ەلىمىزدىڭ باتىس بولەگىندەگى 12 ولكە، اۆتونوميالى رايون تولىق ورتا مەكتەپتى تەگىن وقىتۋدى سىناق ەتپەكشى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-03-01 18:21:00


    ءوز حابارىمىز. شاعان وتە سالىسىمەن جاڭا وقۋ ماۋسىمى باستالدى، چاڭجياڭ وزەنى بويىنداعى تۇڭعىش اۋدان چيڭحاي ولكەسى يۇيشۋ زاڭزۋ اۆتونوميالى وبلىسى جىدو اۋداندىق وقۋ-اعارتۋ مەكەمەسىنىڭ باستىعى جاشي اۋدانداعى مەكتەپتەردى باعالاۋمەن ابىگەر بولۋدا. ول قازىر مەكتەپتەردە وراسان زور وزگەرىستەر تۋىلۋدا، بۇل ەرەكشە وقىتۋدى مىقتى ۇستاپ، ساپا ونىمدىلىگىن جوعارىلاتۋ دەگەندىك،-دەدى.


    شەكارا شالعايداعى مال شارۋاشىلىق رايوندا 30 نەشە جىل وقۋ-اعارتۋمەن شۇعىلدانعان جاشي بىلاي دەدى: بيىلعى كوكتەمگى وقۋ ماۋسىمى باستالا سالىسىمەن ولكەمىزدەگى 6 ۇلتتىق اۆتونوميالى وبلىستاعى بارلىق وقۋشىلار مەن شينيڭ، حايدۇڭ قالاسىنداعى كەدەي وتباسىنداعى وقۋشىلار بالالار باقشاسىنان تارتىپ تولىق ورتا مەكتەپ ساتىسىنا دەيىنگى 10 جىلدىق وقۋدى تەگىن وقۋدىڭ جاڭا ساياساتىنان يگىلىكتەنەتىن بولدى، وسى رەتكى تەگىن وقۋدىڭ كولەمى كەڭەيىپ، ءتىپتى دە كوپ ادامدارعا سايدى، اسىرەسە تولىق ورتا مەكتەپ وقيتىن كەدەي مالشى بالاسى جونىنەن اۋىرتپالىق جەڭىلدەيتىن بولدى.


    ۇعىسۋعا قاراعاندا، جاقىنعى جىلداردان بەرى، ەلىمىزدىڭ كوپتەگەن ولكە، اۆتونوميالى رايوندارى اسىرەسە باتىس بولەكتەگى 12 ولكە، اۆتونوميالى رايون مىندەتتى وقۋ-اعارتۋدىڭ ەكىنى كەشىرىم ەتىپ، ءبىردى تولىقتاۋ نەگىزىندە، بالالار باقشاسىنان تارتىپ تولىق ورتا مەكتەپ ساتىسىنا دەيىن تەگىن تاربيەنى بىرتىندەپ سىناق ەتۋدە.


    وسىدان ىلگەرى، شيزاڭ اۆتونوميالى رايونى بالالار باقشاسى تاربيەسىنەن تارتىپ تولىق ورتا مەكتەپكە دەيىن ىشەر اس، كيەر كيىم، وقۋ اقىسى سىندى ءۇشتى كوتەرەگە الۋ ساياساتىن اتقارعان بولاتىن. ىشكى موڭعۇل، وڭتۇستىك شينجياڭ، گانسۋدىڭ گاننان قالاسى، يۇنناننىڭ حۇڭحى قالاسى، چۇڭچيڭنىڭ يۇيجۇڭ رايونى سياقتى جەرلەر تولىق ورتا مەكتەپ ساتىسىندا مەكتەپتى تەگىن وقۋدى ىسكە اسىردى.


    2016-جىلى كوكتەمگى وقۋ ماۋسىمى باستالا سالىسىمەن، چيڭحاي ولكەسىنەن تىس، سىچۋاننىڭ ۇلتتىق رايوندارىندا 15 جىلدىق تەگىن وقۋ-اعارتۋ جالپى بەتتىك اتقارىلدى، گۋاڭشي ارحيۆ تۇرعىزىلعان كەدەي وتباسىلارعا 15 جىلدىق تەگىن وقۋ-اعارتۋدان يگىلىكتەنۋدىڭ جاڭا ساياساتىن اتقاردى. شانشي جانە نيڭشيانىڭ يىڭچۋان قالاسى، گۇيجوۋدىڭ فۋچۋان قالاسى جۋىردا بيىل تولىق ورتا مەكتەپتى تەگىن وقىتۋ ساياساتىن سىناق رەتىندە اتقاراتىندىعىن جاريالادى.

    
    جاشي بىلاي دەدى: قازىر وقىتۋشى-وقۋشىلاردىڭ ءبولىس سالىستىرماسى كۇننەن-كۇنگە ۇيلەسىمدى بولىپ كەلەدى، قىزمەت ناتيجەسىنە قاراي ەڭبەكاقى بەرۋ ءتۇزىمى اتقارىلعاننان كەيىن، قارت وقىتۋشىلاردىڭ ەڭبەكاقى مامىلەسى دە جاقسارىپ، بەلسەندىلىگى ارتا ءتۇستى. وقۋشىلاردىڭ وقۋعا كىرۋ سالىستىرماسى، تۇراقتاپ وقۋ سالىستىرماسى دا كورنەكتى جوعارىلادى.

 


اۋدارعان: سانيا قازەك قىزى