جۇڭگو جىلجىمالى حابارلاسۋ سالاسىنىڭ ينتەر تورابى دۇنيە بويىنشا قولدانىلۋى ەڭ زور دانەكەرگە اينالدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-03-01 18:35:00


    شينحۋا اگەنتتىگىنىڭ حابارى. جۇڭگو ينتەر تورابى ينفورماتسيا وزەگى تاياۋدا جاريالاعان 37-رەتكى «جۇڭگونىڭ ينتەر تورابىن دامىتۋ جاعدايىن ساناققا الۋ بايانداماسىنان» مىنالار بەلگىلى بولدى: جۇڭگوداعى توراپ ابونتتارىنىڭ توراپتان يگىلىكتەنەتىن جابدىعى بىرتىندەپ قولفونعا شوعىرلانىپ، جىلجىمالى حابارلاسۋ سالاسىنىڭ ينتەر تورابى شىت جاڭا قوعامدىق تۇرمىس كۇي-جايىن قالىپتاستىردى. بىلتىر جەلتوقسان ايىنا دەيىن، ەلىمىزدە قولفون ارقىلى توراپقا شىعاتىنداردىڭ سانى 620 ميلليون ادامعا جەتىپ، توراپ ابونتتارىنىڭ %90.1 ى قولفون ارقىلى توراپتان يگىلىكتەندى. مۇنان سىرت، ءبىر ءبولىم توراپ ابونتى قولفونعا عانا سۇيەنىپ توراپقا شىعىپ، بۇلاردىڭ مولشەرى 127 ميلليون ادامعا جەتىپ، جالپى توراپ ابونتتارىنىڭ %18.5 ىن ۇستادى.


    وسىمەن قاتار باياندامادان مىنالار بەلگىلى بولدى: 2015-جىلى جىلجىمالى حابارلاسۋ سالاسىنىڭ ينتەر تورابى تەحنيكاسى مەن قولدانىلۋى تەز قارقىنمەن جالپىلاسىپ، جىلجىمالى حابارلاسۋ سالاسىنىڭ ءتۇرلى جاڭاشا قولدانىلۋى قاۋىرت مولايدى. جۇڭگو ينفورماتسيا-حابارلاسۋ ىستەرىن زەرتتەۋ اكادەمياسىنىڭ باس ينجەنەرى ءيۇي شياۋحۋي بىلاي دەدى: 2014-جىلى جىلجىمالى حابارلاسۋ سالاسىنىڭ ينتەر تورابى ارقىلى ىشكى ءوندىرىس جالپى ءونىم قۇنىنا قوسقان تىكەلەي ۇلەسى %3.8 كە جەتتى، 2020-جىلعا بارعاندا مەجەمەن %4.2 كە جەتىپ، 4 تريلليون يۋانعا تايايدى.

 


اۋدارعان: امانتاي مۇسايىپ ۇلى