راقايلاسىپ بىتىسكەن قاتناس شىرعالاڭىنىڭ سوڭى داۋعا ايلاندى
0
2019-08-12 14:16:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

 

    سوت مەكەمەسى شىرعالاڭداعى جاۋاپكەرشىلىك بويىنشا تولەم جاۋاپكەرشىلىگىن ارقالاۋ كەرەك دەپ قارادى


    «جۇڭحۋا حالىق رەسپۋبليكاسى جول قاتناس حاۋىپسىزدىگى زاڭى» نىڭ قاتىستى بەلگىلەمەسىندە، قاتناس شىرعالاڭى تۋىلعاننان كەيىن شىرعالاڭعا قاتىستى جاقتار ەڭ الدىمەن دەلو مالىمدەپ، شىرعالاڭ تۋىلعان ناق مايداندى قورعاۋى ءتيىس دەپ بەلگىلەنگەن؛ الايدا كەيبىر شىرعالاڭداردا قاتىستى جاقتار دەلو مالىمدەۋگە بولا تۇرسادا مالىمدەمەي، ءوزارا راقايلاسىپ ءبىتىسىپ جاتادى، بۇلاردىڭ كەيبىرەۋلەرىنىڭ سوڭى داۋ-شارعا ايلانادى. تاياۋدا شىحىزى قالالىق حالىق سوتى مەكەمەسى وسىنداي ءبىر دولونى اشىق سوتتا قارادى.


    2018-جىلى 10-ايدىڭ ىشىندەگى ءبىر كۇنى لي فااميليالى كولىگىن ايداپ جولدا كەتىپ بارا جاتىپ، جاياۋلار جولىنان ءوتىپ بارا جاتقان حوۋ فاميليالىنى سوعىپ كەتەدى.


    لي فاميليالى حوۋ فاميليالىعا: "قاتەلىك مەنەن بولدى، شىرعالاڭداعى بارلىق جاۋاپكەرشىلىكتى ۇستىمە السام " دەگەن سوڭ، ەكى جاقتا دەلو مالىمدەمەي، ءوزارا راقايلاسىپ بىتىسۋگە كەلىسەدى.


    سول كۇنى لي فاميليالى حوۋ فاميليالىنى شيپاحاناعا اپارىپ، ونىڭ جارالانعان بەتى مەن قولىن ەمدەتىپ، ەمدەلۋگە كەتكەن 5000 يۋاندى ۇستىندە تاپسىرادى.


    حوۋ فاميليالى ۇيىنە بارعاننان كەيىن جۇرەگى قىسىلىپ، دەمى سىعىلىپ جايسىزدانعان سوڭ سول ماڭداعى بەلگىلى شيپاحاناعا جاتىپ ەمدەلەدى؛ شيپاحانادان شىعىپ كوپ وتپەي، ول مەرتىككەن جەرلەرىن جاعاستى ەمدەتۋ ءۇشىن،ءۇشىنشى رەت تاعىدا شيپاىاناعا جاتىپ ەمدەلەدى؛ وسى بارىستا كەتكەن 30 مىڭ يۋان داۋالانۋ قاراجاتىن تاعىدا لي فاميليالى تولەيدى.


    حوۋ فاميليالى شيپاحانادان شىققاننان كەيىن، ادىليالىق ساراپتاۋ ورتالىعىنا بارىپ جاراقاتىن ساراپتاتقاندا، 8-دارەجەلى مۇگەدەك بولعان دەپ قورتىندى شىعارادى؛ وسىدان كەيىن لي، حوۋ فاميليالىلار ارااسىندا داۋالانۋ قاراجاتى، تولەم قاراجاتى جونىندە تالاس-تارتىس تۋىلىپ، تالاي رەت كەڭەسكەن بولسادا پىكىر بىرلىگىنە كەلە المايدى؛ سونىمەن 2018- جىلى 12- ايدا حوۋ فاميليالى لي فاميليالى مەن ونىڭ ايداعان كولىگىن قامسىزداندىرۋعا قاتناستىرعان قامسىزداندىرۋ سەرىكتىگىنىڭ ۇستىنەن شىحىزى قالالىق حالىق سوتى مەكەمەسىنە ارىز ۇسىنىپ، جاۋاپكەر ەكى جاقتان، وزىنىڭ ءتۇرلى شىعىندارى ءۇشىن زاڭ بويىنشا 100 مىڭ يۋاننان استام تولەم تولەتىپ بەرۋدى تالاپ ەتەدى.


    سوت تەرگەۋى بارىسىندا، وسى دەلوداعى جاۋاپكەر جاقتىڭ ءبىرى بولعان قامسىزداندىرۋ سەرىكتىگى حوۋ فاميليالىنىڭ جاراقاتىنا قايتالاي ساراپتاۋ جۇرگىزۋدى ورتاعا قويادى،،حوۋ فاميليالىنىڭ جاراقاتىن ءادلىيالىق جاقتان قايتالاي ساراپتاعاندا، 9- دارەجەلى مۇگەدەك بولعان دەگەن قورتىندى شىعادى.


