجوۋ ويماشىلىعى، چاۋجوۋ مۇسىنشىلىگى، چاۋجوۋ تەاتىرى جانە چاۋجوۋ شاي دامدەۋ ونەرى، چاۋجوۋ قۋىرماشتارى قاتارلىلاردى ۋاكىل ەتكەن چاۋجوۋدىڭ بەيزاتتىق مادەني مۇرالارى، جۇڭحۋا مادەنيەتىنىڭ جاۋھارى. بەيزاتتىق مادەنيەت مۇرالارىن قورعاۋدى جانە وعان مۇراگەرلىك ەتۋدى كۇشەيتۋ؛ مۇراگەرلەردى بەلسەنە جەتىلدىرىپ، بەيزاتتىق مادەنيەت مۇرالارىن ءتىپتى دە كورىكتەندىرە ءتۇسۋ كەرەك. 

 

شي جينپيڭ ەكىنشى قاباتتاعى دودەگە كاريدورىنا كەلىپ، الىسقا كوز تاستادى. ايدىن شالقار حانجياڭ وزەنى بەتىندە اق تولقىندار ايمالاعان اسەم كوپىر الىپ ايداعارداي ۇزىننان ۇزاققا سوزىلىپ سۋ كوركىنە سۇلۋلىق قوسىپ تۇرعانداي. گۋاڭجي سامالدىعىنىڭ تاريحى مەن بايىرعى قالانى قالپىنا كەلتىرۋ، قورعاۋ شارالارىن تانىسترۋدى تىڭداعاننان كەيىن، شي جينپيڭ بىلاي دەپ باسا دارىپتەدى: گۋاڭجي كوپىرىن، گۋاڭجي سامالدىعىن قامتىعان چاۋجوۋ بايىرعى قالاسى ءبىرشاما كەمەلدى ساقتالىپ قالدى، مۇنىڭ ءوزى شىنىندا وڭاي ەمەس، اسا باعالى مۇرا دەۋگە بولادى. كونە قالانى رەمونتتاۋ، جاڭا قالا قۇرۋ بارىسىندا، قالانىڭ تاريحي مادەنيەت مۇرالارىن ويداعىداي قورعاۋ، قالانىڭ مادەنيەت جۇلگەسىن جالعاستىرۋ، تاريح پەن وسى زاماندى ءوزارا سايكەستىرىپ، ءبىر بىرىنە ءسان قوستىرۋ كەرەك. 

 

پايفاڭ كوشەسى چاۋجوۋ قالاسىنىڭ مادەنيەت بەلگىلەرىنىڭ ءبىرى، بايىرعى 23 پايفاڭ قۇرىلىسى 51 بايىرعى شاعىن كوشەنى تۇتاستىرىپ تۇرادى. شي جينپيڭ كوشەنى بويلاپ، چاۋجوۋ قالاسىنىڭ تاريحي مادەنيەت كوشە رايونىن قالپىنا كەلتىرۋ، قورعاۋ، تاڭداۋلى ءداستۇرلى مادەنيەت شوعىرلانعان ءوڭىر قۇرۋ قاتارلى جاعدايلاردى ۇعىستى ءارى كوشە شەتىندەگى ساۋدا دۇكەندەرىنە كىرىپ، دۇكەن قىزمەتكەرلەرىمەن، قاريدارلارمەن اڭگىمەلەسىپ، ولاردان ساۋدانى قالپىنا كەلتىرۋ، بازاردى قالپىنا كەلتىرۋ، ءوندىرىس، تۇرمىس جاقتارىندا تاعى قانداي قيىنشىلىقتاردىڭ بار ەكەندىگىن سۇرادى. شي جينپيڭ بىلاي دەپ اتاپ كورسەتتى: كەزەكتە ەلىمىزدىڭ جۇقپالى اۋرۋدان ساقتانۋ جانە ونى تىزگىندەۋدە كەلەلى ستراتەگيالىق تابىستار قولعا كەلدى، ەكونوميكانىڭ، قوعامنىڭ ءتارتىبى نەگىزىنەن قالپىنا كەلدى، الايدا اۋرۋدىڭ سىرت ەلدەردەن ەلىمىزگە قارالۋ، ىشكى جاقتا اۋرۋدىڭ قايتا ورشۋىنەن ساقتانۋدىڭ قىسىمى ءالى دە اۋىر، سوندىقتان، جۇقپالى اۋرۋدان ساقتانۋ جانە ونى تىزگىندەۋ شارالارىن ۇزدىكسىز قاتاڭ اتقارىپ، جۇقپالى اۋرۋدى تۇبەگەيلى جەڭۋ جاعىندا ورتاق كۇش سالۋىمىز كەرەك. 

