مەملەكەتتىك حالىق قۇرىلتايى تۇراقتى كوميتەتىنىڭ نەگىزگى زاڭ الدىندا سەرت بەرۋ سالتى تۇڭعىش وتكىزىلدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-02-27 23:01:00


    ءوز حابارىمىز. 26-اقپان تۇستەن كەيىن جابىلعان 12-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 19-رەتكى ءماجىلىسى مەملەكەتتىك حالىق قۇرىلتايىنىڭ قاتىستى ارناۋلى كوميتەتىنىڭ ورىنباسار مەڭگەرۋشى جوراسى سياقتى 6 مەملەكەت قىزمەتكەرىن تاعايىندادى. ءماجىلىس جابىلعاننان كەيىن، 12-كەزەكتى مەملەكەتتىك حالىق قۇرىلتايى تۇراقتى كوميتەتى حالىق قۇرىلتاي سارايىندا نەگىزگى زاڭ الدىندا سەرت بەرۋ سالتىن تۇڭعىش وتكىزدى، كوميتەت باستىعى جاڭ دىجياڭ باسقاردى ءارى سەرتتى باقىلادى. حالىق قۇرىلتاي سارايىنىڭ 2-عيماراتىنىڭ شىعىس زالىنا مەملەكەت گەرىبى ءىلىنىپ، نارتتاي بەسجۇلدىزدى قىزىلتۋ كوزگە بىردەن كورىندى، سەرت بەرۋ تەكشەسىنە «جۇڭحۋا حالىق رەسپۋبليكاسىنىڭ نەگىزگى زاڭى» قويىلدى.سەرت بەرۋ مايدانى وتە ايبىندى دا سالتاناتتى كۇيگە ەندى، تۇستەن كەيىن ساعات بەس مولشەرىندە، مەملەكەتتىك حالىق قۇرىلتاي تۇراقتى كوميتەتىنىڭ باستىعى جاڭ دىجياڭ سەرت بەرۋ سالتىنىڭ باستالعاندىعىن جاريالادى. بارلىق جورالار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن ورىندادى. مەملەكەت ءانى اياقتالعاننان كەيىن، سەرت بەرۋشىلەردى باستاۋشى، جاڭادان تاعايىندالعان مەملەكەتتىك حالىق قۇرىلتايى قازىنا كوميتەتىنىڭ ورىنباسار مەڭگەرۋشسى ليۋ يۋان سەرت بەرۋ تەكشەسىنىڭ الدىنا كەلىپ، سول قولىن نەگىزگى زاڭنىڭ ۇستىنە قويىپ، وڭ جۇدىرىعىن كوتەرىپ، سەرت ءسوزىن وقىدى. جاڭادان تاعايىندالعان مەملەكەتتىك حالىق قۇرىلتايى تۇراقتى كوميتەتىنىڭ زاڭ-ءتۇزىم قىزمەت كوميتەتىنىڭ ورىنباسار مەڭگەرۋشىلەرى ۋاڭ چاۋيىڭ، جاڭ يۇڭ، شۇي انبياۋ، مەملەكەتتىك حالىق قۇرىلتايى تۇراقتى كوميتەتى مەجە ەسەپ قىزمەت كوميتەتىنىڭ ورىنباسار مەڭگەرۋشسى ليۋ ۋي، جۋ ميڭچۇن قاتارلىلار سەرتتى باستاۋشىنىڭ سوڭىنان قاتارعا تۇرىپ، وڭ قولدارىن كوتەرىپ، ىلەسىپ سەرت بەردى. بىلتىر شىلدەنىڭ 1-كۇنى، 12-كەزەكتى مەملكەتتىك حالىق قۇرىلتايى تۇراقتى كوميتەتىنىڭ 15-رەتكى ماجىلىسىندە نەگىزگى زاڭ الدىندا سەرت بەرۋ ءتۇزىمىن اتقارۋ جونىندەگى قاۋلى داۋىسقا سالىنىپ ماقۇلدانىپ، ءار دارەجەلى حالىق قۇرىلتايى جانە اۋدان دارەجەلىدەن جوعارى ءار دارەجەلى حالىق قۇرىلتايى تۇراقتى كوميتەتىنىڭ سايلامى نەمەسە تاعايىنداۋ بەلگىلەنگەن مەملەكەت قىزمەتكەرلەرى سونداي-اق ءار دارەجەلى حالىق ۇكىمەتى، حالىق سوتى، حالىق پروكۋراتۋراسىنىڭ تاعايىنداعان مەملەكەت قىزمەتكەرلەرى مىندەتكە وتىرعاندا نەگىزگى زاڭ الدىندا اشىق سەرت بەرەدى دەپ ايقىندالدى. بۇل نەگىزگى زاڭ الدىندا سەرت بەرۋ ءتۇزىمى بيىل قاڭتاردىڭ 1-كۇنىنەن باستاپ اتقارىلعاننان بەرى، مەملەكەتتىك حالىق قۇرىلتايى تۇراقتى كوميتەتىنىڭ تۇڭعىش وتكىزگەن سەرت بەرۋ سالتى بولدى.

 


اۋدارعان: ءسانيا قازەك قىزى