ا ق ش ورتا قورعاۋ مەكەمەسىنىڭ باستىعى زالالسىز ەنەرگيانى جالعاستى دامىتاتىندىعىن ايتتى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-02-26 09:45:00


    شينحۋا اگەنتتىگىنىڭ حابارى. ا ق ش ورتا قورعاۋ مەكەمەسىنىڭ باستىعى گينا.مايكاسي 24-اقپان كۇنى بىلاي دەدى: ا ق ش بۇدان كەيىنگى بىرنەشە جىلدا زالالسىز ەنەرگيانى جالعاستى دامىتادى، سونىمەن بىرگە تۋىندامالى ەنەرگيانىڭ بازاردا ۇستايتىن مولشەرىن ۇزدىكسىز ارتتىرادى.


    مايكاسي سول كۇنى وكسفورد ەنەرگيا اپتالىعى ماجىلىسىندە بىلاي دەدى: بىلتىر تۋىندامالى بايلىقتىڭ وزىندىك قۇنى تومەندەپ، زالالسىز ەنەرگيانىڭ توك تاراتاتىن جاڭا گەناراتور تىزبەگىنىڭ سيىمدىلىعىندا ۇستايتىن سالىستىرماسى %50 تەن استى. الداعى بەس جىلدا، ا ق ش-ندا ورناتىلاتىن جەل ەنەرگياسى مەن كۇن ەنەرگياسىنان پايدالانىپ توك تاراتاتىن گەناراتور تىزبەگىنىڭ سيىمدىلىعى 100 گيۋاۋاتقا جەتكىزىلەدى، بۇل ەلەكتر سالاسىنداعى كومىرتەگى قوس توتىعىنىڭ ىعىستىرىلۋ مولشەرىن %10 ازايتادى.

 


اۋدارعان: گۇلنۇر قابىلقاق قىزى