 

تۇتاس كوشە باس شۋجيدىڭ كەلگەن حابارىن ەستىپ جينالعان ادامدارعا لىق تولدى، كوپشىلىك «باس شۋجي سالەمەتسىزبە!»، «باس شۋجي جاپا شەكتىڭىز!»،- دەپ قۋانىشپەن امانداستى. شي جينپيڭ كوپشىلىككە ءالسىن-ءالى قول بۇلعاپ قۇرمەت ءبىلدىردى. ول بىلاي دەدى: چاۋجوۋدىڭ تاريحى ۇزاق، مادەنيەتى مول، مەملەكەتتىڭ تاريحي مادەنيەت جاقتاعى ايگىلى قالاسى سانالادى، كوپتەگەن ادامدار وسى ايگىلى قالانىڭ اتىن ەستىپ بۇل اراعا ساياحاتتاپ كەلەدى، سوندىقتان، تاريحي مادەنيەت قۇنىنا يە كونە قالا رايونىن جاقسى قورعاپ، قالانىڭ ەرەكشەلىگىن ايگىلەپ، مادەنيەت ساياحاتىنىڭ مازمۇنىن كۇشەيتىپ، ادامداردى ءتىپتى دە كوپ تاربيەگە يە ەتۋ كەرەك. 40 نەشە جىلدىڭ الدىندا مەن چاۋجوۋعا كەلگەن ەدىم، بۇگىن بۇل اراعا تاعى كەلدىم، چاۋجوۋ قالاسىنىڭ دامۋى ەرەكشە جاقسى، مەن اسا قۋانىشتامىن. چاۋجوۋداعى قالىڭ كادرلار مەن بۇقارانىڭ ورايدى مىقتى يگەرىپ، اۋقىمعا قاراي العا ۇمتىلىپ، اتتانىسقا كەلىپ، چاۋجوۋدى ءتىپتى دە كوركەم ەتىپ قۇرىپ شىعۋىن ءۇمىت ەتەمىن! 

 

