ينفورماتسيا اشكەرەلەۋ: mzjubao@cnr.cn

ادەبيەت ارناسى

قونجىق پەن قويان 10

来源:جۇڭگو قازاق راديو تورابى     |责编:古丽美热|     发布日期: 2020-01-12 19:27


        ايدوس امانتاي

بالاپان راباتوۆ اۋدارماسى

                                                                                    وتاۋعا ورالۋ


ايەلىمنىڭ قولىنان ۇستاپ سىرتقا بەتتەدىم. ول “قايدا بارامىز” دەدى، “ۇيگە” دەدىم مەن.


ءءالى دە ءبىراز اشۋ قىسىپ، شولجاڭداعىسى كەلگەن ول مىنا ءسوزدى ەستىگەن سوڭ اياق استىنان تويعان قوزىداي مونتيا قالدى.


بەينە ءبىر كەشكەنە موماقان جانۋاردى جەتەلەگەندەي كوشەدە كەلە جاتىرمىن. ءلام دەپ اۋىز اشپايدى. جول اۋزىنا بارعاندا كىدىرىپ ءسۇيىپ-سۇيىپ الدىم. ول باقىتتىڭ بالىن تاتقانداي قۋاندى،ءارى مىناداي اشكەرە سەزىمنەن ۇيالعانداي سۇيكىمدى،تاڭىرقاعان بەينە تانىتتى.


سوسىن مەن تاعى دا ءسۇيدىم. بۇل جولى ءتوزىمى قالماعان ول شاتتانا كۇلدى.


مەن ءبىر عيماراتتى نۇسقاپ: ”ەڭ جاقىن دوسىم وسى كوشەدە تۇرۋشى ەدى، كەيىن شەتەلگە شىعىپ كەتتى، ۇيلەندى، سودان بەرى كەلگەن جوق. “ دەدىم. ول” كەلەدى“ دەدى. مەن ونىڭ مۇرنىنان شىمشىپ قويدىم دا ”قونجىق سەكىلدى سۇيكىمدىسىڭ“ دەدىم.

بۇرىن وقۋدان تاراعاندا سانسىز شيىرلاعان كوشەدە، مىناۋ كەزىندە نەگىزگى الاڭ اتانعان جەردە جاڭادان ۇيلەنگەن جاس جۇبايىمنىڭ قولىنان ۇستاپ اياڭداپ كەلە جاتىرمىن. توي سالتاناتىنا جالعىز تاستاپ كەتكەن كەلىنشەگىم ءدال قازىر جىلاي-جىلاي بەت-اۋزى ايعىز-ايعىز بولعان كىشكەنە ءنادۇرىسكە ۇقسايدى. سوعان قاراماستان ءاپپاق توي كيىمىنە ورانىپ، شەكسىز ماقتانىشپەن ەرىپ كەلەدى. مۇنداي ماقتانىشتىڭ قالاي پايدا بولا قالعانىن ءتۇسىنۋ قيىن. ءبىراق ونىڭ ايەلدەرگە ءتان ەكەنىن بىلەمىن.

ەرەسەكتەر اقاۋسىزدىعى دۇكەنى ماڭدايشالىعىنىڭ كۇڭگىرت كوك ءتۇستى ساۋلەسى جىلت-جىلت ەتەدى. كەلىنشەگىمدى الگى ەسىكتىڭ الدىنا جەتەلەپ اپاردىم دا كىلت كىدىردىم.


” بىلەسىڭ بە،ەگەر مەن وسى قالادان كەتىپ قالسام، ونىڭ نەسىن ساعىنار ەدىم؟“

”ايگىلى ورىن، ەجەلگى ەسكەرتكىش؟ ساياباق؟ اسەمونەر سارايى؟“

مەن وعان كۇلە قاراپ: ”ەسىك الدىنداعى ەرەسەكتەر اقاۋسىزدىعى دۇكەنى تۇسىمە ءقيى كىرەدى. “ دەدىم.

”دۇكەن؟“

”ءيا، ويتكەنى دۇكەن ءبىزدىڭ ءۇيدىڭ ەسىگى الدىندا بولعاندىقتان كۇندە كورەمىن. سىرتتان كەلە جاتقاندا دۇكەننىڭ جىلتىلداعان ماڭدايشالىعى وزگەشە جاقىن سەزىلەدى، ويتكەنى ۇيگە جەتكەنىمدى بىلەمىن.“ ماعان اياق استىنان ۇيلەنۋدىڭ لاززاتى اپتا سايىن اسەمونەر سارايىنا بارۋ نەمەسە ويىن كورۋدە ەمەس شىعار، تەگىندەءبارىن بىرگە كورۋدىڭ قانشالىق قۋانىشى بولار ەكەن دەگەن وي كەلدى. ۇيلەنۋ قۋانىشى بەينە ەرەسەكتەر اقاۋسىزدىعى دۇكەنىن كورگەندەگى قۋانىشپەن بارابار. مۇنداي قۋانىش ءتىپتى دە اۋقىمدى بولماق.

مەن ءسوزىمدى جالعاپ: ”ءومىر دەگەن وسى، سولاي ەمەس پە؟ ءومىر دەگەن ونىمەن بىتە-قايناسقاندا عانا بىلىنەتىن ءبىر ءتۇرلى رومانتيكا.“ دەدىم. كەلىنشەگىم از-كەم ويلانعانداي باسىن يزەدى. ىشتەي ءنادۇرىسكە ءتيدىم دەپ جۇرگەندە، كۇيەۋىنىڭ فيلوسوف بوپ شىعارىن ويلاماعان سىڭايلى.

