ينفورماتسيا اشكەرەلەۋ: mzjubao@cnr.cn

سۋرەتتەر سويلەيدى

قۇلىستىداعى قىزىقتى قيمىل

来源:جۇڭگو قازاق راديو تورابى     |责编:阿依娜古丽|     发布日期: 2020-01-14 16:57

 

سۋرەتتەرىن تۇسىرىپ حابارىن جازعان باقىتبەك ءجۇمادىل ۇلى 

    قۇلجا اۋدانىنىڭ «جەر ۇيىعى كوركەم ىلە» اتتى قىسقى ساياحات جەلىلەس قيمىلدارىنىڭ ءبىرى بولعان 2-كەزەكتى «<اققۋعا ماحاببات> ورىك مەكەنىندەگى ات ءۇستى ءداستۇرلى قيمىلدارى» 1-ايدىڭ 11-كۇنى اۋليە اۋلىنىڭ قۇلىستى قىستاعىندا دابىرالى ءوتتى.


    بۇل رەتكى قيمىلدىڭ باستى ماقساتى الدا كەلە جاتقان 2020-جىلدىڭ كوكتەم مەرەكەسىن قارسى الىپ، جەرگىلىكتى ورىننىڭ قىسقى ساياحاتىن جانداندىرۋ بولدى.


    اۋليە اۋىلى قۇلجا اۋدانىنداعى كىلەڭ قازاق ۇلتىن نەگىز ەتكەن اۋىل. بۇل اۋىلدا قاتىستى تاراۋلاردان رۇحسات كۋالىگىن العان، ءۇش ۇرپاق بويى بۇركىت ۇستاپ كەلگەن «ساياتشىلار توبى» بار، ونىڭ ۇستىنە ەرەن قابىرعانىڭ وڭ تۇستىڭ بەتكەيىنە ورنالاسقان قۇلىستى قىستاعىنىڭ ۇلان اسىر ادىرلى، كەڭ بەيتاق ساحاراسى بولعاندىقتان، تابيعي دالالىق ات بايگە الاڭى جانە قۇس سالىپ ساياتشىلىق قۇرۋعا ابدەن ۇيلەسەتىن جەر جاعدايى بار ەكەن.


    مىنە وسىنداي ەرەكشەلىكتەرگە سۇيەنە وتىرىپ، اۋليە اۋىلى ۇلتتىق ءتۇس العان ساحارالىق ات ءۇستى ءداستۇرلى قيمىلدارىن مارەسىنە جەتكىزە ورىنداپ، الىس جۋىقتان كەلگەن ساياحاتشىلاردى، اۋدان اۋىلداردان جينالعان ەگىنشى-مالشى كورەرمەندەردى باۋراپ، قىس مەزگىلىندە مال قامىمەن ساي-سالاداعى قىستاۋدا تىم-تىرىس جاتقان مالشى قاۋىمدى «ءبىر كۇنگى ولەڭنىڭ ءۇش كۇن ىزىڭى باسىلماستاي» ەتىپ ءبىر جەلپىندىرىپ تاستادى.


    سول كۇنى شالقار تۇسكە تاياعاندا قيمىلدىڭ باستالۋ سالتى بولدى. تولىقسىز ساناققا قاراعاندا جان جاقتان جينالعان جۇرت پەن الىستان ات ارىلتىپ كەلگەن قارا نوپىر كورەرمەندەردىڭ ۇزىن سانى 30 مىڭنان اسىپتى. قىيمىل باستالعاندا الدىمەن شاباندوزدارمەن ات ۇستىندە قولدارىنا بۇركىت العان ساياتشىلار قوسىنى باستاعان ونەر كورسەتۋشىلەر ساپ تۇزەپ پاراتتان ءوتتى. ونان سوڭ قيمىلدىڭ كۇن ءتارتىبى بويىنشا قىز قۋار، قۇس سالۋ، كوكپار، بالۋان سالۋ، ات بايگەسى ارت-ارتىنان وتكىزىلىپ، قيمىلدىڭ قىزىعى كۇن ەڭكەيىپ، ىمىرتقا ۇلاساردا ارەڭ اياقتالدى.


    بەس مايدان الامان بايگەنىڭ باس جۇلدەسىن العان شاباندوزدارعا بىردەن جىلقى جەتەكتەتىپ، كوكپاردا جەڭىستىڭ العاندار مەن بىلەك كۇشىن كورسەتىپ، ارىپتەسىن قار قاپتىرا الىپ ۇرعان 9 بالۋانعا جانە قىران قۇسى قىراتتان اسىپ كەلىپ، قوياندى قالت جىبەرمەي ءىلىپ تۇسكەن ساياتشىلارعا تۇگەل اقشالاي سيلىق بەرسە، قيمىل ساحناسىن انگە بولەپ، ءار ۇلت تىلىندە ءان ورىنداپ، باقىتتى زاماندى، ۇلتتاردىڭ ۇلى ىنتىماعىن جىرلاعان، الىس-جۋىقتان شاقىرىلعان ءانشى-جىرشى ونەرپازدارعا جول-جورا ۇسنىلىپ قۇرمەتتەلدى.


    قيمىلدىڭ ساۋدا-ساتتىق رايونىندا اۋىل، قىستاقتارداعى قول ونەرشىلەر وزدەرى وندىرگەن كەستەلى بۇيىمدار، ات ابزەلدەرى جانە قازى-قارتا، سارماي، ىرىمشىك-قۇرت سياقتى مال شارۋاشىلىق ونىمدەرىن تانىستىرىپ ساۋدالاپ، ءوز ەڭبەكتەرىنىڭ كىرىسىن الىپ قارىق بولىپ، جاسىل ونىمدەردىڭ بازارى قىزىپ جاتتى.


    مىڭ ەستىگەننەن ءبىر كورگەن ارتىق دەيدى، ءبارىن ايت تا ءبىرىن ايت، وسى رەتكى قىلمىلدىڭ ساياتشىلىق ونەرىن كورسەتۋ مازمۇنى بارشانى ەرەسەن باۋرادى. قۇس سالۋدىڭ بارسىن الاي-دا بۇلاي بولدى دەپ كوپ سويلەپ سوزباي، وقىرماندارىمىزعا وسى رەتكى قىزىقتى قىسقى ساياحات قيمىلىنىڭ ءار ءتۇرلى مازمۇندارىنان تۇسىرگەن «قاس قاعىم ساتتەردى» ۇسىنساق حاباردا ايتىلعاننان قالعان قىزىقتىڭ بارىسىنان كوزايىم بولار دەپ ويلايمىن.


 باستالۋ سالتى مەن پارات

 قىزىقتى قىزقۋار

 قارلى دالاداعى كوكپار


سالبۋرىن ساياتشىلىق


 الىپ سوق ارىس مايدانى


اق قارلى القاپتاعى الامان بايگە

 

اۆتوردىڭ ادىرىسى: ىلە وبلىستىق مادەنيەت- ساياحات مەكەمەسى

中央广播电视总台 央广网 版权所有

قۇلىستىداعى قىزىقتى قيمىل

اق قارلى القاپتاعى الامان بايگە