پايفاڭ كوشەسىنەن اتتانعاننان كەيىن شي جينپيڭ چاۋجوۋ سانحۋان توبى شەكتى جارنا سەرىكتەستىگىنە بارىپ تەكسەرۋ-زەرتتەۋ جۇرگىزدى. 50 جىلدان بەرى بۇل كاسىپورىن دەربەس جاڭالىق جاراتۋعا تاباندى بولىپ، كاسىپ دارەجەسىن جوعارىلاتۋدى ۇزدىكسىز ىلگەرىلەتىپ، ەلەكتروندىق بولشەك بۇيىمدار، وزىق ماتەريالداردى زەرتتەپ اشۋ جانە ءوندىرۋ جاعىندا كاسىپتىڭ الدىڭعى لەگىندە ءجۇرىپ، كەيبىر ونىمدەردىڭ ءوندىرۋ، ساتۋ مولشەرى دۇنيە ءجۇزىنىڭ الدىڭعى لەگىنە ءوتتى. ىندەت تارالعان كەزدە كاسىپورىن جۇقپالى اۋرۋدان قاتاڭ ساقتانۋعا تاباندى بولۋمەن بىرگە، جۇمىستى، ءوندىرىستى قالپىنا كەلتىرىپ، ءوندىرۋ-ساتۋ مولشەرى قۇلدىراعاننىڭ ورنىنا قايتا جوعارىلادى. سەرىكتىكتىڭ كورمە زالىندا شي جينپيڭ ەرەكشە ونىمدەر كورمەسىن كورىپ، ونىمدەردىڭ قولدانىلۋى، تەحنيكالىق باسىمدىعى، بازاردا ساتىلۋى قاتارلى جاعدايلاردى ەگجەي-تەگجەيلى ۇعىستى. شي جينپيڭ تاجىريبەحانا مەن ءوندىرىس سەحتارىنا بارىپ، كاسىپورىننىڭ دەربەس جاڭالىق اشۋعا تاباندى بولۋ، ءداستۇرلى جاساۋ كاسىبىنىڭ تيپىن وزگەرتىپ، دارەجەسىن جوعارىلاتۋدى ىلگەرىلەتۋ، سونداي-اق ەل ءىشى-سىرتى بازارىن اشۋ قاتارلى جاعدايلاردى ۇعىستى. شي جينپيڭ مىنالاردى باسا دارىپتەدى: دەربەس جاڭالىق اشۋ — كاسىپورىننىڭ وزەكتى باسەكەلىك قۋاتىن كۇشەيتىپ، كاسىپورىننىڭ جوعارى ساپالى دامۋىن جۇزەگە اسىرۋدا ءسوز جوق باسىپ وتەتىن جولى. سىزدەردىڭ ەل ىشىندەگى تاپشى ونىمدەرگە نازار اۋدارىپ، دەربەس زەرتتەپ اشۋ جاعىندا ەسەلەپ قۇلشىنۋلارىڭىزدى، اناعۇرلىم كوپ، وزىق تەحنيكالاردى يگەرىپ، كاسىپورىننىڭ باسەكەلىك قۋاتى مەن دامۋ قۋاتىن ارتتىرۋلارىڭىزدى ءۇمىت ەتەمىن. دۇنيە جۇزىندە ءجۇز جىلدا بولماعان زور وزگەرىس جانە ىشكى-سىرتقى دامۋ ورتاسىندا تۋىلعان تەرەڭ دە كۇردەلى وزگەرىستەر الدىندا، ءبىز ءتىپتى دە جوعارى ورەدە ءوز كۇشىمىزگە سۇيەنىپ ءومىر ءسۇرۋ جولىمەن ءجۇرۋىمىز كەرەك. اناعۇرلىم جوعارى دەڭگەيدە رەفورما جۇرگىزىپ، ەسىك اشىپ، ەل ىشىندەگى زور اينالىمدى نەگىزگى تۇلعا ەتكەن، ەل ىشىندەگى جانە حالىقاراداعى قوس اينالىم ءبىرىن-ءبىرى جەبەيتىن جاڭا دامۋ جاعدايىن جەدەل قالىپتاستىرۋىمىز كەرەك. كوپشىلىك پارتيا ورتالىق كوميتەتىنىڭ ستراتەگيالىق ويىن تەرەڭ ءتۇسىنىپ، جاڭا دامۋ جاعدايىن جاراتۋ سىندى نەگىزگى شايقاس مايدانىندا ورنىمىزدى دۇرىس تالداپ، كاسىپورىنشىلار رۋحىن ساۋلەلەندىرىپ، كاسىپورىنداردىڭ دامۋىن اناعۇرلىم جوعارىلاتىپ، مەملەكەتكە اناعۇرلىم زور ۇلەس قوسۋىمىز كەرەك. 

