ينفورماتسيا اشكەرەلەۋ: mzjubao@cnr.cn

ادەبيەت ارناسى

قونجىق پەن قويان 11

来源:جۇڭگو قازاق راديو تورابى     |责编:古丽美热|     发布日期: 2020-01-13 11:00

 

ايدوس امانتاي

بالاپان راباتوۆ اۋدارماسى
 

                                                                  كەلىنشەك

جولدا كەلە جاتىرمىز.

«مەن سەنى سۇيەمىن، قونجىق»،-دەدى كەلىنشەگىم. مەن وعان«سۇيەم سەنى، كوجەك» دەدىم.

«حى، حى ەكەۋمىز شىنىندا ماعنالى جان ەكەنىبىز» دەپ كۇلدىم. ول دا كۇلدى.

كوشە قيىلىسىنا جەتكەندە كىلت توقتاي قالعان ول «اينالىپ وتەيىك» دەپ كونبەدى.

«نەگە؟» دەپ ەدىم،«اناۋ توي زالى» دەدى.


«وندا نە تۇر» دەدىم.«قورقام»دەدى ول.

«مەن بارمىن عوي»


ءسويتىپ، قورعانىپ تۇرعان كەلىنشەگىمدى جەتەلەگەن بويى ءوز نەكە تويىما، اسلىندە اسەرلى،جان تەبىرەنتەرلىك باستاپقى جەرگە الىپ باردىم. ول بار داۋىسىمەن وكىرىپ جىلادى. جەر بەتىن جاپقان ءتۇستى قاعازدار شام جارىعىندا جالت-جۇلت ەتىپ، جەلدىڭ ىعىمەن بەيبەرەكەت قالىقتايدى. بىرنەشە مينۋتتىڭ الدىندا عانا قۋانشتى ساتتەرگە كۋا بولعان ولار ەندى سىپىرىندى قوقىسقا اينالماق. كەي كەزدەرى تىراشتانعان تىرلىكتەن بەزىپ كەتكىڭ كەلەدى. سالىمىڭنىڭ جوقتىعىنا ەمەس، كەرىسىنشە سول جىڭىشكە، نازىك يىندەرگە جانىڭ شىدامايدى.

ول مەنىڭ ىيىعىما سۇيەنىپ، جاس بالاشا جىلايدى. مەن ونىڭ ۇزىن شاشىن بەينە قوياندى سيپاعانداي سيپاپ تۇرىپ «جىلاماشى، جارايما؟» دەپ ۋاتقان بولامىن. ەح...دەپ كۇرسىنگەن ول: «ومىردەگى ءبىر عانا نەكە تويىمنىڭ وسىلاي تاراعانىما...»دەدى.

مەن ىشتەي كۇڭىرەندىم. سوسىن ونىڭ بەلىنەن قاپسىرا قىسىپ، قۇلاعىنىڭ تۇبىنە «ولاي ەمەس، ولاي بولمايدى» دەپ سىبىرلادىم.

«نەگە؟»

«ويتكەنى سەن جاقسى قىزسىڭ»

«وندا نە تۇر؟»

«ءومىر قانشاما قاتىباس، قانشالىقتى تەرىستەۋگە بولمايتىن لوگيكا بولسا دا ءبىر جاقسى بويجەتكەن مىناداي نەكە تويىن وتكەرمەۋى حاق، ٴبىلدىڭ بە؟ «وتكەرمەسەڭ وكىنبەيسىڭ، ۇقتىڭ با؟»

ول اڭعال دا ۇلكەن جانارىمەن قادالا قاراپ قالىپتى.

مەن ونى قۇشاعىما تارتىپ، قۇلاعىنىڭ تۇبىنە تومەن داۋىسپەن دەم سالعانداي: «جوق، ولاي بولمايدى، مۇمكىن ەمەس...» دەدىم.

سونىمەن اڭگىمە بىردەن كەرى شەگىنىپ، توي ءوتىپ جاتقان زالدان قايتا باستالدى.

ۇيلەنۋ تويى، و دەگەنىڭ سالتاناتتى مۇراسىم عوي ءتايىر. دوستارىمنىڭ ءبارى كەلگەن.

اڭگىمەنى العاشقى ماحابباتىمنىڭ سۋسىن ءىشىپ وتىرعان جەرىنەن وربىتەلىك.

قالىڭ ادامنىڭ اراسىنان تۇڭعىش ماحابباتىمدى كوزىم شالدى. پارلاپ كيگەن ىقشام قارا ءتۇستى كيىمى تال بويىنا جاراسىپ-اق تۇر. جۇرەگىم انتەك قاعىسىنان جاڭىلىپ، ءون-بويىمدى بەلگىسىز ءبىر ىستىق اعىن ارالادى. تۇڭعىش كورگەندەي تولقىدىم. سىمباتى سونداي تارتىمدى بولسا دا الپەتى ءبىر قالىپتان جازبايدى. مەن سەكىلدى ونىڭ دا قولىندا ءبىر ىستاكان كوكوكولا بار. ماعان قاراعانداي بولدى. ءوزارا تەرەڭ ماعنامەن كۇلىمسىرەدىك.


تويداعىلار شەتىنەن لەبىز بىلدىرۋدە. مىنبەدەگى ادام جاس«جۇبايلار ەرەتەرەك ۇرپاق ءسۇيىپ، قوساعىمەن قوسا قارتايسىن» دەپ اق تىلەگىن ايتۋدا. كوپشىلىكتىڭ تىلەگى سول باياعى داعدىلى سوزدەر. بىراق نەگە ەكەنى بەلگىسىز جۇبايىم ەكەۋمىز ەرەكشە باقىتتى سەزىمگە بولەندىك. قانشاما جاتتاندى سوزدەر بولسا دا قىمبات سەزىندىك.


جارقىلداعان فوتو اپاراتى مەن قادالعان قالىڭ كوزدىڭ الدىندا كەلىنشەگىم ەكەۋمىز باقىتقا شومدىق. قالىڭ ادام مەن اپاراتتىڭ الدىندا تۇرىپ اقىرى كۇلىمسىرەدىك. باتىل قاۋىشىپ، رەسىمي جۇبايلارعا اينالدىق.


ومىردە سابيدەي اڭعال كەزدەرىم دە بولدى، قيىندىق پەن قىسىمعا دا توزگەن ساتتەرىم از ەمەس. بىراق، سول ءبىر قيىن كەزەڭدەر مەن بۇگىنگى باقىتتى كەزدەردىڭ شىن-وتىرىگىن اداقتاۋدىڭ ءجونى جوق دەپ ويلايمىن. تەك عانا كوپ جىلدارعا سوزىلعان قۋانىش پەن قۇتتىڭ جالعاسىنداي بولىپ كۇتكەن باقىتىم الدىمنان شىقتى.


كوپ ەمەس، ۇلكەن دە ەمەس، كىشكەنە عانا. راسىن ايتسام، ءبىر عانا كۇلىمسىرەۋگە باتىلىمنىڭ بارعاندىعىنان بولار.

 


.......
(جالعاسى بار)

中央广播电视总台 央广网 版权所有

قونجىق پەن قويان 11

جارقىلداعان فوتو اپاراتى مەن قادالعان قالىڭ كوزدىڭ الدىندا كەلىنشەگىم ەكەۋمىز باقىتقا شومدىق. قالىڭ ادام مەن اپاراتتىڭ الدىندا تۇرىپ اقىرى كۇلىمسىرەدىك. باتىل قاۋىشىپ، رەسىمي جۇبايلارعا اينالدىق.