ساحاراداعى توڭكەرىستىك ادەبيەت-كوركەمونەردىڭ جەڭىل اتتى اسكەرى بولا بەرەمىز--باس شۋجيدىڭ جاۋاپ حاتىن تاپسىرىپ العاننان كەيىن
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-13 08:47:00


    حالىق گازەتىنىڭ حابارى: شىلىڭگىر شىلدە ايىنداعى سونيد جايلاۋى تىم ىسىپ كەتتى، ۇلانمۇچۇر ادەبيەت-كوركەمونەر ىشكى موڭعۇلدىڭ شيلينعول ايماعى سونيد اۋدانىندا العاش قۇرىلعان بولاتىن، ۇلانمۇچۇر كوركەمونەر قوسىنىنداعىلار اۋىل-قىستاققا ٴتۇسىپ تاعى دا ويىن قويدى. بۇل ولاردىڭ بيىلعى 68-مايدان كونسەرتى ەدى، وسى رەت ولار ون نەشە اكىمشىلىك قىستاقتا ويىن قويادى. سونيد اۋدانى ۇلانمۇچۇر ادەبيەت كوركەمونەر قوسىنىنىڭ باستىعى مىڭ كىجىرعالا بىلاي دەدى: باس شۋجي شي جينپيڭ 2017-جىلى 11-ايدىڭ 21-كۇنى بىزگە جاۋاپ حات جازعاننان كەيىن، كوپشىلىك سارقىلمايتىن كۇشكە يە بولعانداي ەرەسەن شابىتتاندى. بىلتىر ٴبىز 187 مايدان ويىن قويدىق،بۇنىڭ ىشىندە اۋىل-قىستاققا 103 مايدان قويىلدى. بۇرىنعى جىلدارى اۋا رايى جاقسى بولعاندا عانا اۋىل-قىستاققا تۇسۋگە رۇقسات ەتىلەتىن، قازىر مالشىلاردىڭ قاجەتىن مۇمكىندىكتىڭ بارىنشا قاناعاتتاندىرىپ كەلەمىز.


    باس شۋجي شي جينپيڭ جاۋاپ حاتىندا بىلاي دەدى: ۇلانمۇچۇردىڭ باياندى كوركەيۋى حالىقتىڭ كوركەمونەرگە مۇقتاج ەكەنىن،ال كوركەمونەردىڭ دە حالىقتى قاجەت ەتەتىنىن ايگىلەدى. جاڭا داۋىردە سىزدەردىڭ پارتيا 19 ـ قۇرىلتايىنىڭ رۋحىن جەتەكشى ەتىپ، ۇلانمۇچۇردىڭ تاڭداۋلى ٴداستۇرىن ايگىلەپ، ٴومىردىڭ قۇنارلى توپىراعىنا تامىر تارتىپ، مالشىلار بۇقاراسىنا قىزمەت ەتىپ، ادەبيەت ـ كوركەمونەردە جاڭالىق جاراتۋدى جەبەپ، جەرلىك ورىنعا جاناسىمدى، اۋىزدان اۋىزعا تارالاتىن، كوڭىلدە قالاتىن ٴتىپتى دە كوپ تاڭداۋلى تۋىندىلاردى قۇلشىنا جاراتىپ، ساحاراداعى توڭكەرىستىك ادەبيەت-كوركەمونەر جەڭىل اتتى اسكەرلەرى بولا بەرۋگە قۇلشىنۋلارىڭىزدى ٴۇمىت ەتەمىن
سونيد اۋدانى ۇلانمۇچۇر كوركەمونەر قوسىنى 1957- جىلى 6-ايدىڭ 17-كۇنى قۇرىلعان . ۇلانمۇچۇر دۇنيەگە كەلگەندىگىنىڭ 60 جىلدىعى قارساڭىندا، كوپشىلىكتىڭ بارلىعى دا باس شۋجي شي جينپيڭگە حات جازىپ، مالىمەت بەرۋدى ارماندادى.


