12-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 19-رەتكى ءماجىلىسى جابىلدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-02-27 23:07:00


    ءوز حابارىمىز. 12-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 19-رەتكى ءماجىلىسى اقپاننىڭ 26-كۇنى تۇستەن كەيىن حالىق سارايىندا جابىلدى. كوميتەت باستىعى جاڭ دىجياڭ ءماجىلىستى باسقاردى. ماجىلىستە تەڭىز استى الاپتارىنىڭ بايلىعىن بارلاپ اشۋ زاڭى داۋىس سالىنىپ، ماقۇلداندى، مەملەكەت ءتوراعاسى شي جينپيڭ 42-ءنومىرلى ءتوراعا بۇيىرىعىنا قول قويىپ اتقارۋعا جاريالادى. ماجىلىستە مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداما نۇسقاسى پرينسيپتىك جاقتان ماقۇلداندى ءارى كوميتەت باستىعى جاڭ دىجياڭنىڭ مەملەكەتتىك حالىق قۇرىلتايى تۇراقتى كوميتەتى 12-كەزەكتى مەملەكەتتىك حالىق قۇرىلتايىنىڭ 4-رەتكى ماجىلىسىندە بايانداما جاساۋىنا تاپسىرىلدى. كوميتەت باستىقتار ءماجىلىسى پىكىردى قاراۋعا ساي بايانداما نۇسقاسىنا قاجەتتى وزگەرىستەر ەنگىزىپ، كەمەلدەندىرگەننەن كەيىن، 12-كەزەكتى مەملەكەتتىك حالىق قۇرىلتايىنىڭ 4-ءماجىلىسىنىڭ قاراۋىنا تاپسىرادى. ماجىلىستە 12-كەزەكتى مەملەكەتتىك حالىق قۇرىلتايى 4-ءماجىلىسىنىڭ كەڭەس ءتارتىپ جوباسى، ءتورالقالار ۇيىرمەسى مەن باس حاتشىلار ەسىمدىك جوباسى، سىرتتاي قاتىناساتىنداردىڭ ەسىمدىگى مەن ۋاكىلدەر تولىمدىلىعى بايانداماسى سياقتى قاتىستى قۇجاتتار داۋىسقا سالىنىپ ماقۇلداندى جانە كادرلاردى قىزمەتكە تاعايىنداۋ، بوساتۋ سياقتى ىستەر ماقۇلداندى.


    ماجىلىستە ءتۇرلى كەڭەس جوبالار داۋىسقا سالىنىپ ماقۇلدانعاننان كەيىن، جاڭ دىجياڭ ءسوز سويلەپ بىلاي دەدى: تاياۋدا اشىلاتىن 12-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 4-ءماجىلىسى ەلىمىزدىڭ ساياسي تۇرمىسىنداعى كەلەلى ءىس بولعاندىقتان ەل ءىشى-سىرتىنىڭ ايىرىقشا نازارىن اۋدارىپ وتىر. ساياسي، جالپى جاعداي، ۇيتقىلىق، ساپ تۇزەۋ تانىمىن كۇشەيتىپ، يدەيا مەن ارەكەتتى پارتيا ورتالىعىنىڭ جاعدايعا تالداۋ جۇرگىزىپ، تۇجىرىم جاساۋى مەن قىزمەتتى ورنالاستىرۋ تالابىمەن بىرلىككە كەلتىرىپ، بارلىق ۋاكىلدەرمەن بىرلىكتە قىزمەت جاۋاپكەرشىلىگىن ادا ەتىپ، ءماجىلىستىڭ ءتۇرلى مىندەتتەرىن بىرلىكتە ورىنداپ، ءماجىلىستى دەموكراتيالى، ىنتماقتى، شىندىق ءىس جۇزىنەن ىزدەلگەن، العا باسقان ءماجىلىس ەتىپ اشۋ كەرەك. جاڭ دىجياڭ مىنالاردى باسا دارىپتەدى: ءبىرىنىشى، دەموكراتيانى تولىق ساۋلەلەندىرىپ، زاڭ بويىنشا قاتاڭ ءىس ءبىتىرىپ، ۋاكىلدەردىڭ دەموكراتيا ۇقىعىنا شىنايى قۇرمەت ەتىپ جانە قامتاماسىزداندىرىپ، دامۋ ورتاق تانىمىن ۇيىستىرىپ، قاراۋ ساپاسىن جوعارىلاتۋ كەرەك؛ ەكىنشى، ۇشتە قاتاڭ، ۇشتە شىنايى بولۋدى امالياتتان وتكىزىپ، تاماشا ءماجىلىس ستيلىن ساقتاپ، شىندىققا تالپىنىپ، ناقتىلى ىستەر ىستەۋدەن جازباي، قاجىرلى، ۇنەمشىل بولىپ، ءتورت بۇرىس ستيلدىڭ قايتا باس كوتەرۋىنەن باتىل ساقتانىپ، ءماجىلىستىڭ ءادىل، كىرشىكسىز، ناقتى، جوعارى ءونىمدى بولۋىنا كەپىلدىك ەتۋ ءتيىس؛ ءۇشىنشى، پىكىردى كىشپەيىلدىلىكپەن تىڭداپ، باقىلاۋدى سانالىلىقپەن قابىلداپ، قىزمەتىمىزدى ۇزدىكسىز كۇشەيتىپ جانە جاقسارتىپ، پارتيا مەن حالىق رازى بولاتىن قىزمەت ونىمدىلىگىن قولعا كەلتىرۋگە كۇش سالۋىمىز كەرەك. ءماجلىس جابىلعاننان كەيىن، 12-كەزەكتى مەملەكەتتىك حالىق قۇرىلتايى تۇراقتى كوميتەتى 21-رەتكى تاقىرىپتىق لەكسياسىن وتكىزدى، كوميتەت باستىعى جاڭ دىجياڭ باسقاردى. بەيجيڭ ۋەنيۆەرسيتەتىنىڭ پروففەسسورى لي گوشين «ەلىمىزدىڭ وسىزامانعى الەۋمەتتىك مادەنيەت قىزمەت وتەۋ قۇرىلىسى» دەگەن تاقىرىپتا لەكسيا جاسادى. ءماجىلىس جابىلاردان ىلگەرى، جاڭ دىجياڭ 12-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 65-رەتكى كوميتەت باستىقتار ءماجىلىسىن باسقارىپ، قاتىستى كەڭەس جوبا مەن تۇراقتى كوميتەتتىڭ قىزمەت بايانداما نۇسقاسىن تۇراقتى كوميتەت ءماجىلىسىنىڭ داۋىسقا سالۋىنا تاپسىرۋدى بەلگىلەدى.

 


اۋدارعان: ءسانيا قازەك قىزى