 

 10-ايدىڭ 13-كۇنى تۇستەن كەيىن شي جينپيڭ شانتوۋ قالاسىنىڭ شاعىن باقشا كايبۋ رايونىنا بارىپ تەكسەرۋ-زەرتتەۋ جۇرگىزدى. شانتوۋ قالاسى 1860-جىلى كابۋ كەمە پورتىن اشققاننان بەرى، باتىستاعى وزبىر ەلدەردىڭ جۇڭگوعا شاپقىنشىلىق جاساعان قورلاۋ تاريحىنا كۋا بولعان، سونىمەن بىرگە، رەفورما جاساپ، ەسىك اشقاننان بەرگى ەكونوميكالىق ەرەكشە رايوننىڭ دامۋ بارىسىنا دا كۋا بولدى. شي جينپيڭ شانتوۋ كايبۋ مادەنيەت كورمە سارايىنا بارىپ، شانتوۋدىڭ كەمەجاي اشۋ تاريحى مەن ەكونوميكالىق ەرەكشە رايوننىڭ دامۋ تابىستارىن ۇعىسىپ، شانتوۋ قالاسىنىڭ كەلەسى قادامداعى دامۋ جوباسى جونىندەگى دوكلاتتى تىڭدادى. شي جينپيڭ بىلاي دەدى: شانتوۋ ەكونوميكالىق ەرەكشە رايونى رەفورما جاساپ، ەسىك اشقاننان كەيىن ەڭ ەرتە قۇرىلعان ەكونوميكالىق ەرەكشە رايوننىڭ ءبىرى، جاڭا داۋىردەگى رەفورما جاساۋدىڭ، ەسىك اشۋدىڭ ءمانى، شارتى، تالابى بۇرىنعى كەزدەگىلەرمەن سالىستىرعاندا پارقى ءبىرشاما زور دەۋگە بولادى. شانتوۋ قالاسىنىڭ ىشكەرىلەي تەكسەرىپ-زەرتتەۋ جۇرگىزىپ، مۇقيات وي جۇگىرتىپ، جوسپار جاساپ، ماسەلەلەردى شىن مانىندە شەشە الاتىن وي جەلىسى مەن شارالاردى بەلگىلەۋىن ءۇمىت ەتەمىز. سونىمەن بىرگە، گۋاڭدۇڭ، شياڭگاڭ، اۋمىن ۇلكەن شىعاناق رايونىن قۇرۋ، «ءبىر بەلدەۋ، ءبىر جولدى» بىرگە قۇرۋ سياقتى ماڭىزدى ورايدان تولىق پايدالانىپ، ءوز ورنىن ءدال تاۋىپ، ارتىقشىلىعىن اسىرىپ، كەمشىلىگىن تولىقتاپ، رەفورما جاساۋدى، ەسىك اشۋدى اناعۇرلىم زور تەبىنمەن، اناعۇرلىم جوعارى باستامادا ىلگەرىلەتىپ، جاڭا داۋىردەگى ەكونوميكالىق ەرەكشە رايون قۇرىلىسىندا اتويلاپ الدا ءجۇرۋى كەرەك. 

 