    "وسى رەتكى شىرعالاڭدا حوۋ فاميليالىنىڭ بەتى مەن قولى جارالانىپ، مەن ونى شيپاحاناعا اپارىپ داۋالاتتىم؛ ارتىنان ول جۇرەگىم قىسىلىپ، دەمىم سىعىلدىپ تۇر دەپ بۇرىندى-سوڭدى ەكى رەت شيپاحاناعا جاتىپ داۋالاندى، بۇنىسى شىرعالاڭمەن قاتىسسىز بولعاندىقتان، بۇعان كەتكەن قاراجاتتى ۇستىمە المايمىن"،-دەدى لي فاميليالى ءوزىن اقتاپ.


    سوت تەرگەۋىندە : «حوۋ فاميليالى جاياۋلار جولىن كەسىپ ءوتىپ بارا جاتقاندا، لي فاميليالى كولىگىن توقتاتىپ وعان جول بەرمەي، وسى رەتكى شىرعالاڭدى تۋدىرىپ، اۋىر قاتەلىك وتكىزگەندىكتەن، حوۋ فاميليالىنىڭ بارلىق شىعىندارىن ۇستىنە الۋى ءتيىس» دەپ قارادى.


    «جۇڭحۋا حالىق رەسپۋبىليكاسى جول قاتىناس حاۋىپسىزدىگى زاڭى» نىڭ 76 -تارماعىندا بىلاي دەپ بەلگىلەنگەن: قامسىزداندىرۋعا قاتناستىرىلعان اۆتوكولىك قاتناس شىرعالاڭىندا باسقالاردىڭ جارالانۋىن، ءولۋىن، مال-مۇلىك شىعىنىن كەلتىرىپ شىعارسا، قامسىزداندىرۋ سەرىكتىگى الدىمەن، وسى اۆتوكولىكتىڭ قاتناس شىرعالاڭىنداعى زورلىقتى قامسىزداندىرۋ جاۋاپكەرشىلىگى كولەمىندە تولەم تولەۋى ءتيىس. سوندىقتان لي فاميليالى ايداعان اۆتوكولىك قامسىزداندىرۋعا قاتناسقان قامسىزداندىرۋ سەرىكتىگى زورلىقتى قامسىزداندىرۋدىڭ وسى تۇردەگى قامسىزداندىرۋ كولەمىندە تولەم تولەۋى، جەتپەگەن بولەگىن جاۋاپكەر لي فاميليالى ۇستىنە الىپ تولەۋى ءتيىس.


    سوت مەكەمەسى: حوۋ فاميليالىنىڭ وسى رەتكى قاتناس شىرعالاڭىمەن قاتىستى بولعان ەمدەلۋ قاراجاتىن جاۋاپكەر لي فاميليالى ۇستىنە الىپ تولەۋى، شىرعالاڭمەن قاتىسسىز شىعىندارىن ول ءوزى ۇستىنە الۋى ءتيىس دەپ قاراپ، سوڭىندا ونىڭ قاتىستى شىعىندارىن قايتالاي ساراپتاپ شىققاننان كەيىن، 60 مىڭ يۋاننان استام تولەم تولەسىن دەپ ۇكىم شىعاردى.


    ەڭ سوڭىندا شىحىزى قالالىق حالىق سوتى مەكەمەسى «جۇڭحۋا حالىق رەسپۋبىليكاسىنىڭ ۇقىققا سۇعاناقتىق جاساۋ زاڭى»، «جۇڭحۋا حالىق رەسپۋبليكاسى جول قاتىناس حاۋىپسىزدىگى زاڭى» جانە ەڭ جوعارى حالىق سوت مەكەمەسىنىڭ «زاقىمدالۋ دەلولارىنداعى تولەم ماسەلەسىن قاراۋدا زاڭ قولدانۋعا قاتىستى ءبىرقانشا ماسەلەگە ءتۇسىنىك» قاتارلى زاڭ-ەرەجەلەردىڭ قاتىستى بەلگىلەمەلەرىنە نەگىزدەلە وتىرىپ، قامسىزداندىرۋ سەرىكتىگى ماتورلى قاتناس كولىكتەرىنىڭ قاتناس شىرعالاڭىنداعى ەمدەلۋ قاراجاتىن زورلىقتى تولەتۋ كولەم شەگى ىشىندە حوۋ فاميليالىعا 10 مىڭ يۋان تولەپ بەرسىن، ماتورلى قاتناس كولىكتەرىنىڭ قاتىناس شىرعالاڭىنداعى داۋالانۋ قاراجاتىن زورلىقتى تولەتۋ كولەم شەگى ىشىندە حوۋ فاميليالىنىڭ مۇگەدەكتىك تولەم قاراجاتى ءۇشىن 50 مىڭ يۋان، جاۋاپكەر لي فاميليالى حوۋ فاميليالىنىڭ ەمدەلۋ قاراجاتىنا 5 مىڭ يۋان، ساراپتاۋ قاراجاتىنا 1000 يۋان تولەپ بەرسىن (لي فاميليالىنىڭ بۇرىنعى تولەگەن قاراجاتتارىن قامسىزداندىرۋ سەرىكتىگى قايتارىپ بەرسىن) دەپ ۇكىم شىعاردى.


    حانزۋشا «شينجياڭ زاڭ گازەتى» نىڭ 2019-جىلى 7-ايدىڭ 24-كۇنگى 6-بەتىنەن اۋدارعان: وماربەك قىزىرقان ۇلى

00.jpg
00.jpg
21082014f239479798754a2c6964bb6c.png
企业微信截图_20190809101452.jpg
企业微信截图_20190809110201.jpg