ونى قۇشاقتاپ تۇرىپ: ” مەنىڭ سەنى نەگە ۇناتىپ قالعانىمدى بىلەسىڭ بە؟“ دەدىم.

”ءوزىڭ ايتپاپپا ەدىڭ، سۇيكىمدى، اق كوڭىلسىڭ دەپ...“

” ول ايتقانىم راس، ءبىراق، ولاي ەمەس.“

”وندا قالاي؟“

”ويتكەنى سەن قوياندى جاقسى كوردىڭ.“

ول اڭىرعانداي بولدى.مەن ونى كوكىرەگىمە قىستىم.

”ءبارى دە سەنىڭ قوياندى جاقسى كورگەنىڭ ءۇشىن عوي. بۇرىن مەن دۇنيەنىڭ ءبارىن دۇمبىلەز سەزىنۋشى ەدىم. بار بولعانى مەترو تولى قالجىراعان ادامدار، ماكدونالتتا اسىعىس تاماق جەگەن قوناقتار، اسحاناداعى ىيۋ-قيۋ قوناعاسى، وعان قوسا ايتىلاتىن شىن-وتىرىگى ارالاس لەبىزدەر عانا دەۋشى ەدىم. الايدا سەنىڭ قويانعا مەيىرلەنە قاراعانىڭدى كورگەندە، ءوزىمنىڭ قاتەلەسكەنىمدى ءبىلدىم.“

”نەگە قاتەلەستىڭ؟“

”ويتكەنى، ءالى دە قوياندى سۇيەتىندەر بار ەكەن ەمەس پە. سەنىڭ ماعان جاقسى قاراعانىڭ، ەمىرەنە سۇيگەنىڭ، سۇلۋ نەمەسە سيىقسىز كورىنگەنىڭ قاپەرىمە كىرمەيدى. ماعان تەك قويانعا قاراعانداي مەيىرمەن، قوياندى ساتىپ الارداعى ءۇمىتتى جانارمەن قاراساڭ بولعانى، سول جەتەدى. قايسار ءارى سەنىمدى بولۋىما قاپتال جەتەدى.“

”نەندەي سەنىم؟“

”نە نارسەگە سەنىپ جۇرگەنىمدى بىلمەيمىن. ءبىراق، قالتقىسىز سەنەمىن.“

ءبىز تىپ-تىنىش قۇشاقتاستىق، ەشكىم دەءمىن شىعارعان جوق. مىناۋ دۇنيەنىڭ ەكەۋمىزدى تاۋىپ الۋىنان قورقاتىن سياقتىمىز. سويتە تۇرا وسىناۋ ماحاببات تەبىرەنىسىن بۇكىل الەمگە پاش ەتۋدى قيالدايمىز.

ول مەنىڭ قۇشاعىمدا ءۇنسىز جىلادى. مەن دە جىلادىم.

ءبىر ادامنىڭ وزگە پەندەگە ۇقساماۋىنا بولادى، ءبىراق، ءسوزسىز مىندەتتى ارقالاي الاتىن قايسارلىق قاجەت. تىرلىكتىڭ دە تىرەگى بار. قوجايىن دەگەنىمىز ءومىردىڭ ءوزى. ول ءبىزدى ءبىر باعىتقا جەتەلەيدى. بەينە ماكدونالتتاعى ادامداردىڭ اسىعىس تاماق جەگەنى سياقتى. ول ءارى الگى قوناعاسى مەن مەتروداعى ادامدارعا دا نۇسقاۋ بەرىپ، پلانداپ قويعان. ءبىز قايسارلىق قىلماي، وي جۇگىرتپەي جۇرگەمىز جوق. ەسەسىنە ءومىردىڭ ءوزى سولاي.

 
وسىلاردىڭ ءبارى ءبىزدى ەركىندىكتەن ايىرادى. سوندىقتان بەلگىلى مەزگىلدە ءسوزسىز سەكىرىپ شىعىپ:”مەن الگى قىزدى قوياندى جاقسى كورگەنى ءۇشىن ءسۇيدىم.“ دەپ ايعاي سالۋ كەرەك.

ءبىر ايەلدى قوياندى جاقسى كورگەنى ءۇشىن سۇيگەن ەكەن. بۇل ءبىر ادامنىڭ ەڭ نەگىزگى ۇقىعى ءارى قالاداعى ەڭ ءبىر قورعالۋعا ءتيىستى كىسىلىك ۇقىق.

وسى كەزدە العاشقى ماحابباتىم كىلت ەسىمە ءتۇسىپ، جۇرەگىم سىزداي قالدى. ءبىراق ونى قالايدا كوڭىلدى ءجۇر دەپ ويلادىم. ويتكەنى ءوز تىرلىگى وزىندە عوي.
.......
(جالعاسى بار)

中央广播电视总台 央广网 版权所有

قونجىق پەن قويان 10

ءبىز تىپ-تىنىش قۇشاقتاستىق، ەشكىم دەءمىن شىعارعان جوق. مىناۋ دۇنيەنىڭ ەكەۋمىزدى تاۋىپ الۋىنان قورقاتىن سياقتىمىز. سويتە تۇرا وسىناۋ ماحاببات تەبىرەنىسىن بۇكىل الەمگە پاش ەتۋدى قيالدايمىز.