وسىدان كەيىن شي جينپيڭ چاۋشان مۇھاجىرلار مەكەنى ەرەكشەلىگىنە يە مۇھاجىرلار حات-چەك مادەني مۇراعاتتار سارايىن ەكسكۋرسيالادى. ۇزاق ۋاقىت بويى شەتەلدەگى جۇڭگو مۇھاجىرلارى حالىقتىق ارنالارمەن حاتتاردى نەمەسە جاي ەسكەرتپەلەر جاپسىرىلعان اقشا تالون دوكۋمەنتتەرىن ەل ىشىنە جىبەرىپ بەرگەن، وسى «مۇھاجىرلار حات-چەكتەرى» تاياۋ زامانعى جۇڭگو مۇھاجىرلارىنىڭ تاريحىن زەرتتەيتىن باعالى ارحيۆكە اينالدى. شي جينپيڭ مۇھاجىرلاردىڭ تاريحى مەن چاۋشان جۇڭگو مۇھاجىرلار مادەنيەتى جونىندەگى تانىستىرۋدى تىڭداي كەلىپ مىنالاردى باسا دارىپتەدى: مۇھاجىرلار حات چەك تاريحىندا شەتەلدەگى جۇڭگو مۇھاجىرلارىنىڭ جاپالى كاسىپ جاراتۋ بارىسى جانە وتباسىنا، وتانعا دەگەن ىستىق ماحاببات كورنەكتىلەنگەن ارى بۇل جۇڭحۋا ۇلتتارىنىڭ سەنىمدىلىكتى دارىپتەۋىنىڭ، ۋادەسىندە تۇرۋىنىڭ ماڭىزدى بەينەسى سانالادى. وسى مادەني مۇرالاردى ويداعىداي قورعاپ، زەرتتەۋدى كۇشەيتىپ، ادامداردى تاياۋ زامانعى ەلىمىز باستان كەشكەن نامىس تاريحى مەن اعا بۋىن مۇھاجىر باۋىرلاستاردىڭ جاپالى كاسىپ جاراتۋ تاريحىن ۇمىتپاۋعا، سونداي-اق تۇتاس قوعامنىڭ سەنىمدىلىك قۇرىلىسىن كۇشەيتۋگە تاربيەلەۋ، جەتەكتەۋ كەرەك. چاۋشان رايونى ەلىمىزدەگى ايگىلى مۇھاجىرلار اۋىلى. شانتوۋ ەكونوميكالىق ەرەكشە رايونى جاڭا ءىس جۇزىندىك جاعدايعا نەگىزدەلىپ، «مۇھاجىرلار» ىستەرىن جاقسى ىستەپ، شەتەلدەگى جۇڭگو مۇھاجىرلار قىزمەتىن كۇشەيتىپ، ولاردى وتاننىڭ وسىزاماندانۋ قۇرىلىسىن قولداۋ جانە وعان قاتىناسۋ، جۇڭحۋا مادەنيەتىن ساۋلەلەندىرۋ، وتاننىڭ بەيبىت جولمەن بىرلىككە كەلۋىن جەبەۋ، جۇڭگو مەن شەتەلدىڭ اۋىس-كۇيىسىن، سەلبەستىگىن كۇشەيتۋ جاقتارىندا اناعۇرلىم زور رول اتقارۋعا جەتەكتەۋ جانە شابىتتاندىرۋ كەرەك. 

 

شانتۋدىڭ شاعىن باقشاسى سانالاتىن كايبۋ سىرتقى ساۋدا پورت رايونى كەزەكتە ەلىمىزدەگى ەڭ جاقسى ساقتالعان پورت رايوندارىنىڭ ءبىرى. كوشەلەردە تاياۋ زامانعى ساۋدالىق ءۇي قۇرىلس ۇلگىسىندە سالىنعان عيماراتتار قاتار ورنالاسقان . شي جينپيڭ كوشە رايونىنىڭ بەت-بەينەسىن كوزدەن كەشىرىپ، جەرگىلىكتى ورىننىڭ پورت رايونىن قالپىنا كەلتىرۋ، قايتا قۇرۋ، تاريحي مادەنيەت كوشە رايونىن قورعاۋ، قالىپتاستىرۋ، جانداندىرۋ جاعدايى جونىندەگى تانىستىرۋىن تىڭدادى. شي جينپيڭ مىنالاردى باسا دارىپتەدى: قازىر ەلىمىزدىڭ ەكونوميكالىق، قوعامدىق دامۋى وتە تەز، قالا قۇرىلىسى اي سايىن تۇلەپ جىل سايىن جاڭارۋدا. وسىنداي بولعان سايىن تاريحي مادەنيەت كوشە رايونىن قورعاۋدى كۇشەيتىپ، قورعاۋدى كۇشەيتۋ العى شارتىندا قالا نەگىزدىك قۇرىلعىلار قۇرىلىسىن قانات جايدىرىپ، وسىزامانعى تۇرمىسقا توعىسىپ، بايىرعى قالالاردى تىڭ ومىرشەڭدىك كۇشكە يە ەتۋ كەرەك. ادامداردى شانتۋ ەكونوميكالىق ەرەكشە رايونىنىڭ بۇگىنگى كۇنىنىڭ وڭاي قولعا كەلمەگەنىن تانىپ جەتۋگە، وسىدان پارتيانىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ كورنەكتى ابزالدىلىعىن اڭعارۋعا، جۇڭگوشا سوتسياليزم جولى سەنىمى، نازاريا سەنىمى، ءتۇزىم سەنىمى، مادەنيەت سەنىمىندە تاباندى بولۋعا جەتەكشىلىك ەتۋ كەرەك. 

