كوكتوعاي 2016-جىلدان 2020-جىلعا دەيىنگى ەلىمىزدىڭ عىلىم جالپىلاستىرۋدان ۇلگى كورسەتەتىن اۋدانىنىڭ ءبىرى بولىپ بەكىتىلدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-03-01 19:23:00


    نۇرداۋلەت بەكەن ۇلى حابارلايدى. كوكتوعاي اۋدانى جۋىقتا، جۇڭگو عىلىم-تەحنيكا قوعامى جاعىنان ەلىمىزدىڭ 2016-جىلدان 2020-جىلعا دەيىنگى عىلىم جالپىلاستىرۋدان ۇلگى كورسەتەتىن اۋدانىنىڭ ءبىرى بولىپ بەكىتىلىپ، ايماعىمىز بويىنشا وسى داڭىقتى ەنشىلەگەن بىردەن-ءبىر اۋدان بولدى.


    بۇل جولعى باعالاۋدا شينجياڭنان 12 اۋدان-قالا (ايماق) عىلىم جالپىلاستىرۋدان ۇلگى كورسەتۋ تۇيىنى اتاندى.


    جۇڭگو عىلىم-تەحنيكا قوعامى نەگىزگى ساتىنىڭ عىلىم جالپىلاستىرۋ قۇرىلىسىن كۇشەيتىپ، «حالىقتىڭ ءبىلىم ساپاسىن جوعارىلاتۋ جوسپارىن» دايەكتى تياناقتاندىرىپ، اۋدانداردىڭ ەكونوميكاسى مەن قوعامىنىڭ سايكەستى ءارى ۇرتىس دامۋىن جەبەۋ ءۇشىن 2014-جىلدىڭ سوڭىن الا عىلىم جالپىلاستىرۋدان ۇلگى كورسەتەتىن ورىن قۇرۋ قىزمەتىن باستاعان بولاتىن.


    كوكتوعاي اۋداندىق پارتكوم مەن ۇكىمەت عىلىم جالپىلاستىرۋ قىزمەتىنە وسكەلەڭ ءمان بەرىپ، ۇيىمدىق باسشىلىقتى كۇشەيتىپ، قامتاماسىزداندىرۋ شاراسىن اتقارىپ، عىلىم جالپىلاستىرۋدان ۇلگى كورسەتەتىن اۋدان قۇرۋدى حالىقتىڭ ءبىلىم ساپاسىن جوعارىلاتاتىن ماڭىزدى قىزمەت رەتىندە مىقتى يگەرىپ، قاتىستى نىسانداردى تياناقتاندىرىپ، كورنەكتى ونىمدىلىككە قول جەتكىزدى.


    اۋدانداعى ءار دارەجەلى پارتيا-ۇكىمەت تاراۋلارى مەن قوعامنىڭ ءار سالاسى عىلىم جالپىلاستىرۋ قۇرىلىسىن پارمەندى قولداپ، تاراۋلار تىعىز سەلبەسىپ، بايلىق قاينارىن بىرىكتىرىپ، قىزمەتتى تىزە قوسا ورىستەتتى. اۋداندىق عىلىم-تەحنيكا قوعامى عىلىم جالپىلاستىرۋ نىسانىنا جەتەكشىلىك جاساپ، ۇلگى كورسەتەتىن ورىن قۇرۋ قىزمەتىنە جاۋاپتى گرۋپپا ۇيىمداستىرىپ، ۇقتىرۋ باسىپ-تارتىپ، بەلگىلەمە تۇزىپ، قىزمەت ءبولىسىن تۇراقتاندىرىپ، اۋىل-قالاشىقتار مەن مەكەمە-ورىنداردىڭ عىلىم جالپىلاستىرۋ قىزمەتىنە نۇسقاۋ بەرىپ، قاتىستى ىستەردى جىڭىشكەلىكپەن تەكسەرىپ، اۆتونوميالى رايونىمىز بەن جۇڭگو عىلىم تەحنيكا قوعامىنىڭ ساراپتاۋىنان ءساتتى ءوتىپ، ەلىمىزدىڭ عىلىم-جالپىلاستىرۋدان ۇلگى كورسەتۋ ولشەمىنە تولدى.



كوكتوعاي اۋداندىق راديو-تەلەۆيزيا مەكەمەسى