«12-بەسجىلدىقتا» كوكتوعاي اۋدانىنىڭ وقۋ-اعارتۋ ىستەرى قارىشتاپ دامىدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-03-01 19:22:00



    نۇرداۋلەت بەكەن ۇلى حابارلايدى. كوكتوعاي اۋدانى 12-بەسجىلدىقتا، وقۋ-اعارتۋدى الدىمەن دامىتۋ ستراتەگياسىنا تاباندى بولىپ، قيىنشىلىقتان قامال الىپ، قوسىلىمدى ارتتىرىپ، مىندەتتى وقۋ-اعارتۋ ساتىسىنداعى مەكتەپتەردى ولشەمدەستىرۋ قۇرىلىسىن كۇشەيتىپ، مىندەتتى وقۋ-اعارتۋدى بىركەلكى دامىتۋ قىزمەتىن جەبەپ، مەكتەپتەردىڭ شارت-جاعدايىن جاقسارتىپ، وقىتۋشىلار قوسىنىن نىعايتتى.


    وقۋ-اعارتۋى قۋاتتى اۋدان قۇرۋ جوباسىن «ءۇش كەزەڭگە» ءبولىپ اتقارىپ، وقۋ-اعارتۋ نەگىزدىك قۇرىلعى قۇرىلىسىنا 445 ميلليون يۋان ءبولىپ، كۇرتى اۋىلى جاتاقتى مەكتەبىن قۇرىپ، اۋىل-قالاشىق مەكتەپتەرىنىڭ قۇرىلعى قۇرىلىسىن جاڭالاپ، مالشارۋاشىلىق رايوندارىنداعى وقىتۋ تۇيىندەرىنىڭ شارت-جاعدايىن جاقسارتىپ، وقىتۋشىلارعا ۋاقىتتىق باسپانا سالىپ، تازا اۋىز سۋمەن، جىلۋمەن قامداۋ نىساندارىن اتقارىپ، وقىتۋشى-وقۋشىلار اسحاناسىن كەمەلدەندىرىپ، مەكتەپتەرگە 150 شارشى مەترلىك قۇرىلىس سالىپ، وقۋ-اعارتۋ سالاسىنىڭ قاتتى بولشەك قۇرىلىسىن كەمەلدەندىردى.


    سونداي اق ورتا-باستاۋش مەكتەپتەردى رەتكە سالىپ، مىندەتتى وقۋ-اعارتۋدىڭ بىركەلكى دامۋىن جەبەپ، باسقارۋدى كەمەلدەندىرىپ، وقىتۋ ساپاسىن جوعارىلاتىپ، وقىتۋشىلار قوسىنىنىڭ ورەسىن نىعايتىپ، كادرلار قىزمەتىنە رەفورما جاساپ، ادامدى ارقاۋ ەتۋگە تاباندى بولىپ، وقۋ-اعارتۋ ارقىلى حالىققا يگىلىك جاراتۋ ساياساتىن ماڭداي الدى ورىنعا قويىپ، 12 جىلدىق تەگىن اعارتۋدى جولعا قويىپ، ساپا اعارتۋىندا كورنەكتى تابىستاردى قولعا كەلتىرىپ، ءمورال ارقىلى تاربيەلەۋدى وقۋ-اعارتۋدىڭ تۇبىرلى مىندەتى رەتىندە قاراپ، وقۋشىلاردى احلاقتى، ءمورالدى بولۋعا باۋلىدى.


    كوكتوعاي اۋداندىق وقۋ-اعارتۋ مەكەمەسى پارتكومنىڭ شۋجيى بولات بىلاي دەدى: 12-بەسجىلدىقتا اۋدانىمىز وقۋ-اعارتۋى قۋاتتى اۋدان قۇرۋ قىزمەتىن مىقتى يگەرىپ، مەكتەپتەردى جۇيەلى رەتكە سالىپ، شارت-جاعدايىن جاقسارتتى ءارى قالا-اۋىل وقىتۋشىلارىن مەرزىمگە ءبولىپ، الماستىرىپ ىستەتۋ بەلگىلەمەسىن اتقارىپ، وقىتۋشىلار قوسىنىن نىعايتتى. ۇشكە كوپ ءتۇر قوسۋ نىسانىن اتقارىپ، ساپا اعارتۋىن جەبەپ، وقىتۋ ساپاسىن جوعارىلاتتى. وسىنىڭ ارقاسىندا اۋدانىمىز تۇلەكتەرىنىڭ جوعارى مەكتەپكە قابىلدانۋ مولشەرى ۇرتىس ءتورت جىل ايماق بويىنشا الدى بولدى.