 

جەرگىلىكتى بۇقارا مەن ساياحاتشىلار باس شۋجيدىڭ كەلگەنىن كورىپ، باس شۋجيگە قاۋمالاي كەلىپ امانداستى. شي جينپيڭ كوپشىلىكتىڭ تۇرمىسىنىڭ كوڭىلدى، دەنساۋلىقتارىنىڭ مىقتى، ومىرلەرىنىڭ باقىتتى بولۋىن تىلەدى. ول بىلاي دەپ اتاپ كورسەتتى: ەلىمىزدىڭ رەفورما جاساۋ، ەسىك اشۋ ىستەرى مەن ەكونوميكالىق ەرەكشە رايون قۇرىلىسىن قالىڭ اۋىلداستاردان، وتانمەن تىلەكتەس جۇڭگولىق مۇھاجىرلاردان بولە قاراۋعا بولمايدى. ءبىز الدا دوڭگەلەك داۋلەتتى قوعامدى جالپى بەتتىك قۇرۋ، سوتسياليستىك وسىزاماندانعان مەملەكەتتى جالپى بەتتىك قۇرۋدىڭ جاڭا جورىعىن باستاپ، ەكىنشى 100 جىلدىق كۇرەس نىساناسىنا قادام تاستايمىز. وسى عاسىردىڭ ورتا شەنىنە دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعۋ ەل ىشىندەگى جانە شەتەلدەگى بۇكىل جۇڭحۋا ۇلاندارىنىڭ ورتاق تىلەگى. بيىل ەكونوميكالىق ەرەكشە رايون قۇرىلعاندىعىنىڭ 40 جىلدىعى، مەن شانتوۋ ەكونوميكالىق ەرەكشە رايونىنا ارنايى كەلىپ تەكسەرۋ-زەرتتەۋ جۇرگىزۋىم ەلىمىزبەن شەتەلگە: جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ، رەفورما جاساپ، ەسىك اشۋ جولىمەن اۋىتقىماي جۇرەتىندىگىن، سوتسياليستىك وسىزامانداندىرۋ قۇرىلىسىن ەكپىندەتە جەبەيتىندىگىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن تاباندىلىقپەن جۇزەگە اسىراتىندىعىن جاريالاۋ بولىپ تابىلادى، اۋىلداستاردىڭ قول ۇستاسا قۇلشىنىپ، قايراتتانا ورتاق كۇرەس جاساۋىن ءۇمىت ەتەمىن!

 

ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار تەكسەرۋدە بىرگە بولدى. 

حاباردىڭ 央视频 داعى كەسكىن نۇسقاسىن (قازاقشا) تومەندەگى 阅读原文 دى باسىپ كورىڭىز.

 

     

    中央广播电视总台 央广网 版权所有

    شي جينپيڭ گۋاڭدۇڭدا قىزمەت تەكسەرگەندە بىلاي دەپ باسا دارىپتەدى

    شي جينپيڭ گۋاڭدۇڭدا قىزمەت تەكسەرگەندە اناعۇرلىم كۇشتى تارتىمدىلىقپەن اناعۇرلىم بيىك باستامادا رەفورما جاساپ، ەسىك اشۋدى ىلگەرىلەتۋ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا بۇكىل ەلدىڭ الدىڭعى لەگىندە ءجۇرىپ، جاڭا شۇعىلالى تابىستار جاراتۋ كەرەك،-دەپ باسا دارىپتەدى