ۇگىت-يدەيا،مادەنيەت قىزمەتىن مىقتى ۇستادى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-03-01 08:40:00

    
    شيحۋ قالاسى گانجياحۋ مال فەرماسى نازاريالىق تاربيەلەۋدى مىقتى ۇستاپ، كادرلاردىڭ ساپاسىن جوعارىلاتتى. «ۇشقارىلىقتى الاستاۋ» ۇيرەنۋ-تاربيە قيمىلىن كەڭىنەن قانات جايدىرىپ، ورگان كادرلارىنىڭ ۇيرەنۋىن ءتۇيىندى تۇردە كۇشەيتىپ، وسىنى نەگىزگى مازمۇن ەتكەن بىلۋگە ءتيىستى 100 سۇراقتى حانزۋشا، قازاقشا ەكى تىلدە باسىپ تاراتتى. سارسەنبى سايىن ۇيرەنۋ قيمىلىن ورىستەتۋگە تاباندى بولىپ، كادرلاردى ۇلتتىق، ءدىني بىلىمدەر مەن شينجياڭنىڭ جەرگىلىكتى تاريحىن جەتىك تانۋعا جەتەلەدى. سونىمەن بىرگە، كاسىپتىك ۇگىتشىلەر مەن جەرلىك ۇگىتشىلەردىڭ رولىن تولىق ساۋلەلەندىرىپ، پارتيا ساباعى، شاعىن لەكسيا، «جىلجىمالى ساباق مىنبەسى» سىندى قيمىلدار ارقىلى جۇرتشىلىققا قازىرگى زاماننىڭ، تۇرمىستىڭ پارتيانىڭ ابزال ساياساتتارىنىڭ ارقاسىندا قولعا كەلگەندىگىن ۇعىندىردى.


    احپاراتتىق ۇگىتتى كۇشەيتىپ، قۇلشىنا ەڭبەكتەنىپ كاسىپ جاراتۋداي بەتالىستى بارلىققا كەلتىرۋدە ءتۇيىندى تۇردە مالشىلاردى وتىرىقتاندىرۋ، قىستاق دارەجەلى نەگىزگى ساتى ۇيىمدىق قۇرىلىسى، ەگىن، مال شارۋاشىلىق قۇرىلىمىن رەتكە سالۋ سىندى جۇمىستارعا ۇشتاستىرا وتىرىپ ءتۇرلى فورمالاردا، ءتۇرلى باعىتتا ۇگىت جۇرگىزىپ، فەرمانىڭ ءار سالا قىزمەتىنىڭ ويداعىداي ورىستەتىلۋىنە تاماشا ۇگىت ورتاسىن جاراتتى. ۇگىتشىلەر قوسىنى قۇرىلىسىن كۇشەيتىپ، ۇگىتتەۋ، باسقارۋ تاسىلىندە جاڭالىق جاراتىپ، ۇگىت تەبىنىن ارتتىرىپ، ىشكى-سىرتقى ۇگىت ماتەريالدارىن جازۋعا سيلىق بەرۋ ءتۇزىمىن تياناقتاندىرىپ، حابار-وشار باسقارۋ ءتۇزىمىن شىعارىپ، 6 ادامنان قۇرالعان ارناۋلى جانە قوسىمشا حابارشىلار قوسىنىن قۇرىپ، احپارات–حابار جولداۋ قىزمەتىنىڭ قاتاڭ جاۋاپكەرلىك ءتۇزىمىن تولىق ورناتىپ، مىندەت بەلگىلەپ، تاقىرىپ كورسەتىپ، قىسىم ءتۇسىرىپ، قاتاڭ تۇردە سيلاۋ-جازالاۋدى اتقارىپ، قىزمەت بەلسەندىلىگىن شىنايى كۇشەيتتى.


    رۋحاني مادەنيەت قۇرىلىسى تەرەڭدەتىلىپ، جاراسىمدى قوعام قۇرۋعا قۇلشىنىس جاسادى. مادەنيەتتى، ادەپتى بولۋ مەن سەنىمدىلىك تاربيەسى ۇدايى ورىستەتىلىپ، رۋحاني مادەنيەت قۇرىلىسى كۇشەيتىلدى.


    ۇلتتار ىنتىماعى، قىستاق ستيلىن باعالاۋ، مادەنيەتتى وتباسىن قۇرۋ قيمىلدارى جۇرگىزىلىپ، ەگىنشى-مالشىلاردىڭ جالپىلىق ساۋياسى مەن اۋىل-قىستاقتىڭ مادەني ورەسى جوعارىلادى. ازامات جاسىنا تولماعانداردىڭ يدەيالىق ءمورال تاربيەسى كۇشەيتىلىپ، مەكتەپ، وتباسى، قوعام «ءبىر تۇلعالانعان» تاربيە جۇيەسى كەمەلدەندىرىلىپ، « 10 ناقتىلى ءىستى» تياناقتاندىرۋ مىقتى ۇستالىپ، مەكتەپ ماڭى ورتاسىنا شوعىرلى وڭاۋ جۇرگىزىلىپ، زاڭ ءمورال تاربيەسى ىشكەرىلەي ورىستەتىلىپ، كورنەكتى ونىمگە قول جەتكىزۋگە كەپىلدىك ەتتى.


    مادەنيەت ىستەرىن دامىتۋ قاراجاتىن فەرمانىڭ قازىنالىق شىعىس جوسپارىنا ەنگىزىپ، ارناۋلى قارجى جۇمسادى. اۋىل-قىستاق كىتاپ وقۋ ءۇيى قۇرىلىسىنا، پارتيا گازەت-جۋرنالدارىنا جازىلۋ جانە مادەنيەت بازاسى قۇرىلىسىن كەمەلدەندىرۋگە ارناۋلى جۇمسالدى. ۇلتتار ىنتىماعى تاربيەسىن كۇشەيتۋ، «ۇشقارىلىقتى الاستاۋ» قيمىلى كەڭىنەن ورىستەتىلىپ، بۇقارالىق ءۇنحات تەكشەسى، كەرناي، ۇگىت تاقتاسى، ەلەكتروندى ەكران، قيمىل ءۇيى، ءمورال تاربيە مىنبەسى سىندى ۇگىت بازالارىنان تولىق پايدالانىپ، «ۇشقارىلىقتى الاستاۋ» قيمىلى جۇرگىزىلدى. ورگان كادرلارى، قىستاققا تۇسكەن كادرلار، جەرگىلىكتى ۇگىتشىلەر قوسىنىن ۇيىمداستىرىپ، ءتۇرلى ۇگىت قيمىلدارىن جۇيەلى جۇرگىزدى. ورگان، قىستاق، قىستاققا تۇسكەن قىزمەت اترەتىندەگى كادرلار وتباسىلارىن ارالاۋ بارىسىندا دا ۇگىت قاعازدارىن تاراتتى، پارتيانىڭ ابزال ساياساتتارىن نەگىزگى ساتىعا، حالىققا دەر كەزىندە جەتكىزىپ، ۇگىت تاربيەسىن جاندى ورىستەتتى.

 


حاباردى جازعان: گانجياحۋ مال فەرماسىنان سەرىك جۇماعالي ۇلى،ايگۇل قاپوللا قىزى