ا ق ش وڭتۇستىك كورەياعا « ساد» باسقارىلمالى بومبى جۇيەسىن ورناتۋدى توقتاتۋى كەرەك
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-02-24 16:48:00


    دۇنيە ءديدارى. كوز الدا، ا ق ش پەن وڭتۇستىك كورەيا وڭتۇستىك كورەياعا ساد باسقارىلمالى بومبىدان ساقتانۋ جۇيەسىن ورنالاستىرۋ ءىسىن اقىلداسۋدا. ولار وسى ارقىلى سولتۇستىك كورەيانىڭ باسقارىلمالى بومبى قاتەرىنە توتەپ بەرمەكشى.


    ا ق ش تىڭ وڭتۇستىك كورەياعا باسقارىلمالى بومبىدان ساقتانۋ جۇيەسىن ورناتۋى جۇڭگو، رەسەي سىياقتى ەلدەر ۇكىمەتىنىڭ جانە وڭتۇستىك كورەياداعى كوپتەگەن مامانداردىڭ كۇشتى قارسىلىعىنا ۇشىرادى. باقىلاۋشىلار بىلاي دەپ قارايدى: ا ق ش تىڭ اتالعان جۇيەسى ڭتۇستىك كورەياعا كىرسە، قارۋ تەك سولتۇستىك كورەياعا عانا ەمەس، جۇڭگو مەن رەسەيگە تىرەلگەلى تۇر. بۇل ارەكەت ەلدەر ارا اسكەري دايىندىق باسەكەسىنە اپارىپ سوعۋى داۋسىز. مۇنداي بولعاندا، كورەيا تۇبەگىنىڭ حاۋپسىزدىگىنەن اۋىز اشۋعا كەلمەيدى.


    ساد باسقارىلمالى بومبىدان ساقتانۋ جۇيەسى – جوعارى كەڭىستىكتەگى قورعانىس جۇيەسى دەپ تە اتالىپ، ا ق ش تىڭ باسقارىلمالى بومبىدان ساقتانۋ جۇيەسىنىڭ ماڭىزدى قۇرامداس ءبولىمى ەسەپتەلەدى. ءبىراق، بۇل جۇيەنى قورعانىس بىيىكتىگى 20 كيلومەتر عانا بولعاندىقتان، سولتۇستىك كورەيادان كەلەتىن ۇشپا زاتتاردىڭ ءبارىن توسا الۋى ناعايبىل.


    رەسەيدىڭ سولتۇستىك كورەيا ماسەلەسىن زەرتتەۋشى مامانى، قىيىر شىعىس اكەدەمياسىنىڭ جوعارى دارەجەلى زەرتتەرمەنى جين يۇڭۋىن بىلاي دەيدى: ا ق ش تىڭ وڭتۇستىك كورەياعا باسقارىمالى بومبىدان ساقتانۋ جۇيەسىن ورناتىپ، سولتۇستىك كورەيادان قورعانباقشى بولۋى سىلتاۋ عانا. ولاردىڭ نەگىزگى ماقساتى: جۇڭگو مەن رەسەيدىڭ وق جولىندىق باسقارىلمالى بومبىلارىن توسۋ.


    بۇل جونىندە ەلىمىزدىڭ سىرتقى ىستەر مينسترى ۋاڭ يي بىلاي دەدى: ساد باسقارىلمالى بومبىدان ساقتانۋ جۇيەسىنىڭ الاتىن اۋماعى وتە كەڭ، ءتىپتى ازيا ۇلى قۇرىلىعىن ءبىراق قامتۋى دا مۇمكىن. بۇل جۇڭگونىڭ ستراتەگيالىق حاۋپسىزدىك مۇددەسىن تىكەلەي زيانداپ عانا قالماستان، وسى رايونداعى وزگە ەلدەردىڭ دە حاۋپسىزدىك مۇددەسىن زيانداپ وتىر.


    وڭتۇستىك كورەيانىڭ پرافەسسورى ياڭ ۋ جىن بىلاي دەدى: وڭتۇستىك كورەيا مەن ا ق ش تىڭ باسقارىلمالى بومبىدان ساقتانۋ جۇيەسىن ورناتۋ ءىسىن اقىلداسۋىندا باسقا ءمان بار. وڭتۇستىك كورەيا جونىنەن العاندا، سولتۇستىك كورەيادان ساقتانۋ بولسام ا ق ش جونىنەن العاندا، جۇڭگو مەن رەسەيگە قاراتىلعان شىعىس سولتۇستىك ازيا باسقارىلمالى بومبىدان ساقتانۋ جۇيەسىن ورناتۋ.


    ا ق ش تىڭ وڭتۇستىك كورەياعا باسقارىلمالى بومبىدان ساقتانۋ جۇيەسىن ورناتپاقشى بولۋى وڭتۇستىك كورەيا مەديالارى مەن حالقىنىڭ قاتاڭ نارازىلىعىن قوزعاۋدا. ۇيىتكەنى بۇل جۇيە ادامداردىڭ دەنساۋلىعىنا اۋىر دارەجەدە رادياتسيالىق اسەر بەرەدى. سونىمەن قاتار بۇل ارەكەت شىعىس سولتۇستىك ازيا وڭىرىندە جاڭا قىرعي قاباقتىق جاعداي تۋىلۋىنا مۇرىندىق بولۋى مۇمكىن.


    قازىر بۇل ىسكە جۇڭگو، رەسەي، وڭتۇستىك كورەيا عانا ەمەس، ا ق ش تاعى ءبىر ءبولىم ماماندار دا قارسى شىعۋدا. ولار: بۇل ءىستىڭ تۇبەكتىڭ حاۋپسىزدىگىنە پايداسى جوق. قايشىلىقتى ونان ارى ۋشىقتىرادى. جاڭا الاۋىزدىقتاردى كەلتىرىپ شىعارادى. وسىدان بارىپ ءوڭىردىڭ حاۋپسىزدىك جۇيەسى بۇزىلادى –دەپ قاراۋدا.