ينفورماتسيا اشكەرەلەۋ: mzjubao@cnr.cn

سۋرەتتەر سويلەيدى

كۇز ارتىنان قۋالاي قىس كەلەدى

来源:جۇڭگو قازاق راديو تورابى     |责编:阿依娜古丽|     发布日期: 2019-11-19 10:24


    سۋرەتتەرىن ءتۇسىرىپ ماقالاسىن جازعان باقىتبەك ءجۇمادىل ۇلى. مامىراجاي قوڭىر كۇز كەلىسىمەن، ۇلى جاراتىلىس سۇلۋ شىراي سيلاعان تابيعاتى بار ىلە اڭعارىنىڭ بار الابى الۋان بوياۋمەن اسەمدەلىپ، تاۋ-دالانىڭ كوركى كوز سۇرىندىرەدى.


    ىلە اڭعارىنىڭ كۇزگى تابيعاتى ءوزىنىڭ ەرەكشە قالىپتاسقان جەر بەدەرى، بوگەنايى ايقىن ماۋسىمدىق كليماتىمەن ەرەكشەلەنەدى. وسى ءبىر مەزگىلدە ىلەدەگى قاس، كۇنەس، تەكەس دەپ اتالعان دارقان دالاسى بار <<ءۇش بۋرىلدىڭ>> تاۋ-دالالارىندا ەتەكتەگى سارى كۇزدىڭ اسەم رەڭىنە، بەل-بەلەستەرمەن تاۋ باستارىنداعى اقشا قار كومكەرگەن بوياۋى قاباتتاسىپ تۇرعان كورنىستەرى كورگەن جاننىڭ كوز مەيرىن قاندرادى.


    ويداعى ساعىم ويناعان جازىق سارى دالادا جىلى جالىن ەسسە، ال، ءدال وسى ساتتە بىيىك تاۋ بوكتەرلەرى مەن قار جامىلعان اق باس شىڭدار قاھارلى قىستىڭ ىزعارىن ىشىنە بۇككەندەي كورنەدى. وسى ءسوزىمىزدىڭ دالەلى رەتىندە قازان ايىنىڭ سوڭى، قاراشانىڭ باسىندا <<ءۇش بۋرىلدىڭ>> قۇتتى قويناۋلارىنان فوتو اپارات كوزىنە ءتۇسىرىپ وقىرمانعا ۇسىنىپ وتىرعان مىنا كورنىستەرگە زەر سالساڭىز، << كۇز ارتىنان قۋالاي قىس كەلە جاتقان>> مەزگىل ءولاراسىندا، ءبىر كوش جەرى ءبىر ماۋسىمنىڭ ماقامىن شەرتىپ، ءار مەزگىلدىڭ اسەمدىگىن كوز الدىڭىزعا قاتار اكەلەتىن وسى كوركەم تابيعات كوركىنىڭ تىلمەن جەتكىزگىسىز سىر شەرتىپ تۇرعان سۇلۋ سىمباتىنان ءلاززاتتانا الاسىز !

اۆتوردىڭ ءادرىسى: ىلە وبلىستىق مادەنيەت- ساياحات مەكەمەسى

 

中央广播电视总台 央广网 版权所有

كۇز ارتىنان قۋالاي قىس كەلەدى

مامىراجاي قوڭىر كۇز كەلىسىمەن، ۇلى جاراتىلىس سۇلۋ شىراي سيلاعان تابيعاتى بار ىلە اڭعارىنىڭ بار الابى الۋان بوياۋمەن اسەمدەلىپ، تاۋ-دالانىڭ كوركى كوز سۇرىندىرەدى.