    60 جاسقا تولعان باۋليداۋ سۋنيت ساحاراسىندا اتى ايگىلى جىرشى، ول بىلاي دەدى: باس شۋجيدىڭ بىزگە جاۋاپ حات جازعانىن ويلاماعان ەكەنمىن. باس شۋجيدىڭ جاۋاپ حاتىن كورگەن كۇنى كەشتە مەن مالشىلار ەڭ ۇناتىپ تىڭدايتىن جىر جازىپ، سۋنيت ساحاراسىندا ٴبىزدىڭ قۋانىشىمىزدى اناعۇرلىم كوپ ادامعا ٴبولىستىم.


    58 جاستاعى قارت مۇشە ۇلجيت بىلاي دەدى: باس شۋجي جاۋاپ حات جازعاننان كەيىن كوپشىلىك قىزۋ مەرەيگە شومدى. ٴبىر رەتكى ساۋىق كەشتى بۇرىن 3 اي ۋاقىتتا ارەڭ دايىنداۋشى ەدىك، قازىر ىرىقتى تۇردە ۇستەمە جۇمىس ىستەپ 20 كۇندە دايىندايمىز. پەنسياعا شىعۋ الدىندا تۇرعان بۇل كىسىنىڭ قايراتى ٴالى قايتپاعان،جاستارداي جىگەرلى، بىلتىر 3-ايدا جاراتقان «زاڭعا بويسۇناتىن جاقسى ازامات» اتتى جىر قازىرگە دەيىن 100 نەشە مايدان قويىلدى.


    2018 ـ جىلدىڭ سوڭىندا ىشكى موڭعۇل «ۇلانمۇچۇر رۋحىن ساۋلەلەندىرىپ، حالىق اراسىنا بارۋ» سىندى نەگىزگى ساتىنىڭ جالپىلىق قىزمەت كورسەتۋ قيمىلىن ورىستەتىپ، ۇلانمۇچۇر كوركەمونەر قوسىنى ويىن قويعاندا بۇقارانىڭ شوعىرلى جينالاتىن ورايىنان پايدالانىپ، كوپتەگەن تاراۋلارمەن بىرلەسىپ، ساياساتتىق ۇگىت-لەكسيا، مادەنيەت جاقتان جەتەكشىلىك ەتۋ، ەمدەۋ جاعىنان كومەكتەسۋ، ەگىن، مال شارۋاشىلىق بىلىمدەرىن جالپىلاستىرۋ، زاڭدىق كومەك بەرۋ قاتارلى قىزمەت وتەۋ نىساندارىن بىرىكتىرىپ، شالعاي ەگىن، مال شارۋاشىلىق رايوندارىنا جالپىلىق قىزمەت وتەپ، وسى قيمىلدى اناعۇرلىم جۇيەلەندىرىپ، تۇزىمدەندىردى.
60 نەشە جىلدىق تاريحتى باستان كەشىرگەن ۇلانمۇچۇر قوسىنىنىڭ مۇشەلەرى اۋەلگى ماقساتىنان وزگەرمەدى. 77 جاستاعى باتجول سونيد اۋدانى ۇلانمۇچۇر قوسىنىنىڭ ٴبىرىنشى ۇرپاق مۇشەسى،كەزىندە 5-كەزەك قوسىن باستىعى بولعان. باتجول كۇلىپ تۇرىپ بىلاي دەدى: باس شۋجي جاۋاپ حات جازعاننان كەيىن ٴاربىر ادامنىڭ كوڭىلى نۇر شۋاققا تولدى. مەن ٴومىر بويى توڭكەرىستىك ادەبيەت-كوركەمونەر جەڭىل اتتى اسكەرى بولىپ، ۇلانمۇچۇر ىستەرىنە ٴتىپتى دە كوپ ۇلەس قوسامىن، قانشا جاپا تارتسام دا ريزامىن.


اۋدارعان: كۇلان ىرىسباي قىزى