قازاقشا توي سالتىن وتكىزگەن حانزۋ جاس جۇبايلار
كەلۋقاينارى: |جاۋاپتى رەداكتور: | جاڭالانعان ۋاقىت:2019-08-13 09:29:00


ەرىكتى ءتىلشى دالەلقان مۇقاتاي ۇلى حابارلايدى. ماناس اۋدانى سۋساتقان اۋىلى شوقان قىستاعىندا وتكەن ايدىڭ 18-كۇنى كەلىن تۇسىرۋ تويى ءوتتى. ٴيا، بۇل توي جاي توي ەمەس وزگەشە توي ەدى.


شوقان قىستاعىنا تۇسكەن قىزمەت گرۋپپاسىنىڭ كادرى جاس پارتيا مۇشەسى ۋاڭ جو شينجياڭ كولەمىندە ٴوزارا تۋىستاسۋ، ٴار ۇلت حالقى اناردىڭ دانىندەي تىعىز ىنتىماقتاسىپ، ٴبىر ۇيلى جانداي باقىتتى تۇرمىس كەشىرۋ سىندى ٴماندى زور ناۋقاننىڭ ۇردىسىمەن وسى قىستاقتاعى مۇگىلسىن شەشەيگە تۋىس، «بالا» بولعالى جىلدان اسقان ەدى.


مۇگىلسىن شەشەي دە ۋاڭ جونى ءوز بالاسىنداي جاقسى كوردى. الدا ٴبىر مەزگىل مۇگىلسىن شەشەي جۇزىنەن شاتتىق لەبى ەسىپ جۇرگەن ەدى. ول كىسىنى قۋانتقان «ۇلى» ۋاڭ جۋ ءسوز بايلاسىپ جۇرگەن لو شياۋحۇيدى قازاق ۇلتىنىڭ ٴداستۇرلى سالتى مەن توي جاساتىپ وسى ۇيگە كەلىنعىپ تۇسىرسەم، -دەگەن تىلەگى ەدى. ۋاڭ جو نىڭ بۇل تالابى شەشەيدى قاتتى تەبىرەنتى، ەرەكشە قۋانتتى.


ۇيىتكەنى وڭ جاعىنا قازاق سالتى بويىنشا اي مەن كۇندەي حانزۋ كەلىن تۇسكەلى تۇر. مىنە وسى ءبىر قۋانىشتى حابار قىستاق تۇرعىندارى مەن قىستاق باسشىلارىنىڭ قۇلاعىنادا جەتىپ، ۇلاعاتتى ءىس اۋىل اراسىندا شۇيىنشىلەنىپ جاتتى. مۇگىلسىن شەشەيدىڭ كورشى-قولاڭدارى مەن تۋىس -تۋعان، قۇدا -جەگجاتتارى قىستاق كادرلارىمەن اقىلداسىپ توي ۋاقىتىن بەكىتىپ 7-ايدىڭ 18 -كۇنى قىستاق قيمىل ورتالىعىندا توي وتكىزدى.


ۋاڭ جو مەن لو شياۋحۇي ءوز تالاپتارى بويىنشا قازاق ۇلتىنىڭ توي كيىمىن كيىپ، بۇرىنعى قازاق سالتىن ۇستانىپ، اتقا ءمىنىپ كۇيەۋ جولداس، قىز جولداستارىن ەرتىپ مۇگىلسىن شەشەيدىڭ ۇيىنە باردى، كەلىن الىپ كەلە جاتقان قۇدا قۇداعيلارمەن كەلىن بالا الدىنا ارقان تارتىلىپ قىستاق تۇرعىندارى تۇيە مۇرىندىق الدى، انالار اق شاشۋىن شاشىپ، كەلىن الدىنان شىققان جەڭگەلەرى كەلىندى اتتان تۇسىرىپ، جول -جورالعى سۇراپ، تويشىل قاۋىمنىڭ قىزۋ قولداۋنا بولەندى. دومبىرانىڭ ۇنىنە ۇلاسقان جار -جار انىمەن قوس اققۋداي عاشىقتار توي بولىپ جاتقان قىستاق قيمىل ورتالىعىنا كىردى. تانىمالى جاس اقىن، كۇيشى راقىمان اپەي ۇلى بەت اشار ءانىن ايتىپ جاس كەلىننىڭ بەتىن اشتى، جاس كەلىن شاڭىراققا، اتا -ەنەسىنە، تۋىس -تۋعاندارىنا قازاق سالتى بويىنشا يىلىپ سالەم بەردى.


