ىشكى موڭعۇلدىڭ اۋىل شارۋاشىلىعىن قولداۋ شىعىسى بۇكىل ەل بويىنشا الدىڭعى قاتاردا تۇرادى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-02-27 22:48:00


    شينحۋا اگەنتتىگىنىڭ حابارى. ءتىلشى ىشكى موڭعۇل اۆتونوميالى رايوندىق قازىنا مەڭگەرمەسىنەن مىنانى ۇعىستى: 2015-جىلى ىشكى موڭعۇلدىڭ ەگىن، مال، ورمان شارۋاشىلىعى، سۋ ىستەرى جاقتارىنا ىستەتكەن قازىنا شىعىسى 70 ميلليارد 800 ميلليون يۋانعا جەتىپ، ۇقساس مەزگىلدەگىدەن %36.8 ارتىپ، بۇكىل رايوننىڭ الەۋمەتتىك مەجە ەسەپ شىعىسىنىڭ %16.27 ىن ۇستاپ، اۋىل شارۋاشىلىعىن قولداۋ شىعىسى بۇكىل ەلدەگى ءار قايسى ولكە، اۆتونوميالى رايون بويىنشا ەڭ الدىڭعى قاتارعا ءوتتى. تانىستىرۋعا قاراعاندا، جۋىق جىلداردان بەرى، ىشكى مۇڭعولدىڭ ءار دارەجەلى قازىناسى اۋىل شارۋاشىلىعىن، مال شارۋاشىلىعىن قولداۋدى شىعىس ءتۇيىنى ەتىپ، ەڭ الدىمەن قامتاماسىزداندىردى. 2015-جىلى، ىشكى موڭعۇل قازىنادان ەگىن، مال، ورمان شارۋاشىلىعى مەن سۋ ىستەرى جانە استىق، ماي داقىلدار بايلىعىنىڭ شىعىسىنا 10 ميلليارد 90 ميلليون يۋان ورنالاستىرىپ، %19.8 ارتتىردى، سونىمەن بىرگە ورتالىق اۋىل شارۋاشىلىعىن قولداۋعا 30 ميلليارد 860 ميلليون يۋان قارجى ءبولىپ، %29.7 ارتتى. ايماق، قالا، اۋدانداردىڭ قارجى قوسىلىم تەبىنىن ارتتىرۋىن باقىلاۋ جاعىندا، ىشكى موڭعۇل قازىنانىڭ ەگىن، مال شارۋاشىلىعىن قولداۋ قوسىلىمىن ايماق، قالا، اۋدانداردىڭ جىلدىق ناتيجە باعالاۋى، سيلاۋ ارقىلى تولىقتاما بەرۋ قارجىسى ءبولىسىنىڭ ماڭىزدى نەگىزى ەتىپ، ەگىن، مال شارۋاشىلىق كاسىبىنىڭ كىرىسىن ارتتىرۋعا كەپىلدىك ەتتى. ۇعىسۋعا قاراعاندا، قازىنامەن پارمەندى قولداۋ ارقىلى، ىشكى موڭعۇل 2015-جىلى ەگىن، مال شارۋاشىلىعىنا ءتيىمدى ءتۇرلى ساياساتتاردى دايەكتى تياناقتاندىرىپ، استىق ءوندىرىسى، ەگىنشى، مالشىلاردىڭ كىرىسىن ارتتىرۋ جانە ەكولوگيالىق وركەنيەت قۇرىلىسىن جەبەدى.


اۋدارعان: ءسانيا قازەك قىزى