شي جينپيڭ جۇڭگودا تۇراتىن 10 ەلدىڭ جاڭادان تاعايىندالعان باس ەلشىسىنىڭ نوتاسىن قابىلدادى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2016-03-01 09:27:00


    شينحۋا اگەنتتىگىنىڭ حابارى. مەملەكەت ءتوراعاسى شي جينپيڭ اقپاننىڭ 29-كۇنى حالىق سارايىندا جۇڭگودا تۇراتىن 10 ەلدىڭ باس ەلشسىنىڭ نوتاسىن قابىلدادى.


    شي جينپيڭ ءار ەلدىڭ باس ەلشىلەرىن جۇڭگوعا كەلىپ جاڭا مىندەت اتقارۋىن قارسى الىپ، ولارعا ءارقايسى قاتىستى ەلدىڭ باسشىلارى جانە حالقىنا دەگەن شىنايى سالەمى مەن ىزگى تىلەگىن جەتكىزۋدى ءوتىندى. شي جينپيڭ جۇڭگومەن ءار ەلدىڭ تاماشا قاتىناسى جانە جۇڭگو حالقىنىڭ ءار ەل حالقىمەن تەرەڭ دوستىعىن بەلسەنە باعالاپ، جۇڭگونىڭ ءار ەلمەن قاتىناسىن دامىتۋعا ەرەكشە ءمان بەرىپ، ءداستۇرلى دوستىقتى بەكەمدەپ، ءوزارا تيىمدى سەلبەستىكتى جەبەپ، مادەنيەت اۋىس-كۇيىستى تەرەڭدەتىپ، كوپ جاقتىلى ۇيىمدارداعى سەلبەستىكتى كۇشەيتەتىندىگىن اتاپ كورسەتتى. جۇڭگو ۇكىمەتى ءار ەل ەلشىلەرىنىڭ قىزمەتىن قولداپ، ولارعا قولايلىلىق جاسايتىندىعىن، ءار قايسى ەلشىدەن مىندەت وتەگەن كەزىندە، جۇڭگونىڭ قاتىستى ەلدەرمەن قاتىناسى جانە ءتۇرلى سالاداعى سەلبەستىگىن جەبەۋگە بەلسەنە ۇلەس قوسۋدى ءۇمىت ەتتى.


    ءار ەلدىڭ ەلشىلەرى ءوز ەل باسشىلارىنىڭ شي جينپيڭگە دەگەن ىقىلاستى سالەمى مەن جۇڭگو حالقىنا دەگەن ىزگى تىلەگىن جەتكىزىپ، جۇڭگونىڭ تەز قارقىنمەن دامىعان جانە حالىقارالىق ىستەردە ساۋلەلەندىرگەن ماڭىزدى رولىن بەلسەنە باعالادى. ەلشىلەر بىلاي دەدى: ءار ەل جۇڭگومەن قاتىناسىن دامىتۋعا ءمان بەرەدى. جۇڭگودا ەلشى بولعانمىزدى ماقتانىش سەزىنەمىز، ءوز ەلىمىزدىڭ جۇڭگومەن دوستىق سەلبەستىگىن جەبەۋگە كۇش سالىپ، ءار ەل حالقىنىڭ جۇڭگو حالقىنا بولعان تۇسىنىگىن تەرەڭدەتىپ، ورتاق يگىلىككە كەنەلتۋگە كۇش سالامىز.


    سول كۇنى شي جينپيڭ حالىق سارايىندا شاڭحاي سەلبەستىك ۇيىمىنىڭ جاڭادان تاعايىندالعان باس حاتشسى الىموۆپەن كەزدەستى.

 


اۋدارعان: ءسانيا قازەك قىزى