توي جاساعان ەكى جاسقا قىستاق اقساقالى اپەي اقساقال باتا بەردى.


بەتى اشىلعان جاس كەلىن لو شياۋحۇيدىڭ قازاق ەنەسى مۇگىلسىن كەلىنىنىڭ قولىنا جۇزىك سالىپ بەتىنەن سۇيدى. لو شياۋحۇي قازاق قايىن اپەكە، جەڭگەلەرى جاۋلىق جاۋىپ، جۇزىك تاعىپ سي -سياپات ٴبىلدىردى. قىستاق تۇرعىندارى كۇيەۋ بالا ۋاڭ جۋوعا وقالى تون جاۋىپ، باسىنا تاقيا كيگىزدى.


تويدىڭ قۋانىشتى داستارقانىندا قىستاق سەكراتارى اسەم نۇراقىمەت ۇلى تويعا كەلگەن تويشىل قاۋىمعا شىن جۇرەگىنەن العىسىن ايتىپ، قازاقشا توي سالتىن وتكىزگەن ۋاڭ جو مەن لۋ شياۋحۇيعا باقىت تىلەپ، شاڭىراقتارىڭ بيىك بولسىن دەگەن اق تىلەگىن ٴبىلدىردى.


توي داستارقانىندا قىستاققا تۇسكەن كادرلار كوڭىل كۇيلەرىن اقتارىپ كەزەگىمەن سوزگە شىقتى. تويدا راقىمان اپەي ۇلى، تىلەك قايسا ۇلى، مۇراتبەك ازات ۇلى، جەتكىنشەك ءانشى ورازالى مۇقتار ۇلى ءار ۇلت تىلىندە ٴان ورىنداپ توي دۋمانىن اسىرسا، حالىق بيى قارا جورعا مەن ۋاليس ٴبيى بيلەنىپ توي سالتاناتى ءوز مارەسىنە جەتتى.


مەن توي ۇستىندە قىستاق باستىعى مۇسايىپ ءنياز ۇلى بىلاي دەدى: بۇگىنگى قازاق سالتى بويىنشا مۇگىلسىن شەشەيدىڭ ۇيىندە توي جاساعان ۋاڭ جو، قىستاعىمىزعا جوعارتىننان تۇسكەن قىزىمەت گرۋپپاسىنىڭ كادرى، مۇگىلسىن سەمياسىنىڭ تۋىسى، قىستاعىمىزداعى ەگىنشى -مالشىلارعا اتى تانىس جاقسى كادر. ۋاڭ جو ءوزى تۋىس بولعان مۇگىلسىن سەمياسىنان تىس قىستاقتاعى بارلىق سەميالارعا قولعابىس ەتىپ كوكتەمدە ەگىنگە، قىستا مال باعىمشىلىعىنا كومەكتەسەدى، وقۋشى بالالاردىڭ دەمالىستاعى ساباق پىسىقتاۋىنا ۇنەمى كومەكتەسىپ جۇرگەن بەلسەندى پارتيا مۇشەسى. مىنە بۇگىن وزدىگىنەن ۇلتىمىز داستۇرىنە قۇرمەت ەتىپ، مۇگىلسىن شەشەمىزدى ءوز شەشەسىندەي كورىپ، ءسوز بايلاسىپ جۇرگەن لو شياۋحۇيدى وسى سەمياعا، قازاق جول-جوسىنىمەن كەلىن ەتىپ ٴتۇسىرىپ توي سالتىن وتكىزدى. بۇل ٴبىزدىڭ ماقتانىشىمىز، ۇلتتار دوستىعىنىڭ سولمايتىن باقىت گۇلى بولدى. ٴبىز قاتتى تەبىرەندىك.


بۇدان بىلاي قىستاعىمىزداعى 495 جان سان مەن تىعىز ۇشقاسىپ، ولارعا پارتيانىڭ مەيىر شاپاعاتىن جەتكىزىپ، قىستاعىمىزدى گۇلدەندۋ ٴۇشىن، بەل شەشە جۇمىس ىستەيمىز. قازىر ەگىنشى-مالشىلاردىڭ قاربالاس كەزى. وسى ورايدا ۋاڭ جو مەن جۇبايى لو شياۋحۇيدىڭ باسىن قوسىپ قازاقشا توي جاساپ بەرگەن قىستاق حالقىنا ايىرىقشا العىس ايتامىن - دەدى تەبىرەنگەن سەزىممەن.