    13-بەسجىلدىق وقۋ-اعارتۋى قۋاتتى اۋدان قۇرۋداعى ماڭىزدى كەزەڭ. الداعى بەس جىلدا بۇل اۋدان وقۋ-اعارتۋى قۋاتتى اۋدان قۇرۋ قىزمەتىن «ءۇش كەزەڭگە» ءبولىپ اتقارۋ ستراتەگياسىنا تاباندى بولىپ، مىندەتتى وقۋ-اعارتۋ ساتىسىنداعى مەكتەپتەردى ولشەمدەستىرۋ قۇرىلىسى مەن بىركەلكى دامىتۋ تابىسىن بەكەمدەپ، باسقارۋ ارقىلى وقۋ-اعارتۋدى سالاسىن الەۋەتتەندىرۋ، ساپا ارقىلى وقۋ-اعارتۋدى كوركەيتۋ، وقىتۋشىلار قوسىنى ارقىلى مەكتەپتەردى بەكەمدەۋ باعىتىن جالعاستىرىپ، بالا باقشا اعارتۋىن جۇيەلەندىرىپ، نەگىزدىك تاربيەنى، ورتا مەكتەپ وقىتۋىن، كاسىپتىك اعارتۋ مەن امالياتتىق تاربيەنى سايكەستى دامىتىپ، 2017-جىلى 90 پايز بالا باقشانى اۆتونوميالى رايونىمىزدىڭ نەگىزدىك ولشەمىنە جەتكىزىپ، ورتا-باستاۋش مەكتەپ وقۋشىلارىنىڭ وقۋعا تۇسۋ مولشەرىن 99.5 پايزدان، ورتا-باستاۋش مەكتەپ بىتىرگەن وقۋشىلاردىڭ جالپىلىق ساپا تولىمدىلىعىن 99 پايزدان، ورتا مەكتەپ پەن كاسىپتىك ورتا مەكتەپكە وقۋشى قابىلداۋ مولشەرىن 90 پايزدان، ورتا مەكتەپ بىتىرگەن وقۋشىلاردىڭ جالپىلىق ساپا تولىمدىلىعىن 99 پايزدان، مۇگەدەك بالالاردىڭ وقۋعا تۇسۋ مولشەرىن 90 پايزدان، قالا-قالاشىقتاعى جۇمىستان بوساعانداردى تاربيەلەۋ مولشەرىن 90 پايزدان، اۋىل-قىستاقتاعى ارتىق ەڭبەككۇشتەردى تاربيەلەۋ مولشەرىن 50 پايزدان اسىرۋعا قۇلشىنادى ءارى وقۋشىلار جاتاعى مەن وقىتۋ قۇرىلعىلارىن وسىزامانداندىرىپ، مەكتەپ اشۋ دايارلىعىن كۇشەيتىپ، وقىتۋ ساپاسىن، وقىتۋشىلار قابىلەتى مەن مەكتەپتەردى جالپىلىق باسقارۋ ورەسىن جوعارىلاتىپ، وقۋ-اعارتۋعا ىشكەرلەي رەفورما جاساپ، شينجياڭعا باعىتتامالى كومەكتەسۋ ورايىنان ۇتىمدى پايدالانىپ، وقۋ-اعارتۋ سالاسىن ينفورماتسيالاندىرىپ، وسىزامانداندىرىپ، وقۋ-اعارتۋ ارقىلى سۇيەمەلدەۋ تۇزىلىسىن كەمەلدەندىرىپ، وقۋ-اعارتۋ ارقىلى حالىققا يگىلىك جاراتۋ ساياساتىن پارمەندى اتقارىپ، سوتسياليزىمنىڭ وزەكتى قۇن كوزقاراسىن جەتەكشى ەتكەن وقىتۋ جۇيەسىن قالىپتاستىرۋعا كۇش سالادى.


    كوكتوعاي اۋداندىق وقۋ-اعارتۋ مەكەمەسى پارتكومىنىڭ شۋجيى بولات: 13-بەسجىلدىقتا «وقۋ-اعارتۋى قۋاتتى اۋدان» قۇرۋدى نىسانا ەتىپ، وقۋ الدىنداعى تاربيەنىڭ «جاستۇلەك ينجەنەرياسىن» تۇيىندى اتقارىپ، وقىتۋ ساپاسىن جوعارىلاتۋدى وزەك ەتىپ، مەكتەپتەردى بىرىكتىرىپ باسقارۋ باسقارۋ فورماسىن زەرتتەپ، اعارتۋ ساپاسىن جوعارىلاتىپ، حالىق رازى بولاتىن وقىتۋ فورماسىن جولعا قويىپ، اۋدانىمىزدىڭ «زەردەلى قالا قۇرۋ ينجەنەرياسىن» تىرەكتى دارىندىلارمەن قامدايمىز،- دەدى.


كوكتوعاي اۋداندىق راديو-تەلەۆيزيا مەكەمەسى