ينفورماتسيا اشكەرەلەۋ: mzjubao@cnr.cn

سۋرەتتەر سويلەيدى

شيحۋ قالاسىنىڭ ءارقايسى اۋىل-قالاشىقتارى ماقتا جيناۋ دايىندىق قىزمەتىن ىستەدى

来源:شيحۋ قالالىق راديو-تەلەۆيزيا ستانسياسى     |责编:达吾力别克 |     发布日期: 2020-10-14 09:50

حاليدا دالەلحان قىزى حابارلايدى. 9-ايدىڭ باسىندا، ماقتا قاۋاشاق اشۋ مەزگىلىنە ءوتتى. شيحۋ قالاسىنىڭ ءار قايسى اۋىل-قالاشىقتارىنداعى ماقتا ەگەتىن ديقاندار جاڭا ماقتانى جيناۋ دايىندىق قىزمەتىن بار كۇشپەن جاقسى ىستەپ، ماقتادان مول ءونىم الۋعا دايىن بولدى.

جيۋجياندىر اۋىلى چيحۋدي قىستاعىنىڭ تۇرعىنى جۋ شىڭحۋ بيىل 80 مۋ جەرگە ماقتا ەكتى، اتىزى ۇيلەسىمدى باسقارىلعاندىقتان، ماقتانىڭ ءوسۋ جاعدايى ەرەكشە جاقسى بولىپ، مولشەرمەن مۋ باسىندىق ورتاشا ءونىم مولشەرى 350 كيلوگرامنان اسادى. بىرنەشە كۇننەن بەرى جۋ شىڭحۋ ماشينامەن ماقتا جيناۋدىڭ دايىندىق جۇمىستارىمەن قاربالاستانۋدا، بۇرىنعى جىلدارداعىمەن ۇقسامايتىنى، بيىل ونىڭ ەگىستىك جەرىنە تۇگەلدەي ۇشقىشسىز ۇشاقتا جاپىراقسىزداندىرعىش ءدارى شاشىلدى، ۇشقىشسىز ۇشاقتا اۋىل شارۋاشىلىق دارىلەرىن شاشۋ مايسانى زاقىمداماۋ، تەز، جوعارى ءونىمدى بولۋ، تامشىلارىنىڭ وتكىزگىشتىگى جاقسى بولۋ سياقتى ەرەكشەلىكتەرگە يە بولىپ، ماقتاشىلاردىڭ قىزۋ قارسى الۋىنا بولەنىپ كەلەدى.


جيۋجياندىر اۋىلى چيحۋدي قىستاعىنىڭ تۇرعىنى جۋ شىڭحۋ تىلشىگە: قازىر جاپىراقسىزداندىرعىش ءدارىسىن شاشىپ جاتىرمىز، ماقتا اشىلۋ مولشەرى دە % 70 كە جەتتى. مولشەرمەن 20 كۇن اينالاسىندا باستاپ جينايمىز،-دەدى.

ماقتانىڭ جاپىراعىنان اجىراپ پىسۋىن تەزدەتۋ ءبىر جولدا ماشينامەن جيناپ الۋدى جۇزگە اسىرۋ جانە ماشينامەن ماقتا جيناۋداعى كىرمە زاتىن ازايتىپ، جۇمىس ونىمدىلىگىن جوعارىلاتۋداعى ماڭىزدى شارا. جاپىراعىنان اجىراپ پىسۋدى تەزدەتۋ ءونىمى قانشا جاقسى بولسا، تازا جيناۋ مولشەرى دە سونشا جوعارى بولادى. قازىر ماقتا جيناۋ مەزگىلىنە ءوتتى، ماقتانى تەز ارادا قامباعا ءتۇسىرۋ ءۇشىن، شيحۋ قالاسىنىڭ ءارقايسى اۋىل-قالاشىقتارى بەلسەنە اتتانىسقا كەلىپ، ماقتا ەگەتىن ديقانداردى دەركەزىندە جاپىراقسىزداندىرۋ ءدارىسىن شاشۋعا ۇيىمداستىرىپ، ماقتا جيناۋ قىزمەتىنىڭ ءساتتى ورستەتىلۋىن ىلگەرلەتتى.
جيۋجياندىر اۋىلى چيحۋ قىستاعى 2-گرۋپپاسىنىڭ جاۋاپتىسى چي شياۋۋي تىلشىگە: ءبىزدىڭ چيحۋدي قىستاعىمىز 41000 مۋ جەرگە ماقتا ەكتى، ءبىز بۇقارانى 9-ايدىڭ 10-كۇنىنىڭ الدى-ارتىندا ءبىرىنشى رەتكى جاپىراقسىزداندىرعىش ءدارىسىن شاشۋعا جەتەكشىلىك ەتتىك. جاقسىءونىم الىپ، ونان سوڭ جاقسى باعادا ساتۋعا دايىندالۋدامىز،-دەدى.


بيىل شيحۋ قالاسىندا ماقتا ەگىلگەن جەر كولەمى ءبىر ميلليون 710 مىڭ مۋ، اۋىل شارۋاشىلىق تاراۋلارىنىڭ مولشەرلەۋىمەن ءار مۋ ٴونىمى ورتا ەسەپپەن 332 كيلوگرامعا جەتەدى. قازىر ءار قايسى اۋىل-قالاشىقتار ماقتا تەرۋ ماشيناسىن رەيمونتتاۋ، جاپىراق ايىرۋ زاتىن بۇركۋ قاتارلى دايىندىق قىزمەتتەردى جاقسى ىستەپ، مەجەمەن 9-ايدىڭ 20-كۇنىنەن باستاپ ماقتانى ماشينامەن جيناۋ قىزمەتىن جاپپاي ورىستەتپەكشى.

 

中央广播电视总台 央广网 版权所有

شيحۋ قالاسىنىڭ ءارقايسى اۋىل-قالاشىقتارى ماقتا جيناۋ دايىندىق قىزمەتىن ىستەدى

9-ايدىڭ باسىندا، ماقتا قاۋاشاق اشۋ مەزگىلىنە ءوتتى. شيحۋ قالاسىنىڭ ءار قايسى اۋىل-قالاشىقتارىنداعى ماقتا ەگەتىن ديقاندار جاڭا ماقتانى جيناۋ دايىندىق قىزمەتىن بار كۇشپەن جاقسى ىستەپ، ماقتادان مول ءونىم الۋعا دايىن بولدى.